ກອງປະຊຸມຮ່ວມມືດ້ານເສດຖະກິດ, ການຄ້າ, ວັດທະນະທໍາ ແລະ ທ່ອງທ່ຽວ ລະຫວ່າງ ສປປ ລາວ ແລະ ແຂວງກຸ້ຍໂຈວ ສປ ຈີນ ໄດ້ຈັດຂຶ້ນໃນວັນທີ 20 ພຶດສະພາ ນີ້ທີ່ໂຮງແຮມແລນມາກ ແມ່ຂອງ ຣີເວີໄຊ ນະຄອນຫລວງວຽງຈັນ ໂດຍມີ ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດລາວ, ທ່ານ ຫຼີ ປີງຈິນ (Li Bingjun) ເຈົ້າແຂວງກຸ້ຍໂຈວ ສປ ຈີນ, ມີພາກທຸລະກິດຈາກ ສປປ ລາວ ແລະ ແຂວງກຸ້ຍໂຈວເຂົ້າຮ່ວມ.
ກອງປະຊຸມໄດ້ຮັບຟັງການແນະນໍາກ່ຽວກັບສະພາບການພັດທະນາເສດຖະກິດ-ສັງຄົມ ແລະ ການຮ່ວມມືດ້ານເສດຖະກິດ, ການຄ້າ, ວັດທະນະທໍາ ແລະ ການທ່ອງທ່ຽວລະຫວ່າງ ແຂວງກຸ້ຍໂຈວ ສປ ຈີນ ກັບ ສປປ ລາວ ໃນໄລຍະຜ່ານມາ ແລະ ທິດທາງແຜນການຮ່ວມມືກັນໃນຕໍ່ໜ້າ, ພ້ອມນີ້ ບັນດານັກທຸລະກິດຂອງສອງຝ່າຍໄດ້ນໍາສະເໜີກ່ຽວກັບສະພາບການດໍາເນີນທຸລະກິດພາຍໃນບໍລິສັດຂອງຕົນ, ພ້ອມທັງມີການແລກປ່ຽນບົດຮຽນຊຶ່ງກັນ ແລະ ກັນ, ໃນນີ້ ສະເພາະນັກທຸລະກິດຝ່າຍລາວໄດ້ສະເໜີຫຼາຍບັນຫາຕໍ່ແຂວງກຸ້ຍໂຈ່ວ ໂດຍສະເພາະການຍົກເວັ້ນພາສີສິນຄ້ານໍາເຂົ້າຈາກລາວ, ການອໍານວຍຄວາມສະດວກດ້ານການຂົນສົ່ງສິນຄ້າ, ການທ່ອງທ່ຽວ ແລະ ອື່ນໆ.
ທ່ານ ສັງຄົມ ຈັນສຸກ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ໃຫ້ສໍາພາດຕໍ່ສື່ມວນຊົນວ່າ: ການພົບປະກັບທ່ານ ຫຼີ ປີງຈິນ ເຈົ້າແຂວງກຸ້ຍໂຈວ ສປ ຈີນ ພ້ອມດ້ວຍຄະນະ ໃນຄັ້ງນີ້, ສອງຝ່າຍໄດ້ປຶກສາຫາລື ແລະ ແລກປ່ຽນກັນຫຼາຍດ້ານ ເຊັ່ນ: ດ້ານການຂົນສົ່ງໂລຈິສຕິກ ໂດຍມີເສັ້ນທາງລົດໄຟລາວ-ຈີນ ຈາກນະຄອນຫລວງວຽງຈັນ ຫາ ແຂວງກຸ້ຍໂຈວ ທີ່ເປີດນໍາໃຊ້ແລ້ວເປັນໂຕຂັບເຄື່ອນທີ່ສໍາຄັນໃນການຮ່ວມມືດ້ານທຸລະກິດຂອງສອງຝ່າຍ, ທັງການຂົນສົ່ງສິນຄ້າ ຈາກລາວໄປແຂວງກຸ້ຍໂຈວ ແລະ ຈາກແຂວງກຸ້ຍໂຈວມາລາວ, ລວມເຖິງການຂົນສົ່ງຜູ້ໂດຍສານ ກໍຄື ນັກທ່ອງທ່ຽວ ເນື່ອງຈາກແຂວງກຸ້ຍໂຈວ ສາມາດເຊື່ອມໂຍງດ້ານໂລຈິສຕິກໄດ້ຫຼາຍກວ່າ 80 ປະເທດທົ່ວໂລກ.
ຜ່ານການພົບປະກັນຄັ້ງນີ້ເຮັດໃຫ້ນັກທຸລະກິດຂອງລາວ ແລະ ແຂວງກຸ້ຍໂຈວ ໄດ້ພົບປະຫາລືກັນ ຊຶ່ງຈະເປັນຜົນດີໃນການຮ່ວມມືກັນເພື່ອດໍາເນີນທຸລະກິດໃນຕໍ່ໜ້າ, ໃນນີ້ ນັກທຸລະກິດລາວໄດ້ສະເໜີຫຼາຍບັນຫາຕໍ່ແຂວງກຸ້ຍໂຈ ເພື່ອເຮັດໃຫ້ການສົ່ງອອກສິນຄ້າກະສິກໍາຈາກລາວໄປແຂວງດັ່ງກ່າວສະດວກສະບາຍຫຼາຍຂຶ້ນ. ນອກຈາກນີ້ ຈະປະກອບສ່ວນເຮັດໃຫ້ນັກທ່ອງທ່ຽວຈາກແຂວງດັ່ງກ່າວເດີນທາງມາທ່ຽວລາວຫຼາຍຂຶ້ນ ໂດຍມີລົດໄຟລາວ-ຈີນ ເປັນໂຕຂັບເຄື່ອນທີ່ສໍາຄັນ ເພາະເຮັດໃຫ້ການເດີນທາງມີຄວາມສະດວກສະບາຍ.
ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ໃຫ້ຮູ້ຕື່ມວ່າ: ສໍາລັບສິນຄ້າກະສິກໍາທີ່ລາວສະເໜີສົ່ງອອກໄປແຂວງກຸ້ຍໂຈວ ລວມມີ: ແປ້ງມັນຕົ້ນ, ຖົ່ວລຽນ ແລະ ອື່ນໆ. ສ່ວນສິນຄ້າທີ່ແຂວງກຸ້ຍໂຈວ ຈະສົ່ງມາລາວ ລວມມີ: ເຫຼົ້າເໝົາຖາຍ, ສ່ວນປະກອບສໍາລັບຜະລິດປຸ໋ຍ ແລະ ອື່ນໆ.
ໃນກອງປະຊຸມຮ່ວມມືດ້ານເສດຖະກິດ, ການຄ້າ, ວັດທະນະທໍາ ແລະ ທ່ອງທ່ຽວ ລະຫວ່າງ ສປປ ລາວ ແລະ ແຂວງກຸ້ຍໂຈວ ສປ ຈີນ ໃນຄັ້ງນີ້ ໄດ້ມີຫົວໜ່ວຍທຸລະກິດຈາກສອງຝ່າຍຫຼາຍຫົວໜ່ວຍເຊັນສັນຍາໂຄງການຮ່ວມມືກັນ ເຊັ່ນ: ຄະນະຄຸ້ມຄອງເຂດປອດພາສີກວມລວມກຸ້ຍຢາງ, ຄະນະຄຸ້ມຄອງເຂດປອດພາສີກວມລວມຈຸນຢີ້ ແລະ ຄະນະຄຸ້ມຄອງເຂດປອດພາສີກວມລວມກຸ້ຍອານ ເຊັນສັນຍາກັບບໍລິສັດທາງລົດໄຟລາວ-ຈີນ ຈໍາກັດ ກ່ຽວກັບຂອບການຮ່ວມມືຍຸດທະສາດ, ບໍລິສັດ ໂຮງງານຜະລິດເຫລົ້າເໝົາຖາຍ ກຸ້ຍໂຈວ ເຊັນສັນຍາຮ່ວມມືກັບບໍລິສັດທາງລົດໄຟລາວ-ຈີນ ຈໍາກັດ ແລະ ອື່ນໆ.
ຂ່າວ-ພາບ: ບຸນຕຽງ
ກອງປະຊຸມໄດ້ຮັບຟັງການແນະນໍາກ່ຽວກັບສະພາບການພັດທະນາເສດຖະກິດ-ສັງຄົມ ແລະ ການຮ່ວມມືດ້ານເສດຖະກິດ, ການຄ້າ, ວັດທະນະທໍາ ແລະ ການທ່ອງທ່ຽວລະຫວ່າງ ແຂວງກຸ້ຍໂຈວ ສປ ຈີນ ກັບ ສປປ ລາວ ໃນໄລຍະຜ່ານມາ ແລະ ທິດທາງແຜນການຮ່ວມມືກັນໃນຕໍ່ໜ້າ, ພ້ອມນີ້ ບັນດານັກທຸລະກິດຂອງສອງຝ່າຍໄດ້ນໍາສະເໜີກ່ຽວກັບສະພາບການດໍາເນີນທຸລະກິດພາຍໃນບໍລິສັດຂອງຕົນ, ພ້ອມທັງມີການແລກປ່ຽນບົດຮຽນຊຶ່ງກັນ ແລະ ກັນ, ໃນນີ້ ສະເພາະນັກທຸລະກິດຝ່າຍລາວໄດ້ສະເໜີຫຼາຍບັນຫາຕໍ່ແຂວງກຸ້ຍໂຈ່ວ ໂດຍສະເພາະການຍົກເວັ້ນພາສີສິນຄ້ານໍາເຂົ້າຈາກລາວ, ການອໍານວຍຄວາມສະດວກດ້ານການຂົນສົ່ງສິນຄ້າ, ການທ່ອງທ່ຽວ ແລະ ອື່ນໆ.
ທ່ານ ສັງຄົມ ຈັນສຸກ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ໃຫ້ສໍາພາດຕໍ່ສື່ມວນຊົນວ່າ: ການພົບປະກັບທ່ານ ຫຼີ ປີງຈິນ ເຈົ້າແຂວງກຸ້ຍໂຈວ ສປ ຈີນ ພ້ອມດ້ວຍຄະນະ ໃນຄັ້ງນີ້, ສອງຝ່າຍໄດ້ປຶກສາຫາລື ແລະ ແລກປ່ຽນກັນຫຼາຍດ້ານ ເຊັ່ນ: ດ້ານການຂົນສົ່ງໂລຈິສຕິກ ໂດຍມີເສັ້ນທາງລົດໄຟລາວ-ຈີນ ຈາກນະຄອນຫລວງວຽງຈັນ ຫາ ແຂວງກຸ້ຍໂຈວ ທີ່ເປີດນໍາໃຊ້ແລ້ວເປັນໂຕຂັບເຄື່ອນທີ່ສໍາຄັນໃນການຮ່ວມມືດ້ານທຸລະກິດຂອງສອງຝ່າຍ, ທັງການຂົນສົ່ງສິນຄ້າ ຈາກລາວໄປແຂວງກຸ້ຍໂຈວ ແລະ ຈາກແຂວງກຸ້ຍໂຈວມາລາວ, ລວມເຖິງການຂົນສົ່ງຜູ້ໂດຍສານ ກໍຄື ນັກທ່ອງທ່ຽວ ເນື່ອງຈາກແຂວງກຸ້ຍໂຈວ ສາມາດເຊື່ອມໂຍງດ້ານໂລຈິສຕິກໄດ້ຫຼາຍກວ່າ 80 ປະເທດທົ່ວໂລກ.
ຜ່ານການພົບປະກັນຄັ້ງນີ້ເຮັດໃຫ້ນັກທຸລະກິດຂອງລາວ ແລະ ແຂວງກຸ້ຍໂຈວ ໄດ້ພົບປະຫາລືກັນ ຊຶ່ງຈະເປັນຜົນດີໃນການຮ່ວມມືກັນເພື່ອດໍາເນີນທຸລະກິດໃນຕໍ່ໜ້າ, ໃນນີ້ ນັກທຸລະກິດລາວໄດ້ສະເໜີຫຼາຍບັນຫາຕໍ່ແຂວງກຸ້ຍໂຈ ເພື່ອເຮັດໃຫ້ການສົ່ງອອກສິນຄ້າກະສິກໍາຈາກລາວໄປແຂວງດັ່ງກ່າວສະດວກສະບາຍຫຼາຍຂຶ້ນ. ນອກຈາກນີ້ ຈະປະກອບສ່ວນເຮັດໃຫ້ນັກທ່ອງທ່ຽວຈາກແຂວງດັ່ງກ່າວເດີນທາງມາທ່ຽວລາວຫຼາຍຂຶ້ນ ໂດຍມີລົດໄຟລາວ-ຈີນ ເປັນໂຕຂັບເຄື່ອນທີ່ສໍາຄັນ ເພາະເຮັດໃຫ້ການເດີນທາງມີຄວາມສະດວກສະບາຍ.
ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ໃຫ້ຮູ້ຕື່ມວ່າ: ສໍາລັບສິນຄ້າກະສິກໍາທີ່ລາວສະເໜີສົ່ງອອກໄປແຂວງກຸ້ຍໂຈວ ລວມມີ: ແປ້ງມັນຕົ້ນ, ຖົ່ວລຽນ ແລະ ອື່ນໆ. ສ່ວນສິນຄ້າທີ່ແຂວງກຸ້ຍໂຈວ ຈະສົ່ງມາລາວ ລວມມີ: ເຫຼົ້າເໝົາຖາຍ, ສ່ວນປະກອບສໍາລັບຜະລິດປຸ໋ຍ ແລະ ອື່ນໆ.
ໃນກອງປະຊຸມຮ່ວມມືດ້ານເສດຖະກິດ, ການຄ້າ, ວັດທະນະທໍາ ແລະ ທ່ອງທ່ຽວ ລະຫວ່າງ ສປປ ລາວ ແລະ ແຂວງກຸ້ຍໂຈວ ສປ ຈີນ ໃນຄັ້ງນີ້ ໄດ້ມີຫົວໜ່ວຍທຸລະກິດຈາກສອງຝ່າຍຫຼາຍຫົວໜ່ວຍເຊັນສັນຍາໂຄງການຮ່ວມມືກັນ ເຊັ່ນ: ຄະນະຄຸ້ມຄອງເຂດປອດພາສີກວມລວມກຸ້ຍຢາງ, ຄະນະຄຸ້ມຄອງເຂດປອດພາສີກວມລວມຈຸນຢີ້ ແລະ ຄະນະຄຸ້ມຄອງເຂດປອດພາສີກວມລວມກຸ້ຍອານ ເຊັນສັນຍາກັບບໍລິສັດທາງລົດໄຟລາວ-ຈີນ ຈໍາກັດ ກ່ຽວກັບຂອບການຮ່ວມມືຍຸດທະສາດ, ບໍລິສັດ ໂຮງງານຜະລິດເຫລົ້າເໝົາຖາຍ ກຸ້ຍໂຈວ ເຊັນສັນຍາຮ່ວມມືກັບບໍລິສັດທາງລົດໄຟລາວ-ຈີນ ຈໍາກັດ ແລະ ອື່ນໆ.
ຂ່າວ-ພາບ: ບຸນຕຽງ
ຄໍາເຫັນ