ລາຄານໍ້າມັນແອັດຊັງ ໃນຍີ່ປຸ່ນຫຼຸດລົງຕໍ່າສຸດໃນຮອບ 5 ປີ

12:18 30/05/2025

ຂ່າວຕ່າງປະເທດລາຍງານໃນວັນທີ 29 ພຶດສະພາ ຜ່ານມາວ່າ: ກະຊວງເສດຖະກິດ, ການຄ້າ ແລະ ອຸດສາຫະກຳຍີ່ປຸ່ນ ລາຍງານວ່າ: ລາຄາຂາຍຍ່ອຍນ້ຳມັນແອັດຊັງທຳມະດາໃນຍີ່ປຸ່ນໄດ້ຫຼຸດລົງຕ່ຳກວ່າ 180 ເຢນຕໍ່ລິດ ຊຶ່ງເປັນລະດັບຕ່ຳສຸດໃນຮອບ 5 ເດືອນ, ໄດ້ສະທ້ອນເຖິງຜົນດີຂອງໂຄງການອຸດໜູນລາຄານ້ຳມັນເຊື້ອໄຟຂອງລັດຖະບານ.

ກະຊວງດັ່ງກ່າວໃຫ້ຮູ້ວ່າ: ລາຄານ້ຳມັນແອັດຊັງ ສະເລ່ຍຕາມປ້ຳໃນທົ່ວປະເທດແມ່ນ 177,6 ເຢນຕໍ່ລິດໃນວັນທີ 26 ພຶດສະພາ ຜ່ານມາ, ຫຼຸດລົງ 4,5 ເຢນຈາກອາທິດກ່ອນ ໜ້າ ແລະ ຖືເປັນລະດັບຕ່ຳສຸດນັບແຕ່ວັນທີ 16 ທັນວາ 2024.

ລາຍງານລະບຸວ່າ: ທັງ 47 ແຂວງໃນຍີ່ປຸ່ນລາຍງານລາຄານໍ້າມັນເຊື້ອໄຟສະເລ່ຍຫຼຸດລົງ, ໂດຍແຂວງໂອກາຍາມະ ຫຼຸດລົງຫຼາຍທີ່ສຸດເມື່ອທຽບອາທິດຕໍ່ອາທິດທີ່ 10.6 ເຢນ, ໃນຂະນະທີ່ແຂວງໂອກິນາວາ ຫຼຸດລົງໜ້ອຍທີ່ສຸດແມ່ນ 1.6 ເຢນ.

ໃນວັນທີ 22 ພຶດສະພາ ຜ່ານມາ, ລັດຖະບານຍີ່ປຸ່ນໄດ້ເລີ່ມດຳເນີນໂຄງການອຸດໜູນລາຄານ້ຳມັນເຊື້ອໄຟຮອບໃໝ່ ເພື່ອບັນເທົາຄ່າຄອງຊີບຂອງປະຊາຊົນ. ໂດຍມີເປົ້າໝາຍຫຼຸດລາຄານ້ຳມັນແອັດຊັງລົງ 10 ເຢນຕໍ່ລິດພາຍໃນກາງເດືອນມິຖຸນາ.

ຄໍາເຫັນ

ຂ່າວຕ່າງປະເທດ

ສະຫະພາບເອີຣົບຍົກເລີກການລົງໂທດດ້ານເສດຖະກິດຕໍ່ຊີຣີ

30/05/2025 12:17

ຂ່າວສານຊີອາໄອລາຍງານວ່າ: ໃນວັນທີ 28 ພຶດສະພາ ຜ່ານມາ, ສະຫະພາບເອີຣົບໄດ້ຍົກເລີກການລົງໂທດດ້ານເສດຖະກິດທັງໝົດທີ່ມີຕໍ່ຊີຣີ, ມີພຽງແຕ່ຮັກສາໄວ້ການລົງໂທດດ້ານຄວາມໝັ້ນຄົງ.

ສະຫະພາບເອີຣົບຍົກເລີກການລົງໂທດດ້ານເສດຖະກິດຕໍ່ຊີຣີ

30/05/2025 12:17

ກຳລັງຕິດຕັ້ງເຄື່ອງຜະລິດໄຟຟ້າພະລັງງານລົມທົ່ວໄປະເທດຈີນ ສ້າງສະຖິຕິສູງສຸດໃນປະຫວັດສາດ

30/05/2025 12:16

ຂ່າວສານຊີອາໄອ ລາຍງານວ່າ: ບົດລາຍງານການພັດທະນາພະລັງງານໝູນວຽນຂອງຈີນໃນປີ 2024 ທີ່ປະກາດໃນວັນທີ 28 ພຶດສະພາ ຜ່ານມານີ້ໄດ້ສະແດງໃຫ້ເຫັນວ່າ: ໃນປີ 2024 ກຳລັງຕິດຕັ້ງເຄື່ອງຜະລິດໄຟຟ້າພະລັງງານໝູນວຽນໃນທົ່ວປະເທດຈີນໄດ້ສ້າງສະຖິຕິສູງສຸດໃນປະຫວັດສາດ ຊຶ່ງກວມຫຼາຍກວ່າ 60% ໃນການຕິດຕັ້ງພະລັງງານໝູນວຽນຂອງທົ່ວໂລກ. ຄາດວ່າໃນປີນີ້ກຳລັງຕິດຕັ້ງເຄື່ອງຜະລິດໄຟຟ້າພະລັງລົມແລະແສງຕາເວັນຈະເພີ່ມຂຶ້ນອີກ 280 ລ້ານກິໂວວັດ.

Apple ສະກັດກັ້ນການເຮັດທຸລະກໍາສໍ້ໂກງ 9 ຕື້ກວ່າໂດລາ ໃນໄລຍະ 5 ປີ

29/05/2025 11:37

ຂ່າວຕ່າງປະເທດລາຍງານ ໃນວັນທີ 28 ພຶດສະພາ ຜ່ານມາ; ບົດລາຍງານການວິເຄາະການສໍ້ໂກງ ປະຈຳປີຂອງ App Store ໂດຍບໍລິສັດ Apple ໄດ້ເປີດເຜີຍວ່າ: App Store ຊຶ່ງມີຜູ້ເຂົ້າຊົມໃຊ້ຫຼາຍກວ່າ 813 ລ້ານຄົນຕໍ່ອາທິດ ສາມາດປົກປ້ອງຜູ້ໃຊ້ງານຈາກການເຮັດທຸລະກຳການສໍ້ໂກງ ມູນຄ່າທັງໝົດ 9 ຕື້ໂດລາ ໃນໄລຍະ 5 ປີຜ່ານມາ, ໂດຍໃນປີ 2024 ພຽງປີດຽວສາມາດສະກັດກັ້ນການເຮັດທຸລະກຳສໍ້ໂກງໄດ້ຫຼາຍກວ່າ 2 ຕື້ໂດລາ.

ຄາດວ່າ ຕີມໍເລັດສະເຕ ຈະກາຍເປັນປະເທດສະມາຊິກອາຊຽນຢ່າງເປັນທາງການພາຍໃນປີນີ້

29/05/2025 11:35

ຂ່າວສານຊີອາໄອລາຍງານວ່າ: ໃນວັນທີ 27 ພຶດສະພາ ຜ່ານມາ, ກອງປະຊຸມສຸດຍອດອາຊຽນຄັ້ງທີ 46 ໄດ້ປິດລົງຢ່າງເປັນທາງການຢູ່ນະຄອນຫຼວງກົວລາລຳເປີ ປະເທດມາເລເຊຍ. ທ່ານ ອັນວາ ອິບຣາຮິມ ນາຍົກລັດຖະມົນຕີມາເລເຊຍຢືນຢັນວ່າ, ຄາດວ່າຕີມໍເລັດສະເຕ ຈະກາຍເປັນປະເທດສະມາຊິກອາຊຽນທີ 11 ຢ່າງເປັນທາງການພາຍໃນປີນີ້.

ນາຍົກລັດຖະມົນຕີຈີນ ເຂົ້າຮ່ວມພິທີເປີດເວທີປຶກສາຫາລືເສດຖະກິດສາມຝ່າຍ

29/05/2025 11:34

ຂ່າວສານຊີອາໄອລາຍງານວ່າ: ໃນວັນທີ 27 ພຶດສະພາ ຜ່ານມາ, ທ່ານ ຫຼີສຽງ ນາຍົກລັດຖະມົນຕີຈີນ, ທ່ານ ອັນວາ ອິບຣາຮິມ ນາຍົກລັດຖະມົນຕີມາເລເຊຍ ແລະ ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ພ້ອມກັນເຂົ້າຮ່ວມພິທີເປີດເວທີປຶກສາຫາລືເສດຖະກິດສາມຝ່າຍອາຊຽນ - ຈີນ - ຄະນະກຳມະການຮ່ວມມືປະເທດອາຣັບອ່າວເປີເຊຍ ຢູ່ນະຄອນຫຼວງກົວລາລຳເປີ ປະເທດມາເລເຊຍ ແລະ ກ່າວຄຳປາໄສ.

ທ່ານ ສີຈິ້ນຜິງ ສົ່ງສານຊົມເຊີຍເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 9 ຂອງກອງເຍົາວະຊົນບຸກເບີກຈີນ

28/05/2025 14:51

ຂ່າວສານຊີອາໄອລາຍງານວ່າ: ເນື່ອງໃນໂອກາດວັນເດັກນ້ອຍສາກົນວັນທີ 1 ມິຖຸນາໃກ້ຈະໝູນວຽນມາເຖິງ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 9 ຂອງກອງເຍົາວະຊົນບຸກເບີກຈີນໄດ້ຈັດຂຶ້ນໃນຕອນເຊົ້າວັນທີ 27 ພຶດສະພານີ້ ຢູ່ນະຄອນຫຼວງປັກກິ່ງ.

ຫວຽດນາມ ສົ່ງອອກໄຟຟ້າພະລັງງານທົດແທນໄປຍັງ ມາເລເຊຍ ແລະ ສິງກະໂປ

28/05/2025 12:49

ວິທະຍຸກະຈາຍສຽງຫວຽດນາມລາຍງານວ່າ: ເນື່ອງໃນໂອກາດເຂົ້າຮ່ວມກອງປະຊຸມສຸດຍອດ ອາຊຽນຄັ້ງທີ 46 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ພ້ອມກັບທ່ານ ອັນວາ ອິບຣາຮິມ ນາຍົກລັດຖະມົນຕີ ມາເລເຊຍ ແລະ ທ່ານ ລໍເຣັສ ວອງ ນາຍົກລັດຖະມົນຕີ ສິງກະໂປ ໄດ້ເປັນສັກຂີພິຍານພິທີມອບ-ຮັບຂໍ້ຕົກລົງຮ່ວມມືການສົ່ງອອກໄຟຟ້າພະລັງງານທົດແທນ.

ລະບົບເງິນຕາສາກົນທີ່ຖືເງິນໂດລາເປັນພື້ນຖານພວມເກີດຄວາມບໍ່ແນ່ນອນ

28/05/2025 12:48

ຂ່າວສານຊີອາໄອລາຍງານວ່າ: ໃນວັນທີ 26 ພຶດສະພາ ຜ່ານມາ, ທ່ານນາງ ຄຣິສຕິນ ລາກາດ ຜູ້ວ່າການທະນາຄານກາງເອີຣົບໄດ້ກ່າວປາຖະກະຖາໃນເວທີປຶກສາຫາລືທີ່ຈັດຂຶ້ນຢູ່ນະຄອນຫຼວງແບັກແລັງ ປະເທດເຢຍລະມັນ ວ່າ: ປັດຈຸບັນ, ລະບົບເງິນຕາສາກົນທີ່ຖືເງິນໂດລາເປັນພື້ນຖານພວມເກີດຄວາມບໍ່ແນ່ນອນ, ເອີຣົບຄວນດຳເນີນການປະຕິຮູບຈາກຫຼາຍດ້ານ ເພື່ອຫຼຸດຜ່ອນຜົນກະທົບຕໍ່ເງິນໂດລາໃນການປ່ຽນແປງຂອງລະບຽບການສາກົນ.

ໄວກາງຄົນ ແລະ ຜູ້ອາຍຸສູງ ທີ່ນໍາໃຊ້ເຕັກໂນໂລຊີມີຄວາມສ່ຽງຕໍ່ຄວາມບົກຜ່ອງດ້ານສະຕິປັນຍາ

28/05/2025 12:47

ຂ່າວຕ່າງປະເທດລາຍງານ ໃນວັນທີ 27 ພຶດສະພາ ຜ່ານມາວ່າ: ການສຶກສາທີ່ຕີພິມໃນວາລະສານ Nature Human Behavior ເປີດເຜີຍວ່າ: ການໃຊ້ເຕັກໂນໂລຍີຊີດີຈີຕອນມີຄວາມເຊື່ອມໂຍງກັບຄວາມສ່ຽງທີ່ກຸ່ມຜູ້ໃຫຍ່ໄວກາງຄົນ ແລະ ຜູ້ອາຍຸສູງ ມີຄວາມບົກຜ່ອງທາງດ້ານສະຕິປັນຍາຫຼຸດລົງ58%.

ເພີ່ມເຕີມ