ໂດຍມີທ່ານ ປຣະສິດສັກ ມີລາບປະທານສານປົກຄອງສູງສຸດແຫ່ງຣາຊະອານາຈັກໄທ, ທ່ານ ຄໍາພັນ ບຸນພາຄົມຮອງປະທານສານປະຊາຊົນສູງສຸດແຫ່ງ ສປປ ລາວ ພ້ອມດ້ວຍເຈົ້າໜ້າທີ່ຕຸລາການ, ວິທະຍາກອນ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.
ການສໍາມະນາຄັ້ງນີ້ ເພື່ອເຜີຍແຜ່ໃຫ້ຄວາມຮູ້ດ້ານການດໍາເນີນຄະດີປົກຄອງ ໃຫ້ຜູ້ພິພາກສາ, ນັກກົດໝາຍ ແລະ ບຸກຄະລາກອນໃນຂະບວນການຍຸຕິທຳຂອງ ສປປ ລາວ ໂດຍສະເພາະພະນັກງານສານປະຊາຊົນສູງສຸດຂອງລາວ ພາຍໃຕ້ໂຄງການສະໜັບສະໜູນຂອງສານປົກຄອງສູງສຸດແຫ່ງຣາຊະອະນາຈັກໄທ ຊຶ່ງຈັດຂຶ້ນໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນການທູດລາວ-ໄທ ຄົບຮອບ 75 ປີ ໂດຍສະເພາະໃນລະບົບຕຸລາການຂອງສອງປະເທດ.
ນັບຕັ້ງແຕ່ການຈັດຕັ້ງຄະນະສານປົກຄອງໃນສານປະຊາຊົນສູງສຸດຂອງ ສປປ ລາວໃນປີ 2019 ໄທ ແລະ ລາວ ໄດ້ຮ່ວມມືກັນຢ່າງໃກ້ຊິດຜ່ານການສໍາມະນາ ແລະ ການຝຶກອົບຮົມ ເພື່ອຍົກລະດັບເສີມສ້າງສັກກະຍະພາບບຸກຄະລາກອນຂອງສານປົກຄອງ ໃຫ້ສາມາດພິຈາລະນາຄະດີປົກຄອງ ແລະ ຮ່າງກົດໝາຍທີ່ກ່ຽວຂ້ອງໄດ້ຢ່າງມີປະສິດທິພາບ, ໂຄງການນີ້ຈຶ່ງເປັນການຮ່ວມມືທີ່ສຳຄັນຂອງສອງປະເທດ ສະແດງເຖິງຄວາມສຳພັນອັນແໜ້ນແຟ້ນ,ທັງເປັນເວທີແລກປ່ຽນປະສົບການດ້ານວຽກງານຍຸຕິທຳ ແລະ ເປັນນິຕິກໍາພື້ນຖານທີ່ສໍາຄັນໃຫ້ແກ່ບັນດາຜູ້ພິພາກສາ ທີ່ເຮັດວຽກຢູ່ຄະນະສານປົກຄອງ, ເປັນຄູ່ມືໃນການຈັດຕັ້ງປະຕິບັດໃນການດໍາເນີນຄະດີປົກຄອງ ທັງເປັນບ່ອນອີງໃນການພິຈາລະນາຕັດສິນ ຫຼື ພິພາກສາຄະດີໃຫ້ຖືກຕ້ອງຕາມຂັ້ນຕອນຢ່າງເຂັ້ມງວດ, ປະກອບສ່ວນການຕ້ານ, ສະກັດກັ້ນການສໍ້ລາດບັງຫຼວງໃນສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ; ຮັບປະກັນການປະຕິບັດໜ້າທີ່ຂອງຜູ້ພິພາກສາຂອງສານປະຊາຊົນໃຫ້ມີຄວາມຖືກຕ້ອງ,ໂປ່ງໃສ, ວ່ອງໄວ ແລະ ຍຸຕິທໍາ; ສ້າງຄວາມເຊື່ອໝັ້ນໃຫ້ສັງຄົມທັງພາຍໃນ ແລະ ຕ່າງປະເທດ, ເຊື່ອມໂຍງກັບພາກພື້ນ ແລະ ສາກົນ.
ໃນເວທີສຳມະນາຄັ້ງນີ້ ຜູ້ເຂົ້າຮ່ວມໄດ້ພ້ອມກັນປະກອບຄໍາຄິດຄໍາເຫັນຢ່າງກົງໄປກົງມາ ມີລັກສະນະແບບສ້າງສັນ ເພື່ອໃຫ້ໄດ້ຮັບໝາກຜົນຢ່າງຈົບງາມ ແລະ ເພີ່ມທະວີການມີສ່ວນຮ່ວມໃນການຈັດຕັ້ງປະຕິບັດໃຫ້ມີຜົນສໍາເລັດ ແລະ ໄດ້ຮັບປະສິດທິຜົນສູງ ຊຶ່ງການສໍາມະນາແມ່ນໄດ້ດໍາເນີນເປັນເວລາ 2 ວັນ (18-19 ມີນາ 2025).
ຄໍາເຫັນ