ໃນການພົບປະ, ທ່ານ ໂຕເລິມ ແລະ ທ່ານ ອານູຣາ ກູມາຣາ ດິສຊານາຢາຄາ ໄດ້ສະແດງຄວາມດີໃຈຕໍ່ການພັດທະນາແບບຍືນຍົງຂອງການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ສີລັງກາ ໃນ 55 ປີຜ່ານມາ, ເນັ້ນໜັກເຖິງນ້ຳໃຈມິດຕະພາບທີ່ຍາວນານ, ຄວາມໄວ້ເນື້ອເຊື່ອໃຈ, ຄວາມເຂົ້າໃຈຊຶ່ງກັນແລະກັນ ແມ່ນພື້ນຖານສຳຄັນເພື່ອໃຫ້ສອງຝ່າຍສືບຕໍ່ຂຸດຄົ້ນບັນດາຄວາມສາມາດບົ່ມຊ້ອນ, ທ່າແຮງຂອງແຕ່ລະປະເທດຢ່າງມີປະສິດທິຜົນ ແລະ ຊຸກຍູ້ການຮ່ວມມືຢ່າງເລິກເຊິ່ງເພື່ອນຳການພົວພັນຂຶ້ນສູ່ລະດັບສູງໃໝ່.
ທ່ານ ໂຕເລິມ ແລະ ທ່ານ ອານູຣາ ກູມາຣາ ດິສຊານາຢາຄາ ເຫັນດີເປັນເອກະພາບສືບຕໍ່ເພີ່ມທະວີຄວາມໄວ້ເນື້ອເຊື່ອໃຈ ແລະ ຄວາມສະໜິດຕິດພັນລະຫວ່າງສອງປະເທດ, ສອງພັກກຳອຳນາດໃຫ້ຫຼາຍກວ່າເກົ່າອີກ, ຊຸກຍູ້ການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ, ນຳການຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບກາຍເປັນເສົາຄໍ້າໃໝ່ໃນການພົວພັນສອງປະເທດ. ທ່ານ ໂຕເລິມ ຢັ້ງຢືນວ່າ: ດ້ວຍທ່າແຮງຂອງຕົນ, ຫວຽດນາມ ປາຖະໜາຢາກຮ່ວມເດີນທາງ ແລະ ຮ່ວມມືກັບສີລັງກາ ໃນການພັດທະນາເສດຖະກິດ-ສັງຄົມ.
ຄໍາເຫັນ