ຄະນະຈັດຕັ້ງສູນກາງພັກ ໄດ້ຈັດກອງປະຊຸມປາຖະກະຖາ ຫົວຂໍ້ສະເພາະຈາກຄະນະຊ່ຽວຊານ ເຂດປົກຄອງຕົນເອງ ເຜົ່າຈ້ວງກວາງຊີ ສປ ຈີນ ປະຈຳປີ 2023 ຂຶ້ນໃນວັນທີ 21 ພະຈິກ ນີ້ທີ່ ຄະນະໂຄສະນາອົບຮົມສູນກາງພັກ (ຄອສພ) ໂດຍການເປັນປະທານ ຂອງ ສະຫາຍ ຫຼິວ ຊວນສີ ຮອງຫົວໜ້າສະຖາບັນກໍ່ສ້າງພະນັກງານ ນະຄອນປາຍເຊີ້ ເຂດກວາງຊີ, ທ່ານ ລາວປາວຊົ່ງ ນະວົງໄຊ ກຳມະການສູນກາງພັກຮອງຫົວໜ້າ ຄອສພ, ມີບັນດາຮອງຫົວໜ້າອົງການ ຂອງພັກອ້ອມຂ້າງຫຼັກ6, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງພະແນກ ຂອງບັນດາກະຊວງ-ອົງການອ້ອມຂ້າງສູນກາງ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.
ເນື່ອງໃນໂອກາດທີ່ຄະນະຊ່ຽວຊານ ຈາກເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ສະນັ້ນ; ຄະນະຈັດຕັ້ງສູນກາງພັກ, ຄະນະໂຄສະນາອົບຮົມສູນກາງພັກ (ຄອສພ) ແລະ ຄະນະພົວພັນຕ່າງປະເທດສູນກາງພັກ ຈຶ່ງໄດ້ຮ່ວມກັນຈັດກອງປະຊຸມ ປາຖະກະຖາໃນຫົວຂໍ້: ສະເພາະຈາກຄະນະຊ່ຽວຊານ ເຂດປົກຄອງຕົນເອງ ເຜົ່າຈ້ວງກວາງຊີ ສປ ຈີນ ຂຶ້ນ ຊຶ່ງຄະນະຊ່ຽວຊານເຜົ່າຈ້ວງກວາງຊີ ເດີນທາງແຕ່ນະຄອນໜານໜິງ ສປ ຈີນ ມາ ສປປ ລາວ ໃນວັນທີ 20 ພະຈິກ 2023, ໃນຕອນເຊົ້າວັນທີ 21 ພະຈິກ ໄດ້ມາປະຖະກະຖາ ຢູ່ ຄອສພ ແລະ ວັນທີ 22 ພະຈິກ ຄະນະຊ່ຽວຊານດັ່ງກ່າວຈະໄດ້ເຂົ້າພົບປະສະຫາຍ ທອງຈັນ ໂຂງພູມຄຳ ຄະນະປະຈຳພັກຮອງຫົວໜ້າຄະນະຈັດຕັ້ງສູນກາງພັກ ແລະ ຄະນະຊ່ຽວຊານກວາງຊີຍັງຈະໄປທັດສະນະສຶກສາ ຢູ່ປະຕູໄຊ ແລະ ເດີນທາງໄປແຂວງຫຼວງພະບາງ, ໃນວັນທີ 23 ພະຈິກເຂົ້າພົບປະການນຳ ຂອງແຂວງຫຼວງພະບາງ, ເດີນທາງແຕ່ຫຼວງພະບາງ ມານະຄອນຫຼວງວຽງຈັນ ແລະ ຢ້ຽມຊົມບຸນພະທາດຫຼວງ, ໃນວັນທີ 24 ພະຈິກ ແລ້ວໄປທັດສະນະສຶກສາຫໍພະແກ້ວ, ຕອນແລງຂອງວັນດຽວກັນ ຄະນະຊ່ຽວຊານກວາງຊີ ເດີນທາງກັບນະຄອນໜານໜິ່ງ ສປ ຈີນ.
ສະຫາຍ ຫຼິວ ຊວນສີ ຮອງຫົວໜ້າສະຖາບັນກໍ່ສ້າງພະນັກງານ ນະຄອນປາຍເຊີ້ ເຂດກວາງຊີ ໄດ້ປາຖະກະຖາຫົວຂໍ້ທີ1: ການກໍ່ສ້າງ ແລະ ເສີມຂະຫຍາຍມູນເຊື້ອອັນດີງາມ ແລະ ແບບແຜນ ຂອງພັກກອມມູນິດຈີນແລະ ຕອນແລງ ຂອງວັນດຽວກັນນີ້ ປາຖະກະຖາຫົວຂໍ້ທີ2: ການຫັນເປັນສີຂຽວແບບກ້າວກະໂດດ, ການປະຕິຮູບອຸດສາຫະກຳ ເປັນທັນສະໄໝ ແລະ ການພັດທະນາດ້ວຍຄຸນນະພາບສູງຂອງຈີນ. ປາຖະກະຖາໂດຍ ສະຫາຍ ຢາງ ເຜິງ ຫົວໜ້າຫ້ອງການເສດຖະກິດອຸດສາຫະກຳ, ທັງເປັນຫົວໜ້າສະຖາບັນຍຸດທະສາດ ແລະ ພັດທະນາເສດຖະກິດ, ສະຖາບັນວິທະຍາສາດສັງຄົມ ກວາງຊີ ສປ ຈີນ ຊຶ່ງຮູ້ນຳກັນແລ້ວວ່າ ລາວ-ຈີນ ເປັນປະເທດບ້ານໃກ້ເຮືອນຄຽງ, ມີຊາຍແດນຕິດຈອດກັນ, ປະຊາຊົນສອງຊາດມີການພົວພັນມິດຕະພາບ ມາແຕ່ບູຮານນະການ, ມີມູນເຊື້ອສາມັກຄີຮັກແພງ, ຊ່ວຍເຫຼືອຊຶ່ງກັນ ແລະ ກັນ, ພັກ-ລັດ ແລະ ປະຊາຊົນຈີນ ໄດ້ໃຫ້ການຊ່ວຍເຫຼືອ ແລະ ສະໜັບສະໜູນປະເທດລາວ ໃນພາລະກິດຕໍ່ສູ້ປົດປ່ອຍຊາດ ໃນເມື່ອກ່ອນ ກໍຄືພາລະກິດປົກປັກຮັກສາປະເທດຊາດ ໃນໄລຍະປັດຈຸບັນ. ການພົວພັນຮ່ວມມືລາວ-ຈີນ ຈາກສາຍພົວພັນທີ່ເປັນມູນເຊື້ອ ໄດ້ຮັບການເສີມຂະຫຍາຍການພົວພັນຮ່ວມມືຮອບດ້ານ ບົນພື້ນຖານຄວາມສະເໝີພາບຕ່າງຝ່າຍຕ່າງມີຜົນປະໂຫຍດ ແລະ ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ. ຕາມທິດ 4 ດີ “ ເປັນເພື່ອນບ້ານໃກ້ເຮືອນຄຽງທີ່ດີ, ເປັນເພື່ອມິດທີ່ດີ, ເປັນສະຫາຍທີ່ດີ ແລະ ເປັນຄູ່ຮ່ວມມືທີ່ດີ” ນັບແຕ່ສູນກາງລົງຮອດທ້ອງຖິ່ນ.
(ຂ່າວ-ພາບ: ພັດ ລໍວັນໄຊ)
ເນື່ອງໃນໂອກາດທີ່ຄະນະຊ່ຽວຊານ ຈາກເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ສະນັ້ນ; ຄະນະຈັດຕັ້ງສູນກາງພັກ, ຄະນະໂຄສະນາອົບຮົມສູນກາງພັກ (ຄອສພ) ແລະ ຄະນະພົວພັນຕ່າງປະເທດສູນກາງພັກ ຈຶ່ງໄດ້ຮ່ວມກັນຈັດກອງປະຊຸມ ປາຖະກະຖາໃນຫົວຂໍ້: ສະເພາະຈາກຄະນະຊ່ຽວຊານ ເຂດປົກຄອງຕົນເອງ ເຜົ່າຈ້ວງກວາງຊີ ສປ ຈີນ ຂຶ້ນ ຊຶ່ງຄະນະຊ່ຽວຊານເຜົ່າຈ້ວງກວາງຊີ ເດີນທາງແຕ່ນະຄອນໜານໜິງ ສປ ຈີນ ມາ ສປປ ລາວ ໃນວັນທີ 20 ພະຈິກ 2023, ໃນຕອນເຊົ້າວັນທີ 21 ພະຈິກ ໄດ້ມາປະຖະກະຖາ ຢູ່ ຄອສພ ແລະ ວັນທີ 22 ພະຈິກ ຄະນະຊ່ຽວຊານດັ່ງກ່າວຈະໄດ້ເຂົ້າພົບປະສະຫາຍ ທອງຈັນ ໂຂງພູມຄຳ ຄະນະປະຈຳພັກຮອງຫົວໜ້າຄະນະຈັດຕັ້ງສູນກາງພັກ ແລະ ຄະນະຊ່ຽວຊານກວາງຊີຍັງຈະໄປທັດສະນະສຶກສາ ຢູ່ປະຕູໄຊ ແລະ ເດີນທາງໄປແຂວງຫຼວງພະບາງ, ໃນວັນທີ 23 ພະຈິກເຂົ້າພົບປະການນຳ ຂອງແຂວງຫຼວງພະບາງ, ເດີນທາງແຕ່ຫຼວງພະບາງ ມານະຄອນຫຼວງວຽງຈັນ ແລະ ຢ້ຽມຊົມບຸນພະທາດຫຼວງ, ໃນວັນທີ 24 ພະຈິກ ແລ້ວໄປທັດສະນະສຶກສາຫໍພະແກ້ວ, ຕອນແລງຂອງວັນດຽວກັນ ຄະນະຊ່ຽວຊານກວາງຊີ ເດີນທາງກັບນະຄອນໜານໜິ່ງ ສປ ຈີນ.
ສະຫາຍ ຫຼິວ ຊວນສີ ຮອງຫົວໜ້າສະຖາບັນກໍ່ສ້າງພະນັກງານ ນະຄອນປາຍເຊີ້ ເຂດກວາງຊີ ໄດ້ປາຖະກະຖາຫົວຂໍ້ທີ1: ການກໍ່ສ້າງ ແລະ ເສີມຂະຫຍາຍມູນເຊື້ອອັນດີງາມ ແລະ ແບບແຜນ ຂອງພັກກອມມູນິດຈີນແລະ ຕອນແລງ ຂອງວັນດຽວກັນນີ້ ປາຖະກະຖາຫົວຂໍ້ທີ2: ການຫັນເປັນສີຂຽວແບບກ້າວກະໂດດ, ການປະຕິຮູບອຸດສາຫະກຳ ເປັນທັນສະໄໝ ແລະ ການພັດທະນາດ້ວຍຄຸນນະພາບສູງຂອງຈີນ. ປາຖະກະຖາໂດຍ ສະຫາຍ ຢາງ ເຜິງ ຫົວໜ້າຫ້ອງການເສດຖະກິດອຸດສາຫະກຳ, ທັງເປັນຫົວໜ້າສະຖາບັນຍຸດທະສາດ ແລະ ພັດທະນາເສດຖະກິດ, ສະຖາບັນວິທະຍາສາດສັງຄົມ ກວາງຊີ ສປ ຈີນ ຊຶ່ງຮູ້ນຳກັນແລ້ວວ່າ ລາວ-ຈີນ ເປັນປະເທດບ້ານໃກ້ເຮືອນຄຽງ, ມີຊາຍແດນຕິດຈອດກັນ, ປະຊາຊົນສອງຊາດມີການພົວພັນມິດຕະພາບ ມາແຕ່ບູຮານນະການ, ມີມູນເຊື້ອສາມັກຄີຮັກແພງ, ຊ່ວຍເຫຼືອຊຶ່ງກັນ ແລະ ກັນ, ພັກ-ລັດ ແລະ ປະຊາຊົນຈີນ ໄດ້ໃຫ້ການຊ່ວຍເຫຼືອ ແລະ ສະໜັບສະໜູນປະເທດລາວ ໃນພາລະກິດຕໍ່ສູ້ປົດປ່ອຍຊາດ ໃນເມື່ອກ່ອນ ກໍຄືພາລະກິດປົກປັກຮັກສາປະເທດຊາດ ໃນໄລຍະປັດຈຸບັນ. ການພົວພັນຮ່ວມມືລາວ-ຈີນ ຈາກສາຍພົວພັນທີ່ເປັນມູນເຊື້ອ ໄດ້ຮັບການເສີມຂະຫຍາຍການພົວພັນຮ່ວມມືຮອບດ້ານ ບົນພື້ນຖານຄວາມສະເໝີພາບຕ່າງຝ່າຍຕ່າງມີຜົນປະໂຫຍດ ແລະ ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ. ຕາມທິດ 4 ດີ “ ເປັນເພື່ອນບ້ານໃກ້ເຮືອນຄຽງທີ່ດີ, ເປັນເພື່ອມິດທີ່ດີ, ເປັນສະຫາຍທີ່ດີ ແລະ ເປັນຄູ່ຮ່ວມມືທີ່ດີ” ນັບແຕ່ສູນກາງລົງຮອດທ້ອງຖິ່ນ.
(ຂ່າວ-ພາບ: ພັດ ລໍວັນໄຊ)
