ທ່ານ ຮຸນມາເນັດ ກ່າວວ່າ: ແຜນການດັ່ງກ່າວມີຈຸດປະສົງເພື່ອຫຼຸດຜ່ອນກໍລະນີຄົນເຈັບໃໝ່ ແລະການເສຍຊີວິດຈາກພະຍາດມະເຮັງໂດຍການຍົກລະດັບການເຂົ້າເຖິງການປ້ອງກັນ, ການກວດ, ການວິນິດໄສ, ການປິ່ນປົວແລະການເບິ່ງແຍງທີ່ມີຄຸນນະພາບ. ໂດຍປະຊາຊົນຄວນເອົາໃຈໃສ່ກັບການກິນອາຫານທີ່ມີຄວາມອຸດົມສົມບູນດ້ວຍຜັກ, ໝາກໄມ້, ທັນຍາພືດ, ໂປຣຕີນແລະອອກກໍາລັງກາຍເປັນປົກກະຕິ. ເພື່ອຫຼຸດຜ່ອນຄວາມສ່ຽງຕໍ່ການເປັນພະຍາດມະເຮັງ.
ນອກຈາກນີ້, ທ່ານ ຮຸນມາເນັດ ໄດ້ແນະນຳໃຫ້ບັນດາອົງການທີ່ກ່ຽວຂ້ອງກວດກາຄວາມປອດໄພ ແລະ ຄຸນນະພາບຂອງອາຫານ, ຜັກ ແລະ ໝາກໄມ້ເປັນປະຈຳ. ເພື່ອປ້ອງກັນການປົນເປື້ອນສານເຄມີທີ່ອາດຈະເຮັດໃຫ້ເກີດມະເຮັງ.
ທ່ານ ຊຽງ ຣາ ລັດຖະມົນຕີກະຊວງສາທາລະນະສຸກກຳປູເຈຍກ່າວວ່າ:ກຳປູເຈຍກວດພົບພະຍາດມະເຮັງຕັບຫຼາຍທີ່ສຸດ, ຮອງລົງມາແມ່ນມະເຮັງປອດ, ມະເຮັງເຕົ້ານົມ, ມະເຮັງລຳໄສ້ໃຫຍ່ ແລະມະເຮັງປາກມົດລູກ.ໂດຍມີຄົນເຈັບພະຍາດມະເຮັງເສຍຊີວິດໃນກຳປູເຈຍປະມານ 38 ຄົນຕໍ່ມື້.
ນອກຈາກນີ້, ກຳປູເຈຍຍັງມີໂຮງໝໍເລືອງເມ ທີ່ຢູ່ນອກນະຄອນຫຼວງພະນົມເປັນ ຊຶ່ງເປັນໂຮງໝໍຂະໜາດໃຫຍ່ທີ່ສຸດສຳລັບປິ່ນປົວຜູ້ເປັນພະຍາດມະເຮັງໂດຍສະເພາະ.
ຄໍາເຫັນ