ແລະ ຮັບປະກັນການສະໜອງເລືອດທີ່ເຊື່ອຖືໄດ້ ແລະ ມີຄວາມປອດໄພໃນທົ່ວປະເທດລາວ.
ເປັນກຽດໃນພິທີ, ມີ ທ່ານ ຄໍາລາວັນ ຈັນທະລາວັນປະທານອົງການກາແດງແຫ່ງຊາດລາວ, ທ່ານ ໂທມັດ ລໍາມາ (Thomas Lammar)ອຸປະທູດລຸກຊຳບວກປະຈຳລາວ, ເຂົ້າຮ່ວມເປັນສັກຂີພິຍານ ໂດຍທ່ານ ໄພວັນ ແກ້ວປະເສີດຮອງລັດຖະມົນຕີກະຊວງສາທາລະນະສຸກຜູ້ຕາງໜ້້້້້້າກະຊວງແຜນການແລະການລົງທຶນ ແລະ ຈາກກະຊວງທີ່ກ່ຽວຂ້ອງ ຂອງລັດຖະບານລາວ ພ້ອມທັງຜູ້ຕາງໜ້າຈາກອົງການກາແດງແຂວງ ແລະ ພະແນກສາທາລະນະສຸກແຂວງຈຳນວນໜຶ່ງ ແລະ ພະນັກງານຈາກອົງການຊ່ວຍເຫຼືອການຮ່ວມມືພັດທະນາລຸກຊຳບວກ.
ອຸປະກອນລະບົບເຄື່ອງເຢັນເກັບຮັກສາເລືອດທີ່ທັນສະໄໝ ທີ່ສະໜອງໃຫ້ນີ້ ໂດຍຜ່ານໂຄງການສົ່ງເສີມສຸຂະພາບ ແລະ ໂພຊະນາການ (ລາວ/035), ຈັດຕັ້ງປະຕິບັດໂດຍກະຊວງສາທາລະນະສຸກ ແລະ ອົງການຮ່ວມມືແລະພັດທະນາຂອງ ປະເທດລຸກຊຳບວກ LuxDev ຊຶ່ງຈະຖືກແຈກຢາຍຢູ່ທັງຂັ້ນສູນກາງ, ຂັ້ນແຂວງ ແລະ ຂັ້ນເມືອງ. ການລົງທຶນໃສ່ການຊ່ວຍເຫຼືອໃນຄັ້ງນີ້ແມ່ນຈະມີບົດບາດສໍາຄັນໃນການຮັກສາຄວາມມີປະສິດທິພາບຂອງລະບົບເຄື່ອງເຢັນເກັບຮັກສາເລືອດໃນທົ່ວປະເທດ, ຮັບປະກັນການເກັບຮັກສາເລືອດ ໄປຫາໂຮງໝໍ ແລະ ສະຖານບໍລິການສຸຂະພາບຕ່າງໆ. ສ່ວນປະກອບຂອງເລືອດຢ່າງປອດໄພຈາກສູນເລືອດ ແລະ ອຸປະກອນດັ່ງກ່າວປະກອບມີອົງປະກອບທີ່ຈໍາເປັນຫຼາຍປະເພດເຊັ່ນ: ຕູ້ເຢັນສໍາລັບເກັບຮັກສາເລືອດ, ຕູ້ແຊ່ແຂງສໍາລັບເກັບຮັກສາສ່ວນປະກອບຂອງເລືອດ, ອຸປະກອນຄວບຄຸມອຸນຫະພູມລະບົບແບບດີຈີຕອນ ແລະ ຫີບສໍາລັບຂົນສົ່ງເລືອດເຄື່ອນທີ່ ລວມເປັນຈຳນວນ 247 ລາຍການ, ເພື່ອຮັບປະກັນການຂົນສົ່ງເລືອດທີ່ປອດໄພຢູ່ຂັ້ນສູນກາງ, ແຂວງ, ເມືອງ ແລະ ຊຸມຊົນ.
ປະທານອົງການກາແດງແຫ່ງຊາດລາວ ໄດ້ເນັ້ນໜັກເຖິງຄວາມສໍາຄັນຂອງການຊ່ວຍເຫຼືອຄັ້ງນີ້ວ່າ: “ອົງການກາແດງແຫ່ງຊາດລາວ ຂໍສະແດງຄວາມຮູ້ບຸນຄຸນຢ່າງສູງ ສໍາລັບການສະໜັບສະໜູນອັນໃຫຍ່ຫຼວງຄັ້ງນີ້ຈາກອົງການຮ່ວມມືແລະພັດທະນາ ຂອງປະເທດລຸກຊຳບວກ ຊຶ່ງອຸປະກອນດັ່ງກ່າວຈະຊ່ວຍໃຫ້ພວກເຮົາສາມາດເພີ່ມການເກັບຮັກສາຜະລິດຕະພັນເລືອດໄດ້ ແລະ ຮັບປະກັນການສະໜອງເລືອດທີ່ປອດໄພໄວ້ໃຫ້ແກ່ຜູ້ທີ່ມີຄວາມຈໍາເປັນຕ້ອງການ ພ້ອມທັງສ້າງຄວາມເຂັ້ມແຂງໃຫ້ແກ່ບັນດາສູນເລືອດຂັ້ນຕ່າງໆເພື່ອຮັບປະກັນໃນການຕອບສະໜອງເລືອດ ທີ່ພຽງພໍ ແລະ ປອດໄພ ໃນຂອບເຂດທົ່ວປະເທດ”
ທ່ານ ໂທມັດ ລໍາມາ ໄດ້ສະແດງຄວາມເພິ່ງພໍໃຈ ຕໍ່ການຮ່ວມມື ຄັ້ງນີ້ວ່າ: “ປະເທດລຸກຊຳບວກ ມີຄວາມພູມໃຈທີ່ຈະສືບຕໍ່ໃຫ້ການສະໜັບສະໜູນແກ່ປະເທດລາວໄລຍະຍາວ ດ້ວຍການສືບຕໍ່ຜັນຂະຫຍາຍການບໍລິການດ້ານສາທາລະນະສຸກ, ສືບຕໍ່ການສ້າງການຮ່ວມມືທີ່ໄດ້ປະສົບຜົນສໍາເລັດມາແລ້ວ ໃນໄລຍະ 2 ທົດສະວັດ ຜ່ານມາຂອງພວກເຮົາ, ພວກເຮົາມີຄວາມຍິນດີທີ່ໄດ້ສະໜອງອຸປະກອນລະບົບເຄື່ອງເຢັນເກັບຮັກສາເລືອດທີ່ມີຄຸນນະພາບສູງຈາກປະເທດລຸກຊຳບວກອີກຄັ້ງ. ການລົງທຶນໃສ່ການຊ່ວຍເຫຼືອໃນຄັ້ງນີ້ ແມ່ນຢືນຢັນເຖິງຄວາມມຸ່ງໝັ້ນຂອງພວກເຮົາໃນການສະໜອງອຸປະກອນທີ່ທົນທານ ແລະ ເຊື່ອຖືໄດ້ທີ່ເໝາະສົມກັບຄວາມຕ້ອງການສະເພາະຂອງຄູ່ຮ່ວມງານຂອງພວກເຮົາ ແລະ ເພື່ອຜົນປະໂຫຍດສູງສຸດຂອງປະຊາຊົນລາວ."
ການມອບອຸປະກອນລະບົບຄວາມເຢັນເລືອດທີ່ທັນສະໄໝນີ້ ເປັນຂີດໝາຍສໍາຄັນໃນການຮ່ວມມືລະຫວ່າງລຸກຊໍາບວກ ແລະ ສປປ ລາວ ໃນຂະແໜງສາທາລະນະສຸກຊຶ່ງສະແດງໃຫ້ເຫັນເຖິງຄວາມອຸທິດຂອງປະເທດລຸກຊຳບວກ ໃນການສະໜັບສະໜູນການພັດທະນາແບບຍືນຍົງ ແລະ ການປັບປຸງຊີວິດການເປັນຢູ່ຂອງປະຊາຊົນພາຍໃນ ສປປ ລາວ.
(ຂ່າວ-ພາບ: ແສງຈັນ)
ຄໍາເຫັນ