ຊຶ່ງມີ ຄະນະຜູ້ແທນ ແຂວງກວ້າງບິງ ນຳໂດຍ ທ່ານ ເຈິ່ນ ຮ້າຍ ເຈົາ ຮອງເລຂາ ຜູ້ປະຈຳການພັກແຂວງ ປະທານສະພາປະຊາຊົນແຂວງກວ້າງບິງ; ຄະນະຜູ້ແທນແຂວງດົ່ງນາຍ ນຳໂດຍ ທ່ານ ກາວ ຕ໊ຽນ ຢຸ້ງ ກຳມະການຄະນະປະຈຳພັກແຂວງ ຫົວໜ້າຄະນະໂຄສະນາສຶກສາ ແລະ ຫົວໜ້າຄະນະຂົນຂວາຍແຂວງດົ່ງນາຍ; ຄະນະຜູ້ແທນແຂວງຢາລາຍ ນຳໂດຍ ທ່ານ ຫວຽນ ຕ໋ວນ ແອັງ ຄະນະປະຈຳພັກແຂວງ ຮອງປະທານຜູ້ປະຈຳການ ຄະນະກຳມະການປະຊາຊົນແຂວງຢາລາຍ ແລະ ຄະນະຜູ້ແທນແຂວງກວ້າງນາມ ນຳໂດຍ ທ່ານ ຫງວຽນ ດຶກ ຢຸ້ງ ຮອງເລຂາຜູ້ປະຈຳການພັກແຂວງ ປະທານສະພາປະຊາຊົນແຂວງກວ້າງນາມ.
ໂອກາດນີ້, ທ່ານ ສາຍທອງ ໄຊຍະວົງ ໄດ້ສະແດງຄວາມຂອບໃຈ ຕໍ່ການມາຢ້ຽມຢາມ ແລະ ອວຍພອນອັນປະເສີດຂອງຄະນະຜູ້ແທນບັນດາແຂວງ ຂອງ ສສ ຫວຽດນາມໃນຄັ້ງນີ້, ພ້ອມກັນນັ້ນ ກໍໄດ້ຕີລາຄາສູງຕໍ່ການຈັດຕັ້ງປະຕິບັດ ການພົວພັນຮ່ວມມືມິດຕະພາບ ຢ່າງຮອບດ້ານ ລະຫວ່າງ ແຂວງຈຳປາສັກ ແລະ ບັນດາແຂວງຂອງຫວຽດນາມ. ໃນໂອກາດນີ້, ທ່ານ ສາຍທອງ ໄຊຍະວົງ ຍັງໄດ້ຕາງໜ້າໃຫ້ຄະນະພັກ-ອົງການປົກຄອງ, ສະພາປະຊາຊົນແຂວງ ແລະ ປະຊາຊົນຊາວແຂວງຈຳປາສັກ ອວຍພອນໄຊອັນປະເສີດມາຍັງຄະນະຜູ້ແທນບັນດາແຂວງ ຂອງ ສສ ຫວຽດນາມ ແລະ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ຂອງສອງພັກ, ສອງລັດ, ປະຊາຊົນສອງຊາດ ເວົ້າລວມ, ເວົ້າສະເພາະ ແຂວງຈຳປາສັກ ແລະ ບັນດາ ແຂວງຂອງຫວຽດນາມ ຈົ່ງໝັ້ນຄົງຂະໜົງແກນ ຕະຫຼອດການລະນາ.
(ຂ່າວ: ທັດຊະນະ)
ຄໍາເຫັນ