ມຸນລະປາໂມກ ສະກັດກັນ-ແກ້ໄຂປະກົດການຫຍໍ້ທໍ້ໃນສັງຄົມ 

ເມືອງມຸນລະປະໂມກ ແຂວງຈໍາປາສັກ ໄດ້ກອງປະຊຸມວຽກງານສະກັດກັນ-ແກ້ໄຂປະກົດການຫຍໍ້ທໍ້ໃນສັງຄົມ ແລະ ຫຼຸດຜ່ອນອຸປະຕິເຫດຕາມທ້ອງຖະໜົນໄດ້ໄຂຂຶ້ນເມື່ອບໍ່ດົນມານີ້ ຢູ່ທີ່ສະໂມສອນຂອງເມືອງ ໂດຍການເປັນປະທານຂອງທ່ານ ພັທ ຄຳສະໜຸດ ຜິວຜ່ອງ ຫົວໜ້າກອງບັນຊາການປ້ອງກັນຄວາມສະຫງົບເມືອງ, ມີບັນດາ ຮອງຫົວໜ້າກອງບັນຊາການ ປກສ ເມືອງ ແລະ ອ້າຍ-ນ້ອງນາຍ ແລະ ພົນຕຳຫຼວດພາຍໃນເມືອງເຂົ້າຮ່ວມ.
   ທ່ານ ພັຕ ສົມລິດ ວົງສາແກ້ວ ຮອງພະແນກຕຳຫຼວດ ຊີ້ນຳວຽກງານຈະລະຈອນ ໄດ້ຂຶ້ນຜ່ານ ແຜນການເຄື່ອນໄຫວວຽກງານສະກັດກັ້ນ-ແກ້ໄຂປະກົດການຫຍໍ້ທໍ້ໃນສັງຄົມ ແລະ ຫຼຸດຜ່ອນອຸປະຕິເຫດຕາມທ້ອງຖະໜົນ ປີ 2024.
ໃນປີ 2023 ຜ່ານມາເມືອງມຸນລະປາໂມກ ມີຄະດີອຸປະຕິເຫດເກີດຂື້ນທັງໝົດ 12 ລາຍ 23 ຄົນ ຍິງ 7 ຄົນ. ໃນນີ້, ບາດເຈັບເລັກນ້ອຍ 8 ຄົນ ຍິງ 2 ຄົນ, ເຈັບສົມຄວນ 13 ຄົນ ຍິງ 1 ຄົນ, ເຈັບສະຫັດ 1 ຄົນ (ຊາຍ), ມີພາຫານະເປເພທັງໝົດ 21 ຄັນ. ໃນນີ້, ເປເພເຫຼັກນ້ອຍ 10 ຄັນ, ເພສົມຄວນ 11 ຄັນ ແລະ ໄດ້ແກ້ໄຂແລ້ວ 7 ລາຍ, ຍັງຄ້າງຢູ່ແຂວງ 1 ລາຍ ລວມມຸນຄ່າການເສຍຫາຍ 50 ລ້ານກວ່າກີບ ແລະ ມີອັກຄີໄຟເກີດຂຶ້ນທັງໝົດ 3 ຄັ້ງ, ມີມູນຄ່າການເສຍຫາຍ 273 ລ້ານກວ່າກີບ, ພ້ອມກັນນັ້ນ ໃນໄລຍະຜ່ານມາກໍ່ໄດ້ເອົາໃຈໃສ່ໃນວຽກງານກວດກາການສັນຈອນ, ວຽກງານໂຄສະນາ, ເພື່ອເປັນການປ້ອງກັນ ແລະ ຫຼີກລຽງຕ້ານ-ສະກັດກັ້ນປະກົດການຫຍໍ້ທໍ້ຕ່າງໆທີ່ອາດຈະເກີດຂຶ້ນໃນສັງຄົມ.
(ພາບ-ຂ່າວ: ສິດຕາ ເພັດວົງສາ)