ລາຍງານລະບຸວ່າ: ນີ້ແມ່ນການລົງທຶນທີ່ໃຫຍ່ທີ່ສຸດທີ່ Microsoft ເຄີຍເຮັດຢູ່ໃນອັງກິດ. ໂດຍແຜນການດັ່ງກ່າວກວມເອົາການນໍາໃຊ້ເງິນທຶນ ທັງໝົດ 15 ຕື້ໂດລາ ເພື່ອຂະຫຍາຍພື້ນຖານໂຄງລ່າງລະບົບ cloud ແລະ AI ຂອງອັງກິດ.
ສ່ວນເງິນລົງທຶນເຄິ່ງໜຶ່ງຈະຖືກນໍາໃຊ້ສໍາລັບການປະຕິບັດງານໃນປັດຈຸບັນ ຊຶ່ງປະກອບດ້ວຍການຄົ້ນຄວ້າແບບພິເສດ, ການພັດທະນາຮູບແບບ AI ແລະ ການພັດທະນາຜະລິດຕະພັນ AI, ການສ້າງເກມໃໝ່, ການດໍາເນີນງານຂອງສູນຂໍ້ມູນ, ລວມເຖິງການແຈກຢາຍ ແລະ ການສະໜັບສະໜູນລູກຄ້າໃນທົ່ວປະເທດອັງກິດ.
ທ່ານ ເຄຍ ສະຕາຣເມີ ນາຍົກລັດຖະມົນຕີອັງກິດກ່າວວ່າ: ການລົງທຶນທີ່ສໍາຄັນຂອງ Microsoft ຄັ້ງນີ້ ຖືເປັນການສະແດງຄວາມເຊື່ອໝັ້ນຕໍ່ບົດບາດຜູ້ນຳດ້ານປັນຍາປະດິດ ແລະ ເຕັກໂນໂລຢີທີ່ທັນສະໄໝຂອງອັງກິດ. ບໍ່ພຽງແຕ່ຈະຊ່ວຍເສີມສ້າງໂຄງສ້າງພື້ນຖານດ້ານດີຈີຕອນຂອງອັງກິດ ຍັງສະໜັບສະໜູນການຈ້າງງານທີ່ມີຄວາມສໍານິຊໍານານສູງຫຼາຍຕຳແໜ່ງ ແລະ ຍັງເຮັດໃຫ້ອັງກິດຢູ່ໃນແຖວໜ້າຂອງນະວັດຕະກໍາທົ່ວໂລກ.
ຄໍາເຫັນ