ມາເລເຊຍ ສ້າງຄວາມຫຼາກຫຼາຍດ້ານການຄ້າໃນຕະຫຼາດ

ຂ່າວສານຫວຽດນາມລາຍງານວ່າ: ກະຊວງການລົງທຶນ, ການຄ້າ ແລະ ອຸດສາຫະກຳ ຂອງ ມາເລເຊຍ ພວມຜັນຂະຫຍາຍບັນດາຄວາມພະຍາຍາມດ້ານການຄ້າ ໂດຍສຸມໃສ່ຄູ່ຮ່ວມມືການຄ້າທີ່ບໍ່ແມ່ນຕະຫຼາດແບບດັ່ງເດີມ ເພື່ອແກ້ໄຂສິ່ງທ້າທາຍໃນຍຸກໂລກາພິວັດ.
ຂ່າວລະບຸວ່າ: ກ່າວຄຳເຫັນຕໍ່ວົງການນັກຂ່າວ, ທ່ານ ເຕັງກູ ດາໂຕະ ເສຣີ ຊາຟຣຸ ອັບດຸລ ອາຊີ ລັດຖະມົນຕີກະຊວງການລົງທຶນ, ການຄ້າ ແລະ ອຸດສາຫະກຳ ມາເລເຊຍ ໃຫ້ຮູ້ວ່າ: ຕໍ່ໜ້າບັນດາສິ່ງທ້າທາຍດ້ານພູມສາດການເມືອງທີ່ຫຼຸດຜ່ອນການຄ້າທົ່ວໂລກ, ກະຊວງພວມສຸມໃສ່ບັນດາປະເທດ ຄື: ອາຟຣິກາ, ອາເມຣິກາໃຕ້ ແລະ ອາຊີຕາເວັນຕົກ. ຄູ່ການຄ້າໃຫຍ່ທີ່ສຸດຂອງມາເລເຊຍ ແມ່ນຈີນ, ຖັດມາແມ່ນອາເມຣິກາ. ໃນຂະນະທີ່ການຄ້າທົ່ວໂລກຫຼຸດລົງໃນປີກາຍນີ້ກັບບັນດາປະເທດທີ່ໃຫຍ່ທີ່ສຸດຂອງໂລກ, ແຕ່ການຄ້າຂອງ ມາເລເຊຍ ກໍເພີ່ມຂຶ້ນກັບບັນດາປະເທດອາຊີຕາເວັນຕົກ, ອາຟຣິກາ ແລະ ອາເມຣິກາໃຕ້ ແລະ ນີ້ແມ່ນສ່ວນໜຶ່ງຂອງນະໂຍບາຍຄວາມຫຼາກຫຼາຍດ້ານການຄ້າຂອງມາເລເຊຍ, ສຸມໃສ່ປະເທດທີ່ບໍ່ແມ່ນແບບດັ່ງເດີມ. ທ່ານເຊື່ອໝັ້ນວ່າ: ການສຸມໃສ່ການຄ້າທີ່ມີຄວາມຫຼາກຫຼາຍ ທີ່ຕ່າງຈາກຕະຫຼາດແບບດັ່ງເດີມເປັນສິ່ງສຳຄັນ ເພາະນັ້ນຄືຈຸດຂອງການເຕີບໂຕທີ່ຈະເກີດຂຶ້ນ.