ທ່ານ ສະໜອງ ສິມມະວັດ ຫົວໜ້າຫ້ອງການກະສິກຳ ແລະປ່າໄມ້ເມືອງລະມາມ ໄດ້ໃຫ້ຮູ້ວ່າ: 1995-2025 ໃນທົ່ວເມືອງລະມາມ ປູກໄມ້ໄດ້ທັງໝົດ 2,125 ເຮັກຕາ. ໃນນີ້, ພາກສ່ວນລັດປູກທັງໝົດໄດ້ 138 ເຮັກຕາ, ມີເບ້ຍໄມ້ 103,827 ຕົ້ນ, ໂຄງການປູກໄດ້ທັງໝົດ ຈໍານວນ 1,672 ເຮັກຕາມີເບ້ຍໄມ້ 709,742 ຕົ້ນ ແລະ ປະຊາຊົນປູກໄດ້ທັງໝົດ ຈໍານວນ 315 ເຮັກຕາມີເບ້ຍໄມ້ 239,752 ຕົ້ນ.
ໃນຊຸມປີຜ່ານມາສາມາດ ສະຫຼຸບ ແລະ ປະເມີນຕີລາຄາໄດ້ຕົ້ນໄມ້ທີ່ລອດຕາຍ ທັງໝົດ 631,992 ຕົ້ນ ເທົ່າກັບ 60% ຂອງຈໍານວນຕົ້ນໄມ້ທີ່ປູກທັງໝົດ. ສະເພາະໃນປີ 2025 ແມ່ນມີແຜນສຶບຕໍ່ສູ້ຊົນຊຸກຍູ້ປູກຕົ້ນໄມ້ຈຳນວນ 86 ເຮັກຕາ ມີ96,200 ຕົ້ນ ມີຢູ່ 3 ພາກສວ່ນປູກຄື: ລັດປູກ 9 ເຮັກຕາ ມີເບ້ຍໄມ້4,500 ເບ້ຍ.ໃນນັ້ນ, ປູກຢູ່ເຂດປ່າປ້ອງກັນ ຍອດນໍ້າ 5 ເຮັກຕາ ມີເບ້ຍໄມ້ 3,500 ເບ້ຍ, ຊຶ່ງປະກອບມີໄມ້ດູ່ທຳມະຊາດ, ໄມ້ແຄນ, ໄມ້ຍາງ, ໄມ້ແຕ້ຄ່າ, ໄມ້ແຕ້ຮໍ.ນອກນັ້ນ, ປູກໃນຂອບເຂດເທດສະບານແຂວງ 4 ເຮັກຕາມີເບ້ຍໄມ້ 1,000 ເບ້ຍ, ປະຊາຊົນປູກ 32 ເຮັກຕາ ມີເບ້ຍໄມ້ 36.500 ເບ້ຍ,ບໍລິສັດປູກ 45 ເຮັກຕາ ມີເບ້ຍໄມ້ 55,200 ເບ້ຍ. ສະເພາະປູກມື້ນີ້ໃນວັນທີ 2 ມິຖຸນາ ມີ1 ເຮັກຕາ ມີເບ້ຍໄມ1,000ເບ້ຍ.
ໂອກາດນີ້, ທ່ານ ເຫຼັກໄຫຼ ສີວິໄລ ໄດ້ຮຽກຮ້ອງໃຫ້ການນໍາຂອງແຂວງ-ເມືອງ, ບັນດາບ້ານ ແລະ ປະຊາຊົນແຕ່ລະຄອບຄົວ ໃຫ້ມີການປະກອບສ່ວນໃນການປູກໄມ້ ແລະ ປົກປັກຮັກສາຟື້ນຟູປ່າໄມ້ທໍາມະຊາດໃຫ້ຍືນຍົງ ແລະ ເພີ່ມຂຶ້ນເລື້ອຍໆ ພ້ອມທັງວາງກົນໄກ, ມາດຕະການຈັດຕັ້ງປະຕິບັດ ແລະ ການປົກປັກຮັກສາ ໃຫ້ມີອັດຕາການລອດຕາຍສູງຂຶ້ນ ພ້ອມນີ້ຕ້ອງເປັນເຈົ້າການໂຄສະນາເຜີຍແຜ່ບັນດານະໂຍບາຍ, ກົດໝາຍ ແລະລະບຽບການກ່ຽວກັບການປູກໄມ້, ການຟື້ນຟູປ່າທໍາມະຊາດ ເພື່ອໃຫ້ທຸກຊັ້ນຄົນໃນທົ່ວສັງຄົມຮັບຮູ້, ເຊື່ອມຊຶມ ແລະເຫັນໄດ້ເຖິງຄວາມສໍາຄັນຂອງວຽກງານປ່າໄມ້.
(ຂ່າວ: ດາວສະຫວັນ)
ຄໍາເຫັນ