“ຂ້ອຍມັກໝູ່ຄົນຈີນ ແລະມັກວັດທະນະທຳຈີນ!” ຫວ່າງມໍ່ໆມານີ້, ນາງ ພອນພິວັນ ຈັນທະວົງສາ ນັກຮຽນລາວທີ່ຫາກໍ່ສິ້ນສຸດການຢ້ຽມຢາມຈີນບອກນັກຂ່າວວ່າ: “ຂອບໃຈການເຊື້ອເຊີນຂອງທ່ານປະທານ ສີຈິ້ນຜິງ, ເຮັດໃຫ້ພວກເຮົາສາມາດຂີ່ລົດໄຟຕາມທາງລົດໄຟລາວ-ຈີນ ໄປປະເທດຈີນ!”
“ຂ້ອຍມັກໝູ່ຄົນຈີນ ແລະມັກວັດທະນະທຳຈີນ!” ຫວ່າງມໍ່ໆມານີ້, ນາງ ພອນພິວັນ ຈັນທະວົງສາ ນັກຮຽນລາວທີ່ຫາກໍ່ສິ້ນສຸດການຢ້ຽມຢາມຈີນບອກນັກຂ່າວວ່າ: “ຂອບໃຈການເຊື້ອເຊີນຂອງ ທ່ານປະທານສີ ຈິ້ນຜິງ, ເຮັດໃຫ້ພວກເຮົາສາມາດຂີ່ລົດໄຟຕາມທາງລົດໄຟລາວ-ຈີນ ໄປປະເທດຈີນ!”
ຕອນບ່າຍວັນທີ 18 ຕຸລາຜ່ານມາ, ໃນຖານະເປັນຜູ້ຕາງໜ້ານັກຮຽນຂອງໂຮງຮຽນປະຖົມສົມບູນລາວ-ຈີນ ບ້ານໜອງປີງ, ນາງໄດ້ເລົ່າເລື່ອງກ່ຽວກັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ນຳເອົາຄວາມປ່ຽນແປງໃໝ່ມາໃຫ້ໂຮງຮຽນ ແລະ ບ້ານເກີດຂອງຕົນດ້ວຍພາສາຈີນທີ່ຫຼ່ຽນໄຫຼ ຢູ່ໃນກອງປະຊຸມເວທີປຶກສາຫາລືເພີ່ມຄວາມເຂົ້າໃຈກັນລະຫວ່າງປະຊາຊົນ.
“ໂຕະຕັ່ງນັກຮຽນທີ່ໃໝ່ອ່ຽມສະອາດມີແລ້ວ!” “ອຸປະກອນທີ່ທັນສະໄໝ ແລະ ຕຶກຮຽນໃໝ່ກໍມີແລ້ວ!” “ປັດຈຸບັນ, ພວກເຮົາໄດ້ເດີນທາງມາເຖິງນະຄອນຫຼວງປັກກິ່ງສົມດັ່ງຄວາມປາຖະໜາ, ຮູ້ສຶກດີໃຈທີ່ສຸດ!” ການປະກອບຄຳເຫັນຂອງນ້ອງສາວນ້ອຍໄດ້ເຮັດໃຫ້ສຽງຕົບມືດັງຂຶ້ນຢ່າງຄຶກຄື້ນຢູ່ໃນທີ່ປະຊຸມ.
ປີ 2019, ກ່ອນຈະເດີນທາງໄປຈີນເພື່ອເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 2, ຄູອາຈານ ແລະ ນັກຮຽນໂຮງຮຽນປະຖົມສົມບູນລາວ-ຈີນ ບ້ານໜອງປີງ ຊຶ່ງລວມທັງ ນາງ ພອນພິວັນ ຈັນທະວົງສາ ໄດ້ສົ່ງຈົດໝາຍໄປຍັງທ່ານເລຂາທິການໃຫຍ່ສີ ຈິ້ນຜິງ ໂດຍລະບຸວ່າ: ຄວາມຝັນຈີນ ແລະ ຄວາມຝັນລາວໄດ້ເຊື່ອມຕໍ່ກັນໂດຍຜ່ານ “ໜຶ່ງແລວ ໜຶ່ງເສັ້ນທາງ”, ຫວັງວ່າ, ຈະສາມາດຂີ່ລົດໄຟລາວ-ຈີນ ເດີນທາງໄປເຖິງນະຄອນຫຼວງປັກກິ່ງຂອງຈີນໂດຍໄວ. ຈົດໝາຍຕອບຂອງທ່ານ ສີ ຈິ້ນຜິງ ໄດ້ສົ່ງເສີມໃຫ້ນັກຮຽນທັງຫຼາຍຈົ່ງເປັນຜູ້ສືບທອດມິດຕະພາບລາວ-ຈີນ ແລະ ຍິນດີຕ້ອນຮັບພວກເຂົາເຈົ້າຂີ່ລົດໄຟຕາມທາງລົດໄຟລາວ-ຈີນ ເດີນທາງໄປນະຄອນຫຼວງປັກກິ່ງໂດຍໄວ.
“ຂີ່ລົດໄຟຕາມທາງລົດໄຟລາວ-ຈີນ ໄປປະເທດຈີນ” ໄດ້ກາຍເປັນຄວາມປາຖະໜາຂອງນັກຮຽນເຫຼົ່ານີ້. ພາຍໃຕ້ຄວາມພະຍາຍາມຮ່ວມຂອງສອງປະເທດ, ທາງລົດໄຟລາວ-ຈີນ ໄດ້ເປີດນຳໃຊ້ຢ່າງເປັນທາງການໃນວັນທີ 3 ທັນວາ 2021. ວັນທີ 14 ຕຸລາ 2023, ນາງພອນພິວັນ ໄດ້ຂີ່ຂະບວນລົດໄຟໂດຍສານສາກົນທີ່ແລ່ນຕາມທາງລົດໄຟລາວ-ຈີນ ເດີນທາງມາເຖິງປະເທດຈີນອີກຄັ້ງໜຶ່ງ.
“ຕ່າງກັນກັບການຂີ່ເຮືອບິນມາເທື່ອແລ້ວນີ້, ຂີ່ລົດໄຟຄວາມໄວສູງສາມາດສຳຜັດກັບທິວທັດທຳມະຊາດ ແລະ ຕົວເມືອງຂອງຈີນຢ່າງໃກ້ຊິດ.” ນາງ ພອນພິວັນ ບອກນັກຂ່າວວ່າ: “ເທື່ອນີ້, ພວກເຮົາໄດ້ເດີນທາງໄປເຖິງນະຄອນຄຸນໝິງ, ນະຄອນຫຼວງປັກກິ່ງ, ນະຄອນຊຽງໄຮ້ ແລະ ນະຄອນເສິງຕູ. ໄດ້ໄປທ່ຽວຊົມກຳແພງເມືອງຈີນທີ່ໃຫຍ່ໂຕມະໂຫລານ, ພາບວີວທິວທັດແຄມແມ່ນ້ຳຫວງຜູ ທີ່ຈະເລີນຮຸ່ງເຮືອງຂອງນະຄອນຊຽງໄຮ້ ແລະ ນະຄອນກວາງໂຈ່ວທີ່ສວຍງາມ, ຍັງມີໝີແພນດາທີ່ໜ້າຮັກ.”
ນາງ ພອນພິວັນ ເວົ້າດ້ວຍຄວາມດີໃຈວ່າ: “ເທື່ອນີ້, ພວກເຮົາໄດ້ຮ່ວມກັນກັບໝູ່ນັກຮຽນຈີນ, ສະແດງສິລະປະການຟ້ອນດັ້ງເດີມແບບລາວໆ ແລະ ເປົ່າແຄນ ພ້ອມທັງໄດ້ແລກປ່ຽນຂອງຂວັນຊຶ່ງກັນ ແລະກັນ.” ທ່ານ ນາງ ພັນທອງ ຄໍາທອງມີ ຜູ້ອຳນວຍການໂຮງຮຽນປະຖົມໜອງປີງທີ່ເດີນທາງໄປນຳຄະນະກ່າວວ່າ: “ພວກເຮົາຮູ້ສຶກມີຄວາມອົບອຸ່ນຫຼາຍ, ປານຄອບຄົວດຽວກັນ.” ການເດີນທາງໄປຢ້ຽມຢາມຈີນຄັ້ງນີ້, ໝູ່ນັກຮຽນລາວທັງຫຼາຍໄດ້ສຳຜັດກັບຄວາມຮັກແພງຈາກປະຊາຊົນຈີນ ແລະ ຄວາມມີຊີວິດຊີວາຂອງຕົວເມືອງຕ່າງໆຂອງຈີນ, “ຫວັງວ່າ, ຄົນຮຸ່ນໃໝ່ຈະສາມາດຮ່ຳຮຽນ ແລະ ຊ່ວຍຊູຍູ້ໜູນກັນ, ປະກອບສ່ວນເພື່ອຄວາມກ້າວໜ້າຮ່ວມກັນຂອງສອງປະເທດລາວ-ຈີນ.”
ຂ່າວ:ສໍານັກຂ່າວສານຊິນຮວາ ບັນນາທິການ: Yang Chunmei
“ຂ້ອຍມັກໝູ່ຄົນຈີນ ແລະມັກວັດທະນະທຳຈີນ!” ຫວ່າງມໍ່ໆມານີ້, ນາງ ພອນພິວັນ ຈັນທະວົງສາ ນັກຮຽນລາວທີ່ຫາກໍ່ສິ້ນສຸດການຢ້ຽມຢາມຈີນບອກນັກຂ່າວວ່າ: “ຂອບໃຈການເຊື້ອເຊີນຂອງ ທ່ານປະທານສີ ຈິ້ນຜິງ, ເຮັດໃຫ້ພວກເຮົາສາມາດຂີ່ລົດໄຟຕາມທາງລົດໄຟລາວ-ຈີນ ໄປປະເທດຈີນ!”
ຕອນບ່າຍວັນທີ 18 ຕຸລາຜ່ານມາ, ໃນຖານະເປັນຜູ້ຕາງໜ້ານັກຮຽນຂອງໂຮງຮຽນປະຖົມສົມບູນລາວ-ຈີນ ບ້ານໜອງປີງ, ນາງໄດ້ເລົ່າເລື່ອງກ່ຽວກັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ນຳເອົາຄວາມປ່ຽນແປງໃໝ່ມາໃຫ້ໂຮງຮຽນ ແລະ ບ້ານເກີດຂອງຕົນດ້ວຍພາສາຈີນທີ່ຫຼ່ຽນໄຫຼ ຢູ່ໃນກອງປະຊຸມເວທີປຶກສາຫາລືເພີ່ມຄວາມເຂົ້າໃຈກັນລະຫວ່າງປະຊາຊົນ.
“ໂຕະຕັ່ງນັກຮຽນທີ່ໃໝ່ອ່ຽມສະອາດມີແລ້ວ!” “ອຸປະກອນທີ່ທັນສະໄໝ ແລະ ຕຶກຮຽນໃໝ່ກໍມີແລ້ວ!” “ປັດຈຸບັນ, ພວກເຮົາໄດ້ເດີນທາງມາເຖິງນະຄອນຫຼວງປັກກິ່ງສົມດັ່ງຄວາມປາຖະໜາ, ຮູ້ສຶກດີໃຈທີ່ສຸດ!” ການປະກອບຄຳເຫັນຂອງນ້ອງສາວນ້ອຍໄດ້ເຮັດໃຫ້ສຽງຕົບມືດັງຂຶ້ນຢ່າງຄຶກຄື້ນຢູ່ໃນທີ່ປະຊຸມ.
ປີ 2019, ກ່ອນຈະເດີນທາງໄປຈີນເພື່ອເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 2, ຄູອາຈານ ແລະ ນັກຮຽນໂຮງຮຽນປະຖົມສົມບູນລາວ-ຈີນ ບ້ານໜອງປີງ ຊຶ່ງລວມທັງ ນາງ ພອນພິວັນ ຈັນທະວົງສາ ໄດ້ສົ່ງຈົດໝາຍໄປຍັງທ່ານເລຂາທິການໃຫຍ່ສີ ຈິ້ນຜິງ ໂດຍລະບຸວ່າ: ຄວາມຝັນຈີນ ແລະ ຄວາມຝັນລາວໄດ້ເຊື່ອມຕໍ່ກັນໂດຍຜ່ານ “ໜຶ່ງແລວ ໜຶ່ງເສັ້ນທາງ”, ຫວັງວ່າ, ຈະສາມາດຂີ່ລົດໄຟລາວ-ຈີນ ເດີນທາງໄປເຖິງນະຄອນຫຼວງປັກກິ່ງຂອງຈີນໂດຍໄວ. ຈົດໝາຍຕອບຂອງທ່ານ ສີ ຈິ້ນຜິງ ໄດ້ສົ່ງເສີມໃຫ້ນັກຮຽນທັງຫຼາຍຈົ່ງເປັນຜູ້ສືບທອດມິດຕະພາບລາວ-ຈີນ ແລະ ຍິນດີຕ້ອນຮັບພວກເຂົາເຈົ້າຂີ່ລົດໄຟຕາມທາງລົດໄຟລາວ-ຈີນ ເດີນທາງໄປນະຄອນຫຼວງປັກກິ່ງໂດຍໄວ.
“ຂີ່ລົດໄຟຕາມທາງລົດໄຟລາວ-ຈີນ ໄປປະເທດຈີນ” ໄດ້ກາຍເປັນຄວາມປາຖະໜາຂອງນັກຮຽນເຫຼົ່ານີ້. ພາຍໃຕ້ຄວາມພະຍາຍາມຮ່ວມຂອງສອງປະເທດ, ທາງລົດໄຟລາວ-ຈີນ ໄດ້ເປີດນຳໃຊ້ຢ່າງເປັນທາງການໃນວັນທີ 3 ທັນວາ 2021. ວັນທີ 14 ຕຸລາ 2023, ນາງພອນພິວັນ ໄດ້ຂີ່ຂະບວນລົດໄຟໂດຍສານສາກົນທີ່ແລ່ນຕາມທາງລົດໄຟລາວ-ຈີນ ເດີນທາງມາເຖິງປະເທດຈີນອີກຄັ້ງໜຶ່ງ.
“ຕ່າງກັນກັບການຂີ່ເຮືອບິນມາເທື່ອແລ້ວນີ້, ຂີ່ລົດໄຟຄວາມໄວສູງສາມາດສຳຜັດກັບທິວທັດທຳມະຊາດ ແລະ ຕົວເມືອງຂອງຈີນຢ່າງໃກ້ຊິດ.” ນາງ ພອນພິວັນ ບອກນັກຂ່າວວ່າ: “ເທື່ອນີ້, ພວກເຮົາໄດ້ເດີນທາງໄປເຖິງນະຄອນຄຸນໝິງ, ນະຄອນຫຼວງປັກກິ່ງ, ນະຄອນຊຽງໄຮ້ ແລະ ນະຄອນເສິງຕູ. ໄດ້ໄປທ່ຽວຊົມກຳແພງເມືອງຈີນທີ່ໃຫຍ່ໂຕມະໂຫລານ, ພາບວີວທິວທັດແຄມແມ່ນ້ຳຫວງຜູ ທີ່ຈະເລີນຮຸ່ງເຮືອງຂອງນະຄອນຊຽງໄຮ້ ແລະ ນະຄອນກວາງໂຈ່ວທີ່ສວຍງາມ, ຍັງມີໝີແພນດາທີ່ໜ້າຮັກ.”
ນາງ ພອນພິວັນ ເວົ້າດ້ວຍຄວາມດີໃຈວ່າ: “ເທື່ອນີ້, ພວກເຮົາໄດ້ຮ່ວມກັນກັບໝູ່ນັກຮຽນຈີນ, ສະແດງສິລະປະການຟ້ອນດັ້ງເດີມແບບລາວໆ ແລະ ເປົ່າແຄນ ພ້ອມທັງໄດ້ແລກປ່ຽນຂອງຂວັນຊຶ່ງກັນ ແລະກັນ.” ທ່ານ ນາງ ພັນທອງ ຄໍາທອງມີ ຜູ້ອຳນວຍການໂຮງຮຽນປະຖົມໜອງປີງທີ່ເດີນທາງໄປນຳຄະນະກ່າວວ່າ: “ພວກເຮົາຮູ້ສຶກມີຄວາມອົບອຸ່ນຫຼາຍ, ປານຄອບຄົວດຽວກັນ.” ການເດີນທາງໄປຢ້ຽມຢາມຈີນຄັ້ງນີ້, ໝູ່ນັກຮຽນລາວທັງຫຼາຍໄດ້ສຳຜັດກັບຄວາມຮັກແພງຈາກປະຊາຊົນຈີນ ແລະ ຄວາມມີຊີວິດຊີວາຂອງຕົວເມືອງຕ່າງໆຂອງຈີນ, “ຫວັງວ່າ, ຄົນຮຸ່ນໃໝ່ຈະສາມາດຮ່ຳຮຽນ ແລະ ຊ່ວຍຊູຍູ້ໜູນກັນ, ປະກອບສ່ວນເພື່ອຄວາມກ້າວໜ້າຮ່ວມກັນຂອງສອງປະເທດລາວ-ຈີນ.”
ຂ່າວ:ສໍານັກຂ່າວສານຊິນຮວາ ບັນນາທິການ: Yang Chunmei
