ກົມສິ່ງແວດລ້ອມ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ຮ່ວມມືກັບບັນດາຄູ່ຮ່ວມງານວຽກງານສຶກສາ ແລະ ສ້າງຈິດສຳນຶກສິ່ງແວດລ້ອມ (EEA Networks) ພາຍໃຕ້ໂຄງການປົກປັກຮັກສາ ແລະ ນຳໃຊ້ລະບົບນິເວດປ່າໄມ້ ແລະ ຊີວະນາໆພັນແບບຍືນຍົງ ໃນ ສປປ ລາວ ProFEE III ໄດ້ຈັດກອງປະຊຸມສໍາມະນາວິທະຍາສາດ ກ່ຽວກັບວຽກງານການສຶກສາ ແລະ ສ້າງຈິດສໍານຶກດ້ານສິ່ງແວດລ້ອມ ປະຈໍາປີ2023, ພາຍໃຕ້ຫົວຂໍ້: “ການສຶກສາສິ່ງແວດລ້ອມ ເພື່ອຄວາມຮັບຜິດຊອບຕໍ່ຄວາມຍຸຕິທໍາທາງສະພາບພູມອາກາດ ແລະ ການມີສ່ວນຮ່ວມຂອງສັງຄົມ" ໃນວັນທີ 14 ພະຈິກນີ້ ທີ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ.
ເປັນກຽດໃນກອງປະຊຸມ, ມີ ທ່ານ ວິລະພົນ ນວນແສງສີ ຮອງຫົວໜ້າກົມສິ່ງແວດລ້ອມກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ອູຣິກ ເຈີລິງເກີ (Ulrinch Geringer) ຫົວໜ້າພົວພັນ ແລະ ຮ່ວມມືລາວເຢຍລະມັນ, ສະຖານທູດເຢຍລະມັນ, ບັນດາແຂກຖືກເຊີນ ພ້ອມດ້ວຍພະນັກງານວິຊາການ, ຄູ-ອາຈານ ແລະ ນັກຮຽນເຂົ້າຮ່ວມຢ່າງພ້ອມພຽງ.
ຈຸດປະສົງການສໍາມະນາ ເພື່ອແລກປ່ຽນການເຄື່ອນໄຫວຈັດຕັ້ງປະຕິບັດວຽກງານສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ ໃນນະຄອນຫຼວງວຽງຈັນ ພ້ອມທັງເຕົ້າໂຮມບັນດາຄູ່ຮ່ວມງານຈາກພາກລັດ, ອົງການຈັດຕັ້ງທາງສັງຄົມ, ອົງການຈັດຕັ້ງສາກົນ ແລະ ເອກະຊົນ, ທີ່ເຄື່ອນໄຫວເພື່ອການສະໜັບສະໜູນ ແລະ ນຳໃຊ້ກົນໄກການຮ່ວມມື ແລະ ການສະໜັບສະໜູນທາງດ້ານວິຊາການ ກ່ຽວກັບວຽກງານສ້າງຈິດສຳນຶກດ້ານການສຶກສາສິ່ງແວດລ້ອມ ແລະ ການໂຄສະນາ, ການສື່ສານ, ການນໍາໃຊ້ເຄື່ອງມື, ສິ່ງປະຈັກຕາ ແລະ ບັນດາກິດຈະກຳຕ່າງໆ ຮ່ວມກັບບັນດາຄູ່ຮ່ວມງານ, ບັນດາອົງກອນເຄືອຂ່າຍ, ກຸ່ມເປົ້າໝາຍນັກຮຽນ, ຄູ-ອາຈານ, ນັກສຶກສາ ແລະ ບັນດາຄູ່ຮ່ວມງານເອກະຊົນ ເພື່ອເປັນສ່ວນໜຶ່ງຂອງຍຸດທະສາດການປົກປັກຮັກສາສິ່ງແວດລ້ອມ, ການອະນຸລັກ ແລະ ການພັດທະນາຂອງ ສປປ ລາວ.
ນອກຈາກນັ້ນ, ໃນກອງປະຊຸມສຳມະນາວິທະຍາສາດກ່ຽວກັບວຽກງານການສຶກສາ ແລະ ສ້າງຈິດສຳນຶກດ້ານສິ່ງແວດລ້ອມໃນປີດັ່ງກ່າວນີ້ ໄດ້ລວມເອົາກິດຈະກຳຕ່າງໆເພື່ອສະໜັບສະໜູນການແລກປ່ຽນແນວຄວາມຄິດ, ການນຳໃຊ້ເຄື່ອງມື, ປະສົບການໆເຄື່ອນໄຫວຈັດຕັ້ງປະຕິບັດວຽກງານດັ່ງກ່າວ ລະຫວ່າງຂະແໜງການ ແລະ ອົງການຈັດຕັ້ງຕ່າງໆ ກ່ຽວຂ້ອງກັບການສຶກສາສິ່ງແວດລ້ອມໃນ ສປປ ລາວຊຶ່ງລວມມີການສົນທະນາແລກປ່ຽນ, ການວາງສະແດງຜົນງານ ແລະ ຜະລິດຕະພັນທີ່ເປັນມິດກັບສິ່ງແວດລ້ອມ, ເວທີສົນທະນາໄວໜຸ່ມເພື່ອສິ່ງແວດລ້ອມ ແລະ ຊົມສາລະຄະດີເລື່ອງສັ້ນເພື່ອສິ່ງແວດລ້ອມ.
ທ່ານ ວິລະພົນ ນວນແສງສີ ໄດ້ກ່າວວ່າ: ກອງປະຊຸມສຳມະນາວິທະຍາສາດກ່ຽວກັບວຽກງານສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ, ຈະໄດ້ດຳເນີນເປັນເວລາ 2 ມື້, ໃນນີ້ ຈະໄດ້ຮັບຟັງການສະເໜີກ່ຽວກັບການຈັດຕັ້ງປະຕິບັດວຽກງານສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ ໂດຍສະເພາະແມ່ນກົມສິ່ງແວດລ້ອມ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງ, ຫ້ອງການຊັບພະຍາກອນທາມະຊາດ ແລະ ສິ່ງແວດລ້ອມ 9 ເມືອງ ໃນນະຄອນຫຼວງວຽງຈັນ, ເວທີສົນທະນາລວມເພື່ອແລກປ່ຽນບົດຮຽນກ່ຽວກັບສິ່ງແວດລ້ອມ, ການແລກປ່ຽນເປັນຫ້ອງສົນທະນາ, ງານສະແດງສາລະຄະດີເລື່ອງສັ້ນ ກ່ຽວກັບສິ່ງແວດລ້ອມ, ການສະແດງເວທີເພື່ອສິ່ງແວດລ້ອມ ແລະ ລາຍການອື່ນໆ. ສະນັ້ນ, ບົນເນື້ອໃນຈິດໃຈດັ່ງກ່າວ, ໃນນາມປະທານຮ່ວມກອງປະຊຸມ, ຂ້າພະເຈົ້າ ຂໍຮຽກຮ້ອງໃຫ້ບັນດາທ່ານທີ່ເຂົ້າຮ່ວມທັງໝົດ ຈົ່ງເອົາໃຈໃສ່ຮັບຟັງ ແລະ ແລກປ່ຽນຄວາມຮູ້ປະສົບການ ເພື່ອຮ່ວມກັນກຳນົດວາງແຜນໃນການຈັດຕັ້ງປະຕິບັດວຽກງານດັ່ງກ່າວເພື່ອໃຫ້ທຸກພາກສ່ວນໃນສັງຄົມລາວມີຄວາມຕື່ນຕົວ, ເອົາໃຈໃສ່ຮັບຜິດຊອບຕໍ່ການປົກປັກຮັກສາ ແລະ ອະນຸລັກຊັບພະຍາກອນທຳມະຊາດ ຮັບປະກັນການພັດທະນາໄປຕາມທິດສີຂຽວ ແລະ ຍືນຍົງ.ຫວັງຢ່າງຍິ່ງວ່າ ບັນດາທ່ານທີ່ເຂົ້າຮ່ວມກອງປະຊຸມໃນຄັ້ງຈະພາກັນສຸມໃຈໃສ່ຮັບຟັງ,ປຶກສາຫາລື ແລະ ແລກປ່ຽນຄໍາຄິດຄໍາເຫັນຢ່າງກົງໄປກົງມາ ແລະ ຫວັງຢ່າງຍິ່ງວ່າ ບັນດາທ່ານຈະນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ໄປຈັດຕັ້ງປະຕິບັດໃຫ້ໄດ້ຮັບຜົນດີ.
ກອງປະຊຸມ ຈະໄດ້ດໍາເນີນໄປເຖິງວັນທີ 15 ພະຈິກ 2023 ທີ່ຫໍວັດທະນະທໍາແຫ່ງຊາດ, ພາຍໃຕ້ຫົວຂໍ້: “ການສຶກສາສິ່ງແວດລ້ອມ ເພື່ອຄວາມຮັບຜິດຊອບຕໍ່ຄວາມຍຸຕິທໍາທາງສະພາບພູມອາກາດ ແລະ ການມີສ່ວນຮ່ວມຂອງສັງຄົມ”.
(ຂ່າວ-ພາບ ແສງຈັນ)
ເປັນກຽດໃນກອງປະຊຸມ, ມີ ທ່ານ ວິລະພົນ ນວນແສງສີ ຮອງຫົວໜ້າກົມສິ່ງແວດລ້ອມກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ອູຣິກ ເຈີລິງເກີ (Ulrinch Geringer) ຫົວໜ້າພົວພັນ ແລະ ຮ່ວມມືລາວເຢຍລະມັນ, ສະຖານທູດເຢຍລະມັນ, ບັນດາແຂກຖືກເຊີນ ພ້ອມດ້ວຍພະນັກງານວິຊາການ, ຄູ-ອາຈານ ແລະ ນັກຮຽນເຂົ້າຮ່ວມຢ່າງພ້ອມພຽງ.
ຈຸດປະສົງການສໍາມະນາ ເພື່ອແລກປ່ຽນການເຄື່ອນໄຫວຈັດຕັ້ງປະຕິບັດວຽກງານສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ ໃນນະຄອນຫຼວງວຽງຈັນ ພ້ອມທັງເຕົ້າໂຮມບັນດາຄູ່ຮ່ວມງານຈາກພາກລັດ, ອົງການຈັດຕັ້ງທາງສັງຄົມ, ອົງການຈັດຕັ້ງສາກົນ ແລະ ເອກະຊົນ, ທີ່ເຄື່ອນໄຫວເພື່ອການສະໜັບສະໜູນ ແລະ ນຳໃຊ້ກົນໄກການຮ່ວມມື ແລະ ການສະໜັບສະໜູນທາງດ້ານວິຊາການ ກ່ຽວກັບວຽກງານສ້າງຈິດສຳນຶກດ້ານການສຶກສາສິ່ງແວດລ້ອມ ແລະ ການໂຄສະນາ, ການສື່ສານ, ການນໍາໃຊ້ເຄື່ອງມື, ສິ່ງປະຈັກຕາ ແລະ ບັນດາກິດຈະກຳຕ່າງໆ ຮ່ວມກັບບັນດາຄູ່ຮ່ວມງານ, ບັນດາອົງກອນເຄືອຂ່າຍ, ກຸ່ມເປົ້າໝາຍນັກຮຽນ, ຄູ-ອາຈານ, ນັກສຶກສາ ແລະ ບັນດາຄູ່ຮ່ວມງານເອກະຊົນ ເພື່ອເປັນສ່ວນໜຶ່ງຂອງຍຸດທະສາດການປົກປັກຮັກສາສິ່ງແວດລ້ອມ, ການອະນຸລັກ ແລະ ການພັດທະນາຂອງ ສປປ ລາວ.
ນອກຈາກນັ້ນ, ໃນກອງປະຊຸມສຳມະນາວິທະຍາສາດກ່ຽວກັບວຽກງານການສຶກສາ ແລະ ສ້າງຈິດສຳນຶກດ້ານສິ່ງແວດລ້ອມໃນປີດັ່ງກ່າວນີ້ ໄດ້ລວມເອົາກິດຈະກຳຕ່າງໆເພື່ອສະໜັບສະໜູນການແລກປ່ຽນແນວຄວາມຄິດ, ການນຳໃຊ້ເຄື່ອງມື, ປະສົບການໆເຄື່ອນໄຫວຈັດຕັ້ງປະຕິບັດວຽກງານດັ່ງກ່າວ ລະຫວ່າງຂະແໜງການ ແລະ ອົງການຈັດຕັ້ງຕ່າງໆ ກ່ຽວຂ້ອງກັບການສຶກສາສິ່ງແວດລ້ອມໃນ ສປປ ລາວຊຶ່ງລວມມີການສົນທະນາແລກປ່ຽນ, ການວາງສະແດງຜົນງານ ແລະ ຜະລິດຕະພັນທີ່ເປັນມິດກັບສິ່ງແວດລ້ອມ, ເວທີສົນທະນາໄວໜຸ່ມເພື່ອສິ່ງແວດລ້ອມ ແລະ ຊົມສາລະຄະດີເລື່ອງສັ້ນເພື່ອສິ່ງແວດລ້ອມ.
ທ່ານ ວິລະພົນ ນວນແສງສີ ໄດ້ກ່າວວ່າ: ກອງປະຊຸມສຳມະນາວິທະຍາສາດກ່ຽວກັບວຽກງານສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ, ຈະໄດ້ດຳເນີນເປັນເວລາ 2 ມື້, ໃນນີ້ ຈະໄດ້ຮັບຟັງການສະເໜີກ່ຽວກັບການຈັດຕັ້ງປະຕິບັດວຽກງານສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ ໂດຍສະເພາະແມ່ນກົມສິ່ງແວດລ້ອມ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງ, ຫ້ອງການຊັບພະຍາກອນທາມະຊາດ ແລະ ສິ່ງແວດລ້ອມ 9 ເມືອງ ໃນນະຄອນຫຼວງວຽງຈັນ, ເວທີສົນທະນາລວມເພື່ອແລກປ່ຽນບົດຮຽນກ່ຽວກັບສິ່ງແວດລ້ອມ, ການແລກປ່ຽນເປັນຫ້ອງສົນທະນາ, ງານສະແດງສາລະຄະດີເລື່ອງສັ້ນ ກ່ຽວກັບສິ່ງແວດລ້ອມ, ການສະແດງເວທີເພື່ອສິ່ງແວດລ້ອມ ແລະ ລາຍການອື່ນໆ. ສະນັ້ນ, ບົນເນື້ອໃນຈິດໃຈດັ່ງກ່າວ, ໃນນາມປະທານຮ່ວມກອງປະຊຸມ, ຂ້າພະເຈົ້າ ຂໍຮຽກຮ້ອງໃຫ້ບັນດາທ່ານທີ່ເຂົ້າຮ່ວມທັງໝົດ ຈົ່ງເອົາໃຈໃສ່ຮັບຟັງ ແລະ ແລກປ່ຽນຄວາມຮູ້ປະສົບການ ເພື່ອຮ່ວມກັນກຳນົດວາງແຜນໃນການຈັດຕັ້ງປະຕິບັດວຽກງານດັ່ງກ່າວເພື່ອໃຫ້ທຸກພາກສ່ວນໃນສັງຄົມລາວມີຄວາມຕື່ນຕົວ, ເອົາໃຈໃສ່ຮັບຜິດຊອບຕໍ່ການປົກປັກຮັກສາ ແລະ ອະນຸລັກຊັບພະຍາກອນທຳມະຊາດ ຮັບປະກັນການພັດທະນາໄປຕາມທິດສີຂຽວ ແລະ ຍືນຍົງ.ຫວັງຢ່າງຍິ່ງວ່າ ບັນດາທ່ານທີ່ເຂົ້າຮ່ວມກອງປະຊຸມໃນຄັ້ງຈະພາກັນສຸມໃຈໃສ່ຮັບຟັງ,ປຶກສາຫາລື ແລະ ແລກປ່ຽນຄໍາຄິດຄໍາເຫັນຢ່າງກົງໄປກົງມາ ແລະ ຫວັງຢ່າງຍິ່ງວ່າ ບັນດາທ່ານຈະນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ໄປຈັດຕັ້ງປະຕິບັດໃຫ້ໄດ້ຮັບຜົນດີ.
ກອງປະຊຸມ ຈະໄດ້ດໍາເນີນໄປເຖິງວັນທີ 15 ພະຈິກ 2023 ທີ່ຫໍວັດທະນະທໍາແຫ່ງຊາດ, ພາຍໃຕ້ຫົວຂໍ້: “ການສຶກສາສິ່ງແວດລ້ອມ ເພື່ອຄວາມຮັບຜິດຊອບຕໍ່ຄວາມຍຸຕິທໍາທາງສະພາບພູມອາກາດ ແລະ ການມີສ່ວນຮ່ວມຂອງສັງຄົມ”.
(ຂ່າວ-ພາບ ແສງຈັນ)
