ພິທີມອບ-ຮັບໜ້າທີ່ຜູ້ອຳນວຍການໃຫຍ່ລັດວິສາຫະກິດໄຟຟ້າລາວຜູ້ເກົ່າ-ໃໝ່ ລະຫວ່າງ ທ່ານ ຈັນທະບູນ ສຸກອາລຸນ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວ ຜູ້ເກົ່າ ແລະ ທ່ານ ວົງສະກຸນ ຍິ່ງຍົງ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວ ຜູ້ໃໝ່ ໄດ້ຈັດຂຶ້ນໃນວັນທີ 16 ກຸມພານີ້ ທີ່ສຳນັກງານໃຫຍ່ລັດວິຫາຫະກິດໄຟຟ້າລາວ ໂດຍໃຫ້ກຽດເຂົ້າຮ່ວມ ຂອງ ທ່ານ ໂພໂຊ ໄຊຍະສອນ ກຳມະການສູນກາງພັກລັດຖະມົນຕີກະຊວງ ພະລັງງານ-ບໍ່ແຮ່ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ,ທ່ານ ຈັນທະບູນ ສຸກອາລຸນໄດ້ກ່າວວ່າ:ຕະຫຼອດໄລຍະເວລາ 3 ປີ ທີ່ໄດ້ດໍາລົງຕໍາແໜ່ງເປັນຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ແມ່ນໄດ້ທຸ່ມເທທັງເຫື່ອແຮງ ແລະ ສະຕິປັນຍາຂອງຕົນ ປະກອບສ່ວນເຂົ້າໃນການປະຕິບັດພາລະກິດອັນໃຫຍ່ຫຼວງ ຂອງພັກ-ລັດມອບໝາຍໃຫ້ ໂດຍສຸມໃສ່ການປັບປຸງການປະຕິຮູບລັດວິສາຫະກິດໄຟຟ້າລາວ (ຟຟລ) ໄດ້ມີໃບໜ້າໃໝ່ສະແດງອອກໃນຜົນງານຕົວຈິງທີ່ໄດ້ຮັບໃນ 3 ປີຜ່ານມາ,ດັ່ງທີ່ຮັບຮູ້ນໍາກັນແລ້ວວ່າ ໃນໄລຍະເກືອບ 2 ທົດສະວັດຜ່ານມາ ການດຳເນີນທຸລະກິດຂອງ ລັດວິສາຫະກິດໄຟຟ້າລາວ ໂດຍພື້ນຖານແມ່ນຂາດທຶນມາຢ່າງຕໍ່ເນື່ອງຊຶ່ງເກີດມາຈາກຫຼາຍສາເຫດ ໂດຍສະເພາະໂຄງສ້າງລາຄາຈໍາໜ່າຍໄຟຟ້າ ບໍ່ສົມຄູ່ກັບຕົ້ນທຶນການສະໜອງ (ຕົ້ນທຶນຂອງການຂາຍສູງກວ່າລາຍຮັບ), ຍ້ອນການເກືື້ອກູນຈໍານວນຫຼາຍ,ຂອດການຄຸ້ມຄອງບໍລິຫານ, ລະບຽບການ, ສາຍພົວພັນ ແລະ ຄວາມຮັບຜິດຊອບລະຫວ່າງ ລັດວິສາຫະກິດກັບມະຫາພາກ ບໍ່ຈະແຈ້ງ, ບັນຫາຕິດພັນກັບເງື່ອນໄຂສັນຍາຊື້-ຂາຍໄຟຟ້າ, ການດຸ່ນດ່ຽງພະລັງງານ (Demand/supply & Balance), ຂາດກະແສລາຍຮັບທີ່ເປັນເງິນຕາ ເພື່ອຊໍາລະໜີ້ຕົ້ນທຶນ-ດອກເບ້ຍ ແລະ ບັນຫາອື່ນໆຍັງຈະສືບຕໍ່ສົ່ງຜົນກະທົບອີກຫຼາຍປີຊຶ່ງບັນຫານີ້ ໄດ້ນຳໄປສູ່ການສ້າງໜີ້ສະສົມມະຫາສານ ບໍ່ວ່າຈະເປັນຄ່າກະແສໄຟ, ໜີ້ຕົ້ນທຶນ-ດອກເບ້ຍເງິນກູ້ ຈົນບໍ່ສາມາດໃຊ້ແທນຄືນໄດ້ຕາມສັນຍາ. ຕໍ່ສະພາບດັ່ງກ່າວ ໄລຍະຜ່ານມາ, ລັດຖະບານແມ່ນຮັບຮູ້ໄດ້ເຖິງບັນຫາອັນໃຫຍ່ຫຼວງນີ້ ຈຶ່ງໄດ້ມີທິດຊີ້ນໍາໃນການປັບປຸງແກ້ໄຂເປັນແຕ່ລະໄລຍະ ແຕ່ກໍຍັງບໍ່ທັນເປັນລະບົບຄົບຊຸດ ແລະ ບໍ່ສາມາດແກ້ໄຂບັນຫາໃຫ້ໝົດໄປ. ນັບແຕ່ທ້າຍປີ 2020 ເປັນຕົ້ນມາ, ພາຍໃຕ້ການນຳສະເໜີບັນຫາທີ່ມີ ແລະ ວິທີການແກ້ໄຂ, ລັດຖະບານໄດ້ໃຫ້ທິດທາງຈະແຈ້ງຍິ່ງຂຶ້ນໂດຍມີການຮັບຮອງທິດທາງ ແລະ ມາດຕະການຈາກລັດຖະບານ ຕາມແຈ້ງການເລກທີ 979/ຫສນຍ ເປັນຕົ້ນ 4 ມາດຕະການ ເພື່ອແກ້ໄຂບັນຫາໜີ້ສິນ.
ໃນໂອກາດເຂົ້າຮ່ວມພິທີດັ່ງກ່າວ ທ່ານໂພໂຊ ໄຊຍະສອນໄດ້ໃຫ້ການໂອ້ລົມ ເພື່ອຊີ້ທິດເຍືອງທາງໃຫ້ແກ່ຜູ້ທີ່ມາຮັບໜ້າທີ່ເປັນຜູ້ອຳນວຍການໃຫຍ່ລັດວິສາຫະກິດໄຟຟ້າລາວຜູ້ໃໝ່ຊຶ່ງສະແດງເຖິງຄວາມເປັນຫ່ວງເປັນໃຍຕໍ່ກັບການເຄື່ອນໄຫວຂອງລັດວິສາຫະກິດໄຟຟ້າລາວໃຫ້ນັບມື້ເຕິີບໃຫຍ່ ແລະ ເຂັ້ມແຂງຂຶ້ນເລື້ອຍໆ.
(ຂ່າວ-ພາບ:ສຳນານ)
ໃນພິທີ,ທ່ານ ຈັນທະບູນ ສຸກອາລຸນໄດ້ກ່າວວ່າ:ຕະຫຼອດໄລຍະເວລາ 3 ປີ ທີ່ໄດ້ດໍາລົງຕໍາແໜ່ງເປັນຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ແມ່ນໄດ້ທຸ່ມເທທັງເຫື່ອແຮງ ແລະ ສະຕິປັນຍາຂອງຕົນ ປະກອບສ່ວນເຂົ້າໃນການປະຕິບັດພາລະກິດອັນໃຫຍ່ຫຼວງ ຂອງພັກ-ລັດມອບໝາຍໃຫ້ ໂດຍສຸມໃສ່ການປັບປຸງການປະຕິຮູບລັດວິສາຫະກິດໄຟຟ້າລາວ (ຟຟລ) ໄດ້ມີໃບໜ້າໃໝ່ສະແດງອອກໃນຜົນງານຕົວຈິງທີ່ໄດ້ຮັບໃນ 3 ປີຜ່ານມາ,ດັ່ງທີ່ຮັບຮູ້ນໍາກັນແລ້ວວ່າ ໃນໄລຍະເກືອບ 2 ທົດສະວັດຜ່ານມາ ການດຳເນີນທຸລະກິດຂອງ ລັດວິສາຫະກິດໄຟຟ້າລາວ ໂດຍພື້ນຖານແມ່ນຂາດທຶນມາຢ່າງຕໍ່ເນື່ອງຊຶ່ງເກີດມາຈາກຫຼາຍສາເຫດ ໂດຍສະເພາະໂຄງສ້າງລາຄາຈໍາໜ່າຍໄຟຟ້າ ບໍ່ສົມຄູ່ກັບຕົ້ນທຶນການສະໜອງ (ຕົ້ນທຶນຂອງການຂາຍສູງກວ່າລາຍຮັບ), ຍ້ອນການເກືື້ອກູນຈໍານວນຫຼາຍ,ຂອດການຄຸ້ມຄອງບໍລິຫານ, ລະບຽບການ, ສາຍພົວພັນ ແລະ ຄວາມຮັບຜິດຊອບລະຫວ່າງ ລັດວິສາຫະກິດກັບມະຫາພາກ ບໍ່ຈະແຈ້ງ, ບັນຫາຕິດພັນກັບເງື່ອນໄຂສັນຍາຊື້-ຂາຍໄຟຟ້າ, ການດຸ່ນດ່ຽງພະລັງງານ (Demand/supply & Balance), ຂາດກະແສລາຍຮັບທີ່ເປັນເງິນຕາ ເພື່ອຊໍາລະໜີ້ຕົ້ນທຶນ-ດອກເບ້ຍ ແລະ ບັນຫາອື່ນໆຍັງຈະສືບຕໍ່ສົ່ງຜົນກະທົບອີກຫຼາຍປີຊຶ່ງບັນຫານີ້ ໄດ້ນຳໄປສູ່ການສ້າງໜີ້ສະສົມມະຫາສານ ບໍ່ວ່າຈະເປັນຄ່າກະແສໄຟ, ໜີ້ຕົ້ນທຶນ-ດອກເບ້ຍເງິນກູ້ ຈົນບໍ່ສາມາດໃຊ້ແທນຄືນໄດ້ຕາມສັນຍາ. ຕໍ່ສະພາບດັ່ງກ່າວ ໄລຍະຜ່ານມາ, ລັດຖະບານແມ່ນຮັບຮູ້ໄດ້ເຖິງບັນຫາອັນໃຫຍ່ຫຼວງນີ້ ຈຶ່ງໄດ້ມີທິດຊີ້ນໍາໃນການປັບປຸງແກ້ໄຂເປັນແຕ່ລະໄລຍະ ແຕ່ກໍຍັງບໍ່ທັນເປັນລະບົບຄົບຊຸດ ແລະ ບໍ່ສາມາດແກ້ໄຂບັນຫາໃຫ້ໝົດໄປ. ນັບແຕ່ທ້າຍປີ 2020 ເປັນຕົ້ນມາ, ພາຍໃຕ້ການນຳສະເໜີບັນຫາທີ່ມີ ແລະ ວິທີການແກ້ໄຂ, ລັດຖະບານໄດ້ໃຫ້ທິດທາງຈະແຈ້ງຍິ່ງຂຶ້ນໂດຍມີການຮັບຮອງທິດທາງ ແລະ ມາດຕະການຈາກລັດຖະບານ ຕາມແຈ້ງການເລກທີ 979/ຫສນຍ ເປັນຕົ້ນ 4 ມາດຕະການ ເພື່ອແກ້ໄຂບັນຫາໜີ້ສິນ.
ໃນໂອກາດເຂົ້າຮ່ວມພິທີດັ່ງກ່າວ ທ່ານໂພໂຊ ໄຊຍະສອນໄດ້ໃຫ້ການໂອ້ລົມ ເພື່ອຊີ້ທິດເຍືອງທາງໃຫ້ແກ່ຜູ້ທີ່ມາຮັບໜ້າທີ່ເປັນຜູ້ອຳນວຍການໃຫຍ່ລັດວິສາຫະກິດໄຟຟ້າລາວຜູ້ໃໝ່ຊຶ່ງສະແດງເຖິງຄວາມເປັນຫ່ວງເປັນໃຍຕໍ່ກັບການເຄື່ອນໄຫວຂອງລັດວິສາຫະກິດໄຟຟ້າລາວໃຫ້ນັບມື້ເຕິີບໃຫຍ່ ແລະ ເຂັ້ມແຂງຂຶ້ນເລື້ອຍໆ.
(ຂ່າວ-ພາບ:ສຳນານ)
ຄໍາເຫັນ