ແຫຼ່ງຂ່າວຈາກ ແຂວງອັດຕະປື ໃຫ້ຮູ້ວ່າ: ໃນວັນທີ 5 ຕຸລານີ້, ທີ່ຫໍປະຊຸມໃຫຍ່ແຂວງອັດຕະປື ໄດ້ຈັດພິທີມອບ-ຮັບໜ້າທີ່ລະຫວ່າງ ຜູ້ເກົ່າ ແລະ ຜູ້ໃໝ່ ໂດຍໃຫ້ກຽດເປັນປະທານຂອງ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ມີຄະນະປະຈຳພັກແຂວງ, ກຳມະການພັກແຂວງ, ເຈົ້າເມືອງ 5 ເມືອງທົ່ວແຂວງ, ຫົວໜ້າ-ຮອງຫົວໜ້າພະແນກການ, ອົງການຈັດຕັ້ງມະຫາຊົນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນພິທີ ຕາງໜ້າຄະນະຈັດຕັ້ງສູນກາງພັກໄດ້ຂຶ້ນຜ່ານຄຳສັ່ງຂອງກົມການເມືອງສູນກາງພັກ ເລກທີ 10/ກມສພ, ມະຕິຕົກລົງຂອງກົມການເມືອງສູນກາງພັກ ເລກທີ 23/ກມສພ, ລົງວັນທີ 27 ກັນຍາ 2023 ແລະ ມະຕິຕົກລົງກ່ຽວຂ້ອງຈຳນວນໜຶ່ງ ທີ່ກ່ຽວຂ້ອງກັບການສັບປ່ຽນພະນັກງານຂັ້ນສູງຂອງພັກ, ໃນນີ້ໄດ້ຍົກຍ້າຍ ແລະ ແຕ່ງຕັ້ງ ທ່ານ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງອັດຕະປື ຜູ້ເກົ່າ ໄປຮັບໜ້າທີ່ໃໝ່ຢູ່ສູນກາງສະຫະພັນກຳມະບານລາວ, ຕົກລົງຍົກຍ້າຍ ແລະ ແຕ່ງຕັ້ງ ທ່ານ ພົຕ ວັນທອງ ກອງມະນີ ກໍາມະການສູນກາງພັກ, ຮອງເລຂາຄະນະພັກ, ຮອງລັດຖະມົນຕີກະຊວງປ້ອງກັນຄວາມສະຫງົບ ມາເປັນເລຂາຄະນະບໍລິຫານງານພັກແຂວງ-ວ່າການເຈົ້າແຂວງອັດຕະປື ຄົນໃໝ່.
ໃນພິທີ ທ່ານ ເລັດ ໄຊຍະພອນ ກຳມະການສູນກາງພັກ ເລຂາພັກແຂວງ ເຈົ້າແຂວງຜູ້ເກົ່າ ໄດ້ລາຍງາຍໂດຍຫຍໍ້ ກ່ຽວກັບການນຳພາ-ຊີ້ນຳໃນອົງຄະນະພັກແຂວງໃນຕະຫຼອດໄລຍະຜ່ານມາ ໄດ້ຮັບຄວາມເອົາໃຈໃສ່ຈາກການຈັດຕັ້ງທຸກຂັ້ນ ແລະ ໃຫ້ຄວາມໄວ້ເນື້ອເຊື່ອໃຈຈາກຂັ້ນເທິງ, ຜ່ານການປະຕິບັດໜ້າທີ່ວຽກງານທີ່ສໍາຄັນຂອງພັກ-ລັດ ເຫັນໄດ້ວ່າ: ຂົງເຂດວຽກງານ ວັດທະນະທໍາ-ສັງຄົມ ແລະ ຂົງເຂດເສດຖະກິດ ແລະ ການຜະລິດ ຢູ່ແຂວງ ອັດຕະປື ໄດ້ນັບມື້ນັບເຕີບໃຫຍ່ຂະຫຍາຍຕົວທາງດ້ານຈໍານວນ ແລະ ຄຸນນະພາບທີ່ໜັກແໜ້ນ ຊຶ່ງບັນດາຜົນງານງານທີ່ຈະຕ້ອງສືບຕໍ່ເສີມຂະຫຍາຍ ແລະ ບັນຫາຂໍ້ຄົງຄ້າງທີ່ຈະຕ້ອງໄດ້ສືບຕໍ່ແກ້ໄຂນັ້ນ ແມ່ນຂໍມອບໜ້າທີ່ ໃຫ້ ທ່ານ ພົຕ ວັນທອງ ກອງມະນີ ນຳເອົາເນື້ອໃນ ແລະ ບັນຫາສຳຄັນຕ່າງໆໄປຈັດຕັ້ງປະຕິບັດຮ່ວມກັບຄະນະພັກແຂວງສືບຕໍ່ແກ້ໄຂໃຫ້ດີຂຶ້ນ.
ໃນໂອກາດດຽວກັນນີ້, ທ່ານ ບຸນທອງ ຈິດມະນີ ກໍໄດ້ໂອ້ລົມ ແລະ ໃຫ້ທິດຊີ້ນໍາ ວ່າ: ນີ້ແມ່ນເປັນເລື່ອງປົກກະຕິ, ເປັນກົດເກນ, ທັງແມ່ນຫຼກການຂອງພັກເຮົາທີ່ເຄີຍປະຕິບັດກັນມາ. ພ້ອມນີ້, ທ່ານ ໄດ້ຮຽກຮ້ອງມາຍັງ ທ່ານ ພົຕ ວັນທອງ ກອງມະນີ ຈົ່ງຍົກສູງຄວາມຮັບຜິດຊອບທາງດ້ານການເມືອງຢ່າງໜັກແໜ້ນ, ເອົາໃຈໃສ່ຄົ້ນຄວ້າຊອກຫາຮຽນຮູ້ໃຫ້ຫຼາຍຂຶ້ນ ເປັນຕົ້ນ ແມ່ນການກຳແໜ້ນແນວທາງນະໂຍບາຍ, ມະຕິ, ຄໍາສັ່ງ ຂອງພັກ ແລະ ລະບຽບກົດໝາຍຂອງລັດ ໃຫ້ເລິກເຊິ່ງ ເພື່ອພ້ອມກັນຈັດຕັ້ງປະຕິບັດບັນດາຄາດໝາຍຕ່າງໆທີ່ໄດ້ຮັບຮອງຢູ່ໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ ກໍຄື ຜົນງານທີ່ເຈົ້າແຂວງຜູ້ເກົ່າ ໄດ້ມອບໝາຍນັ້ນ ໃຫ້ປາກົດຜົນເປັນຈິງ.
ທ່ານ ພົຕ ວັນທອງ ກອງມະນີ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ-ຮັກສາການເຈົ້າແຂວງອັດຕະປື ຄົນໃໝ່ ກໍໄດ້ກ່າວຮັບໜ້າທີ່ ແລະ ໃຫ້ຄໍາໝັ້ນສັນຍາວ່າ ຈະສືບຕໍ່ເຈດຕະລົມຂອງທ່ານເຈົ້າແຂວງຜູ້ເກົ່າ ໃນການຮັກສາທ່ວງທ່າ ອັດຕາຈະເລີນເຕີບໂຕທາງດ້ານເສດຖະກີດ ຂອງແຂວງ, ການແກ້ໄຂປະກົດການຫຍໍ້ທໍ້ໃນສັງຄົມ, ບັນຫາຢາເສບຕິດ ລວມທັງການແກ້ໄຂ ຄວາມທຸກຍາກຂອງປະຊາຊົນ, ສືບຕໍ່ປົກປັກຮັກສາ ແລະ ນຳພາການພັດທະນາ ແຂວງອັດຕະປື ໃຫ້ກ້າວຂຶ້ນໄປຕາມທິດທີ່ສູນກາງພັກ ກໍຄື ແຂວງອັດຕະປື ວາງໄວ້. (ຂ່າວ: ໄພບູນ)
ໃນພິທີ ຕາງໜ້າຄະນະຈັດຕັ້ງສູນກາງພັກໄດ້ຂຶ້ນຜ່ານຄຳສັ່ງຂອງກົມການເມືອງສູນກາງພັກ ເລກທີ 10/ກມສພ, ມະຕິຕົກລົງຂອງກົມການເມືອງສູນກາງພັກ ເລກທີ 23/ກມສພ, ລົງວັນທີ 27 ກັນຍາ 2023 ແລະ ມະຕິຕົກລົງກ່ຽວຂ້ອງຈຳນວນໜຶ່ງ ທີ່ກ່ຽວຂ້ອງກັບການສັບປ່ຽນພະນັກງານຂັ້ນສູງຂອງພັກ, ໃນນີ້ໄດ້ຍົກຍ້າຍ ແລະ ແຕ່ງຕັ້ງ ທ່ານ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງອັດຕະປື ຜູ້ເກົ່າ ໄປຮັບໜ້າທີ່ໃໝ່ຢູ່ສູນກາງສະຫະພັນກຳມະບານລາວ, ຕົກລົງຍົກຍ້າຍ ແລະ ແຕ່ງຕັ້ງ ທ່ານ ພົຕ ວັນທອງ ກອງມະນີ ກໍາມະການສູນກາງພັກ, ຮອງເລຂາຄະນະພັກ, ຮອງລັດຖະມົນຕີກະຊວງປ້ອງກັນຄວາມສະຫງົບ ມາເປັນເລຂາຄະນະບໍລິຫານງານພັກແຂວງ-ວ່າການເຈົ້າແຂວງອັດຕະປື ຄົນໃໝ່.
ໃນພິທີ ທ່ານ ເລັດ ໄຊຍະພອນ ກຳມະການສູນກາງພັກ ເລຂາພັກແຂວງ ເຈົ້າແຂວງຜູ້ເກົ່າ ໄດ້ລາຍງາຍໂດຍຫຍໍ້ ກ່ຽວກັບການນຳພາ-ຊີ້ນຳໃນອົງຄະນະພັກແຂວງໃນຕະຫຼອດໄລຍະຜ່ານມາ ໄດ້ຮັບຄວາມເອົາໃຈໃສ່ຈາກການຈັດຕັ້ງທຸກຂັ້ນ ແລະ ໃຫ້ຄວາມໄວ້ເນື້ອເຊື່ອໃຈຈາກຂັ້ນເທິງ, ຜ່ານການປະຕິບັດໜ້າທີ່ວຽກງານທີ່ສໍາຄັນຂອງພັກ-ລັດ ເຫັນໄດ້ວ່າ: ຂົງເຂດວຽກງານ ວັດທະນະທໍາ-ສັງຄົມ ແລະ ຂົງເຂດເສດຖະກິດ ແລະ ການຜະລິດ ຢູ່ແຂວງ ອັດຕະປື ໄດ້ນັບມື້ນັບເຕີບໃຫຍ່ຂະຫຍາຍຕົວທາງດ້ານຈໍານວນ ແລະ ຄຸນນະພາບທີ່ໜັກແໜ້ນ ຊຶ່ງບັນດາຜົນງານງານທີ່ຈະຕ້ອງສືບຕໍ່ເສີມຂະຫຍາຍ ແລະ ບັນຫາຂໍ້ຄົງຄ້າງທີ່ຈະຕ້ອງໄດ້ສືບຕໍ່ແກ້ໄຂນັ້ນ ແມ່ນຂໍມອບໜ້າທີ່ ໃຫ້ ທ່ານ ພົຕ ວັນທອງ ກອງມະນີ ນຳເອົາເນື້ອໃນ ແລະ ບັນຫາສຳຄັນຕ່າງໆໄປຈັດຕັ້ງປະຕິບັດຮ່ວມກັບຄະນະພັກແຂວງສືບຕໍ່ແກ້ໄຂໃຫ້ດີຂຶ້ນ.
ໃນໂອກາດດຽວກັນນີ້, ທ່ານ ບຸນທອງ ຈິດມະນີ ກໍໄດ້ໂອ້ລົມ ແລະ ໃຫ້ທິດຊີ້ນໍາ ວ່າ: ນີ້ແມ່ນເປັນເລື່ອງປົກກະຕິ, ເປັນກົດເກນ, ທັງແມ່ນຫຼກການຂອງພັກເຮົາທີ່ເຄີຍປະຕິບັດກັນມາ. ພ້ອມນີ້, ທ່ານ ໄດ້ຮຽກຮ້ອງມາຍັງ ທ່ານ ພົຕ ວັນທອງ ກອງມະນີ ຈົ່ງຍົກສູງຄວາມຮັບຜິດຊອບທາງດ້ານການເມືອງຢ່າງໜັກແໜ້ນ, ເອົາໃຈໃສ່ຄົ້ນຄວ້າຊອກຫາຮຽນຮູ້ໃຫ້ຫຼາຍຂຶ້ນ ເປັນຕົ້ນ ແມ່ນການກຳແໜ້ນແນວທາງນະໂຍບາຍ, ມະຕິ, ຄໍາສັ່ງ ຂອງພັກ ແລະ ລະບຽບກົດໝາຍຂອງລັດ ໃຫ້ເລິກເຊິ່ງ ເພື່ອພ້ອມກັນຈັດຕັ້ງປະຕິບັດບັນດາຄາດໝາຍຕ່າງໆທີ່ໄດ້ຮັບຮອງຢູ່ໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ ກໍຄື ຜົນງານທີ່ເຈົ້າແຂວງຜູ້ເກົ່າ ໄດ້ມອບໝາຍນັ້ນ ໃຫ້ປາກົດຜົນເປັນຈິງ.
ທ່ານ ພົຕ ວັນທອງ ກອງມະນີ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ-ຮັກສາການເຈົ້າແຂວງອັດຕະປື ຄົນໃໝ່ ກໍໄດ້ກ່າວຮັບໜ້າທີ່ ແລະ ໃຫ້ຄໍາໝັ້ນສັນຍາວ່າ ຈະສືບຕໍ່ເຈດຕະລົມຂອງທ່ານເຈົ້າແຂວງຜູ້ເກົ່າ ໃນການຮັກສາທ່ວງທ່າ ອັດຕາຈະເລີນເຕີບໂຕທາງດ້ານເສດຖະກີດ ຂອງແຂວງ, ການແກ້ໄຂປະກົດການຫຍໍ້ທໍ້ໃນສັງຄົມ, ບັນຫາຢາເສບຕິດ ລວມທັງການແກ້ໄຂ ຄວາມທຸກຍາກຂອງປະຊາຊົນ, ສືບຕໍ່ປົກປັກຮັກສາ ແລະ ນຳພາການພັດທະນາ ແຂວງອັດຕະປື ໃຫ້ກ້າວຂຶ້ນໄປຕາມທິດທີ່ສູນກາງພັກ ກໍຄື ແຂວງອັດຕະປື ວາງໄວ້. (ຂ່າວ: ໄພບູນ)
ຄໍາເຫັນ