ພິທີມອບ-ຮັບ ໜ້າທີ່ ລັດຖະມົນຕີກະຊວງກະສິກໍາແລະ ປ່າໄມ້ ລະຫວ່າງ ທ່ານ ເພັດ ພົມພິພັກ ລັດຖະມົນຕີກະຊວງກະສິກໍາ ແລະ ປ່າໄມ້ ຜູ້ເກົ່າ ແລະ ທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກໍາ ແລະ ປ່າໄມ້ ຜູ້ໃໝ່ ໄດ້ຈັດຂຶ້ນໃນວັນທີ 6 ພຶດສະພາ 2024 ທີ່ກະຊວງກະສິກຳແລະປ່າໄມ້ ໂດຍການໃຫ້ກຽດເຂົ້າຮ່ວມ ຂອງ ທ່ານ ຄໍາພັນ ພົມມະທັດ ກໍາມະການກົມການເມືອງສູນກາງພັກຄະນະເລຂາທິການສູນກາງພັກ ປະທານກວດກາສູນກາງພັກ ປະທານອົງການກວດກາແຫ່ງລັດ, ມີບັນດາຄະນະປະຈໍາພັກກະຊວງ, ຄະນະບໍລິຫານງານພັກ, ຄະນະນໍາກະຊວງເຂົ້າຮ່ວມ.
ທ່ານ ເພັດ ພົມພິພັກ ໄດ້ຜ່ານບົດສະຫຼຸບວຽກງານໄລຍະຜ່ານມາໃຫ້ຮູ້ວ່າ:ໃນໄລຍະຜ່ານມາໄດ້ນຳພາ-ຊີ້ນຳການຈັດຕັ້ງເຊື່ອມຊຶມແນວທາງ, ມະຕິ, ຄໍາສັ່ງ, ເອກະສານທີ່ສໍາຄັນຕ່າງໆຂອງພັກ-ຂອງຊາດ ໃຫ້ສະມາຊິກພັກ, ພະນັກງານ-ລັດຖະກອນ ຢ່າງທົ່ວເຖິງ; ດ້ານວຽກງານວຽກວິຊາສະເພາະ ໄດ້ຫັນເອົາມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ມາເປັນແຜນງານຂອງຂະແໜງການ ປະກອບມີ 4 ແຜນງານຄື: ແຜນງານຜະລິດສະບຽງອາຫານ ແລະ ໂພຊະນາການ; ແຜນງານຜະລິດກະສິກໍາເປັນສິນຄ້າ; ແຜນງານຄຸ້ມຄອງປ່າໄມ້ແບບຍືນຍົງ ແລະ ແຜນງານພັດທະນາຊົນນະບົດ ແລະ ແກ້ໄຂຄວາມທຸກຍາກ. ນັບແຕ່ປີ 2021 ມາຮອດປັດຈຸບັນມີຜົນງານທີ່ພົ້ນເດັ່ນຄື: ຂະແໜງກະສິກຳ ແລະ ປ່າໄມ້ ມີການຂະຫຍາຍຕົວເພີ່ມຂຶ້ນ ໃນແຕ່ລະປີຈາກ 1,2% ໃນປີ 2020 ມາເປັນ 2,5% ໃນປີ 2021; 2,3% ໃນປີ 2022 (ຫຼຸດລົງເນື່ອງຈາກສະພາບໂຄວິດ) ແລະ 3,4% ໃນປີ 2023 ລື່ນຄາດໝາຍທີ່ສະພາຮັບຮອງ 2,5%, ກວມເອົາ21,4% ຂອງ GDP ໃນປີ 2023; ສຳເລັດການສ້າງ 2 ນະໂຍບາຍແຫ່ງຊາດຄື: ນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ແລະ ນະໂຍບາຍແຫ່ງຊາດ ວ່າດ້ວຍການສົ່ງເສີມການລ້ຽງສັດ ແລະ ສັດນໍ້າ; ໄດ້ເຕົ້າໂຮມຄືນ ບັນດາໂຮງງານປຸງແຕ່ງກະສິກຳ ແລະ ປ່າໄມ້ ທີ່ໄດ້ມອບໂອນມາຈາກ ກະຊວງອຸດສາຫະກຳ ແລະ ການຄ້າ, ພ້ອມທັງໄດ້ມີການປັບປຸງ ລະບົບການຜະລິດຂອງໂຮງງານ; ໄດ້ພະຍາຍາມສຸມໃສ່ການເຈລະຈາດ້ານສຸຂະນາໄມພືດ ແລະ ສັດ (SPS) ເພື່ອເປີດຕະຫຼາດກັບປະເທດຄູ່ຄ້າ ຊຶ່ງຈຳນວນລາຍການສິນຄ້າ ໄດ້ເພີ່ມຂຶ້ນຈາກ 38 ລາຍການ ໃນປີ 2020 ມາເປັນ 64 ລາຍການ ໃນປີ 2024 (ເພີ່ມຂຶ້ນໃໝ່ 26 ລາຍການ) ແລະ ວຽກງານອື່ນໆ ລວມທັງ ວຽກງານຈຸດສຸມໃນຕໍ່ໜ້າຕື່ກອີກ.
ທ່ານຄຳພັນພົມມະທັດໄດ້ມີຄໍາເຫັນໂອ້ລົມຊຶ່ງໄດ້ສະແດງຄວາມຊົມເຊີຍຕໍ່ຜົນສໍາເລັດໃນການຈັດຕັ້ງປະຕິບັດວຽກງານຂອງຂະແໜງກະສິກໍາ ແລະ ປ່າໄມ້ ໃນໄລຍະຜ່ານມາ ຊຶ່ງມີຜົນສໍາເລັດຫຼາຍດ້ານ; ພ້ອມທັງສະເໜີໃຫ້ຄະນພັກກະຊວງກະສິກຳແລະປ່າໄມ້ ສືບຕໍ່ຮັກສາມູນເຊື້ອສາມັກຄີຕິດພັນກັບການພັດທະນາວຽກງານການກະສິກໍາ,ປ່າໄມ້ ແລະພັດທະນາຊົນນະບົດ ໃຫ້ມີບາດກ້າວໃໝ່, ເຂັ້ມແຂງ, ເອົາໃຈໃສ່ວຽກງານການດໍາເນີນກວດກາການຈັດຕັ້ງຈັດຕັ້ງປະຕິບັດ, ຍົກສູງດ້ານສະມັດຖະພາບການຜະລິດ, ດ້ານແນວພັນ ແລະ ເຕັກນິກວິຊາການ ເພື່ອເຮັດໃຫ້ວຽກງານກະສິກໍາ ໄດ້ຮັບການຂະຫຍາຍຕົວເປັນກ້າວໆ.
ຂ່າວ: ກະຊວງກະສິກຳແລະປ່າໄມ້
ທ່ານ ເພັດ ພົມພິພັກ ໄດ້ຜ່ານບົດສະຫຼຸບວຽກງານໄລຍະຜ່ານມາໃຫ້ຮູ້ວ່າ:ໃນໄລຍະຜ່ານມາໄດ້ນຳພາ-ຊີ້ນຳການຈັດຕັ້ງເຊື່ອມຊຶມແນວທາງ, ມະຕິ, ຄໍາສັ່ງ, ເອກະສານທີ່ສໍາຄັນຕ່າງໆຂອງພັກ-ຂອງຊາດ ໃຫ້ສະມາຊິກພັກ, ພະນັກງານ-ລັດຖະກອນ ຢ່າງທົ່ວເຖິງ; ດ້ານວຽກງານວຽກວິຊາສະເພາະ ໄດ້ຫັນເອົາມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ມາເປັນແຜນງານຂອງຂະແໜງການ ປະກອບມີ 4 ແຜນງານຄື: ແຜນງານຜະລິດສະບຽງອາຫານ ແລະ ໂພຊະນາການ; ແຜນງານຜະລິດກະສິກໍາເປັນສິນຄ້າ; ແຜນງານຄຸ້ມຄອງປ່າໄມ້ແບບຍືນຍົງ ແລະ ແຜນງານພັດທະນາຊົນນະບົດ ແລະ ແກ້ໄຂຄວາມທຸກຍາກ. ນັບແຕ່ປີ 2021 ມາຮອດປັດຈຸບັນມີຜົນງານທີ່ພົ້ນເດັ່ນຄື: ຂະແໜງກະສິກຳ ແລະ ປ່າໄມ້ ມີການຂະຫຍາຍຕົວເພີ່ມຂຶ້ນ ໃນແຕ່ລະປີຈາກ 1,2% ໃນປີ 2020 ມາເປັນ 2,5% ໃນປີ 2021; 2,3% ໃນປີ 2022 (ຫຼຸດລົງເນື່ອງຈາກສະພາບໂຄວິດ) ແລະ 3,4% ໃນປີ 2023 ລື່ນຄາດໝາຍທີ່ສະພາຮັບຮອງ 2,5%, ກວມເອົາ21,4% ຂອງ GDP ໃນປີ 2023; ສຳເລັດການສ້າງ 2 ນະໂຍບາຍແຫ່ງຊາດຄື: ນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ແລະ ນະໂຍບາຍແຫ່ງຊາດ ວ່າດ້ວຍການສົ່ງເສີມການລ້ຽງສັດ ແລະ ສັດນໍ້າ; ໄດ້ເຕົ້າໂຮມຄືນ ບັນດາໂຮງງານປຸງແຕ່ງກະສິກຳ ແລະ ປ່າໄມ້ ທີ່ໄດ້ມອບໂອນມາຈາກ ກະຊວງອຸດສາຫະກຳ ແລະ ການຄ້າ, ພ້ອມທັງໄດ້ມີການປັບປຸງ ລະບົບການຜະລິດຂອງໂຮງງານ; ໄດ້ພະຍາຍາມສຸມໃສ່ການເຈລະຈາດ້ານສຸຂະນາໄມພືດ ແລະ ສັດ (SPS) ເພື່ອເປີດຕະຫຼາດກັບປະເທດຄູ່ຄ້າ ຊຶ່ງຈຳນວນລາຍການສິນຄ້າ ໄດ້ເພີ່ມຂຶ້ນຈາກ 38 ລາຍການ ໃນປີ 2020 ມາເປັນ 64 ລາຍການ ໃນປີ 2024 (ເພີ່ມຂຶ້ນໃໝ່ 26 ລາຍການ) ແລະ ວຽກງານອື່ນໆ ລວມທັງ ວຽກງານຈຸດສຸມໃນຕໍ່ໜ້າຕື່ກອີກ.
ທ່ານຄຳພັນພົມມະທັດໄດ້ມີຄໍາເຫັນໂອ້ລົມຊຶ່ງໄດ້ສະແດງຄວາມຊົມເຊີຍຕໍ່ຜົນສໍາເລັດໃນການຈັດຕັ້ງປະຕິບັດວຽກງານຂອງຂະແໜງກະສິກໍາ ແລະ ປ່າໄມ້ ໃນໄລຍະຜ່ານມາ ຊຶ່ງມີຜົນສໍາເລັດຫຼາຍດ້ານ; ພ້ອມທັງສະເໜີໃຫ້ຄະນພັກກະຊວງກະສິກຳແລະປ່າໄມ້ ສືບຕໍ່ຮັກສາມູນເຊື້ອສາມັກຄີຕິດພັນກັບການພັດທະນາວຽກງານການກະສິກໍາ,ປ່າໄມ້ ແລະພັດທະນາຊົນນະບົດ ໃຫ້ມີບາດກ້າວໃໝ່, ເຂັ້ມແຂງ, ເອົາໃຈໃສ່ວຽກງານການດໍາເນີນກວດກາການຈັດຕັ້ງຈັດຕັ້ງປະຕິບັດ, ຍົກສູງດ້ານສະມັດຖະພາບການຜະລິດ, ດ້ານແນວພັນ ແລະ ເຕັກນິກວິຊາການ ເພື່ອເຮັດໃຫ້ວຽກງານກະສິກໍາ ໄດ້ຮັບການຂະຫຍາຍຕົວເປັນກ້າວໆ.
ຂ່າວ: ກະຊວງກະສິກຳແລະປ່າໄມ້
ຄໍາເຫັນ