ແລະ ຕ້ານຢາເສບຕິດຂັ້ນສູນກາງ ເປັນກຽດກ່າວມອບໂດຍທ່ານ ພົຈວ ບົວພັນ ຟອງມະນີ ຫົວໜ້າກອງບັນຊາການປ້ອງກັນຄວາມສະຫງົບ(ປກສ) ນວທັງເປັນຮອງປະທານສະພາບໍລິຫານກອງທຶນຄວບຄຸມສະກັດກັ້ນ ແລະຕ້ານຢາເສບຕິດ ນວ, ຕາງໜ້າກ່າວຮັບຂອງທ່ານ ພັອ ສາລີ ພຸດທະວົງ ຮອງຫົວໜ້າກົມໃຫຍ່ຕໍາຫຼວດຄະນະຊີ້ນໍາສະພາບໍລິຫານກອງທຶນຄວບຄຸມສະກັດກັ້ນ ແລະ ຕ້ານຢາເສບຕິດຂັ້ນສູນກາງ, ມີບັນດາຄະນະກອງທຶນ, ກອງເລຂາຂັ້ນສູນກາງ ແລະ ນວ ພ້ອມດ້ວຍພະນັກງານຫຼັກແຫຼ່ງກ່ຽວຂ້ອງເຂົ້າຮ່ວມ.
ໂອກາດນີ້, ທ່ານ ພົຈວ ບົວພັນ ຟອງມະນີ ກ່າວວ່າ: ກອງທຶນຄວບຄຸມສະກັດກັ້ນ ແລະ ຕ້ານຢາເສບຕິດ ນວໄດ້ຮັບອະນຸມັດສ້າງຕັ້ງຂຶ້ນຕາມຂໍ້ຕົກລົງສະບັບເລກທີ0525/ຈນວ, ລົງວັນທີ 2 ມິຖຸນາ 2015 ແລະ ໄດ້ມີການລະດົມທຶນຈາກສັງຄົມ ແລະ ການຂາຍຊັບສິນຂອງລັດ ເພື່ອນໍາເຂົ້າກອງທຶນໃນການສະໜອງໃຫ້ວຽກງານຄວບຄຸມສະກັດກັ້ນ ແລະ ຕ້ານຢາເສບຕິດຢູ່ນວຕົ້ນປີ 2017 ໄດ້ມີການມອບໂອນວຽກກວດກາ ແລະ ຄວບຄຸມຢາເສບຕິດມາຂຶ້ນກັບກອງບັນຊາການ ປກສ ກໍຄືຫ້ອງຕຳຫຼວດ.ມາຮອດປີ 2020 ໄດ້ມີການປັບປຸງຄະນະກອງທຶນຕາມທິດຊີ້ນໍາຂອງທ່ານເຈົ້າຄອງ ນວ ພ້ອມທັງເຄື່ອນໄຫວປະສານສົມທົບຕາມພາລະບົດບາດ ສິດ-ໜ້າທີ່ປີ 2021 ໄດ້ເປີດບັນຊີເງິນກອງທຶນຢູ່ຄັງເງິນແຫ່ງຊາດປະຈຳ ນວ ຕາມການຕົກລົງ ແລະ ໄດ້ເຄື່ອນໄຫວນັບແຕ່ 2021 ເປັນຕົ້ນມາ. ຜ່ານການຈັດຕັ້ງປະຕິບັດເຄື່ອນໄຫວຂອງສະພາບໍລິຫານກອງທຶນຄວບຄຸມ, ສະກັດກັ້ນແລະຕ້ານຢາເສບຕິດ ນວນັບແຕ່ປີ 2021-2023 ໄດ້ມີຍອດເງິນເຂົ້າໃນບັນຊີຕົວຈິງທີ່ເຫຼືອຈາກການຫັກ 30% ເຂົ້າງົບປະມານຂອງລັດແລ້ວ ຍັງເຫຼືອ 70% ທີ່ຂະແໜງຄຸ້ມຄອງຊັບສິນຂອງລັດໄດ້ໂອນເຂົ້າໃນບັນຊີຢູ່ຄັງເງິນແຫ່ງຊາດປະຈຳ ນວ ມີຈໍານວນ 6.643.658.590 ກີບ ແລະ ແບ່ງ 10% ມອບໃຫ້ກອງທຶນຂັ້ນສູນກາງຈໍານວນ 664.365.859 ກີບ. ສໍາລັບທິດທາງໃນຕໍ່ໜ້າ ຈະສືບຕໍ່ເຄື່ອນໄຫວຕາມພາລະບົດບາດສິດໜ້າທີ່ຕາມຂໍ້ຕົກລົງ 377/ຈນວ(ປັບປຸງ)2024 ເພື່ອຈັດຕັ້ງປະຕິບັດຕາມດຳລັດ 267/ລບ ແລະ ລະບຽບກອງທຶນ ນວ ໃຫ້ມີສິດທິພາບ, ປະສິດທິຜົນດີຂຶ້ນເທື່ອລະກ້າວ ແລະ ໃຫ້ມີຄວາມເຂັ້ມແຂງຍືນຍົງດີຂຶ້ນກວ່າເກົ່າ.
ຂ່າວ: ຮອ ທອງລາ ເມືອງນັນໂທ
ຄໍາເຫັນ