ລະນຶກວັນສ້າງຕັ້ງກອງທັບປະຊາຊົນລາວຄົບຮອບ 76 ປີ

ລະນຶກວັນສ້າງຕັ້ງກອງທັບປະຊາຊົນລາວຄົບຮອບ 76 ປີ (ວັນທີ 20 ມັງກອນ 1949 -ວັນທີ 20 ມັງກອນ 2025)

ລະນຶກວັນສ້າງຕັ້ງກອງທັບປະຊາຊົນລາວຄົບຮອບ 76 ປີ (ວັນທີ 20 ມັງກອນ 1949 -ວັນທີ 20 ມັງກອນ 2025)
ໂດຍ:ວັນໄຊ ຕະວິນຍານ ຕະຫຼອດ 76 ປີຜ່ານມາ,ພະນັກງານ,ນັກຮົບ,ກໍາລັງປະກອບອາວຸດ ກອງທັບປະຊາຊົນລາວ ເວລາໃດກໍເປັນກຳລັງແຮງສັງລວມໃນການຍົກສູງຄຸນນະພາບສູ້ຮົບ,ມີຈິດໃຈປະຕິວັດອັນແໜ້ນແກ່ນ,ມີອຸດົມການຖືກຕ້ອງ, ມີຄວາມຈົງຮັກພັກດີ ບໍລິສຸດຕໍ່ພັກ,ມີຈິດໃຈຮັກເຊື້ອແພງຊາດ ບໍລິສຸດຜຸດຜ່ອງຕໍ່ພັກ,

 

 

 ຕໍ່ປະເທດຊາດ ແລະປະຊາຊົນ,ມີສະຕິລະວັງຕົວຕໍ່ກົນອຸບາຍທຳລາຍມ້າງເພ ຂອງສັດຕູ, ຢຶດໝັ້ນທາດແທ້ມູນເຊື້ອອັນດີງາມ ຂອງກອງທັບ, ມີນ້ຳໃຈເດັດດ່ຽວໜຽວແໜ້ນຜ່ານຜ່າອຸປະສັກຫຍຸ້ງຍາກສູ້ຮົບພິລະອາດຫານ, ດຸໝັ່ນຂະຫຍັນພຽນເພິ່ງຕົນເອງ,ລະບຽບວິໄນກອງທັບ,ກົດໝາຍຂອງລັດ,ມີຄວາມສາມັກຄີພາຍໃນກອງທັບ ກັບປະຊາຊົນ ແລະ ສາມັກຄີສາກົນ.

ກອງທັບປະຊາຊົນລາວຍາມໃດກໍໄດ້ຕັ້ງໜ້າເສີມຂະຫຍາຍທາດແທ້ ແລະ ມູນເຊື້ອ ອັນພິລະອາດຫານຂອງກອງທັບປະຊາຊົນລາວຕໍ່ປະເທດຊາດ ແລະ ຕໍ່ປະຊາຊົນຢູ່ສະເໝີ, ເປັນກຳລັງຫຼັກແຫຼ່ງໃນການປົກປັກຮັກສາແລະສ້າງສາປະເທດຊາດ.ເຖິງຈະຕົກຢູ່ໃນສະພາບການໃດກໍຕາມກອງທັບປະຊາຊົນລາວ ມີນ້ຳໃຈທົນທານໜຽວແໜ້ນຜ່ານຜ່າອຸປະສັກຫຍຸ້ງຍາກ ສູ້ຮົບຢ່າງອາດຫານ. ຫຼາຍກົມກອງກຳລັງຫຼວງ ແລະ ກໍາລັງທ້ອງຖິ່ນເຮັດໜ້າທີ່ຢູ່ເຂດທຸລະກັນດານຕາມຊາຍແດນຂອງປະເທດ ທັງເຂົ້າຮ່ວມພັດທະນາເສດຖະກິດ-ສັງຄົມໃນເຂດຊົນນະບົດຫ່າງໄກສອກຫຼີກ.ກອງທັບປະຊາຊົນລາວເວລາໃດກໍມີຄວາມສາມັກຄີເປັນເອກະພາບພາຍໃນແໜ້ນແຟ້ນ ເປັນຕົ້ນແມ່ນຄວາມເປັນເອກະພາບ ລະຫວ່າງ ຂັ້ນລຸ່ມ ກັບຂັ້ນເທິງ,ມີຄວາມສາມັກຄີກັບປະຊາຊົນບັນດາເຜົ່າ.

ນອກຈາກເຮັດໜ້າທີ່ສູ້ຮົບແລ້ວ ພະນັກງານ-ນັັກຮົບ ເວລາໃດ ຍັງມີແນວຄິດເພິ່ງຕົນເອງ, ກຸ້ມຕົນເອງແລະສ້າງຄວາມເຂັ້ມແຂງດ້ວຍຕົນເອງ,ປະຢັດມັດທະຍັດ ປູກຝັງ-ລ້ຽງສັດແກ້ໄຂຊີວິດການເປັນຢູ່ຫຼາຍກົມກອງສາມາດກຸ້ມຕົນເອງແລະມີລະບົບຄ້າຍຄູທີ່ແໜ້ນໜາຖາວອນ. ສະຕິຕໍ່ການຈັດຕັ້ງລະບຽບວິໄນກອງທັບ, ປະຕິບັດກົດໝາຍຂອງລັດ ໄດ້ຮັບການສຶກສາອົບຮົມເປັນປະຈຳແລະມີສະຕິຕື່ນຕົວປະຕິວັດ, ຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ, ເສີມຂະຫຍາຍທາດແທ້ມູນເຊື້ອ ຂອງກອງທັບຢ່າງບໍ່ຢຸດຢັ້ງ.

ໃນຊຸມປີຜ່ານມາ, ຄະນະພັກກະຊວງປ້ອງກັນປະເທດໄດ້ຊີ້ນໍາທົ່ວກອງທັບຖືສໍາຄັນ ແລະ ເຂັ້ມງວດໃນການປະຕິບັດລະບອບດໍາເນີນຊີວິດການເມືອງ ແລະ ສ່ອງແສງລາຍງານສະພາບການເມືອງ-ແນວຄິດ ຢູ່ແຕ່ລະຂັ້ນ, ແຕ່ລະກົມກອງ ໂດຍຖືເອົາການດຳເນີນຊີວິດການເມືອງ ເພື່ອກຳສະພາບການເມືອງ-ແນວຄິດ ຂອງພະນັກງານ-ນັກຮົບ ເມື່ອມີສະພາບບໍ່ດີເກີດຂຶ້ນຮີບຮ້ອນສຶກສາອົບຮົມໃຫ້ຖືກເປົ້າໝາຍ ແລະ ທັນເວລາ ແລະ ອື່ນໆອີກ.ສົມແລ້ວທີ່ພັກ ແລະ ລັດຖະບານ ໄດ້ຍ້ອງຍໍສັນລະເສີນວ່າ:ກອງທັບ“ວິລະຊົນ ຂອງຊາດລາວວິລະຊົນ” ໃນສະພາບການປັດຈຸບັນ ແລະ ໃນຊຸມປີຕໍ່ໜ້ານີ້, ກອງທັບປະຊາຊົນລາວ ນັບທັງກຳລັງຫຼວງ ແລະ ກຳລັງທ້ອງຖິ່ນຈົ່ງສືບຕໍ່ປຸກລະດົມຂະບວນການຟົດຟື້ນປະຕິວັດໃນທົ່ວກອງທັບ, ຍົກສູງຄວາມເຊື່ອໝັ້ນ ຕໍ່ອຸດົມການ ຂອງພັກແລະ ອະນາຄົດ ຂອງປະເທດຊາດ.ມີນ້ຳໃຈຮັກຊາດ, ຮັກລະບອບໃໝ່, ມີສະຕິຕື່ນຕົວເປັນເຈົ້າຕົນເອງ, ນ້ຳໃຈບໍລິສຸດຜຸດຜ່ອງຕໍ່ພັກ, ຕໍ່ປະເທດຊາດແລະປະຊາຊົນ, ຫ້າວຫັນເຮັດສຳເລັດທຸກໜ້າທີ່, ເດັດດ່ຽວຕ້ານທຸກກົນອຸບາຍມ້າງເພທຳລາຍ ຂອງສັດຕູ, ປົກປັກຮັກສາແລະພັດທະນາປະເທດຊາດຢ່າງບໍ່ຢຸດຢັ້ງ.

ສຶກສາອົບຮົມ ພະນັກງານ-ນັກຮົບໃນຖັນແຖວຢ່າງຕັ້ງໜ້າ, ຮໍ່າຮຽນກ່ຽວກັບສະພາບການ, ໜ້າທີ່ການເມືອງ ຂອງກອງທັບ ແລະ ຄຸນທາດການເມືອງ, ຄຸນສົມບັດສິນທໍາປະຕິວັດ, ແບບແຜນວິທີເຮັດວຽກຂອງຜູ້ນຳການປະຕິວັດ.ຈັດຕັ້ງຮ່ຳຮຽນມູນເຊື້ອຂອງພັກ,ຂອງກອງທັບ, ຂໍ້ກຳນົດກົດລະບຽບຂອງພັກໂດຍຕິດພັນກັບລັດຖະທຳມະນູນ ແລະ ກົດໝາຍ ຂອງລັດ. ສືບຕໍ່ ສຶກສາອົບຮົມພະນັກງານ-ນັກຮົບພາຍໃນກອງທັບ ທຸກຄົນໃຫ້ມີແນວຄິດອຸ່ນອ່ຽນ, ທຸ່ນທ່ຽງ, ທົນທານໜຽວແໜ້ນຜ່ານຜ່າອຸປະສັກຫຍຸ້ງຍາກສູ້ຮົບພິລະອາດຫານຈັດຕັ້ງປະຕິບັດແນວທາງການທະຫານ ຂອງພັກ, ປະຕິບັດ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ.ອົບຮົມແນວທາງແຜນນະໂຍບາຍຂອງພັກ, ແນວທາງປກຊ-ປກສທີ່ໄດ້ກຳນົດອອກໃນມະຕິກອງປະຊຸມໃຫຍ່ຄັ້ງທີ XI ຂອງພັກ, ຄັ້ງທີ V ຂອງກະຊວງປ້ອງກັນປະເທດ ຮັບຮູ້ແຈ້ງເລ່ຫຼ່ຽມກົນອຸບາຍຫັນປ່ຽນໂດຍສັນຕິຂອງສັດຕູ. ເອົາໃຈໃສ່ອົບຮົມທິດສະດີພື້ນຖານລັດທິມາກ-ເລນິນ,ບົດຮຽນດີເດັ່ນນໍາປະເທດເພື່ອນມິດ ແລະ ສາກົນ.ມີສະຕິລະວັງຕົວປະຕິວັດຕ້ານທຸກກົນອຸບາຍຫັນປ່ຽນໂດຍສັນຕິ ຂອງສັດຕູ, ຍົກສູງສະຕິເຄົາລົບກົດໝາຍ, ລະບຽບວິໄນກອງທັບໃຫ້ເຂັ້ມງວດ. ແນວຄິດເພິ່ງຕົນເອງ, ກຸ້ມຕົນເອງເທື່ອລະກ້າວ, ແກ້ໄຂຊີວິດການເປັນຢູ່ໃນກົມກອງດີຂຶ້ນຄຸ້ມຄອງບົວລະບັດຮັກສາພາຫະນະອາວຸດໃຫ້ດີ.ສະກັດກັ້ນ ແລະ ຕ້ານບັນດາແນວຄິດ.ຂີ້ຄ້ານມັກງ່າຍ ບໍ່ຢາກອອກແຮງງານ, ບໍ່ຄົ້ນຄວ້າປະດິດສ້າງ, ບໍ່ບຸກບືນ, ເຮັດວຽກບໍ່ມີແຜນການ. ແນວຄິດເຜີຕົວ, ຂາດສະຕິລະວັງຕົວຕໍ່ກົນອຸບາຍ ຂອງສັດຕູ, ສະຕິຕໍ່ການຈັດຕັ້ງ, ຫ່າງເຫີນຈາກມະຫາຊົນ. ແນວຄິດເອື່ອຍອີງ, ຄອງຄອຍແຕ່ຂັ້ນເທິງຕອບສະໜອງ, ຟຸ່ມເຟືອຍຂາດຄວາມປະຢັດ.ແນວຄິດບໍ່ມັກຄົ້ນຄວ້າຮໍ່າຮຽນ, ບໍ່ມັກສະແຫວງຫາຄວາມຮູ້ໃໝ່, ບໍ່ຮູ້ປ່ຽນແປງ ແລະ ອື່ນໆ.

ສືບຕໍ່ຢ່າງແຂງແຮງ ປະຕິບັດບັນດາລະບອບດໍາເນີນຊີວິດການເມືອງຂອງທຸກໆຂັ້ນ, ທຸກໆການຈັດຕັ້ງເປັນປົກກະຕິ, ເອົາການດໍາເນີນຊີວິດຕິດພັນກັບໜ້າທີ່ການເມືອງຂອງກົມກອງ, ແກ້ໄຂທຸກປະກົດການຫຍໍ້ທໍ້ທັນເວລາ ເຮັດໃຫ້ພະນັກງານ, ສະມາຊິກພັກ ແລະ ນັກຮົບມີຄວາມປອດໄພ, ມີຄຸນສົມບັດສິນທໍາປະຕິວັດຖືກຕ້ອງ.ໂຄສະນາປຸກລະດົມຂະບວນການຕ່າງໆ ໃນກອງທັບ.ປຸກລະດົມໃຫ້ບັນດາກົມກອງມີຈິດໃຈຟົດຟື້ນປະຕິວັດ ແຂ່ງຂັນສ້າງຜົນງານຂໍ່ານັບຮັບຕ້ອນສາມວັນສໍາຄັນປະຫວັດສາດຂອງຊາດຢ່າງຟົດຟື້ນ.

ຄໍາເຫັນ

ຂ່າວວັດທະນະທຳ-ສັງຄົມ

ເປີດໂຄງການກໍ່ສ້າງເສັ້ນທາງເບຕົງເສີມເຫຼັກ ຢູ່ 2 ເມືອງ ໃນ ນວ ຢ່າງເປັນທາງການ

ເປີດໂຄງການກໍ່ສ້າງເສັ້ນທາງເບຕົງເສີມເຫຼັກ ຢູ່ 2 ເມືອງ ໃນ ນວ ຢ່າງເປັນທາງການ

ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ (ນວ) ຮ່ວມກັບບໍລິສັດ ແພງພອນ ກໍ່ສ້າງຂົວທາງ ແລະ ຊົນລະປະທານ ຈໍາກັດຜູ້ດຽວ ໄດ້ຈັດພິທີເປີດໂຄງການກໍ່ສ້າງເສັ້ນທາງເບຕົງເສີມເຫຼັກ ຢູ່ 2 ເມືອງ ຄື: ເມືອງນາຊາຍທອງ ແລະ ເມືອງໄຊທານີ ນວ ແຕ່ທາງຫຼວງແຫ່ງຊາດ 13 ເໜືອ ບ້ານດົງຫຼວງ ຫາ ບ້ານດົງຊຽງດີ ເມືອງນາຊາຍທອງ, ບ້ານໜອງພະຍາ (ເສັ້ນທາງຕານມີໄຊ ຫາ ສີເກີດ ເມືອງໄຊທານີ ນະຄອນຫຼວງວຽງຈັນ (ນວ) ລວງຍາວ 9.48 ກິໂລແມັດ, ທາງໜ້າກວ້າງ 12 ແມັດ ມູນຄ່າ 280,852,547,980 ກີບ ແລະ ໂຄງການກໍ່ສ້າງເສັ້ນທາງເບຕົງເສີມເຫຼັກ ແຕ່ບ້ານດົງຫຼວງ ຫາ ບ້ານນາຊາຍເໜືອ ແລະ ບ້ານດົງຊຽງດີ ເມືອງນາຊາຍທອງ ນວ ລວງຍາວ 4.84 ກິໂລແມັດ, ໜ້າທາງ ກວ້າງ 7-12 ແມັດ ມູນຄ່າ 119,913,428,880 ກີບ ລວມມູນຄ່າ 400,765,976,860 ກີບ ຂຶ້ນຢ່າງເປັນທາງການ ໃນວັນທີ 18 ພະຈິກນີ້, ທີ່ຫ້ອງການບ້ານໂພນແກ້ວ ເມືອງນາຊາຍທອງ ນວ ໂດຍການເປັນກຽດເຂົ້າຮ່ວມຂອງ ທ່ານ ສຸລິວັນ ພົມມະຫາໄຊ ກຳມະການພັກ ນວ ເລຂາພັກເມືອງນາຊາຍທອງ, ມີທ່ານ ນາງ ແພງພອນ ຂັນທະຍົງທອງ ປະທານບໍລິສັດແພງພອນ ກໍ່ສ້າງຂົວທາງ ແລະ ຊົນລະປະທານ ຈຳກັດຜູ້ດຽວ, ມີຮອງຫົວໜ້າພະແນກ ຍທຂ ນວ, ຮອງເລຂາພັກເມືອງ, ຕາແສງສີເກີດ, ນາຍບ້ານແຕ່ລະບ້ານ ແລະ ພໍ່ແມ່ປະຊາຊົນເຂົ້າຮ່ວມ.
ສື່ມວນຊົນລາວ ແລະ ສື່ມວນຊົນອາຊຽນ ເຂົ້າຮ່ວມກິດຈະກຳການເດີນເຮືອ

ສື່ມວນຊົນລາວ ແລະ ສື່ມວນຊົນອາຊຽນ ເຂົ້າຮ່ວມກິດຈະກຳການເດີນເຮືອ

ທ່ານ ຈາງ ໄຄ ປະທານກຸ່ມບໍລິສັດຄອງຜິງລູ້ ພັດທະນາວັດທະນະທໍາ ແລະ ທ່ອງທ່ຽວ ຈໍາກັດ ໄດ້ໃຫ້ສໍາພາດ ເນື່ອງໃນໂອກາດທີ່ສື່ມວນຊົນລາວ ແລະ ສື່ມວນຊົນອາຊຽນ ໄດ້ເຂົ້າຮ່ວມກິດຈະກຳໃນການລ່ອງເຮືອຕາມຄອງຜິງລູ້ ຄັ້ງນີ້ວ່າ: ສໍາລັບສະພາບການຂອງເສັ້ນທາງເດີນເຮືອຜູ້ໂດຍສານນັບແຕ່ກຸ່ມບໍລິສັດຄອງຜິງລູ້ພັດທະນາວັດທະນະທໍາ ແລະ ທ່ອງທ່ຽວ ຈໍາກັດໄດ້ເປີດການເດີນເຮືອ 4 ເສັ້ນທາງຂົນສົ່ງຜູ້ໂດຍສານທາງນໍ້າໄດ້ບັນລຸຕາມເປົ້າໝາຍ “ການເດີນເຮືອກໍໄດ້ຮັບຄວາມນິຍົມຢ່າງຫຼວງຫຼາຍ” ຊຶ່ງໃນວັນທີ 7 ພະຈິກ ຜ່ານມາ ຄອງຜິງລູ້ ກໍໄດ້ເປີດຂຶ້ນຢ່າງເປັນທາງການ ແລະ ເປີດການເດີນເຮືອທັງໝົດໄດ້ 541 ຖ້ຽວ, ສາມາດຮັບນັກທ່ອງທ່ຽວ 68,000 ກວ່າຄົນ. ໃນນັ້ນ, ຕອນໜານໜິງໄດ້ເປີດການເດີນເຮືອທັງໝົດ 245 ຖ້ຽວ, ຮັບນັກທ່ອງທ່ຽວ 30,000 ກວ່າຄົນ; ຕອນຊິນໂຈວໄດ້ເປີດການເດີນເຮືອທັງໝົດ 296 ຖ້ຽວ, ຮັບນັກທ່ອງທ່ຽວປະມານ 38,000 ຄົນ.
ອົງການກາແດງ ມອບເຄື່ອງຊ່ວຍເຫຼືອ 14 ບ້ານ ທີ່ຖືກຜົນກະທົບຈາກໄພນໍ້າຖ້ວມ ຢູ່ເມືອງນາແລ

ອົງການກາແດງ ມອບເຄື່ອງຊ່ວຍເຫຼືອ 14 ບ້ານ ທີ່ຖືກຜົນກະທົບຈາກໄພນໍ້າຖ້ວມ ຢູ່ເມືອງນາແລ

​ ໃນວັນທີ 15-16 ພະຈິກ ຜ່ານມາ, ທ່ານ ຄຳລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ລົງມອບເຄື່ອງຊ່ວຍເຫຼືອບັນເທົາທຸກ ໃຫ້ແກ່ປະຊາຊົນ 14 ບ້ານ ທີ່ໄດ້ຮັບຜົນກະທົບຈາກໄພນໍ້າຖ້ວມ ຢູ່ເມືອງນາແລ ແຂວງຫຼວງນໍ້າທາ ມີ 14 ບ້ານທີ່ໄດ້ຮັບການຊ່ວຍເຫຼືອຄັ້ງນີ້ ປະກອບມີ: ບ້ານສະໂຫຼຍ, ທົ່ງຖອນ, ວັງມີໄຊ, ຫາດລອຍ, ບ້ານເລາະ, ຫາດຈອນ, ຫາດນາແລ້ງ, ຄອນຈັນ, ພູລາ, ພູປາດ, ພູລວງ, ສາງອາກ, ບ້ານນາແລ້ງ ແລະ ບ້ານຫາດແຕະ.
ຄະນະນໍາໜັງສືພິມປະຊາຊົນ ພົບປະສອງຝ່າຍກັບ ໜັງສືພິມເຢິນເຢິນ

ຄະນະນໍາໜັງສືພິມປະຊາຊົນ ພົບປະສອງຝ່າຍກັບ ໜັງສືພິມເຢິນເຢິນ

ໃນວັນທີ 17ພະຈິກນີ້, ທີ່ໜັງສືພິມເຢິນເຢິນສຽງຂອງພັກ, ລັດ ແລະ ປະຊາຊົນຫວຽດນາມ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສີວັນ ຫອມໄຊຍະເດດ ກຳມະການຄະນະພັກ ຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ພົບປະສອງຝ່າຍກັບ ສະຫາຍ ເລກວັກມິງ ກຳມະການສູນກາງພັກ ຫົວໜ້າບັນນາທິການໃຫຍ່ໜັງສືພິມເຢິນເຢິນ ຮອງຫົວໜ້າໂຄສະນາສຶກສາສູນກາງ ປະທານສະມາຄົມນັກຂ່າວແຫ່ງ ສສ ຫວຽດນາມ ພ້ອມດ້ວຍຄະນະໄດ້ໃຫ້ກຽດຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບ.
ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ໂຄງການບ້ານຊ່ວຍເຫຼືອເດັກນ້ອຍເອັສໂອເອັສ (SOS) ລາວ ຮ່ວມກັບ ກົມສັງຄົມສົງເຄາະ ກະຊວງແຮງງານ ແລະ ສະຫວັດດີສັງຄົມ ແລະ ພະແນກແຮງງານ ແລະ ສະຫວັດດີສັງຄົມແຂວງ ພ້ອມດ້ວຍອໍານາດການປົກຄອງທອງຖີ່ນ​ທີ່ກ່ຽວຂ້ອງໄດ້ມອບເຂົ້າສານຈໍານວນ 57 ໂຕນ ເພື່ອຊ່ວຍເຫຼືອປະຊາຊົນທີ່ຖືກຜົນກະທົບຈາກໄພພິບັດທາງທຳມະຊາດ ໃນໄລຍະເດືອນກໍລະກົດ ຫາ ສິງຫາ ປີ 2026 ຜ່ານມາເຊິ່ງມີຄອບຄົວທີ່ໄດ້ຮັບການຊ່ວຍເຫຼືອທັງໝົດ 516 ຄອບຄົວ ໃນ 8 ບ້ານເປົ້າໝາຍ, ເມືອງໄຊບູລີ ແຂວງສະຫັວນນະເຂດ, ລວມມູນຄ່າການຊ່ວຍເຫຼືອ ຈໍານວນ 1,322,850,050 ກີບ
ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ສຳນັກງານຄະນະກຳມະການຄຸ້ມຄອງຫຼັກຊັບ (ສຄຄຊ) ຮ່ວມກັບ ສຳນັກງານປົກຄອງແຂວງອັດຕະປື ໄດ້ຈັດກອງປະຊຸມໂຄສະນາເຜີຍແຜ່ຄວາມຮູ້ກ່ຽວກັບວຽກງານຕະຫຼາດທຶນ, ໃນ​ວັນ​ທີ 17 ພະ​ຈິກ​ນີ້ ທີ່ ແຂວງ​ອັດ​ຕະ​ປື, ໂດຍເຂົ້າຮ່ວມເປັນປະທານຂອງ ທ່ານ ລິດຄຳ ໂຮມອິນຕາ ຫົວໜ້າຫ້ອງວ່າການແຂວງ, ມີທ່ານ ປາດຖະໜາ ແກ້ວປະເສີດ ຫົວໜ້າພະແນກຝຶກອົບຮົມ ແລະ ໂຄສະນາເຜີຍແຜ່ ສຄຄຊ, ພ້ອມດ້ວຍຕາງໜ້າພະແນກການ, ແໜງການ, ສາຂາທະນາຄານ ແລະ ພະນັກງານວິຊາການເຂົ້າຮ່ວມ.
ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ທ່ານ​ ອາລຸນໄຊ ສູນນະລາດ ກຳມະການສູນກາງພັກ​ ເລຂາຄະນະບໍລິຫານງານພັກແຂວງຈໍາປາສັກ​ ໄດ້ຕ້ອນຮັບ​ ທ່ານ​ ເຫຼັກໄຫຼ ສີວິໄລ​ ກໍາມະການ​ສູນກາງພັກ​ ລັດຖະມົນຕີ​ກະຊວງໂຍທາທິການ​ ແລະ​ ຂົນສົ່ງ​ (ຍທຂ)​ ເຂົ້າພົບປະຢ້ຽມຢາມໃນວັນທີ​ 16​ ພະຈິກ​ 2026​ທີ່​ ສໍານັກງານ​ແຂວງ.
ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງ​ທຶນ​ພິ​ເສດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງຊ່ວຍ​ໃຫ້​ປະ​ຊາ​ຊົນ​ຄອບ​ຄົວ​ເປົ້າ​ໝາຍຢູ່ 2 ບ້ານ​ຂອງ​ເມືອງ​ປາກ​ອູແຂວງຫຼວງ​ພະ​ບາງມີ​ລາຍ​ຮັບ​ເພີ່ມ​ຂຶ້ນ 14% ເມື່ອ​ທຽບ​ກັບ​ກ່ອນ​ດຳ​ເນີນ​ໂຄງ​ການໂດຍ​ກິດ​ຈະ​ກຳຫຼັກເນັ້ນ​ໃສ່​ຊຸກ​ຍູ້ ສົ່ງ​ເສີມ​ໃຫ້​ປະ​ຊາ​ຊົນ​ຜະ​ລິດ​ກະ​ສິ​ກຳໂດຍ​ສະ​ເພາະ​ການ​ປູກ-ການ​ລ້ຽງ.
ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ບໍລິສັດລັດວິສາຫະກິດໄຟຟ້າລາວ ສາຂາແຂວງຄໍາມ່ວນ ຈັດພິທີປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ແກ່ສະມາຊິກພັກ ແລະ ພະນັກງານຈໍານວນ 144 ທ່ານ, ຍິງ 40 ທ່ານ ໃນວັນທີ 17 ພະຈິກ 2026 ໂດຍ​ການ​ເປັນ​ປະ​ທານ​ຂອງ ທ່ານ ສົມໃຈ ພານີຈັນ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດ, ວຽກພັກ-ພະນັກງານ, ມີ ທ່ານ ບຸນປະສົງ ຈັນສະຫວັດ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກໃຕ້, ທ່ານ ບາຄໍາ ໄຊຍະຈັກ ຫົວໜ້າ ບໍລິສັດລັດວິສາຫະກິດໄຟຟ້າສາຂາຄໍາມ່ວນ ພ້ອມດ້ວຍແຂກຖືກເຊີນເຂົ້າຮ່ວມ.
ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ພິທີມອບປ້າຍກາໝາຍ ສິນ​ຄ້າໜຶ່ງເມືອງ ໜຶ່ງພະລິດຕະພັນ (ODOP) ໃຫ້ກຸ່ມຜະລິດໄຄແຜ່ນເມືອງວຽງຄຳແຂວງຫຼວງ​ພະ​ບາງໄດ້​ຈັດ​ຂຶ້ນ​ໃນ​ວັນ​ທີ 16 ພະ​ຈິກ​ຜ່ານ​ມາທີ່ ເມືອງວຽງ​ຄຳໂດຍເປັນປະທານຮ່ວມຂອງ ທ່ານ ຄຳສິງ ສຸດທິດາ ປະທານຄະນະກຳມະການປົກຄອງເມືອງ, ທ່ານ ສີພອນ ມິດໄມຕີ ຮອງຫົວໜ້າພະແນກອຸດສະກຳຫະກຳ ແລະ ການຄ້າແຂວງ, ທ່ານ ລີ ຊອງບອມ ຜູ້ອຳນວຍການ ອົງການ ວອນເດີສ ສາກົນ, ມີພາກ​ສ່ວນ​ທີ່ກ່ຽວຂ້ອງ ເຂົ້າຮ່ວມ.
ເພີ່ມເຕີມ