![ຊາວເມືອງໄຊພູທອງ ອັນເຊີນພະເຈົ້າແຖ່ນຄໍາເຫຼືອງ ລົງຫົດສົງເປັນເວລາ 7 ວັນ]()
ໃນວັນທີ 2 ເມສານີ້, ອໍານາດການປົກຄອງເມືອງໄຊພູທອງ ແຂວງສະຫວັນນະເຂດ ໄດ້ຮ່ວມກັບອໍານາດການປົກຄອງບ້ານໂພນທາດ ໄດ້ຈັດຕັ້ງພິທີ ອັນເຊີນອົງພະເຈົ້າແຖ່ນຄໍາເຫຼືອງ ອົງພະທີ່ສັກສິດຄູ່ບ້ານຄູ່ເມືອງຂອງຊາວ ແຂວງສະຫວັນນເຂດ ເວົ້າລວມ, ເວົ້າສະເພາະກໍຄືຂອງຊາວເມືອງໄຊພູທອງອັນເປັນທີ່ເຄົາລົບນົບໄຫວ້ ຂອງຊາວສະນິກກະຊົນທັງຫຼາຍອອກຈາກໃນອົງພະທາດໂຜ່ນ ລົງປະດິດສະຖານຢູ່ບໍລິເວນກົມມະລຽນຮອບນອກພະທາດໂຜ່ນທີ່ໄດ້ກະກຽມໄວ້ ເພື່ອໃຫ້ຊາວພຸດທະສາຊະນິກະຊົນ ໄດ້ຫົດສົງ ໃນໂອກາດບຸນສົງການປີໃໝ່ລາວ.
![ຫສປທ ເຜີຍແຜ່ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ]()
ຫ້ອງວ່າການສໍານັກງານປະທານປະເທດ (ຫສປທ), ເຜີຍແຜ່ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ ໃນວັນທີ 2 ເມສານີ້ ທີ່ຫ້ອງປະຊຸມຂອງ ຫສປທ, ໂດຍເປັນປະທານຂອງ ທ່ານ ນາງ ຟອງສະໝຸດ ອັ່ນລາວັນ ເລຂາຄະນະບໍລິຫານງານພັກ ຫົວໜ້າຫ້ອງວ່າການສໍານັກງານປະທານປະເທດ, ມີບັນດາຄະນະພັກ, ຄະນະນໍາ, ຄະນະກົມ, ຄະນະພະແນກ ພ້ອມດ້ວຍພະນັກງານ-ລັດຖະກອນ ແລະ ພະນັກງານຫຼັກແຫຼ່ງເຂົ້າຮ່ວມຢ່າງພ້ອມພຽງ.
![3 ອົງການຈັດຕັ້ງ ກະຊວງ ປທ ມອບເຄື່ອງຊ່ວຍເຫຼືອບ້ານທີ່ໄດ້ຮັບຜົນກະທົບຈາກພາຍຸໝາກເຫັບ]()
ວັນທີ 1 ເມສາ ຜ່ານມາ, 3 ອົງການຈັດຕັ້ງມະຫາຊົນ ກະຊວງປ້ອງກັນປະເທດ (ປທ) ນຳໂດຍ ສະ ຫາຍ ພັນເອກ ນາງ ປາ ວົງສະແຫວງ ຮອງຫົວໜ້າຫ້ອງການສະຫະພັນແມ່ຍິງກອງທັບ ໄດ້ລົງເຄື່ອນໄຫວຢ້ຽມຢາມ, ຊຸກຍູ້ໃຫ້ກໍາລັງໃຈ ແລະ ມອບເຄື່ອງບໍລິໂພກຈໍານວນໜຶ່ງ ລວມມູນຄ່າ 30 ລ້ານກີບ ໃຫ້ບ້ານທີ່ຖືກຜົນກະທົບຈາກເຫດການພາຍຸລະດູຮ້ອນ (ພາຍຸໝາກເຫັບ) ເຮັດໃຫ້ຫຼາຍຄອບຄົວຢູ່ເມືອງສີໂຄດຕະບອງ ນະ ຄອນຫຼວງວຽງຈັນ ໄດ້ຮັບຜົນກະທົບຢ່າງໜັກ ໂດຍສະເພາະແມ່ນທີ່ຢູ່ອາໄສຂອງປະຊາຊົນ ແລະ ພະນັກງານ-ນັກຮົບ ໂດຍສະເພາະແມ່ນເຮືອນຊານ ແລະ ຊັບສິນ ໄດ້ຮັບຄວາມເສຍຫາຍເປັນຈໍານວນຫຼາຍ. ທັງນີ້, ກໍເພື່ອເປັນການຊຸກຍູ້, ຊ່ວຍເຫຼືອ ແລະ ໃຫ້ກໍາລັງໃຈ ຕໍ່ຄອບຄົວປະຊາຊົນ ແລະ ພະນັກງານ-ນັກຮົບ ທີ່ໄດ້ຮັບຜົນກະທົບຈາກເຫດການດັ່ງກ່າວ ໃຫ້ກັບຄືນສູ່ສະພາບປົກກະຕິໂດຍໄວ.
![ສະຫຼຸບວຽກງານກວດກາປະຈຳປີ 2025]()
ກົມກວດກາ ກະຊວງວັດທະນະທຳ ແລະ ການທ່ອງທ່ຽວ (ວທ) ຈັດກອງປະຊຸມສະຫຼຸບວຽກງານກວດກາປະຈຳປີ 2025 ແລະ ທິດທາງປີ 2026 ໃນວັນທີ 2 ເມສານີ້ ທີ່ ກະຊວງ ວທ ໂດຍການເປັນປະທານກ່າວເປີດກອງປະຊຸມຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ວທ, ເຂົ້າຮ່ວມຂອງທ່ານ ຄຳໄຫຼ ສີປະເສີດ ຮອງປະທານອົງການກວດກາແຫ່ງລັດ ທັງເປັນຮອງຫົວໜ້າອົງການຕ້ານການສໍ້ລາດບັງຫຼວງສູນກາງ, ມີ ປະທານຄະນະກວດກາພັກ, ຄະນະປະຈໍາ, ກຳມະການພັກກະຊວງ, ເລຂາຄະນະພັກຮາກຖານ, ເລຂາໜ່ວຍພັກ ແລະ ແຂກຖືກເຊີນເຂົ້າຮ່ວມ.
![ບໍລິຈາກເລືອດຕ້ອນຮັບວັນສ້າງຕັ້ງກຳລັງ ປກສ ຄົບຮອບ 65 ປີ]()
ກະຊວງປ້ອງກັນຄວາມສະຫງົບ (ປກສ) ຈັດກິດຈະກຳບໍລິຈາກເລືອດແບບສະໝັກໃຈ ເພື່ອສ້າງຂະບວນການຂໍ່ານັບຮັບຕ້ອນວັນສ້າງຕັ້ງກຳລັງ ປກສ ຄົບຮອບ 65 ປີ (5 ເມສາ 1961 - 5 ເມສາ 2026) ຂຶ້ນເມື່ອບໍ່ດົນມານີ້, ໃຫ້ກຽດເຂົ້າຮ່ວມຂອງທ່ານ ພົຈວ ສູນທອນ ລາດຊະສົມບັດ ຮອງຫົວໜ້າກົມໃຫຍ່ພະລາທິການ ທັງເປັນຄະນະກໍາມະການສົ່ງເສີມການບໍລິຈາກເລືອດ ກະຊວງ ປກສ, ມີທ່ານ ຈັນທະລາ ສຸກສາຄອນ ຮອງປະທານອົງການກາແດງແຫ່ງຊາດລາວ ພ້ອມດ້ວຍນາຍ ແລະ ພົນຕຳຫຼວດ ຈາກບັນດາກົມກອງອ້ອມຂ້າງກະຊວງ, ຕະຫຼອດຮອດພະນັກງານແພດ-ໝໍເຂົ້າຮ່ວມ.
![ເມືອງພຽງ ປາຖະກະຖາ ສອງວັນປະຫວັດສາດ]()
ການນຳຂອງເມືອງພຽງ ແຂວງໄຊຍະບູລີ, ມີນາຍ ແລະ ພົນທະຫານ, ນາຍ ແລະ ພົນຕຳຫຼວດ ໄດ້ເຂົ້າວ່າງກະຕ່າດອກໄມ້ທີ່ໜ້າອານຸສອນສະຖານ ປະທານ ໄກສອນ ພົມວິຫານ ຂອງເມືອງໃນຕ້ອນເຊົ້າວັນທີ 1 ເມສານີ້, ເນື້ອງໃນໂອ້ກາດວັນສ້າງຕັ້ງກໍາລັງປ້ອງກັນຄວາມສະຫງົບຄົບຮອບ 65 ປີ ແລະ ວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຄົບຮອບ 71 ປີ ຂຶ້ນ ແລະ ໄດ້ປາຖະກະຖາ 2 ວັນດັ່ງກ່າວ ຢູ່ທີຫ້ອງປະຊຸມໃຫຍ່ຂອງເມືອງ ໂດຍການເປັນກຽດເຂົ້າຮ່ວມ ແລະ ປາຖະກະຖາຂອງສະຫາຍ ເສນ ພັນລັກ ກຳມະການພັກແຂວງ ເລຂາຄະນະບໍລິຫານງານພັກເມືອງ ລ.
![ສະຫຼອງວັນສ້າງຕັ້ງສະພາທະນາຍຄວາມລາວ ຄົບຮອບ 37 ປີ]()
ສະພາທະນາຍຄວາມລາວ ຈັດພິທີສະເຫຼີມສະຫຼອງວັນສ້າງຕັ້ງ ສະພາທະນາຍຄວາມລາວ ຄົບຮອບ 37 ປີ ຂຶ້ນໃນວັນທີ 30 ມີນາຜ່ານມາ ທີ່ຫ້ອງປະຊຸມສະພາທະນາຍຄວາມ ໂດຍການເປັນປະທານຂອງທ່ານ ຄຳພັນ ບຸນພາຄົມ ຮອງລັດຖະມົນຕີກະຊວງຍຸຕິທຳ, ມີທ່ານ ວຽງສະຫວັນ ພັນທະລີ ປະທານສະພາທະນາຍຄວາມລາວ, ມີຄະນະບໍລິຫານງານ-ຄະນະກວດກາ ສະພາທະນາຍຄວາມ ແລະ ແຂກຖືກເຊີນເຂົ້າຮ່ວມ.
![ກົມ 512 ປາຖະກະຖາວັນສ້າງຕັ້ງກຳລັງ ປກສ ຄົບຮອບ 65 ປີ]()
ກົມຄົ້ນຄວ້າວິທະຍາສາດ ແລະ ປະຫວັດສາດ (ກົມ 512) ກະຊວງປ້ອງກັນຄວາມສະຫງົບ (ປກສ) ໄດ້ປາຖະກະຖາວັນສ້າງຕັ້ງກຳລັງ ປກສ ຄົບຮອບ 65 ປີ (5 ເມສາ 1961-5 ເມສາ 2026) ແລະ ມອບຫຼຽນໄຊ-ຫຼຽນກາ-ໃບຍ້ອງຍໍໃຫ້ຜູ້ທີ່ມີຜົນງານ ໃນການປະກອບສ່ວນຮັບໃຊ້ກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວ ເປັນເຈົ້າພາບປີ 2024 ຂຶ້ນໃນວັນທີ 31 ມີນານີ້ ທີ່ກົມດັ່ງກ່າວ ໂດຍການເປັນປະທານຂອງທ່ານ ພົຈວ ຄຳແຝງ ວັນດີໄຊ ຫົວໜ້າກົມຄົ້ນຄວ້າວິທະຍາສາດ ແລະ ປະ ຫວັດສາດ ກະຊວງ ປກສ, ມີຄະນະພັກ, ຄະນະກົມ, ຫົວໜ້າພະແນກ, ຮອງພະແນກ ພ້ອມດ້ວຍນາຍ ແລະ ພົນຕໍາຫຼວດເຂົ້າຮ່ວມ.
![ການດໍາເນີນທຸລະກິດ ລຮລ ສາມາດສ້າງລາຍຮັບໄດ້ 64.92 ລ້ານໂດລາ]()
ໃນຕອນເຊົ້າຂອງວັນທີ 1 ເມສາ ນີ້ ທີ່ໂຮງແຮມ Amari Vientiane, ລັດວິສາຫະກິດຖືຮຸ້ນລາວ (ລຮລ) ໄດ້ຈັດກອງປະຊຸມສະຫຼຸບວຽກງານປະຈໍາປີ 2025 ແລະ ຜ່ານທິດທາງ-ແຜນການປີ 2026, ໂດຍການ ໃຫ້ກຽດເປັນປະທານຂອງ ທ່ານ ມະໄລທອງ ກົມມະສິດ ກຳມະການສູນກາງພັກ ເລຂາຄະນະບໍລິຫານງານພັກ ລັດຖະມົນຕີກະຊວງອຸດສາຫະກຳ ແລະ ການຄ້າ. ມີຄະນະສະພາບໍລິຫານ ລຮລ, ຫ້ອງການ, ບັນດາກົມ ແລະ ສະຖາບັນຈາກກະຊວງອຸດສາຫະກຳ ແລະ ການຄ້າ, ຕາງໜ້າກະຊວງການເງິນ, ບັນດາລັດວິສາຫະກິດໃນຂະແໜງການ, ທະນາຄານ ແລະ ພະນັກງານ ລຮລ ເຂົ້າຮ່ວມ.
![ຫາລື ຜ່ານຮ່າງໂຄງສ້າງຄຳແນະນຳຂອງທ່ານລັດຖະມົນຕີ ສສກ]()
ກົມຄຸ້ມຄອງວິທະຍາສາດ ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມປຶກສາຫາລື ຜ່ານ (ຮ່າງ) ໂຄງສ້າງຄຳແນະນຳຂອງທ່ານລັດຖະມົນຕີ ກະຊວງ ສສກ ວ່າດ້ວຍການຈັດຕັ້ງປະຕິບັດວຽກງານການກຽມຄວາມພ້ອມ ແລະ ຮັບມືກັບເຫດການສຸກເສີນທາງລັງສີ ແລະ ນິວເຄລຍ ເມື່ອວັນທີ 27 ມີນາຜ່ານມາ ທີ່ກະຊວງ ສສກ ພາຍໃຕ້ການເປັນປະທານຂອງທ່ານ ສຸກສະຫວາດ ສີຫາປັນຍາ ຫົວໜ້າກົມຄຸ້ມຄອງວິທະຍາສາດ ກະຊວງ ສສກ, ມີທ່ານ ພອນສະຫວັນ ລັດດາວົງ ຫົວໜ້າພະແນກຄຸ້ມຄອງຄວາມປອດໄພລັງສີ ແລະ ນິວເຄລຍ ກົມຄຸ້ມຄອງວິທະຍາສາດ ສສກ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ຄໍາເຫັນ