ວັນທີ 13 ພະຈິກນີ້ທີ່ ກະຊວງການຕ່າງປະເທດ ໄດ້ມີພິທີມອບ-ຮັບ ການຊ່ວຍເຫຼືອຈາກຍີ່ປຸ່ນ ສໍາລັບການເປັນປະທານອາຊຽນ ຂອງ ສປປ ລາວ ໃນປີ 2024. ຕາງໜ້າລັດຖະບານ ສປປ ລາວ ໃນການຮັບເອົາການຊ່ວຍເຫຼືອຄັ້ງນີ້ ແມ່ນ ທ່ານ ສະເຫຼີມໄຊ ກົມມະສິດຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ໃນນາມຮອງປະທານຜູ້ປະຈຳການຄະນະກຳມະການຊີ້ນຳລະດັບຊາດ ເພື່ອກະກຽມ ແລະ ດຳເນີນການເປັນປະທານອາຊຽນຂອງ ສປປ ລາວ ໃນປີ 2024 ແລະ ຕາງໜ້າລັດຖະບານ ຍີ່ປຸ່ນ ໃນການມອບການຊ່ວຍເຫຼືອ ແມ່ນ ທ່ານ ໂຄບະຢະຊິ ເຄັນອິຈິເອກອັກຄະຣາຊະທູດ ຍີ່ປຸ່ນ ປະຈຳ ສປປ ລາວ ແລະ ໃຫ້ກຽດເຂົ້າຮ່ວມເປັນສັກຂີພິຍານໃນພິທີຄັ້ງນີ້ມີບັນດາທ່ານລັດຖະມົນຕີ, ຮອງລັດຖະມົນຕີ, ຄະນະກົມຈາກກະຊວງຂະແໜງການກ່ຽວຂ້ອງ ແລະ ຜູ້ຕາງໜ້າຂອງບໍລິສັດ ໂຕໂຢຕ້າ ປະຈຳ ສປປ ລາວ.
ການຊ່ວຍເຫຼືອດັ່ງກ່າວລວມມີ ລົດເກັງ ໂຕໂຢຕ້າ ໄຮບຣິດ (Toyota CamryHybrid) ຈໍານວນ 33 ຄັນ ແລະ ອຸປະກອນໄອທີ ເພື່ອນໍາໃຊ້ສຳລັບການເປັນປະທານອາຊຽນຂອງ ສປປ ລາວ ໃນປີ 2024ຊຶ່ງລວມມູນຄ່າທັງໝົດ 500 ລ້ານເຢັນ (ສະກຸນເງິນຍີ່ປຸ່ນ).
ໃນໂອກາດນີ້,ທ່ານ ສະເຫຼີມໄຊ ກົມມະສິດໄດ້ຕາງໜ້າລັດຖະບານ ແຫ່ງ ສປປ ລາວ ສະແດງຄວາມຂອບໃຈ ແລະ ຕີລາຄາສູງຕໍ່ການຮ່ວມມື ແລະ ການຊ່ວຍເຫຼືອຂອງລັດຖະບານ ກໍຄື ປະຊາຊົນຍີ່ປຸ່ນ ອັນໄດ້ປະກອບສ່ວນສຳຄັນເຂົ້າໃນການເສີມຂະຫຍາຍການພົວພັນສອງຝ່າຍລາວ-ຍີ່ປຸ່ນ ແລະ ທັງເປັນການສະແດງໃຫ້ເຫັນຄຳໝາຍໝັ້ນຂອງ ຍີ່ປຸ່ນ ໃນການສະໜັບສະໜູນ ສປປ ລາວ ໃນຂອບວຽກອາຊຽນ ໂດຍສະເພາະການກະກຽມເປັນປະທານອາຊຽນຂອງ ສປປ ລາວ ໃນປີ 2024 ແລະ ເປັນການປະກອບສ່ວນເຂົ້າໃນການຮັດແໜ້ນການຮ່ວມມືອາຊຽນ-ຍີ່ປຸ່ນອີກດ້ວຍ.
ພ້ອມດຽວກັນນີ້,ທ່ານ ໂຄບະຢະຊິ ເຄັນອິຈິໄດ້ເນັ້ນຢໍ້າຄວາມສໍາຄັນຂອງການພົວພັນ ແລະ ການຮ່ວມມື ລາວ-ຍີ່ປຸ່ນ ແລະ ຢືນຢັນຈະສືບຕໍ່ເຮັດວຽກຮ່ວມກັບຝ່າຍລາວ ເພື່ອກະກຽມການເປັນປະທານອາຊຽນຂອງ ສປປ ລາວ ໃນປີ 2024 ແລະ ສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານ ກໍຄື ການເປັນຄູ່ຮ່ວມຍຸດທະສາດ ຂອງ ສອງປະເທດແລະ ທັງເປັນການສົ່ງເສີມການພົວພັນຮ່ວມມື ລະຫວ່າງ ອາຊຽນ ແລະ ຍີ່ປຸ່ນໂດຍລວມ.
ລົດເກັງ Toyota CamryHybridຮຸ່ນນີ້ ແມ່ນປະກອບມີເຕັກໂນໂລຊີທັນສະໄໝ, ເປັນມິດຕໍ່ສິ່ງແວດລ້ອມ ແລະ ປະຢັດນໍ້າມັນເພາະລະບົບໄຮບຣິດສາມາດສາກໄຟດ້ວຍຕົວມັນເອງໃນຂະນະທີ່ລົດແລ່ນ.ປັດຈຸບັນມີສະຖິຕິນຳໃຊ້ລົດລະບົບ Toyota Hybrid ຈໍານວນ 20 ລ້ານກວ່າຄັນ ໃນທົ່ວໂລກ. ອັນສໍາຄັນແມ່ນສະດວກໃນການບໍາລຸງຮັກສາ ແລະ ມີສູນສ້ອມແປງ 9 ແຫ່ງ ຢູ່ ສປປ ລາວ ແລະ ແຕ່ລະສູນແມ່ນມີຄວາມກຽມພ້ອມສໍາລັບການສ້ອມແປງ ແລະ ໃຫ້ບໍລິການບໍາລຸງຮັກສາຄົບວົງຈອນ.
(ຂ່າວ-ພາບ: ກະຊວງການຕ່າງປະເທດ)
ການຊ່ວຍເຫຼືອດັ່ງກ່າວລວມມີ ລົດເກັງ ໂຕໂຢຕ້າ ໄຮບຣິດ (Toyota CamryHybrid) ຈໍານວນ 33 ຄັນ ແລະ ອຸປະກອນໄອທີ ເພື່ອນໍາໃຊ້ສຳລັບການເປັນປະທານອາຊຽນຂອງ ສປປ ລາວ ໃນປີ 2024ຊຶ່ງລວມມູນຄ່າທັງໝົດ 500 ລ້ານເຢັນ (ສະກຸນເງິນຍີ່ປຸ່ນ).
ໃນໂອກາດນີ້,ທ່ານ ສະເຫຼີມໄຊ ກົມມະສິດໄດ້ຕາງໜ້າລັດຖະບານ ແຫ່ງ ສປປ ລາວ ສະແດງຄວາມຂອບໃຈ ແລະ ຕີລາຄາສູງຕໍ່ການຮ່ວມມື ແລະ ການຊ່ວຍເຫຼືອຂອງລັດຖະບານ ກໍຄື ປະຊາຊົນຍີ່ປຸ່ນ ອັນໄດ້ປະກອບສ່ວນສຳຄັນເຂົ້າໃນການເສີມຂະຫຍາຍການພົວພັນສອງຝ່າຍລາວ-ຍີ່ປຸ່ນ ແລະ ທັງເປັນການສະແດງໃຫ້ເຫັນຄຳໝາຍໝັ້ນຂອງ ຍີ່ປຸ່ນ ໃນການສະໜັບສະໜູນ ສປປ ລາວ ໃນຂອບວຽກອາຊຽນ ໂດຍສະເພາະການກະກຽມເປັນປະທານອາຊຽນຂອງ ສປປ ລາວ ໃນປີ 2024 ແລະ ເປັນການປະກອບສ່ວນເຂົ້າໃນການຮັດແໜ້ນການຮ່ວມມືອາຊຽນ-ຍີ່ປຸ່ນອີກດ້ວຍ.
ພ້ອມດຽວກັນນີ້,ທ່ານ ໂຄບະຢະຊິ ເຄັນອິຈິໄດ້ເນັ້ນຢໍ້າຄວາມສໍາຄັນຂອງການພົວພັນ ແລະ ການຮ່ວມມື ລາວ-ຍີ່ປຸ່ນ ແລະ ຢືນຢັນຈະສືບຕໍ່ເຮັດວຽກຮ່ວມກັບຝ່າຍລາວ ເພື່ອກະກຽມການເປັນປະທານອາຊຽນຂອງ ສປປ ລາວ ໃນປີ 2024 ແລະ ສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານ ກໍຄື ການເປັນຄູ່ຮ່ວມຍຸດທະສາດ ຂອງ ສອງປະເທດແລະ ທັງເປັນການສົ່ງເສີມການພົວພັນຮ່ວມມື ລະຫວ່າງ ອາຊຽນ ແລະ ຍີ່ປຸ່ນໂດຍລວມ.
ລົດເກັງ Toyota CamryHybridຮຸ່ນນີ້ ແມ່ນປະກອບມີເຕັກໂນໂລຊີທັນສະໄໝ, ເປັນມິດຕໍ່ສິ່ງແວດລ້ອມ ແລະ ປະຢັດນໍ້າມັນເພາະລະບົບໄຮບຣິດສາມາດສາກໄຟດ້ວຍຕົວມັນເອງໃນຂະນະທີ່ລົດແລ່ນ.ປັດຈຸບັນມີສະຖິຕິນຳໃຊ້ລົດລະບົບ Toyota Hybrid ຈໍານວນ 20 ລ້ານກວ່າຄັນ ໃນທົ່ວໂລກ. ອັນສໍາຄັນແມ່ນສະດວກໃນການບໍາລຸງຮັກສາ ແລະ ມີສູນສ້ອມແປງ 9 ແຫ່ງ ຢູ່ ສປປ ລາວ ແລະ ແຕ່ລະສູນແມ່ນມີຄວາມກຽມພ້ອມສໍາລັບການສ້ອມແປງ ແລະ ໃຫ້ບໍລິການບໍາລຸງຮັກສາຄົບວົງຈອນ.
(ຂ່າວ-ພາບ: ກະຊວງການຕ່າງປະເທດ)
