ແມ່ຍິງຫຼວງນໍ້າທາສະຫຼອງວັນທີ 8 ມີນາ ຄົບຮອບ 114 ປີ 

ເມື່ອບໍ່ດົນມານີ້ ຢູ່ທີ່ສະໂມສອນແຂວງຫຼວງນໍ້າທາ, ສະຫະພັນແມ່ຍິງແຂວງ ໄດ້ຈັດພິທີສະເຫຼີມສະຫຼອງວັນແມ່ຍິງສາກົນ 8 ມີນາ ຄົບຮອບ 114 ປີ ຮ່ວມກັບກົງສູນໃຫຍ່ ສສ ຫວຽດນາມ. ໂດຍການໃຫ້ກຽດເຂົ້າຮ່ວມຂອງ ທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນໍ້າທາ, ມີທ່ານ ນາງກຽວ ທີີ່ຮັ່ງຟຸກ ຫົວໜ້າກົງສູນໃຫຍ່ ສສ ຫວຽດນາມ ປະຈຳນະຄອນຫຼວງພະບາງ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
      ໃນພິທີ ສະເຫຼີມສະຫຼອງວັນແມ່ຍິງສາກົນ 8 ມີນາ ຄົບຮອບ 114 ປີ ພາຍໃຕ້ຄໍາຂັວນທີ່ວ່າ: “ລົງທຶນເລັ່ງໃສ່ການພັດທະນາຄວາມກ້າວໜ້າຂອງແມ່ຍິງ’’ ໃນພິທີຜູ້ເຂົ້າຮ່ວມໄດ້ຮັບຟັງປະຫວັດຄວາມເປັນມາຂອງວັນແມ່ຍິງສາກົນ. 
      ການສະເຫຼີມສະຫຼອງວັນແມ່ຍິງສາກົນຄັ້ງນີ້, ກໍເພື່ອເປັນການລະດົມແນວຄິດ, ຈິດໃຈໃຫ້ເອື້ອຍນ້ອງແມ່ຍິງທັງສອງປະເທດເວົ້າລວມເວົ້າສະເພາະກໍຄືເອື້ອຍນ້ອງແມ່ຍິງຫວຽດນາມທີ່ດຳລົງຊິວິດເຮັດວຽກຢູ່ແຂວງພາກເໜືອຂອງລາວ ກັບແຂວງຫຼວງນໍ້າທາ ໄດ້ມີໂອກາດພົບປະແລກປ່ຽນບົດຮຽນເຊີ່ງກັນ ແລະ ກັນໃຫ້ດີຂຶ້ນເປັນກ້າວໆ.ໂອກາດດຽວກັນ, ການນຳຂອງແຂວງທັງສອງປະເທດກໍ່ໄດ້ມີມອບກະຕ່າຂອງຂວັນເພື່ອເປັນທີ່ລະນຶກໃຫ້ເຊີ່ງກັນ ແລະ ກັນຕື່ມອີກ. 
(ຂ່າວ: ມຸນຕີ)