ແກະເຈ້ຍຫຸ້ມຫໍ່ອອກ, ເອົາກ້ອນຊາອອກມາ, ຈັບເອົາກ້ອນນ້ອຍໆເຂົ້າໃສ່ເຕົ້ານ້ຳຊາ, ຊົງຊາ, ເຫຍັ້ນຊາ, ກິ່ນຫອມຫວນຂອງນ້ຳຊາໄດ້ປິວກຸ້ມໄປທົ່ວຮ້ານວາງສະແດງ. ດື່ມຈອກໜຶ່ງ, ມີລົດຊາດນຸ້ມດີ. ຢູ່ເຂດວາງສະແດງເຄື່ອງອຸປະໂພກ-ບໍລິໂພກໃນງານວາງສະແດງສິນຄ້ານຳເຂົ້າສາກົນຈີນຄັ້ງທີ 6 ທີ່ຈັດຂຶ້ນຢູ່ນະຄອນຊຽງໄຮ້ສປ ຈີນ ຫວ່າງມໍ່ໆມານີ້, ບໍລິສັດ SAN WAN LAO ຍັງບໍ່ທັນໄດ້ຕັ້ງຊື່ພາສາຈີນໃຫ້ຜະລິດຕະພັນຊາຂອງຕົນ, ໄດ້ນຳມາເຂົ້າຮ່ວມງານວາງສະແດງຢູ່ປະເທດຈີນເລີຍ.
ຕົ້ນຊາພັນປີທີ່ມີອາຍຸ 400 ຫາ 500 ປີແມ່ນມີຫຼາຍ. ທ່ານ ທ່ຽງສົມສັດ ເຈົ້າຂອງ
ຮ້ານດັ່ງກ່າວວ່າ,ຄືໃບຊາແບບນີ້ຊົງໄດ້ຫຼາຍເທື່ອ, ຍັງມີກິ່ນຫອມຄືເກົ່າ. ພຽງແຕ່ 15 ນາທີເວລາສັ້ນໆເທົ່ານັ້ນ, ກໍມີນັກທຸລະກິດຈາກທ້ອງຖິ່ນຕ່າງໆຂອງຈີນມາຖາມຫາແຫຼ່ງທີ່ມາຂອງໃບຊາ, ຮ້ານວາງສະແດງນ້ອຍໆມີບັນຍາກາດຄຶກຄື້ນຂຶ້ນ. ທ່ານ ທ່ຽງສົມສັດໄດ້ພິມ QR-code ວີແຊັດຂອງຕົນ ແລະ ຄູ່ຮ່ວມມືອອກມາ, ມື້ໜຶ່ງຈະສາມາດພົວພັນກັບລູກຄ້າທີ່ມີຈຸດປະສົງຄ້າຂາຍນຳກັນໄດ້ຫຼາຍສິບຄົນ. ຄັ້ງນີ້ເປັນຄັ້ງທີ 3 ແລ້ວ ທີ່ ທ່ານທ່ຽງສົມສັດ ນຳເອົາຜະລິດຕະພັນຊາມາເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນ. ປີຜ່ານມາ ທ່ານໄດ້ຂົນສົ່ງຊາເຫຼົ່ານີ້ຈາກນະຄອນຫຼວງວຽງຈັນໄປເຖິງນະຄອນຄຸນໝິງຂອງຈີນໂດຍຜ່ານທາງລົດໄຟ ລາວ-ຈີນແລ້ວຂົນສົ່ງໄປເຖິງນະຄອນຊຽງໄຮ້ໂດຍຜ່ານລະບົບຈໍລະຈອນສິນຄ້າທີ່ວ່ອງໄວຂອງຈີນ.
ພາຍຫຼັງເປີດນຳໃຊ້ທາງລົດໄຟລາວ-ຈີນ ແລ້ວ, ການຂົນສົ່ງຊາພັນປີຂອງລາວໄປຈີນແມ່ນປະຢັດເວລາໄດ້ເຖິງ 2 ສ່ວນ 3. ໃນອະນາຄົດ, ພວກເຮົາຈະນຳໃຊ້ເງື່ອນໄຂທີ່ດີເຫຼົ່ານີ້ຢ່າງເຕັມທີ່ເພື່ອເຜີຍແຜ່ຊາພັນປີຂອງລາວໄປເຖິງປະເທດຕ່າງໆຢູ່ໃນໂລກໂດຍຜ່ານງານວາງສະແດງສິນຄ້ານຳເຂົ້າສາກົນຈີນ ແລະ ຕະຫຼາດຈີນ, ສ້າງຄວາມສຸກໃຫ້ແກ່ປະຊາຊົນລາວຫຼາຍກວ່າເກົ່າດ້ວຍອຸດສາຫະກຳຊາ. ທ່ານ ໄຊສົມພອນ ຫົວໜ້າກົມສົ່ງເສີມການຄ້າກະຊວງອຸດສາຫະກຳ ແລະ ການຄ້າລາວກ່າວ.
ນອກຈາກຊາພັນປີແລ້ວ, ຜະລິດຕະພັນທີ່ມີເອກະລັກພິເສດອື່ນໆຂອງປະເທດລາວໄດ້ຖືກຂົນສົ່ງໄປເຖິງແລວເສດຖະກິດແມ່ນນໍ້າຢາງຊີກຽງ ໂດຍຜ່ານທາງລົດໄຟ ລາວ-ຈີນ, ການຮ່ວມມືໄດ້ມາຈາກງານວາງສະແດງສິນຄ້ານຳເຂົ້າສາກົນຈີນ, ການພົວພັນດ້ານເສດຖະກິດການຄ້າຍັງຈະສາມາດຂະຫຍາຍໄປເຖິງຂອບເຂດທີ່ກວ້າງຂວາງກວ່ານີ້.
ໃນງານວາງສະແດງສິນຄ້ານຳເຂົ້າສາກົນຈີນຄັ້ງທີ 5 ທີ່ຈັດຂຶ້ນໃນປີຜ່ານມາ, ເຂດຢາງຜູນະຄອນຊຽງໄຮ້ ແລະ ກົມສົ່ງເສີມການຄ້າກະຊວງອຸດສາຫະກຳ ແລະ ການຄ້າລາວໄດ້ເຊັນບົດບັນທຶກຄວາມເຂົ້າໃຈ, ສ້າງຂົວຕໍ່ລະຫວ່າງລັດຖະບານເພື່ອດຳເນີນການຮ່ວມມືດ້ານເສດຖະກິດການຄ້າ.
ປັດຈຸບັນນີ້, ຄຽງຄູ່ກັບໂຄງການຮ່ວມມືໄດ້ຮັບການຈັດຕັ້ງປະຕິບັດເປັນຈຳນວນຫຼວງຫຼາຍ, ຫໍວາງສະແດງການຮ່ວມມືດ້ານເສດຖະກິດການຄ້າຂອງສປປ ລາວ ກໍຈະເປີດນຳໃຊ້ຢູ່ເຂດຢາງຜູ ພາຍຫຼັງງານວາງສະແດງສິນຄ້ານຳເຂົ້າສາກົນຈີນປີນີ້ ຊຶ່ງແມ່ນຫໍວາງສະແດງລະດັບຊາດທີ່ໂຮມສູນວາງສະແດງຜົນການຮ່ວມມືດ້ານເສດຖະກິດການຄ້າ ສປປ ລາວແຫ່ງທຳອິດທີ່ສ້າງຕັ້ງຢູ່ຕ່າງປະເທດຊຶ່ງຈະວາງສະແດງພາບພົດແຫ່ງຊາດຂອງ ສປປ ລາວ, ມິດຕະພາບລາວ-ຈີນແລະ ການຮ່ວມມືດ້ານເສດຖະກິດການຄ້າລະຫວ່າງສອງປະເທດຕະຫຼອດປີ.
ທ່ານ ໂຈ່ວເສິງຢູ ຫົວໜ້າຜູ້ແທນສະພາອຸດສາຫະກຳການຄ້າລາວປະຈຳນະຄອນຊຽງໄຮ້ກ່າວວ່າ: ປະເທດລາວມີຜະລິດຕະພັນກະສິກຳທີ່ອຸດົມສົມບູນເຊັ່ນ: ເຂົ້າ, ໝາກໄມ້, ໃບຊາ ແລະ ກາເຟເປັນຕົ້ນ. ໂດຍອີງໃສ່ລະບົບທຸລະກິດເອເລັກໂຕຣນິກທີ່ເຂັ້ມແຂງຂອງນະຄອນຊຽງໄຮ້, ຜະລິດຕະພັນລາວສາມາດເຂົ້າຫາລູກຄ້າຈີນໄດ້ຢ່າງວ່ອງໄວໂດຍຜ່ານທາງລົດໄຟ ລາວ-ຈີນ ແລະ ລະບົບທຸລະກິດເອເລັກໂຕຣນິກ.
ໜຶ່ງປີມານີ້, ທ່ານໂຈ່ວເສິງຢູ ໄດ້ເດີນທາງລະຫວ່າງນະຄອນຫຼວງວຽງຈັນ ຫາ ນະຄອນຊຽງໄຮ້ ຫຼາຍກວ່າສິບເທື່ອ, ໄດ້ນຳເອົາເຕັກນິກສີຂຽວຕ່າງໆຂອງນະຄອນຊຽງໄຮ້ເຊັ່ນ: ເຕັກນິກສະສົມພະລັງງານແບບໃໝ່ເປັນຕົ້ນໄປສູ່ປະເທດລາວທີ່ມີຊັບພະຍາກອນພະລັງງານລົມ, ພະລັງງານແສງຕາເວັນ ແລະ ພະລັງງານນ້ຳທີ່ອຸດົມສົມບູນເພື່ອຊຸກຍູ້ໃຫ້ການພັດທະນາຂະແໜງການພະລັງງານຂອງລາວຫັນເປັນແບບດີຈີຕອນ. ເຊື່ອໝັ້ນວ່າ, ອີກບໍ່ດົນ, ລົດເຮືອນທີ່ນຳໃຊ້ພະລັງງານສະອາດຂອງຈີນຈະໄດ້ຮັບຄວາມນິຍົມຊົມຊອບຈາກຂະແໜງການທ່ອງທ່ຽວຂອງປະເທດລາວ. ແຫຼ່ງຂ່າວ: ສໍານັກຂ່າວສານຊິນຮວາ, ໜັງສືພິມລາຍວັນປະຊົນຈີນ ບັນນາທິການ: Yang Chunmei
