ພິທີມອບ-ຮັບພາຫະ ນະຈຳນວນ 79 ຄັນ ຊຶ່ງເປັນການຊ່ວຍເຫຼຶອຈາກລັດຖະບານ ສປ ຈີນ ໃຫ້ກະຊວງປ້ອງກັນປະເທດ ເພື່ອຮັບໃຊ້ເຂົ້າໃນການເປັນປະທານອາຊຽນ 2024 ໄດ້ຈັດຂຶ້ນໃນວັນທີ 9 ເມສານີ້ ທີ່ກະຊວງປ້ອງກັນປະເທດ ໂດຍມີສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດ ຖະມົນຕີກະຊວງປ້ອງກັນປະເທດ ແລະ ສະຫາຍ ພັນເອກພິເສດ ຫຼີປີງ ທີ່ປືກສາທູດຝ່າຍປ້ອງກັນຊາດ ສປ ຈີນປະຈຳ ສປປ ລາວ ເຂົ້າຮ່ວມ. ສຳລັບພາຫະນະທີ່ນຳມາມອບໃນຄັ້ງນີ້ປະກອບມີລົດຕູ້ 25 ບ່ອນນັ່ງ, ລົດຈິບ, ລົດເກງ, ລົດແພດ ແລະ ລົດສະຫຼາມໂດຍການກ່າວມອບຂອງສະຫາຍ ພັນເອກ ພິເສດ ຫຼີປິງ ທີ່ປຶກສາທູດຝ່າຍປ້ອງກັນຊາດ ສປ ຈີນ ປະຈຳ ສປປ ລາວ ແລະ ຕາງໜ້າກ່າວຮັບຂອງ ສະຫາຍ ພົນໂທ ວົງຄຳ ພົມມະກອນ ຮອງລັດຖະ ມົນຕີກະຊວງປ້ອງກັນປະເທດ ພ້ອມດຽວກັນນີ້ສະຫາຍຍັງໄດ້ຕາງໜ້າໃຫ້ຄະນະນຳກະຊວງປ້ອງກັນປະເທດກໍຄືນັກຮົບທົ່ວກອງທັບປະຊາຊົນລາວກ່າວສະແດງຄວາມຂອບໃຈ ແລະ ຕີລາຄາສູງ ໄປຍັງລັດຖະບານຈີນເວົ້າລວມ, ເວົ້າສະເພາະກໍຄືກອງທັບປົດປ່ອຍປະຊາ ຊົນຈີນທີ່ມີຄວາມເປັນຫ່ວງເປັນໃຍ ແລະ ໃຫ້ ການຊ່ວຍເຫຼືອອັນລໍ້າຄ່າ ແລະ ທັນການຕໍ່ກອງທັບປະຊາຊົນລາວ ຊຶ່ງສະ ແດງໃຫ້ເຫັນເຖິງມິດຕະ ພາບຖານສະຫາຍອ້າຍນ້ອງຮ່ວມອຸດົມການດຽວກັນ, ຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີ ທັງເປັນຄູ່ຮ່ວມຊາຕາກໍາລາວ-ຈີນ ທີ່ມີຄວາມ ໝາຍທາງດ້ານຍຸດທະສາດລະຫວ່າງສອງພັກ, ສອງລັດ ກໍຄືສອງກອງ ທັບລາວ-ຈີນ ໃຫ້ນັບມື້ນັບໄດ້ຮັບການເສີມຂະຫຍາຍເຂົ້າສູ່ລວງເລິກຢ່າງບໍ່ຢຸດຢັ້ງ ແລະ ໃຫ້ຄໍາໝັ້ນສັນຍາວ່າ: ຈະນໍາໃຊ້ພາຫະນະດັ່ງກ່າວໃຫ້ເກີດຜົນປະໂຫຍດສູງສຸດໃນການນຳໃຊ້ເຂົ້າໃນການເປັນປະທານອາຊຽນ ຂອງ ສປປ ລາວ.
ຂ່າວ-ພາບ: ກອງທັບ
ຂ່າວ-ພາບ: ກອງທັບ
ຄໍາເຫັນ