ງານບຸນມະໂຫລານໄມຕີຈິດມິດຕະພາບແບບພິເສດ ລາວ-ຫວຽດນາມ ປີ 2023 ພາຍໃຕ້ຫົວຂໍ້: ຖະແຫຼງຂ່າວ ແລະ ການສື່ສານ ສສ ຫວຽດນາມ ແລະ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ສປປ ລາວ ການພົວພັນຮ່ວມມືລະຫວ່າງ ລາວ-ຫວຽດນາມ ຢູ່ສູນວັດທະນະທຳຮູບເງົາ ແຂວງເທື່ອທຽນເຫວ້ ສສ ຫວຽນາມ ໃນລະຫວ່າງວັນທີ 11–15 ພະຈິກ ນີ້ ຊຶ່ງພິທີເປີດຢ່າງເປັນທາງການຈັດຂຶ້ນ ໃນວັນທີ 11 ພະຈິກ ຜ່ານມາ ຢູ່ນະຄອນເຫວ້, ເປັນໂຄງການຮ່ວມລະຫວ່າງກະຊວງຖະແຫຼງຂ່າວ ແລະ ການສື່ສານ ຫວຽດນາມ, ຄະນະກຳມະການປະຊາຊົນແຂວງເທື່ອທຽນເຫ້ວ ຝ່າຍລາວນໍາໂດຍ ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ຝ່າຍຫວຽດນາມນໍາໂດຍ ທ່ານ ຫງວຽນແທັງເລີມ ຮອງລັດຖະມົນຕີກະຊວງ ຖະແຫຼງຂ່າວ ແລະ ການສື່ສານ ຫວຽດນາມ,ສຳລັບແຂວງສາລະວັນເຂົ້າຮ່ວມໂດຍທ່ານ ນາງ ບຸນທະວີ ດວງລາສີ ຮອງເລຂາພັກ ຜູ້ຊີ້ນຳວຽກງານການເມືອງແນວຄິດ-ພັກພະນັກງານ, ພ້ອມຄະນະ ແລະ ຜູ້ແທນຈາກແຂວງເຊກອງ,ມີແຂວງເທື່ອທຽນເຫວ້ ແລະ ບັນດາແຂວງມີຊາຍແດນຕິດກັບ ສປປ ລາວ ເຂົ້າຮ່ວມ.
ໂອກາດນີ້, ທ່ານ ໂພສີ ແກ້ວມະນີວົງ ໄດ້ກ່າວວ່າ: ການຈັດບຸນມະໂຫລານ ມິດຕະພາບ ແບບພິເສດ ລາວ-ຫວຽດນາມ 2023 ຄັ້ງນີ້ ຢູ່ໃນບັນຍາກາດທີ່ສອງຊາດພວກເຮົາກໍາລັງຮ່ວມກັນສະຫຼອງວັນຄົບຮອບ 61 ປີ ແຫ່ງການສ້າງຕັ້ງສາຍພົວພັນການທູດ ແລະ ວັນຄົບຮອບ 45 ປີ ການເຊັນສົນທິສັນຍາມິດຕະພາບນໍາກັນຢ່າງເບີກບານມ່ວນຊື່ນ.
ແຂວງເທື່ອທຽນເຫວ້ ມີທີ່ຕັ້ງພູມສາດອັນສຳຄັນບົນແລວທາງຕາເວັນອອກ-ຕາເວັນຕົກເຊື່ອມຕໍ່ ໄທ-ລາວ- ຫວຽດນາມ ຕາມເສັ້ນທາງເລກ 9 ຊຶ່ງເປັນຈຸດທີ່ຕັ້ງທີ່ອໍານວຍຄວາມສະດວກໃຫ້ແກ່ການພົວພັນຮ່ວມມື ລະຫວ່າງ ສອງປະເທດລາວ-ຫວຽດນາມ ໃນໄລຍະປະຫວັດສາດ ກໍຄື ປັດຈຸບັນ ແລະ ໄດ້ມີການຂະຫຍາຍຕົວການພົວພັນທຸກລະດັບຢ່າງບໍ່ຢຸດຢັ້ງ ນັບແຕ່ຈາກລະດັບສູນກາງລົງຮອດລະດັບທ້ອງຖິ່ນ ໂດຍສະເພາະແມ່ນບັນດາແຂວງທີ່ມີຊາຍແດນຕິດຈອດກັນ, ໃນນັ້ນ ແຂວງເທື່ອທຽນເຫວ້ຂອງຫວຽດນາມ ມີຊາຍແດນຕິດກັບ ແຂວງເຊກອງ ແລະ ແຂວງສາລະວັນ ຂອງ ສປປ ລາວ ໂດຍໄດ້ມີການເພີ່ມທະວີ ການພົວພັນຮ່ວມືໃນທຸກດ້ານຢ່າງບໍ່ຢຸດຢັ້ງ ຊຶ່ງນໍາຜົນປະໂຫຍດຕົວຈິງໃຫ້ປະຊາຊົນ ບັນດາແຂວງຊາຍແດນ ກໍຄື ສອງປະເທດ ລາວ-ຫວຽດນາມຂອງພວກເຮົາ.
ການພົວພັນມິດຕະພາບທີ່ເປັນມູນເຊື້ອ ລະຫວ່າງລາວ -ຫວຽດນາມ ໃນຂົງເຂດຖະແຫຼງຂ່າວ ແລະ ການສື່ສານ ຊຶ່ງວຽກງານນີ້ ແມ່ນຈຸດພົ້ນເດັ່ນ ຂອງການພົວພັນ ລາວ-ຫວຽດນາມ ດ້ວຍຫຼາຍໂຄງການຮ່ວມມືສອງຝ່າຍ. ສະນັ້ນ, ຄວາມສາມັກຄີ, ການຮ່ວມມື, ສະໜັບສະໜູນຊຶ່ງກັນ ແລະ ກັນ ລະຫວ່າງ ລາວ-ຫວຽດນາມ ດ້ວຍການໂຄສະນາແລກປ່ຽນຂໍ້ມູນຂ່າວສານ, ແລກປ່ຽນເຕັກໂນໂລຊີທີ່ລໍ້າສະໄໝ, ແລກປ່ຽນວັດທະນາທໍາຮີດຄອງປະເພນີອັນດີງາມຂອງສອງຊາດພວກເຮົາ ແລະ ສົ່ງເສີມວຽກງານທ່ອງທ່ຽວໃຫ້ມີການໄປມາຫາສູ່ກັນໃຫ້ຫຼາຍຂຶ້ນ ຊຶ່ງແມ່ນຈຸດປະສົງ ແລະ ຄວາມຮຽກຮ້ອງຕ້ອງການ, ເປັນປັດໄຈສຳຄັນຂອງສາຍພົວພັນຂອງສອງປະເທດພວກເຮົາ.
ສໍາລັບ, ບຸນມິດຕະພາບແບບພິເສດ ຫວຽດນາມ - ລາວ 2023” ໃນຄັ້ງນີ້ ແມ່ນການເຄື່ອນໄຫວວຽກງານປະຈຳປີ ໃນຂົງເຂດວຽກງານຖະແຫຼງຂ່າວ, ສື່ມວນຊົນຂອງສອງປະເທດພວກເຮົາ ຊຶ່ງມັນສະແດງອອກ ໃນການຈັດຕັ້ງບັນດາໂຄງການຮ່ວມມືຕ່າງໆທີ່ໄດ້ເຊັນໄປແລ້ວ ແລະ ກຳລັງຈະເຊັນໃນຕໍ່ໜ້ານີ້ ໃຫ້ໄດ້ຮັບການຈັດຕັ້ງຢ່າງເຂັ້ມງວດ ແລະ ມີປະສິດທິຜົນຍິ່ງໆຂຶ້ນ.ພາຍໃນງານ, ບັນດາວິສາຫະກິດ ທັງພາກລັດ ແລະ ເອກະຊົນ ໄດ້ນໍາເອົາຜະລິດຕະພັນຂອງຕົນມາວາງຈໍາໜ່າຍ 50 ກວ່າຮ້ານ. ໃນນັ້ນ, ມີຮ້ານວາງສະແດງ ຂອງສື່ມວນຊົນຫວຽດນາມ ປະກອບມີ: ສໍານັກຂ່າວສານຫວຽດນາມ, ໜັງສືພິມປະຊາຊົນຫວຽດນາມ, ວິທະຍຸກະຈາຍສຽງຫວຽດນາມ ລາຍການພາສາລາວ.
ຂ່າວ-ພາບ: ໂສພາ ສໍພະໄຊ
ໂອກາດນີ້, ທ່ານ ໂພສີ ແກ້ວມະນີວົງ ໄດ້ກ່າວວ່າ: ການຈັດບຸນມະໂຫລານ ມິດຕະພາບ ແບບພິເສດ ລາວ-ຫວຽດນາມ 2023 ຄັ້ງນີ້ ຢູ່ໃນບັນຍາກາດທີ່ສອງຊາດພວກເຮົາກໍາລັງຮ່ວມກັນສະຫຼອງວັນຄົບຮອບ 61 ປີ ແຫ່ງການສ້າງຕັ້ງສາຍພົວພັນການທູດ ແລະ ວັນຄົບຮອບ 45 ປີ ການເຊັນສົນທິສັນຍາມິດຕະພາບນໍາກັນຢ່າງເບີກບານມ່ວນຊື່ນ.
ແຂວງເທື່ອທຽນເຫວ້ ມີທີ່ຕັ້ງພູມສາດອັນສຳຄັນບົນແລວທາງຕາເວັນອອກ-ຕາເວັນຕົກເຊື່ອມຕໍ່ ໄທ-ລາວ- ຫວຽດນາມ ຕາມເສັ້ນທາງເລກ 9 ຊຶ່ງເປັນຈຸດທີ່ຕັ້ງທີ່ອໍານວຍຄວາມສະດວກໃຫ້ແກ່ການພົວພັນຮ່ວມມື ລະຫວ່າງ ສອງປະເທດລາວ-ຫວຽດນາມ ໃນໄລຍະປະຫວັດສາດ ກໍຄື ປັດຈຸບັນ ແລະ ໄດ້ມີການຂະຫຍາຍຕົວການພົວພັນທຸກລະດັບຢ່າງບໍ່ຢຸດຢັ້ງ ນັບແຕ່ຈາກລະດັບສູນກາງລົງຮອດລະດັບທ້ອງຖິ່ນ ໂດຍສະເພາະແມ່ນບັນດາແຂວງທີ່ມີຊາຍແດນຕິດຈອດກັນ, ໃນນັ້ນ ແຂວງເທື່ອທຽນເຫວ້ຂອງຫວຽດນາມ ມີຊາຍແດນຕິດກັບ ແຂວງເຊກອງ ແລະ ແຂວງສາລະວັນ ຂອງ ສປປ ລາວ ໂດຍໄດ້ມີການເພີ່ມທະວີ ການພົວພັນຮ່ວມືໃນທຸກດ້ານຢ່າງບໍ່ຢຸດຢັ້ງ ຊຶ່ງນໍາຜົນປະໂຫຍດຕົວຈິງໃຫ້ປະຊາຊົນ ບັນດາແຂວງຊາຍແດນ ກໍຄື ສອງປະເທດ ລາວ-ຫວຽດນາມຂອງພວກເຮົາ.
ການພົວພັນມິດຕະພາບທີ່ເປັນມູນເຊື້ອ ລະຫວ່າງລາວ -ຫວຽດນາມ ໃນຂົງເຂດຖະແຫຼງຂ່າວ ແລະ ການສື່ສານ ຊຶ່ງວຽກງານນີ້ ແມ່ນຈຸດພົ້ນເດັ່ນ ຂອງການພົວພັນ ລາວ-ຫວຽດນາມ ດ້ວຍຫຼາຍໂຄງການຮ່ວມມືສອງຝ່າຍ. ສະນັ້ນ, ຄວາມສາມັກຄີ, ການຮ່ວມມື, ສະໜັບສະໜູນຊຶ່ງກັນ ແລະ ກັນ ລະຫວ່າງ ລາວ-ຫວຽດນາມ ດ້ວຍການໂຄສະນາແລກປ່ຽນຂໍ້ມູນຂ່າວສານ, ແລກປ່ຽນເຕັກໂນໂລຊີທີ່ລໍ້າສະໄໝ, ແລກປ່ຽນວັດທະນາທໍາຮີດຄອງປະເພນີອັນດີງາມຂອງສອງຊາດພວກເຮົາ ແລະ ສົ່ງເສີມວຽກງານທ່ອງທ່ຽວໃຫ້ມີການໄປມາຫາສູ່ກັນໃຫ້ຫຼາຍຂຶ້ນ ຊຶ່ງແມ່ນຈຸດປະສົງ ແລະ ຄວາມຮຽກຮ້ອງຕ້ອງການ, ເປັນປັດໄຈສຳຄັນຂອງສາຍພົວພັນຂອງສອງປະເທດພວກເຮົາ.
ສໍາລັບ, ບຸນມິດຕະພາບແບບພິເສດ ຫວຽດນາມ - ລາວ 2023” ໃນຄັ້ງນີ້ ແມ່ນການເຄື່ອນໄຫວວຽກງານປະຈຳປີ ໃນຂົງເຂດວຽກງານຖະແຫຼງຂ່າວ, ສື່ມວນຊົນຂອງສອງປະເທດພວກເຮົາ ຊຶ່ງມັນສະແດງອອກ ໃນການຈັດຕັ້ງບັນດາໂຄງການຮ່ວມມືຕ່າງໆທີ່ໄດ້ເຊັນໄປແລ້ວ ແລະ ກຳລັງຈະເຊັນໃນຕໍ່ໜ້ານີ້ ໃຫ້ໄດ້ຮັບການຈັດຕັ້ງຢ່າງເຂັ້ມງວດ ແລະ ມີປະສິດທິຜົນຍິ່ງໆຂຶ້ນ.ພາຍໃນງານ, ບັນດາວິສາຫະກິດ ທັງພາກລັດ ແລະ ເອກະຊົນ ໄດ້ນໍາເອົາຜະລິດຕະພັນຂອງຕົນມາວາງຈໍາໜ່າຍ 50 ກວ່າຮ້ານ. ໃນນັ້ນ, ມີຮ້ານວາງສະແດງ ຂອງສື່ມວນຊົນຫວຽດນາມ ປະກອບມີ: ສໍານັກຂ່າວສານຫວຽດນາມ, ໜັງສືພິມປະຊາຊົນຫວຽດນາມ, ວິທະຍຸກະຈາຍສຽງຫວຽດນາມ ລາຍການພາສາລາວ.
ຂ່າວ-ພາບ: ໂສພາ ສໍພະໄຊ
