ເມື່ອທຽບໃສ່ຈັງຫວະການເຕີບໂຕໃນທົ່ວປີ 2024 ແລ້ວເພີ່ມຂຶ້ນ 1.1%. ໃນນັ້ນ, ສະເພາະເດືອນມີນາແລ້ວນີ້ໄດ້ເພີ່ມຂຶ້ນ 5.9%. ນອກນີ້, ໃນໄຕມາດທໍາອິດຂອງປີ 2025, ລາຍຈ່າຍສໍາລັບການບໍລິໂພກຄິດສະເລ່ຍຕໍ່ຫົວຄົນຂອງປະຊາຊົນເພີ່ມຂຶ້ນ 5.2% ເມື່ອທຽບໃສ່ໄລຍະດຽວກັນຂອງປີ 2024; ຂະນະທີ່ລາຍຈ່າຍສໍາລັບການບໍລິໂພກໄດ້ຊຸກຍູ້ລວມຍອດຜະລິດຕະພັນພາຍໃນ ຫຼື GDP ໃຫ້ເຕີບໂຕ 2.8%, ເຮັດໃຫ້ບົດບາດອັນເປັນພື້ນຖານຕໍ່ການພັດທະນາເສດຖະກິດໄດ້ຮັບການປັບປຸງໃຫ້ເຂັ້ມແຂງຂຶ້ນຕື່ມອີກ.
ນອກນັ້ນ, ຈີນປະກົດມີ 3 ຈຸດພົ້ນເດັ່ນໃນການຂັບເຄື່ອນການບໍລິໂພກໃຫ້ໄດ້ຮັບການຍົກລະດັບສູງຂຶ້ນຄື: 1. ການຊື້-ຂາຍແບບແທນຄືນເຄື່ອງບໍລິໂພກໄດ້ເກີດມີປະສິດທິຜົນຢ່າງພົ້ນເດັ່ນ, ການຈໍາໜ່າຍຜະລິດຕະພັນແບບອັດສະລິຍະສີຂຽວໄດ້ເພີ່ມຂຶ້ນຢ່າງວ່ອງໄວ; 2. ການບໍລິໂພກດ້ານການບໍລິການສືບຕໍ່ເປີດກວ້າງ, ການບໍລິໂພກດ້ານວັດທະນະທໍາ, ບັນເທີງ ແລະ ການທ່ອງທ່ຽວໄດ້ຮັບຄວາມນິຍົມຊົມຊອບຫຼາຍ; 3. ການບໍລິໂພກທາງອອນລາຍໄດ້ຮັກສາການເຕີບໂຕອ່າວໄວ, ຂະນະທີ່ການຂາຍຍ່ອຍທີ່ເປັນຮູບປະທໍາປະກົດມີທ່ວງທ່າຟື້ນຟູຄືນໄປໃນທາງທີ່ດີ.
ຄໍາເຫັນ