ປະທານສະພາປະຊາຊົນແຂວງ ໃນວັນທີ 10 ເມສາຜ່ານມານີ້ ທີ່ຫ້ອງວ່າການແຂວງຈຳປາສັກ ເນື່ອງໃນໂອກາດ ສົ່ງທ້າຍປີເກົ່າ, ຕ້ອນຮັບປີໃໝ່ລາວ ພ.ສ 2568.
ທ່ານ ນາງ ຕະ ເຟືອງ ຢຸ້ງ ໄດ້ນຳເອົາຄຳອວຍພອນໄຊອັນປະເສີດ ມາຍັງບັນດາທ່ານການນຳ ຕະຫຼອດຮອດ ປະຊາຊົນ ຊາວແຂວງຈຳປາສັກ ໃນໂອກາດຂຶ້ນປີໃໝ່ລາວ ພ.ສ 2568 ຈົ່ງມີສຸຂະພາບແຂງແຮງ, ມີພາລະນາໄມສົມບູນ, ມີຜົນສໍາເລັດໃນໜ້າທີ່ການງານທຸກປະການ, ສືບຕໍ່ພັດທະນາເສດຖະກິດ-ສັງຄົມຂອງແຂວງຈຳປາສັກ ກ້າວຂຶ້ນຢ່າງບໍ່ຢຸດຢັ້ງ, ພ້ອມກັນນັ້ນ ທ່ານກົງສູນໃຫຍ່ແຫ່ງ ສສ ຫວຽດນາມ ປະຈຳພາກໃຕ້ຂອງລາວ ໄດ້ລາຍງານເຖິງ ແຜນວຽກໃນຕໍ່ໜ້າ, ໂດຍສະເພາະ ການກະກຽມ ກອງປະຊຸມ ຮ່ວມມື ດ້ານການຄ້າ, ການລົງທຶນ ແລະ ການທ່ອງທ່ຽວ ເພື່ອຊຸກຍູ້ແລວທາງເສດຖະກິດ ທີ່ ຈະໄດ້ຈັດຂຶ້ນໃນມໍ່ໆນີ້.
ທ່ານ ສາຍທອງ ໄຊຍະວົງ ໄດ້ສະແດງຄວາມຂອບໃຈ ຕໍ່ຄຳອວຍພອນ ຂອງທ່ານກົງສູນໃຫຍ່ ແຫ່ງ ສສ ຫວຽດນາມ ປະຈຳພາກໃຕ້ຂອງລາວ ພ້ອມຄະນະ ຊຶ່ງຍາມໃດກໍເຫັນໄດ້ເຖິງຄວາມສໍາຄັນ ແລະ ໃຫ້ການຮ່ວມມືຢ່າງຮອບດ້ານຜ່ານມາ, ພ້ອມນັ້ນ ທ່ານຍັງໄດ້ຕີລາຄາສູງຕໍ່ຜົນງານເປັນໃຈກາງ ປະສານງານ ຊ່ວຍຮັດແໜ້ນຄວາມສາມັກຄີ ແລະ ຜັນຂະຫຍາຍການຮ່ວມມື ລະຫວ່າງ ບັນດາແຂວງພາກໃຕ້ ຂອງ ສປປ ລາວ ກັບ ບັນດາແຂວງຂອງ ສສ ຫວຽດນາມ ໂດຍສະເພາະ ກັບ ແຂວງຈຳປາສັກ ແລະ ໃນໂອກາດປີໃໝ່ລາວ ພ.ສ 2568 ທີ່ຈະມາເຖິງ ຂໍອວຍພອນແດ່ ທ່ານກົງສູນໃຫຍ່, ການນຳພັກ-ລັດ ແລະ ປະຊາຊົນ ຫວຽດນາມ ຈົ່ງມີສຸຂະພາບແຂງແຮງ ມີພາລະນາໄມສົມບູນ ມີຜົນສຳເລັດໃນໜ້າທີ່ການງານທຸກປະການ, ອວຍພອນແດ່ ສາຍພົວພັນ, ມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ ປະຊາຊົນສອງຊາດ ເວົ້າລວມ, ເວົ້າສະເພາະ ແຂວງຈຳປາສັກ ໃຫ້ໝັ້ນຄົງ ຕະຫຼອດໄປ.
(ຂ່າວ: ທັດຊະນະ)
ຄໍາເຫັນ