ລາຄາຄໍາຂອງໂລກຍັງສືບຕໍ່ເພີ່ມຂຶ້ນໃນຮອບການຊື້-ຂາຍ

ລາຄາຄໍາຂອງໂລກສືບຕໍ່ເພີ່ມຂຶ້ນຕາມສັນຍານຈາກເສດຖະກິດ ສະຫະລັດ ອາເມຣິກາ

14:11 11/10/2024

ຂ່າວສານຫວຽດນາມລາຍງານຫວ່າງມໍ່ໆມານີ້ວ່າ: ລາຄາຄໍາຂອງໂລກຍັງສືບຕໍ່ເພີ່ມຂຶ້ນໃນຮອບການຊື້-ຂາຍ ໃນວັນທີ 10ຕຸລາ ຜ່ານມາ,

ຫຼັງຈາກນັກລົງທຶນຄາດວ່າທະນາຄານກາງ ສະຫະລັດ ອາເມຣິກາ (Fed) ຈະຫຼຸດອັດຕາດອກເບ້ຍໃນເດືອນໜ້າ ຫຼັງຈາກ ສະຫະລັດ ອາເມຣິກາ ໄດ້ປະກາດຂໍ້ມູນເສດຖະກິດຫຼ້າສຸດ.

ຂ່າວລະບຸວ່າ: ລາຄາຄຳ ເພີ່ມຂຶ້ນ 0,6% ເປັນ 2,623.58 ໂດລາ/ອອນ ໃນຮອບ 1 ໂມງເຊົ້າ (ຕາມເວລາຫວຽດນາມ), ເປັນການຢຸດຕິການຫຼຸດລົງ 6 ຮອບຕິດຕໍ່ກັນ. ລາຄາຄຳໃນອະນາຄົດຂອງ ສະຫະລັດ ອາເມຣິກາ ເພີ່ມຂຶ້ນ 0,5% ເປັນ 2,639.30 ໂດລາ/ອອນ.

ໃນບົດລາຍງານດັດຊະນີລາຄາຜູ້ບໍລິໂພກ (CPI) ຂອງ ສະຫະລັດ ອາເມຣິກາ ໄດ້ສະແດງໃຫ້ເຫັນວ່າມີການເພີ່ມຂຶ້ນເລັກນ້ອຍກວ່າທີ່ຄາດຄະເນໄວ້ໃນເດືອນກັນຍາ 2024. ຈໍານວນໃບຄໍາຮ້ອງຂໍຮັບສະຫວັດດີການວ່າງງານຂອງ ສະຫະລັດ ອາເມຣິກາປະຈໍາອາທິດ ເພີ່ມຂຶ້ນເປັນ 258,000 ໃບ ໃນອາທິດທີ່ສິ້ນສຸດໃນວັນທີ 5 ເດືອນຕຸລາ ຜ່ານມາ, ສູງກວ່າລະດັບທີ່ຄາດຄະເນໄວ້ວ່າຈະມີ 230,000 ໃບ.

ທ່ານ ອາເລັກ ເອັບຄາຣຽນ ຜູ້ອຳນວຍການຂອງ Allegiance Gold ກ່າວວ່າ: ບົດລາຍງານ CPI ບໍ່ໄດ້ນໍາເອົາຄວາມແປກໃຈ ແລະ ຂໍ້ມູນວຽກທີ່ອ່ອນແອສະແດງໃຫ້ເຫັນວ່າ Fed ແມ່ນຢູ່ໃນເສັ້ນທາງທີ່ຈະປັບຫຼຸດອັດຕາດອກເບ້ຍຊຶ່ງຊ່ວຍໃຫ້ລາຄາຄໍາເພີ່ມຂຶ້ນ. ທ່ານກ່າວຕື່ມວ່າ: "ສອງສາມມື້ຜ່ານມານີ້, ລາຄາຄໍາໄດ້ຄົງທີ່. ດັ່ງນັ້ນ, ນີ້ແມ່ນສະພາບທີ່ດີທີ່ລາຄາຄຳຈະຟື້ນຕົວ. ການເພີ່ມຂຶ້ນຂອງຄວາມເຄັ່ງຕຶງທາງດ້ານພູມສາດດ້ານການເມືອງ ແລະຄວາມຕ້ອງການຊື້ຄໍາທີ່ເຂັ້ມແຂງຂອງທະນາຄານກາງ ແມ່ນອີກປັດໃຈໜຶ່ງທີ່ສະໜັບສະໜູນລາຄາຄໍາ.

ຄໍາເຫັນ

ຂ່າວຕ່າງປະເທດ

ມະຫາວິທະຍາໄລ ຕ້ອງປັບຮູບແບບການສຶກສາໃຫ້ຮັບມືກັບຍຸກຂອງ AI

07/07/2026 14:14

ສຳນັກຂ່າວສານຊິນຮວາລາຍງານ ໃນວັນທີ 5 ກໍລະກົດ ຜ່ານມາວ່າ: ຜົນການສຶກສາຈາກມະຫາວິທະຍາໄລແມນເຊສເຕີ ປະເທດອັງກິດ ທີ່ເຜີຍແຜ່ໃນວັນທີ 3 ກໍລະກົດຜ່ານມາລະບຸວ່າ, ມະຫາວິທະຍາໄລຫຼາຍແຫ່ງຈຳເປັນຕ້ອງທົບທວນຄືນໃໝ່ ກ່ຽວກັບວິທີການສຶກສາໃຫ້ກັບນັກສາໃນໂລກທີ່ປັນຍາປະດິດ (AI) ກຳລັງປ່ຽນແປງວິທີການເຮັດວຽກຢ່າງໄວວາ. ໂດຍລະບຸວ່າ, ການເຕີບໂຕຂອງ AI ຈຳເປັນຕ້ອງມີການປ່ຽນແປງໃນການສຶກສາຊັ້ນສູງທີ່ສຸມໃສ່ການພັດທະນາທັກສະການຄິດຢ່າງມີວິຈາລະນະຍານ, ການຕັດສິນໃຈບົນພື້ນຖານດ້ານຈັນຍາບັນ ແລະ ທັກສະການສື່ສານທີ່ດີຂຶ້ນ.

ກອງປະຊຸມສົນທະນາກ່ຽວກັບການຄຸ້ມຄອງປັນຍາປະດິດທົ່ວໂລກ

07/07/2026 13:42

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 6 ກໍລະກົດ ຜ່ານມາ, ກອງປະຊຸມສົນທະນາກ່ຽວກັບການຄຸ້ມຄອງປັນຍາປະດິດທົ່ວໂລກຄັ້ງທໍາອິດໄດ້ຈັດຂຶ້ນຢູ່ນະຄອນເຊີແນວ ປະເທດສະວິດ, ມີຜູ້ຕາງໜ້າຈາກທົ່ວໂລກເຂົ້າຮ່ວມປະມານ 1,500 ທ່ານ ເພື່ອແລກປ່ຽນຄໍາເຫັນກ່ຽວກັບການຄຸ້ມຄອງປັນຍາປະດິດ.

OPEC+ ເພີ່ມການຜະລິດນ້ຳມັນໃນເດືອນສິງຫາ ຂຶ້ນ 188,000 ບາເຣວຕໍ່ມື້

07/07/2026 11:55

ສຳນັກຂ່າວສານຊິນຮວາ ລາຍງານ ໃນວັນທີ 6 ກໍລະກົດ ຜ່ານມາວ່າ: OPEC+ ຫຼື ກຸ່ມພັນທະມິດຜູ້ສົ່ງອອກນ້ຳມັນຂອງ OPEC, ໄດ້ຕົກລົງທີ່ຈະເພີ່ມເພດານການຜະລິດນ້ຳມັນໃນເດືອນສິງຫາຂຶ້ນ 188,000 ບາເຣວຕໍ່ມື້ ເມື່ອທຽບກັບເພດານການຜະລິດໃນເດືອນກໍລະກົດ, ຫຼັງຈາກກອງປະຊຸມລະຫວ່າງຊາອຸດິດ ອາຣັບບີ, ຣັດເຊຍ, ອີຣັກ, ກູເວດ, ກາຊັກສະຖານ, ອານເຊຣີ ແລະ ໂອມັນ ເພື່ອທົບທວນສະພາບ ແລະ ທ່າອ່ຽງຂອງຕະຫຼາດນ້ຳມັນໂລກ.

6 ເດືອນຕົ້ນປີ ເສັ້ນທາງລົດໄຟແຫ່ງຊາດຈີນ ຂົນສົ່ງສິນຄ້າໄດ້ 2 ຕື້ 15 ລ້ານໂຕນ

07/07/2026 11:52

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 6 ກໍລະກົດ ຜ່ານມາວ່າ: ແຫຼ່ງຂ່າວຈາກກຸ່ມບໍລິສັດທາງລົດໄຟແຫ່ງຊາດຈີນຈໍາກັດແຈ້ງໃຫ້ຮູ້ໃນວັນທີ 5 ກໍລະກົດ ຜ່ານມາວ່າ, 6 ເດືອນຕົ້ນປີນີ້, ເສັ້ນທາງລົດໄຟແຫ່ງຊາດຂອງຈີນສາມາດຂົນສົ່ງສິນຄ້າໄດ້ 2 ຕື້ 15 ລ້ານໂຕນ, ເພີ່ມຂຶ້ນ 1.8% ເມື່ອທຽບໃສ່ໄລຍະດຽວກັນຂອງປີກາຍ.

ອິນໂດເນເຊຍ ຂະຫຍາຍການປູກພືດອາຫານສັດທີ່ທົນຕໍ່ໄພແຫ້ງແລ້ງ

06/07/2026 13:30

ສຳນັກຂ່າວສານຊິນຮວາ ລາຍງານໃນທ້າຍອາທິດຜ່ານມາວ່າ: ກະຊວງກະສິກຳອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍກຳລັງຂະຫຍາຍການປູກພືດອາຫານສັດທີ່ທົນທານຕໍ່ຄວາມແຫ້ງແລ້ງ ແລະ ມີໂປຣຕີນສູງ ເພື່ອຮັບປະກັນຄວາມໝັ້ນຄົງຂອງການສະໜອງພືດອາຫານສັດ ທ່າມກາງການຂາດແຄນທົ່ງຫຍ້າລ້ຽງສັດທີ່ເກີດຈາກປະກົດການແອວນີໂຢ.

ຣັດເຊຍ ພັດທະນາລະບົບລະບຸຕົວຕົນໂດຣນ ແລະ ບັງຄັບໃຫ້ລົງຈອດທັນທີ

06/07/2026 12:03

ຂ່າວຕ່າງປະເທດລາຍງານໃນວັນທີ 5 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຂອງຣັດເຊຍລາຍງານເມື່ອບໍ່ດົນມານີ້ວ່າ, ບໍລິສັດພາຍໃນປະເທດໄດ້ພັດທະນາລະບົບການລະບຸຕົວຕົນເຮືອບິນບໍ່ມີຄົນຂັບ ຫຼື ໂດຣນ ທີ່ມີຊື່ວ່າ: ປຸ່ມແດງ "Red Button" ຊຶ່ງສາມາດບັງຄັບໃຫ້ໂດຣນພົນລະເຮືອນລົງຈອດໄດ້ທັນທີໃນສະຖານະການສຸກເສີນ.

ຍີ່ປຸ່ນ ພິຈາລະນາຂຶ້ນຄ່າທຳນຽມທີ່ຢູ່ອາໄສສຳລັບຄົນຕ່າງປະເທດ

06/07/2026 11:58

ສຳນັກຂ່າວສານຊິນຮວາລາຍງານໃນທ້າຍອາທິດຜ່ານມາວ່າ: ສຳນັກງານກວດຄົນເຂົ້າເມືອງຍີ່ປຸ່ນໄດ້ປະກາດຮ່າງຄຳສັ່ງຄະນະລັດຖະມົນຕີເພື່ອເພີ່ມຄ່າທຳນຽມສຳລັບຄົນຕ່າງປະເທດທີ່ຕ້ອງການປ່ຽນ ຫຼື ຕໍ່ອາຍຸສະຖານະພາບການຢູ່ອາໄສຈາກ 6,000 ເຢນ ໃນປັດຈຸບັນ ເປັນ 75,000 ເຢນ. ໂດຍຄ່າທຳນຽມ ໃໝ່ສຳລັບການປ່ຽນແປງສະຖານະພາບການຢູ່ອາໄສຊົ່ວຄາວ ແລະ ການຕໍ່ອາຍຸການຢູ່ອາໄສຈະຢູ່ລະຫວ່າງ 10,000 ຫາ 75,000 ເຢນ ຂຶ້ນກັບໄລຍະເວລາພັກເຊົາ.

ຈີນ ສົ່ງອອກຫຸ່ນຍົນມະນຸດໄປຍັງ 150 ກວ່າປະເທດ ແລະ ເຂດແຄວ້ນທົ່ວໂລກ

06/07/2026 11:20

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 5 ກໍລະກົດ ຜ່ານມາວ່າ: ນັບແຕ່ຕົ້ນປີເປັນຕົ້ນມາ, ການສົ່ງອອກຫຸ່ນຍົນມະນຸດຂອງຈີນໄດ້ເພີ່ມຂຶ້ນຢ່າງຕໍ່ເນື່ອງ ແລະ ໄດ້ປັບປຸງອົງປະກອບປະເພດໃຫ້ສົມບູນຂຶ້ນເລື້ອຍໆ ຊຶ່ງໄດ້ເພີ່ມພະລັງຂັບເຄື່ອນໃໝ່ໃຫ້ແກ່ການສົ່ງອອກຜະລິດຕະພັນລະດັບສູງ.

6 ເດືອນຕົ້ນປີ ຫວຽດນາມ ມີລາຍຮັບຈາກແຂກທ່ອງທ່ຽວ 9 ຕື້ໂດລາ

06/07/2026 11:16

ວິທະຍຸກະຈາຍສຽງຫວຽດນາມລາຍງານ ໃນວັນທີ 5 ກໍລະກົດ ຜ່ານມາວ່າ: ຕາມໂຕເລກຂອງກົມສະຖິຕິ (ກະຊວງການເງິນ ຫວຽດນາມ) ທີ່ຫາກໍປະກາດແລ້ວ, ໃນເດືອນມິຖຸນາ 2026 ຫວຽດນາມ ໄດ້ຕ້ອນຮັບແຂກທ່ອງທ່ຽວສາກົນປະມານ 1,7 ລ້ານເທື່ອຄົນ. ໄລ່ລວມ 6 ເດືອນຂອງປີ 2026, ຈຳນວນແຂກທ່ອງທ່ຽວມາຢ້ຽມຢາມ ຫວຽດນາມ ບັນລຸເກືອບ 12.3 ລ້ານເທື່ອຄົນ, ມີລາຍຮັບ 9 ຕື້ກວ່າໂດລາ. ດ້ວຍໝາກຜົນດັ່ງກ່າວ, ຂະແໜງທ່ອງທ່ຽວ ຫວຽດນາມ ໄດ້ປະຕິບັດສຳເລັດເກືອບ 50% ເປົ້າໝາຍຕ້ອນຮັບແຂກທ່ອງທ່ຽວສາກົນ 25 ລ້ານເທື່ອຄົນໃນປີນີ້.

ບົດຮຽນຈາກການພັດທະນາຂອງພັກກອມມູນິດຈີນ ໃນເວລາ 105 ປີຜ່ານມາ

04/07/2026 11:49

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນເວລາຫຼາຍກວ່າໜຶ່ງສະຕະວັດຜ່ານມາ, ພັກກອມມູນິດຈີນໄດ້ຮັກສາຄວາມເຂັ້ມແຂງ ແລະ ຄວາມມີຊີວິດຊີວາຕະຫຼອດໄປ, ໄດ້ນຳພາປະຊາຊົນຈີນສ້າງຜົນສຳເລັດດ້ານການພັດທະນາທີ່ປະຈັກຕາຊາວໂລກ. ຜົນສຳເລັດເຫຼົ່ານີ້ບໍ່ພຽງແຕ່ມີຄວາມໝາຍສຳຄັນຕໍ່ຈີນເທົ່ານັ້ນ ແຕ່ຍັງເປັນບົດຮຽນທີ່ສຳຄັນສຳລັບຫຼາຍປະເທດກຳລັງພັດທະນາ.

ເພີ່ມເຕີມ