ເພື່ອນໍາໄປມອບຕໍ່ໃຫ້ບັນດາສະຖານການສຶກສາ ໃນຂອບເຂດທົ່ວປະເທດ ໂດຍສະເພາະບັນດາໂຮງຮຽນທີ່ຢູ່ຫ່າງໄກສອກຫຼີກ ແລະ ພາກສ່ວນທີ່ຖືກຜົນກະທົບໄພພິບັດນໍ້າຖ້ວມ ຢູ່ ສປປ ລາວ.
ພິທີມອບ-ຮັບເຄື່ອງດັ່ງກ່າວ ມີຂຶ້ນເມື່ອບໍ່ດົນມານີ້ ທີ່ກະຊວງສສກ ຕາງໜ້າມອບໂດຍທ່ານ ນາງ ພູຄໍາ ວົງວິຈິດ ປະທານມູນນິທິພັດທະນາລ້ານຊ້າງ-ແມ່ຂອງ ພ້ອມດ້ວຍຄະນະ ແລະ ກ່າວຮັບຂອງທ່ານພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ມີບັນດາຫົວໜ້າກົມ-ຮອງຫົວໜ້າກົມ, ພະແນກການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ສໍາລັບອຸປະກອນການຮຽນ ແລະ ເຄື່ອງນຸ່ງຫົ່ມ ທີ່ໄດ້ຮັບການຊ່ວຍເຫຼືອຈາກ 6 ພາກສ່ວນ ຈາກ ສປ ຈີນ ເພື່ອນໍາໄປມອບຕໍ່ໃຫ້ບັນດາສະຖານການສຶກສາ ໃນຂອບເຂດທົ່ວປະເທດ ໂດຍສະເພາະບັນດາໂຮງຮຽນທີ່ຢູ່ຫ່າງໄກສອກຫຼີກ ແລະ ພາກສ່ວນທີ່ຖືກຜົນກະທົບໄພພິບັດນໍ້າຖ້ວມ ທີ່ເຂດພາກເໜືອ ສປປ ລາວ ໃນຄັ້ງນີ້ ປະກອບມີ ໂຮງຮຽນມິງທົງ ຄຸນໝິງ, ຢູບີເທັກ ໂລໂບທິກ ຄັອບ, ຫ້ອງທົດລອງການອະນຸລັກຊີວະພາບ ແລະ ການຟື້ນຟູລະບົບນິເວດ ມະຫາວິທະຍາໄລຄຸນໝິງ, ທະນາຄານ ຫົວເຊ່ຍ (ສາຂາຄຸນໝິງ), ບໍລິສັດ ເຕັກໂນໂລຊີຂໍ້ມູນຂ່າວສານ ຢູນນານ ຈົວຢູນ ຈໍາກັດ, ມູນນິທິປົກປັກຮັກສາສິ່ງແວດລ້ອມພູພຽງຢູນນານ ສປ ຈີນ ຊຶ່ງເຄື່ອງທີ່ນໍາມາມອບໃນຄັ້ງນີ້ປະກອບມີ ແລັບທັອບ 2 ໜ່ວຍ, ເສື້ອກັນໜາວ, ຜ້າຫົ່ມ ແລະ ອຸປະກອນການຮຽນ ເປັນຕົ້ນປຶ້ມ, ບິກ, ສໍ ລວມມູນຄ່າ 31,144 ຢວນ ຫຼື ປະມານ 90 ລ້ານກວ່າກີບ.
ຂ່າວ-ພາບ:ສົງການ ພັນແພງດີ
ຄໍາເຫັນ