ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້ ສະໜາມຫຼວງ ງິງຟອງ ທີ່ຕັ້ງຢູ່ແຄມທະເລນະຄອນຕຸຍຮວ່າ ແຂວງຝູອຽນ ຂອງ ຫວຽດນາມ ໄດ້ຮັບລາງວັນທັດສະນີຍະພາບຕົວເມືອງ ອາຊີ 2023 ຢູ່ ບູຊານ ສ ເກົາຫຼີ.

ຂ່າວລະບຸວ່າ: ສະໜາມຫຼວງ ງິງຟອງ ໄດ້ຮັບການຕີລາຄາຈາກຄະນະກຳມະການ ວ່າແມ່ນສະຖານທີ່ຊ່ວຍສ້າງສາຍສຳພັນລະຫວ່າງປະຊາຊົນນຳກັນ ແລະ ມີແນວຄິດການກໍ່ສ້າງທີ່ສົມບູນແບບ, ຮັບມືກັບເງື່ອນໄຂດິນຟ້າອາກາດທີ່ຮ້າຍແຮງຢູ່ທະເລໄດ້ເປັນຢ່າງດີ. ກິດຈະກຳດັ່ງກ່າວ ໄດ້ຮັບການກໍ່ສ້າງຈາກແນວຄວາມຄິດຂອງ ບໍລິສັດ Huni Architectes (ຝຣັ່ງ). ຍ້ອນພາສາສະຖາປັດຕະຍາກຳທີ່ເຕັມໄປດ້ວຍຄວາມໝາຍ ພ້ອມກັບຮູບຊົງທີ່ມີຄວາມເປັນເອກະລັກສະເພາະຂອງທ້ອງຖິ່ນ, ກິດຈະກຳນີ້ທັງມີຄວາມໃກ້ຊິດສະໜິດສະໜົມ ທັງມີຄຸນຄ່າວັດທະນະທຳສິລະປະສູງ.