![ປກສ ເມືອງໄຊເສດຖາ ສຸມໃສ່ແກ້ໄຂປະກົດການຫຍໍ້ທໍ້ໃນສັງຄົມ]()
ໃນ 6 ເດືອນຕົ້ນປີ 2026 ເຈົ້າໜ້າທີ່ກອງບັນຊາການປ້ອງກັນຄວາມສະຫງົບ (ປກສ) ເມືອງໄຊເສດຖາ ແຂວງອັດຕະປື ມີຄະດີອາຍາເກີດຂຶ້ນ 16 ເລື່ອງ, ກັກຜູ້ຖືກຫາໄດ້ 19 ຄົນ ຍິງ 1 ຄົນ, ໃນນັ້ນ, ຄະດີລັກຊັບມີ 3 ເລື່ອງ, ຄະດີປຸ້ນຊັບ 2 ເລື່ອງ, ຄະດີທຳມິດສະຈານ 2 ເລື່ອງ, ຄະດີທໍາຮ້າຍຮ່າງກາຍ 4 ເລື່ອງ, ຄະດີຊຸກເຊື່ອງ ຊື້-ຂາຍຊັບຜິດກົດໝາຍ 2 ເລື່ອງ, ຄະດີທໍາສໍາເລົາເດັກ 1 ເລື່ອງ, ຄະດີເຜີຍ ແຜ່ສິ່ງລາມົກຜ່ານລະບົບຄອມພີວເຕີ 1 ເລື່ອງ, ຄະດີທໍາລາຍເອກະສານກາປະທັບ 1 ເລື່ອງ, ໄດ້ສະຫຼຸບສົ່ງໃຫ້ໄອຍະການ 2 ເລື່ອງ, ຊັດມ້ຽນ 11 ເລື່ອງ ສົ່ງໃຫ້ ປກສ ແຂວງດໍາເນີນ 1 ເລື່ອງ, ພວມດໍາເນີນ 8 ເລື່ອງ, ເກັບກູ້ເຄື່ອງຂອງກາງທີ່ຄົນຮ້າຍລັກໄປສົ່ງຄືນເຈົ້າຂອງມີເງິນ 11,390,000 ກີບ, ຄໍາ 2 ບາດ, ລົດຈັກ 1 ຄັນ, ໂທລະສັບ 4 ໜ່ວຍ, ຄວາຍ 1 ໂຕ, ພ້ອມນັ້ນໄດ້ທັບມ້າງເປົ້າໝາຍຄ້າຂາຍຢາເສບຕິດ ໄດ້ 9 ຄັ້ງ, ກັກຜູ້ຖືກຫາ 11 ຄົນ ຍິງ 3 ຄົນ, ຢຶດຂອງກາງຢາບ້າ 1,201 ເມັດ, ໂທລະສັບ 2 ໜ່ວຍ, ເງິນ 2,100,000 ກີບ, ສ່ວນຄະດີ ແມ່ນມອບໃຫ້ ປກສ ແຂວງ ສືບຕໍ່ດໍາເນີນຄະດີ.
![ກອງປະຊຸມຄະນະກຳມະການປົກຄອງແຂວງຊຽງຂວາງ ຄັ້ງທີ II ປີ 2026]()
ກອງປະຊຸມ ຄະນະກຳມະການປົກຄອງແຂວງຊຽງຂວາງ ຄັ້ງທີ II ປີ 2026 ໄດ້ຈັດຂຶ້ນໃນວັນທີ 28 ກໍລະກົດຜ່ານມາ ທີ່ ຫ້ອງວ່າການແຂວງ ໂດຍການເປັນປະທານຂອງທ່ານ ບົວເງິນ ຫຸມໄຊຍະພົມ ຄະນະປະຈຳພັກແຂວງ ປະທານຄະນະກຳມະການປົກຄອງແຂວງ, ໂດຍການເຂົ້າຮ່ວມຂອງ ທ່ານ ພູວົງ ອຸ່ນຄຳແສນ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ, ມີພາກສ່ວນກ່ຽວຂ້ອງເຂົ້າຮ່ວມ.
![ສະພາ ນວ ຊຸກຍູ້ - ຕິດຕາມພະແນກແຮງງານ ນວ]()
ສະພາປະຊາຊົນ ນະຄອນຫຼວງວຽງຈັນ ນວ ໄດ້ລົງຊຸກຍູ້-ຕິດຕາມ ການປະຕິບັດວຽກງານ ຂອງພະແນກແຮງງານ ແລະ ສະຫວດດີການນະຄອນຫຼວງ ໃນວັນທີ 28 ກໍລະກົດນີ້ ທີ່ຫ້ອງປະຊຸມຂອງພະແນກດັ່ງກ່າວ. ໃຫ້ກຽດນໍາພາຄະນະ ໂດຍ ທ່ານ ນາງ ຄໍາແຫວນ ສິງບັນດິດ ຮອງປະທານສະພາປະຊາຊົນ ນະຄອນຫຼວງວຽງຈັນ, ທ່ານ ສາລະພິດ ສູນວໍລະວົງ ຫົວໜ້າພະແນກແຮງງານ ແລະ ສະຫວດດີການສັງຄົມ ນວ ພ້ອມດ້ວຍຄະນະ.
![ເລຂາພັກແຂວງຄຳມ່ວນ ລົງມອບເຄື່ອງຊ່ວຍເຫຼືອ ເມືອງຄູນຄຳ]()
ວັນທີ 28 ກໍລະກົດ ຜ່ານມາ, ທ່ານ ໄຊຊະນະ ໂຄດພູທອນ ເລຂາພັກແຂວງປະທານສະພາປະຊາຊົນແຂວງຄຳມ່ວນ ພ້ອມດ້ວຍ ທ່ານ ເດດສັກດາ ມະນີຄຳ ຮອງປະທານອົງການປົກຄອງແຂວງ, ປະທານຄະນະກຳມະການຄຸ້ມຄອງໄພພິບັດຂັ້ນແຂວງ ພ້ອມຄະນະ ໄດ້ລົງພື້ນທີ່ເມືອງຄູນຄຳ ເພື່ອມອບເຄື່ອງອຸປະໂພກ-ບໍລິໂພກ ຊ່ວຍເຫຼືອປະຊາຊົນຜູ້ປະສົບໄພນ້ຳຖ້ວມ, ກ່າວຮັບໂດຍທ່ານ ຄຳປ່ຽນ ມະນີຄຳ ເລຂາພັກເມືອງຄູນຄຳ, ມີບັນດາຫົວໜ້າພະແນກການຂອງແຂວງ, ການນຳເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.
![ສະຫາຍ ວັນໄຊ ພອງສະຫວັນ ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງຍອດອູ]()
ໃນວັນທີ 27 ກໍລະກົດ ຜ່ານມານີ້, ສະຫາຍ ວັນໄຊ ພອງສະຫວັນ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງສູນກາງ ພ້ອມດ້ວຍຄະນະ ແລະ ຄະນະນຳຂອງແຂວງ ຜົ້ງສາລີ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງຍອດອູ.
![ຫຼວງນ້ຳທາອອກລະບຽບເຂັ້ມງວດ ຄຸ້ມຄອງນົກຂວາສັດປະຈຳແຂວງ]()
ເມືອງຫຼວງນໍ້າທາໄດ້ຈັດພິທີເຜີຍແຜ່ນິຕິກໍາກ່ຽວກັບການພັດທະນາ, ຄຸ້ມຄອງ ແລະ ການຂະຫຍາຍແຜນແມ່ບົດ ວ່າດ້ວຍນົກຂວາ ສັດປະຈໍາແຂວງຫຼວງນໍ້າທາໃນວັນທີ 28 ກໍລະກົດນີ້ ທີ່ ເມືອງຫຼວງນ້ຳທາໂດຍການເຂົ້າຮ່ວມຂອງທ່ານ ຄໍາຜາຍ ອຸແປງວົງ ຮອງປະທານຄະນະກໍາມະການປົກຄອງເມືອງ, ຜູ້ຊີ້ນໍາວຽກງານວັດທະນະທໍາ-ສັງຄົມຂັ້ນເມືອງ,ມີພາກສ່ວນທີ່ກ່ຽວຂ້ອງ ເຂົ້າຮ່ວມ.
![ປະເພນີບຸນເຂົ້າພັນສາ]()
ເມື່ອຮອດມື້ຂຶ້ນ 15 ຄໍ່າ ເດືອນ 8 ລາວ ຂອງທຸກໆປີ ແມ່ນບຸນເຂົ້າພັນສາ ເປັນໜຶ່ງງານບຸນປະເພນີ ທີ່ມີຄວາມໝາຍ-ຄວາມສຳຄັນ ທາງສາສະໜາຂອງຊາວພຸດ ທັງເປັນບຸນທີ່ຢູ່ໃນຮີດ 12 ຄອງ 14 ປະເພນີລາວ ທີ່ຊາວພຸດເຄີຍສືບທອດປະຕິບັດກັນມາຮອດປັດຈຸບັນ. ປີນີ້ກົງກັບວັນພຸດວັນທີ 29 ກໍລະກົດ 2026.
![ບໍລິສັດ ໄຟຟ້າຫົງສາ ຈໍາກັດ ອວຍພອນໜັງສືພິມປະຊາຊົນ]()
ທ່ານ ນາງ ລຸ້ງເພັດ ຖິ່ນມະນາວ ຜູ້ຈັດການສ່ວນງານສື່ສານອົງກອນ ຕາງໜ້າໃຫ້ບໍລິສັດ ໄຟຟ້າຫົງສາ ຈໍາກັດ ພ້ອມດ້ວຍຄະນະ ໄດ້ເຂົ້າອວຍພອນ ໜັງສືພິມປະຊາຊົນ ສຽງຂອງສູນກາງພັກ ໃນຕອນເຊົ້າວັນທີ 28 ກໍລະກົດນີ້ ທີ່ສໍານັກງານໜັງສືພິມ. ເນື່ອງໃນໂອກາດວັນສື່ມວນຊົນ ແລະ ການພິມຈໍາໜ່າຍ, ວັນສ້າງຕັ້ງໜັງສືພິມປະຊາຊົນ ສຽງຂອງສູນກາງພັກ ຄົບຮອບ 76 ປີ (13/8 /1950 - 13/8/2026) ໃກ້ຈະມາເຖິງນີ້. ໃຫ້ກຽດຕ້ອນຮັບໂດຍທ່ານ ສີວັນ ຫອມໄຊຍະເດດ ຮັກສາການຫົວໜ້າບັນນາທິການໃຫຍ່ ໜັງສືພິມປະຊາຊົນ ພ້ອມຄະນະ.
![ຮອງຫົວໜ້າ ຄອສພ ປາຖະກະຖາວັນສໍາຄັນຂອງພັກ ຂອງຊາດ ຢູ່ກະຊວງອຸດສາຫະກໍາ ແລະ ການຄ້າ]()
ໃນວັນທີ 23 ກໍລະກົດຜ່ານມານີ້, ທ່ານ ຄໍາມອນ ຈັນທະຈິດ ກໍາມະການສໍາຮອງສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ໄດ້ປາຖະກະຖາເນື່ອງໃນໂອກາດວັນເກີດປະທານ ສຸພານຸວົງ ຄົບຮອບ 117 ປີ, ວັນສົນທິສັນຍາມິດຕະພາບ ແລະ ການຮອບມື ຄົບຮອບ 49 ປີ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 64 ປີ ທີ່ກະຊວງອຸດສາຫະກໍາ ແລະ ການຄ້າ (ອຄ)ໂດຍມີຄະນະພັກ, ຄະນະນໍາ, ບັນດາໜ່ວຍພັກຮາກຖານ, ສະມາຊິກພັກ-ພະນັກງານຫຼັກແຫຼ່ງເຂົ້າຮ່ວມ 200 ກວ່າທ່ານ.
![ບໍລິສັດ ກະສິກໍາ ຈໍາກັດຜູ້ດຽວ ມອບເຄື່ອງກິລາໃຫ້ກອງບັນຊາການທະຫານຜົ້ງສາລີ]()
ໃນວັນທີ 27 ກໍລະກົດຜ່ານມາ, ທ່ານ ສີມື ສົມເພັດ ຕາງໜ້າບໍລິສັດ ກະສິກໍາ ຈໍາກັດຜູ້ດຽວ ໄດ້ນໍາເອົາເຄື່ອງກິລາຈໍານວນ 50 ຊຸດ ລວມມູນຄ່າ 5,000,000 ກີບ ມອບໃຫ້ກອງບັນຊາການທະຫານແຂວງຜົ້ງສາລີ, ໂດຍການກ່າວຮັບຂອງສະຫາຍ ພັນເອກ ວິໄລ ແພງສົມເຮືອງ ຫົວໜ້າການທະຫານ ກອງບັນຊາການທະຫານແຂວງຜົ້ງສາລີ ພ້ອມດ້ວຍຄະນະ.
ຄໍາເຫັນ