ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ກະຊວງການຄ້າຂອງມຽນມາໄດ້ເປີດເຜີຍບົດລາຍງານໂດຍລະບຸວ່າ: ມຽນມາ ສາມາດສ້າງລາຍໄດ້ຈາກການສົ່ງອອກສິນຄ້າການກະເສດໃນໄລຍະ 7 ເດືອນທຳອິດຂອງສົກປີງົບປະມານ 2023-2024 ລວມ 1,81 ພັນລ້ານໂດລາ.

ບົດລາຍງານລະບຸວ່າ: ລາຍໄດ້ຈາກການສົ່ງອອກສິນຄ້າການກະເສດຂອງມຽນມາໃນໄລຍະເວລາດັ່ງກ່າວຫຼຸດລົງຈາກ 2,01 ພັນລ້ານໂດລາໃນໄລຍະເວລາດຽວກັນຂອງສົກປີງົບປະມານທີ່ຜ່ານມາ. ອີກຢ່າງໜຶ່ງ, ມຽນມາສົ່ງອອກສິນຄ້າການກະເສດ, ຜະລິດຕະພັນຈາກສັດ ແລະ ທະເລ, ແຮ່ທາດ, ຜະລິດຕະພັນຈາກປ່າ ແລະ ສິນຄ້າປະດິດສ້າງໃໝ່ ໄປຍັງຄູ່ຄ້າຕ່າງປະເທດໄດ້ແກ່ ຈີນ, ໄທ, ບັງກລາເທດ ແລະ ອິນເດຍ.

ທັງນີ້, ມູນຄ່າການສົ່ງອອກທັງໝົດຂອງມຽນມາເມື່ອນັບເຖິງວັນທີ 3 ພະຈິກ 2023 ຢູ່ທີ່ 8,66 ພັນລ້ານໂດລາ.