ໄດ້ຢ້ຽມຢາມພົບປະໂອ້ລົມພະນັກງານຫຼັກແຫຼ່ງພະແນກແຜນການ ແລະ ການລົງທຶນ ແຂວງຫົວພັນ ແລະ ຊຸກຍູ້ການຈັດຕັ້ງປະຕິບັດວຽກງານຂອງພະແນກ.
ໃນພິທີພົບປະຄັ້ງນີ້ ທ່ານ ຄອນທອງ ມະນີວອນ ຫົວໜ້າພະແນກແຜນການ ແລະ ການລົງທຶນ ແຂວງຫົວພັນ ໄດ້ລາຍງານຫຍໍ້ ສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2024 ຂອງແຂວງ ໃຫ້ຮູ້ວ່າ: ລວມຍອດຜະລິດຕະພັນພາຍໃນ (GDP) ບັນລຸໄດ້ 4,906.30 ຕື້ກີບ, ລາຍຮັບສະເລ່ຍຕໍ່ຫົວຄົນໄດ້ 15,507,692 ກີບ/ຄົນ/ປີ ຫຼື ເທົ່າກັບ 900 ໂດລາ ອັດຕາການຂະຫຍາຍຕົວທາງດ້ານເສດຖະກິດຢູ່ໃນລະດັບ 4.67%,ມູນຄ່າສົ່ງອອກສິນຄ້າ ໄດ້ 38.23 ລ້ານໂດລາ, ມູນຄ່າການນໍາເຂົ້າໄດ້ 13.92 ລ້ານໂດລາ,ສາມາດເກັບລາຍຮັບງົບປະມານ ໄດ້ທັງໝົດ 182.12 ຕື້ກີບ ທຽບໃສ່ແຜນການປີລື່ນຄາດໝາຍ 15.60%, ໃນນັ້ນ: ລາຍຮັບສູນກາງ ປະຕິບັດໄດ້ 76.36 ຕື້ກີບ ແລະລາຍຮັບພູດຂອງແຂວງ ປະຕິບັດໄດ້ 106.77 ຕື້ກີບ, ການລົງທຶນຂອງລັດ ປີ 2024 ແຂວງຫົວພັນ ໄດ້ຮັບການອະນຸມັດໂຄງການທັງໝົດ 534 ໂຄງການ, ມູນຄ່າ 249.21 ຕື້ກີບ,ປັດຈຸບັນແຂວງຫົວພັນມີໂຄງການສືືບຕໍ່ ແລະ ໂຄງການໜີ້ສິນທັງໝົດ 476 ໂຄງການ, ມູນຄ່າ ລວມທັງໝົດ 11,671.67 ຕື້ກີບ ໃນນີ້: ໂຄງການໜີ້ສິນ 202 ໂຄງການ,ການລົງທຶນຊ່ວຍເຫຼືອທາງການເພື່ອການພັດທະນາ (ODA)ໄດ້ຮັບການຈັດຕັ້ງປະຕິບັດໄດ້ທັງໝົດ 60 ໂຄງການ, ມູນຄ່າ 125.05 ຕື້ກີບ,ການລົງທຶນຂອງເອກະຊົນພາຍໃນ ແລະ ຕ່າງປະເທດ: ສາມາດອະນຸຍາດການລົງທຶນໄດ້ 38 ໂຄງການ ມູນຄ່າທັງໝົດ 184.82 ລ້ານໂດລາ. ພ້ອມກັນນີ້ ທ່ານ ລັດຖະມົນຕີ ຍັງໄດ້ຮັບຟັງການກະກຽມສ້າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X (2026-2030) ຊຶ່ງພະແນກແຜນການ ແລະ ການລົງທຶນ ນອນໃນອະນຸກຳມະການເນື້ອໃນ ຮັບຜິດຊອບແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X (2026-2030) ຂອງແຂວງ, ສ່ວນຂັ້ນເມືອງ ພະແນກໄດ້ແຕ່ງຕັ້ງແບ່ງພະນັກງານຂັ້ນແຂວງລົງຊ່ວຍສ້າງແຜນພັດທະນາ 5 ປີ ຊ່ວຍຂັ້ນເມືອງ ເມືອງລະສອງທ່ານ ຊຶ່ງມີ 6 ເປົ້າໝາຍ ແລະ 26 ວຽກຈຸດສຸມ, ປັດຈຸບັນແມ່ນເລັ່ງໃສ່ຊ່ວຍເມືອງສົບເບົາ ຊຶ່ງເປັນເມືອງທີ່ຈະເປີດກອງປະຊຸມໃຫຍ່ກ່ອນໝູ່ຄາດວ່າຈະເປີດຂຶ້ນໃນເດືອນ 1 ປີ 2025 ທີ່ຈະມາເຖິງນີ້ ແລະ ເມືອງອື່ນໆ ຄາດວ່າ ໃນ 10 ເມືອງ ຈະໄດ້ເປີດກອງປະຊຸມໃຫຍ່ໃຫ້ສໍາເລັດໃນເດືອນ 3 ປີ 2025 ແລະ ກອງປະຊຸມໃຫຍ່ຂອງແຂວງຫົວພັນຄາດວ່າຈະເປີດຂຶ້ນຢູ່ໃນເດືອນ 9 ປີ 2025.
ພາຍຫຼັງຮັບຟັງການລາຍງານຫຍໍ້ ຈາກພະແນກ, ທ່ານ ເພັດ ພົມພິພັກໄດ້ມີຄໍາເຫັນໂອ້ລົມຕໍ່ພະນັກງານຫຼັກແຫຼ່ງພາຍໃນພະແນກ: ໃຫ້ສະຫຼຸບສັງລວມຕີລາຄາຄືນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຂອງແຂວງ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2025, ປັບປຸງຂັ້ນຕອນ, ສິ່ງອຳນວຍຄວາມສະດວກ, ນິຕິກຳຕ່າງໆໃນການດຳເນີນວຽກງານການສົ່ງເສີມການລົງທຶນຂອງເອກະຊົນພາຍໃນ ແລະ ຕ່າງປະເທດ, ປັບປຸງກົນໄກການຄຸ້ມຄອງການລົງທຶນຂອງລັດ, ການລົງທຶນຂອງເອກະຊົນທັງພາຍໃນ ແລະ ຕ່າງປະເທດ ໂດຍສະເພາະການຄຸ້ມຄອງການລົງທຶນຂອງລັດ ໃຫ້ສຸມໃສ່ສ້າງແຜນການປັບປຸງຊີວິດການເປັນຢູ່, ພື້ນຖານການທຳການຜະລິດ, ຊົນລະປະທານ, ການພັດທະນາຊົນນະບົດ ຫຼຸດຜ່ອນຄວາມທຸກຍາກ, ສຸມໃສ່ພັດທະນາເຂດທີ່ໝັ້ນການປະຕິວັດ ແລະ ພື້ນຖານໂຄງລ່າງຕ່າງໆ, ປັບປຸງການຄຸ້ມຄອງພະນັກງານ, ກົງຈັກການຈັດຕັ້ງ, ການກໍານົດຕໍາແໜ່ງງານຄວາມຕ້ອງການພະນັກງານ ແລະ ປັບປຸງແບບແຜນວິທີການເຮັດວຽກໃຫ້ມີຄວາມວ່ອງໄວ, ໂປ່ງໃສ, ທັນສະໄໝ ແລະ ໃນປີ 2025 ແມ່ນຈະມີການສຳຫຼວດພົນລະເມືອງທົ່ວປະເທດໃຫ້ກະກຽມຂຶ້ນແຜນບຸກຄະລາກອນ, ອຸປະກອນ ແລະ ສິ່ງອໍານວຍຄວາມສະດວກຕ່າງໆ ເພື່ອກຽມຄວາມພ້ອມໃນການຈັດຕັ້ງປະຕິບັດວຽກງານ.
ໂອກາດດຽວກັນນີ້, ທ່ານລັດຖະມົນຕີ ໄດ້ມອບເງິນ ຈຳນວນ 100 ລ້ານກີບ ໃຫ້ພະແນກແຜນການ ແລະ ການລົງທຶນແຂວງຫົວພັນ ຕາງໜ້າມອບໂດຍ ທ່ານອຸຕະແກ້ວ ແກ້ວດວງສິນ ຫົວໜ້າຫ້ອງການກະຊວງແຜນການ ແລະ ການລົງທຶນ ຕາງໜ້າຮັບໂດຍ ທ່ານຄອນທອງ ມະນີວອນ ຫົວໜ້າພະແນກແຜນການ ແລະ ການລົງທຶນແຂວງຫົວພັນ.
(ຂ່າວ-ພາບ: ກະຊວງ ຜທ)
ຄໍາເຫັນ