ເມືອງເງິນຈະສູ້ຊົນປັບປຸງການຮຽນ-ການສອນໃຫ້ມີຄຸນນະພາບດີຂຶ້ນ

ໂດຍ: ຕະວິນຍານ

  ເພື່ອເຮັດໃຫ້ການສຶກສາພາຍໃນເມືອງມີຄຸນນະພາບດີຂຶ້ນ ແລະ ກ້າວໜ້າຂຶ້ນເລື້ອຍໆ ທັງສູ້ຊົນຈັດຕັ້ງປະຕິບັດບັນດາເປົ້າໝາຍໂຕຊີ້ບອກດ້ານການສຶກສາ ຂອງກະຊວງສຶກສາວາງອອກໃຫ້ບັນລຸຕາມຄາດໝາຍທີ່ວາງໄວ້.ເມືອງເງິນ ແຂວງໄຊຍະບູລີ ໄດ້ຮີບຮ້ອນຈັດວາງ-ສັບຊ້ອນຄູສອນໃຫ້ພຽງພໍຕາມເງື່ອນໄຂທີ່ເໝາະສົມ,ເລັ່ງໃສ່ປັບປຸງການຮຽນ-ການສອນໃຫ້ມີຄຸນນະພາບດີຂຶ້ນ.
 ສໍາລັບການຈັດຕັ້ງບັນດາເປົ້າໝາຍໂຕຊີ້ບອກດ້ານການສຶກສາ ໃນປີ 2024 ນີ້,ເມືອງຈະສູ້ຊົນໃຫ້ບັນລຸ ເຊັ່ນ:ອັດຕາເຂົ້າຮຽນຂອງນັກຮຽນ 5 ປີ ໃຫ້ໄດ້ 98%;ອັດຕາເຂົ້າຮຽນໃໝ່ລວມ ປ.1 ໃຫ້ຢູ່ໃນລະຫວ່າງ (100-101%);ອັດຕາເຂົ້າໃໝ່ສຸດທິ ປ.1 ບໍ່ໃຫ້ຫຼຸດ 99%;ອັດຕາເຂົ້າຮຽນສຸດທິຊັ້ນປະຖົມ (6-10 ປີ) ບໍ່ໃຫ້ຫຼຸດ 99%;ອັດຕາເຂົ້າຮຽນໃໝ່ລວມ ປ.5 ໃຫ້ບັນລຸ 101%-100%;ອັດຕາປະລະຂັ້ນ ປ.1 ຍັງເຫຼືອ 2%, ອັດຕາຈົບຊັ້ນປະຖົມ (ອັດຕາເລື່ອນຂັ້ນ-ຈົບຊັ້ນ)ບໍ່ໃຫ້ຫຼຸດ 98%;ອັດຕາຄ້າງຫ້ອງຊັ້ນປະຖົມ ຍັງເຫຼືອ 2,1%;ອັດຕາເລື່ອນຊັ້ນ ປ.5 ຂຶ້ນ ມ.1 (ທຽບໃສ່ນັກຮຽນຕົ້ນປີ ປ.5) ໃຫ້ໄດ້ 87,5%;ດັດສະນີຄວາມສະເໝີພາບຍິງ-ຊາຍຂອງອັດຕາເລື່ອນຊັ້ນ ປ.5 ຫາ ມ.1 ຢູ່ໃນລະຫວ່າງ (0,97- 1,03);ອັດຕາປະລະຊັ້ນປະຖົມ ຍັງເຫຼືອ 1,9%;ອັດຕາເຂົ້າຮຽນລວມມັດທະຍົມຕອນຕົ້ນ ບໍ່ໃຫ້ຫຼຸດ 83%;ອັດຕາເຂົ້າຮຽນລວມມັດທະຍົມຕອນປາຍ ບໍ່ໃຫ້ຫຼຸດ 45%;ອັດຕາເຂົ້າຮຽນໃໝ່ລວມ ມ.4 ບໍ່ໃຫ້ຫຼຸດ 74%;ອັດຕາປະລະມັດທະຍົມຕອນຕົ້ນ ບໍ່ໃຫ້ເກີນ 9%;ປະຊາກອນໜຸ່ມ ແລະ ຜູ້ປະລະການຮຽນ ໃຫ້ໄດ້ບໍາລຸງຜ່ານການສຶກສານອກໂຮງຮຽນ ແລະ ຝຶກອົບຮົມວິຊາຊີບ 65 ຄົນ;ຄູຊັ້ນປະຖົມ ແລະ ຊັ້ນມັດທະຍົມສຶກສາ ໄດ້ຮັບການຝຶກອົບຮົມ ໃຫ້ໄດ້ 25%;ນັກຮຽນທີ່ຮຽນຈົບຊັ້ນມັດທະຍົມຕອນຕົ້ນໄດ້ເຂົ້າຮຽນຕໍ່ໃນສາຍອາຊີວະສຶກສາ ແລະ ອົບຮົມວິຊາຊີບ ໃຫ້ໄດ້ 2%;ສົ່ງເສີມໃຫ້ມວນຊົນທຸກເພດ, ທຸກໄວໄດ້ເຂົ້າຮ່ວມຫັດກາຍຍະບໍລິຫານ, ການອອກກໍາລັງກາຍ ແລະການຫຼິ້ນກິລາເຂົ້າຮ່ວມການສ້າງຂະບວນ ເພື່ອສຸຂະພາບເຂົ້າຮ່ວມການສ້າງຂະບວນການເຄື່ອນໄຫວກິດຈະກໍາການແຂ່ງຂັນກິລາປະຈໍາປີ, ກິລາປະເພນີ ແລະ ກິລາບຸນວັນສໍາຄັນຕ່າງໆ ຂອງຊາດ-ສາກົນ ໃຫ້ສູງກວ່າ 36% ຂອງພົນລະເມືອງ.