ທ່ານໄດ້ນໍາເອົາເງິນ ຈໍານວນ 500 ລ້ານກີບ ມອບໃຫ້ແຂວງຫຼວງນໍ້າທາ ແລະ ມອບໃຫ້ພະແນກແຜນການ ແລະ ການລົງທຶນ ແຂວງຫຼວງນໍ້າທາ 100 ລ້ານກີບ ທີ່ຖືກຜົນກະທົບຈາກໄພນໍ້າຖ້ວມ ໂດຍການກ່າວຮັບຂອງ ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ ເງິນຈໍານວນດັ່ງກ່າວແມ່ນຈະໄດ້ນໍາໃຊ້ເຂົ້າໃນວຽກງານຟື້ນຟູຊີວິດການເປັນຢູ່ຂອງປະຊາຊົນ ແລະ ຜູ້ຖືກຜົນກະທົບຈາກໄພນໍ້າຖ້ວມ. ຈາກນັ້ນ ທ່ານ ລັດຖະມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະ ກໍໄດ້ພົບປະໂອ້ລົມພະນັກງານຫຼັກແຫຼ່ງແຂວງຫຼວງນໍ້າທາ ແລະ ໄດ້ຮັບຟັງການລາຍງານສະພາບລວມຜົນເສຍຫາຍຈາກໄພນໍ້າຖ້ວມ ຈາກ ທ່ານ ອ່ອນຈັນ ຄຳພາວົງ ຮອງເຈົ້າແຂວງຫຼວງນໍ້າທາ ທີ່ໄດ້ຮັບຜົນກະທົບຫຼາຍດ້ານຄື: ຜົນກະທົບທາງດ້ານທີ່ຢູ່ອາໃສ, ຜົນກະທົບທາງດ້ານກະສິກໍາ ແລະ ປ່າໄມ້, ຜົນກະທົບທາງດ້ານໂຍທາທິການ ແລະ ຂົນສົ່ງ, ຜົນກະທົບທາງດ້ານພະລັງງານ ແລະ ບໍ່ແຮ່, ຜົນກະທົບທາງດ້ານສາທາລະນະສຸກ, ຜົນກະທົບທາງດ້ານການສຶກສາທິການ ແລະ ກິລາ, ຜົນກະທົບຕໍ່ສໍານັກງານອົງການລັດ, ຜົນກະທົບທາງດ້ານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຜົນກະທົບທາງດ້ານການຄ້າ, ຜົນກະທົບທາງດ້ານຊັບພະຍາກອນທຳມະຊາດ ແລະ ສິ່ງແວດລ້ອມ. ການສະເໜີແຜນໂຄງການຟື້ນຟູ: ແຜນຄວາມຕ້ອງການຊ່ວຍເຫຼືອໄລຍະສັ້ນ (ໄລຍະ 6 ເດືອນ) ປີ 2024-2025 ວຽກງານທີ່ໄດ້ຈັດຕັ້ງປະຕິບັດ ແກ້ໄຂໄລຍະສຸກເສີນແລ້ວ (ແຕ່ບໍ່ທັນມີເງິນຊໍາລະ) ມີທັງໝົດ 6 ລາຍການ: ລວມມູນຄ່າທັງໝົດ 151,834,446,939 ກີບ, ແຜນຄວາມຕ້ອງການເພື່ອແກ້ໄຂຟື້ນຟູໄລຍະສຸກເສີນ 6 ເດືອນ (ເດືອນ 10-12 ປີ 2024 ຫາ ເດືອນ 1-3 ປີ 2025) ມີທັງໝົດ 7 ຂະແໜງການ: ລວມມູນຄ່າທັງໝົດ 179,470,461,219 ກີບ, ຊຶ່ງມີລາຍລະອຽດ: ແຜນຄວາມຕ້ອງການເພື່ອແກ້ໄຂຟື້ນຟູໄລຍະຍາວ (ປີ 2025-2026) ມີທັງໝົດ 7 ຂະແໜງການ ມູນຄ່າລວມທັງໝົດ 5,415,810,774,316 ກີບ.
ໂອກາດນີ້, ທ່ານ ລັດຖະມົນຕີກະຊວງແຜນການ ແລະ ການລົງທຶນ ໄດ້ເນັ້ນໜັກຫຼາຍບັນຫາທີ່ສໍາຄັນ ເປັນຕົ້ນໃຫ້ຄະນະຮັບຜິດຊອບແຕ່ລະຂະແໜງການທີ່ກ່ຽວຂ້ອງສືບຕໍ່ສູມໃສ່ແກ້ໄຂບັນຫາໄພພິບັດຜົນເສຍຫາຍທີ່ເກີດຂຶ້ນຈາກໄພນໍ້າຖ້ວມ ຕິດພັນກັບການແກ້ໄຂຊີວິດການເປັນຢູ່ຂອງປະຊາຊົນໃຫ້ນັບມື້ດີຂຶ້ນ ຄຽງຄູ່ກັບການແກ້ໄຂໄລຍະຍາວ ເຊັ່ນ: ການສ້ອມແປງເສັ້ນທາງໂດຍມີແຜນການສະເໜີໂຄງການຢ່າງລະອຽດ ແລະ ຕິດພັນກັບການສ້າງແຜນໂຄງການສະຫນັບສະໜູນຈາກຕ່າງປະເທດ.
(ຂ່າວ: ອຸ້ມ ສົມນໍວັນ)
ຄໍາເຫັນ