ທ່ານ ເອມິລີ ຄາຣໄລ ນັກວິທະຍາສາດຈາກຫ້ອງການອຸຕຸນິຍົມວິທະຍາຂອງອັງກິດ ໄດ້ອະທິບາຍວ່າ: ອຸນຫະ ພູມດັ່ງກ່າວແມ່ນເປັນຜົນມາຈາກຫຼາຍປັດໃຈລວມກັນ, ປະກອບດ້ວຍອິດທິພົນຂອງລະບົບຄວາມກົດດັນອາກາດສູງ, ທະເລທີ່ອຸ່ນຜິດປົກກະຕິໃນທົ່ວປະເທດ ແລະ ດິນແຫ້ງໃນລະດູໃບໄມ້ປົ່ງ ຊຶ່ງເງື່ອນໄຂເຫຼົ່ານີ້ໄດ້ສ້າງສະພາບແວດລ້ອມທີ່ຄວາມຮ້ອນສະສົມຢ່າງໄວວາ ແລະ ຍັງຄົງຢູ່, ໂດຍມີທັງອຸນຫະພູມສູງສຸດ ແລະ ຕໍ່າສຸດ ສູງກວ່າຄ່າສະເລ່ຍຢ່າງຫຼວງຫຼາຍ.
ນອກຈາກນັ້ນ, ລະດູຮ້ອນທີ່ຮ້ອນທີ່ສຸດ 5 ອັນດັບ ໃນປະຫວັດສາດໄດ້ເກີດຂຶ້ນນັບຕັ້ງແຕ່ປີ 2000 ຊຶ່ງເປັນສັນຍານທີ່ຊັດເຈນຂອງພາວະໂລກຮ້ອນ.
ທັງນີ້, ນັກວິທະຍາສາດດ້ານສະພາບອາກາດຂອງຫ້ອງການດັ່ງກ່າວ ກ່າວວ່າ: ຫາກບໍ່ມີການປ່ອຍອາຍແກ໊ສເຮືອນແກ້ວທີ່ເກີດຈາກມະນຸດ, ລະດູຮ້ອນທີ່ຮ້ອນລະດັບປີ 2025 ຈະເກີດຂຶ້ນພຽງຄັ້ງດຽວໃນຮອບປະມານ 340 ປີ. ແຕ່ ພາຍໃຕ້ເງື່ອນໄຂໃນປັດຈຸບັນ, ຄວາມຮ້ອນທີ່ຮຸນແຮງດັ່ງກ່າວມີທ່າອ່ຽງທີ່ຈະເກີດຂຶ້ນປະມານໜຶ່ງຄັ້ງໃນທຸກໆ 5 ປີ ຊຶ່ງມີໂອກາດເກີດຂຶ້ນໄດ້ຫຼາຍກວ່າໃນສະພາບອາກາດຕາມທຳມະຊາດ ປະມານ 70 ເທົ່າ.
ຄໍາເຫັນ