ການສົ່ງຜູ້ຮ້າຍຂ້າມແດນລະຫວ່າງ ສປປ ລາວ - ສ ເກົາຫຼີ (ໂດຍຜ່ານກອງປະຊຸມທາງໄກ) ຂຶ້ນໃນລະຫວ່າງວັນທີ 6-7 ພະຈິກ 2024 ທີ່ ອອປສ, ຝ່າຍລາວນໍາໂດຍທ່ານ ສຸດສະກະ ບຸນມານິດ ຫົວ ໜ້າກົມແຜນການ ແລະ ຮ່ວມມືກັບຕ່າງປະເທດ ອອປສ ແຫ່ງ ສປປ ລາວ ພ້ອມດ້ວຍຄະນະ, ຕາງໜ້າຄະນະຜູ້ແທນຝ່າຍ ສ ເກົາຫຼີ ໂດຍທ່ານນາງ ຊອງມີຢາງ ຫົວໜ້າພະແນກສົນທິສັນຍາ ກະຊວງການຕ່າງປະເທດ ສ ເກົາຫຼີ ພ້ອມຄະນະ ພ້ອມດ້ວຍຜູ້ຕາງໜ້າຈາກພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.
ກອງປະຊຸມໄດ້ຕີລາຄາສູງຕໍ່ເນື້ອໃນພື້ນຖານຂອງການຮ່າງສົນທິສັນຍາທັງສອງສະບັບ ທີ່ຝ່າຍ ສ ເກົາຫຼີ ໄດ້ຮ່າງຂຶ້ນໃນເບື້ອງຕົ້ນ, ກອງປະຊຸມໃນຄັ້ງນີ້ ໄດ້ພ້ອມກັນຄົ້ນຄວ້າປຶກ ສາຫາລື ແລະ ແລກປ່ຽນຄໍາເຫັນລະຫວ່າງສອງຝ່າຍ ກ່ຽວກັບຮ່າງສົນທິສັນຍາທັງສອງສະ ບັບຢ່າງກົງໄປກົງມາ ແລະ ໄດ້ມີຄວາມເປັນເອກະພາບກັນໂດຍພື້ນຖານໃນຫຼາຍບັນຫາສໍາຄັນ ຊຶ່ງໄດ້ເຮັດໃຫ້ຮ່າງສົນທິສັນຍາສະບັບນີ້ມີຄວາມຄົບຖ້ວນ, ສົມບູນ ແລະ ສອດຄ່ອງກັບກົດໜາຍພາຍໃນຂອງສອງປະເທດ ເພື່ອເປັນບ່ອນອີງໃຫ້ແກ່ການລົງນາມ ແລະ ໃຫ້ສັດຕະ ຍາບັນໃນຂັ້ນຕໍ່ໄປ.
ພ້ອມນີ້, ກອງປະຊຸມເຈລະຈາຮ່າງສົນທິສັນຍາ ຍັງເປັນບາດກ້າວສໍາຄັນການຮ່ວມມືທາງດ້ານກົດໝາຍລະຫວ່າງ ສປປ ລາວ ແລະ ສ ເກົາຫຼີ ໂດຍສະເພາະວຽກງານຮ່ວມມືລະຫວ່າງປະເທດທາງອາຍາ (MLA) ແລະ ວຽກງານສົ່ງຜູ້ຮ້າຍຂ້າມແດນລະຫວ່າງສອງຝ່າຍ ຊຶ່ງສົນທິສັນຍາທັງສອງສະບັບດັ່ງກ່າວ ເປັນການປະກອບສ່ວນອັນສໍາຄັນໃຫ້ແກ່ການຮ່ວມມືກັນໃນການຕ້ານ ແລະ ສະກັດກັ້ນອາຊະຍາກໍາ, ການສືບສວນ-ສອບສວນ, ການດໍາເນີນຄະດີອາຍາໃຫ້ມີປະສິດທິພາບສູງຂຶ້ນ ແນໃສ່ປົກປັກຮັກສາຄວາມເປັນລະບຽບຮຽບຮ້ອຍ, ປົກປ້ອງສິດ ແລະ ຜົນປະໂຫຍດຂອງລັດ ແລະ ພົນລະເມືອງຂອງທັງສອງປະເທດ ຍັງເປັນການເສີມຂະຫຍາຍການພົວພັນຮ່ວມມືລະຫວ່າງສອງປະເທດໃຫ້ນັບມື້ນັບກ້າວສູ່ລວງເລິກ ແລະ ມີປະສິດທິຜົນຢ່າງບໍ່ຢຸດຢັ້ງ.
ຂ່າວ-ພາບ: ອອປສ
ຄໍາເຫັນ