ເມືອງປາກລາຍສະຫຼຸບວຽກງານກວດກາປະຈໍາປີ2023 ແລະ ແຜນການປີ2024

ກອງປະຊຸມສະຫຼຸບວຽກງານກວດກາທົ່ວເມືອງປາກລາຍ ແຂວງໄຊຍະບູລີ ປະຈໍາປີ2023 ແລະ ແຜນການປີ2024ໄດ້ຈັດຂື້ນໃນວັນທີ 16ພຶດສະພາ2024 ນີ້ທີ່ຫໍປະຊຸມໃຫຍ່ຂອງເມືອງ ພາຍໃຕ້ການເປັນປະທານຂອງສະຫາຍ ບຸນໝັ້ນ ເສີມມາ ຮອງເລຂາພັກເມືອງປະທານກວດກາພັກ-ລັດເມືອງ, ,ໂດຍເປັນກຽດເຂົ້າຮ່ວມຂອງສະຫາຍ ບຸນຫຼາຍ ວົງດາລາ ເລຂາພັກເມືອງວ່າການເຈົ້າເມືອງປາກລາຍ ,ມີບັນດາຄະນະປະຈຳພັກເມືອງ, ກຳມະການພັກເມືອງ, ເລຂາຮອງເລຂາໜ່ວຍພັກ, ປະທານກວດກາໜ່ວຍພັກສຳນັກງານຫ້ອງການ ແລະ ບ້ານເທດສະບານ ເມືອງເຂົ້າຮ່ວມ.
ໃນກອງປະຊຸມຄັ້ງນີ້ບັນດາຜູ້ເຂົ້າຮ່ວມໄດ້ພ້ອມກັນສະຫຼຸບຕີລາຄາສະພາບການຈັດຕັ້ງປະຕິບັດວຽກງານກວດກາໃນທົ່ວເມືອງປະຈໍາປີ2023 ແລະ ທິດທາງແຜນການປີ2024 ພ້ອມດຽວກັນນີ້ຍັງໄດ້ເຊື່ອມຊຶມຄໍາແນະນໍາຂອງຄະນະເລຂາທິການສູນກາງພັກສະບັບເລກທີ169  ລົງວັນທີ15ສິງຫາ2022 ວ່າດ້ວຍການເພີ່ມທະວີການນໍາພາ-ຊີ້ນາ ຕໍ່ການເຄື່ອນໄຫວວຽກງານກວດກາ ແລະ ການແກ້ໄຂຜົນການກວດກາ,ຜ່ານຮ່າງບົດສະຫຼຸບຫຍໍ້ການເຄື່ອນໄຫວວຽກງານກວດກາທົ່ວແຂວງໄຊຍະບູລີປະຈໍາປີ2023,ເຜີຍແຜ່ຄໍາແນະນໍາຂອງຄະນະກວດກາສູນກາງພັກເລກທີ379 ລົງວັນທີ່7ພະຈິກ2023 ກຽ່ວກັບການປັບປຸງຄະນະພັກ ແລະ ການກວດກາລັດແຕ່ລະຂັ້ນ. ຈາກນັ້ນບັນດາຜູ້ເຂົ້າຮວ່ມກໍ່ໄດ້ພ້ອມກັນປະກອບຄໍາຄິດຄໍາເຫັນກຽວ່ກັບການຈັດຕັ້ງປະຕິບັດວຽກງານ ກວດກາໃນໄລຍະຜ່ານມາຍົກໃຫ້ເຫັນດ້ານດີ,ດ້ານອອ່ນ,ຂໍ້ຄົງຄ້າງ ແລະ ຫາວິທີການໄກ້ໄຂໃນຕໍ່ໜ້າ ຕະຫຼອດໄລຍະຜ່ານມາທົ່ວເມືອງປາກລາຍໂດຍລວມແລ້ວ ແມ່ນມີສະຖຽນລະພາບທາງດ້ານການເມືອງຢ່າງໜັກແໜ້ນ ສັງຄົມມີຄວາມສະຫງົບ,ມີຄວາມເປັນລະບຽບຮຽບຮ້ອຍ ເສດຖະກິດ-ສັງຄົມໄດ້ມີການຂະຫຍາຍຕົວຢ່າງຕໍ່ເນື່ອງ ລະບົບການເມືອງ ແລະ ຮາກຖານບ້ານໄດ້ຮັບການປັບປຸງ ພ້ອມດຽວກັນນີ້ວຽກງານຈັດຕັ້ງ,ກໍ່ສ້າງພັກ-ພະນັກງານ ແລະ ວຽກງານກວດກາ ໄດ້ສອດຫ້ອຍເຂົ້າໃນທຸກຂົງເຂດວຽກງານ ເຮັດໃຫ້ສະພາບປະກົດການຫຍໍ້ທໍ້ຕ່າງໆໃນກົງຈັກການຈັດຕັ້ງພັກ-ລັດ ແລະ ສະມາຊິກພັກ-ພະນັກງານໄດ້ຮັບການແກ້ໄຂ ຖືກຕ້ອງຕາມແນວທາງນະໂຍບາຍຂອງພັກ,ກົດລະບຽບຂອງພັກ,ກົດໝາຍຂອງລັດ ເຮັດໃຫ້ສະມາຊິກພັກ-ພະນັກງານ,ປະຊາຊົນ ກໍ່ຄືການນໍາພາຂອງຄະນະພັກ ແລະ ການຄຸ້ມຄອງລັດຂອງອົງການປົກຄອງຂັ້ນຕ່າງໆໃນທົ່ວເມືອງປາກລາຍໄດ້ຮັບການປັບປຸງດີຂື້ນເປັນກ້າວໆ ທັງໝົດນັ້ນແມ່ນແນໃສ່ຄະນະພັກ,ພະນັກງານຫຼັກແຫຼ່ງໃນທົ່ວເມືອງ ໃຫ້ໄດ້ນໍາໄປຈັດຕັ້ງປະຕິບັດ ໂດຍຫັນເປັນແຜນງານໂຄງການອັນລະອຽດ ແລະ ພ້ອມກັນສຸມໃສ່ປະຕິບັດຕາມແຜນໃຫ້ມີຜົນສໍາເລັດ.ຂ່າວ: ກ່າ ຄຸດທະວົງສັກ