 |
ສະຫາຍ ໂພສີ ຫຼວງສຸລິວັນ ໄດ້ຂຶ້ນຜ່ານບົດສັນລະເສີນ ວັນສ້າງຕັ້ງພັກປະຊາຊົນປະຕິວັດລາວ ໂດຍພາຍໃຕ້ການນຳພາ - ຊີ້ນຳຂອງພັກຕະຫຼອດໄລຍະ 70 ປີຜ່ານມາ. ພັກປະຊາຊົນປະຕິວັດລາວແມ່ນພັກຂອງຊົນຊັ້ນກຳມະກອນ ໄດ້ນຳພາກຳມະກອນ ແລະ ຊາວຜູ້ອອກແຮງງານລາວບັນດາເຜົ່າເຮັດສຳເລັດພາລະກິດປະຕິວັດຊາດ ເຖິງວ່າຈະມີຄວາມຫຍຸ້ງຍາກສັບສົນນາໆປະການ, ມີສິ່ງທ້າທາຍ, ທັງວາງແນວທາງ, ທັງນຳພາຈັດຕັ້ງປະຕິບັດ ແລະ ຖອດຖອນບົດຮຽນໄປພ້ອມໆກັນ. ພັກເຮົາໄດ້ໝູນໃຊ້ທິດສະດີມາກ - ເລນິນເພື່ອນຳພາປະເທດຊາດກ້າວເດີນໄປຕາມຈຸດໝາຍສັງຄົມນິຍົມ. ຈາກນັ້ນ, ໃນພິທີໄດ້ດຳເນີນການປະດັບຫຼຽນກາລະນຶກ 70 ປີ ແລະ ມອບເງິນນະໂຍບາຍ 2 ລ້ານກີບ/ຫຼຽນ ໃຫ້ແກ່ອະດີດການນຳຂັ້ນແຂວງ, ຂັ້ນເມືອງ ແລະ ສະມາຊິກພັກອາວຸໂສບຳນານ, ຊຶ່ງມີອາຍຸພັກ 30ປີຂຶ້ນໄປ ຈຳນວນ 36 ສະຫາຍຍິງ 11 ສະຫາຍ ແລະ ໄດ້ປະດັບຫຼຽນກາລະນຶກ 70 ປີ ໃຫ້ແກ່ສະມາຊິກພັກທີ່ຍັງປະຈຳການ ທີ່ມີຜົນງານ, ຄຸນງາມຄວາມດີ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຂອງເມືອງເລົ່າງາມ ຕະຫຼອດໄລຍະຜ່ານມາຈຳນວນ 32 ສະຫາຍ.
 |
(ຂ່າວ - ພາບ: ແວວມະນີ ຄຳສິງສະຫວັດ)
ຄໍາເຫັນ