ວັນທີ 21 ພະຈິກ ຜ່ານມານີ້, ລາຍການແສງສີຈາກຈີນທີ່ຜະລິດໂດຍວິທະຍຸໂທລະພາບສູນກາງຈີນໄດ້ເລີ່ມອອກອາກາດຜ່ານວິທະຍຸຫຼວງພະບາງ ໂດຍມີທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ແລະ ທ່ານ ຫູຈີ້ງຈຸ່ນ ຮອງຜູ້ອຳນວຍການໃຫຍ່ວິທະຍຸໂທລະພາບສູນກາງຈີນເຂົ້າຮ່ວມ ແລະ ໄດ້ກ່າວຄຳເຫັນ.
ໃນເວລາປະກອບຄຳເຫັນ, ທ່ານ ຫູຈິ້ງຈຸ່ນ ກ່າວວ່າ: ໃນກອງປະຊຸມສຸດຍອດເວທີ ປຶກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 3 ທີ່ຈັດຂຶ້ນໃນຫວ່າງບໍ່ດົນມານີ້, ໄດ້ວາງແຜນແມ່ບົດອັນຍິ່ງໃຫຍ່ທີ່ອະລິຍະທຳຕ່າງໆຢູ່ຮ່ວມກັນຢ່າງກົມກຽວ ແລະ ແລກປ່ຽນຊຶ່ງກັນ ແລະ ກັນ. ແຕ່ໃດໆມາ, CMG ຖືເອົາການບັນທຶກຄວາມກ້າວໜ້າ ຂອງອະລິຍະທຳ, ຊຸກຍູ້ການແລກປ່ຽນລະຫວ່າງອະລິຍະທຳຕ່າງໆເປັນໜ້າທີ່ຂອງຕົນ, ໃຊ້ວິທີການເຜີຍແຜ່ທີ່ເຊື່ອມໂຍງ ແນວຄິດ ສິລະປະກັບເຕັກໂນໂລຊີ, ສ້າງຂົວມິດຕະພາບເພື່ອຊຸກຍູ້ປະຊາຊົນບັນດາປະເທດໃນໂລກສະໜິດສະໜົມກັນ ຮ່ວມກັນກ້າວໄປສູ່ຄວາມທັນສະໄໝ, ເຮັດໃຫ້ປະຊາຊົນໃນໂລກນັບມື້ນັບຫຼາຍກາຍເປັນຜູ້ເດີນທາງຮ່ວມກັນ. ທ່ານ ຫູຈິ້ນຈຸ່ນ ກ່າວວ່າ: ຫວັງວ່າຜ່ານລາຍການແສງສີຈາກຈີນທີ່ເລີ່ມອອກອາກາດໃນມື້ນີ້ ເຕັມໄປດ້ວຍບັນຍາກາດວັດທະນະທຳ ຂອງສະໄໝບູຮານ ກໍຄືຍຸກປັດຈຸບັນ, ຈະເປີດອີກຊ່ອງທາງໜຶ່ງໃຫ້ແກ່ ເພື່ອນມິດປະຊາຊົນລາວໃນການຮັບຮູ້ປະເທດຈີນ.
ທ່ານ ບຸນເລື່ອມ ມະນີວົງ ປະກອບຄຳເຫັນວ່າ: ລາຍການ ສື່ປະສົມ “ແສງສີຈາກຈີນ” ທີ່ຈະເລີ່ມອອກອາກາດໃນມື້ນີ້, ແມ່ນການເລົ່າເລື່ອງວັດທະນະທຳຈີນ ທີ່ສື່ສານດ້ວຍພາສາລາວ ຊຶ່ງສະແດງໃຫ້ເຫັນວ່າ ວິທະຍຸໂທລະພາບສູນກາງຈີນ ໄດ້ເຕົ້າໂຮມບັນດາຜູ້ທີ່ມີຄວາມຮູ້ ຄວາມສາມາດ ຮູ້ພາສາລາວ-ພາສາຈີນ ທີ່ດີເດັ່ນ ຈາກປະເທດຈີນ ເພື່ອມາສ້າງສັນລາຍການທີ່ດີ ແລະ ມີປະໂຫຍດ ໃຫ້ປະຊາຊົນຊາວຫຼວງພະບາງ ບັນດາເຜົ່າ ໄດ້ຮັບຟັງຮັບຊົມ ຢ່າງເບີກບານມ່ວນຊື່ນ. ຂ້າພະເຈົ້າ ຫວັງຢ່າງຍິ່ງວ່າ ເວທີອັນກວ້າງໃຫຍ່ ຂອງວິທະຍຸໂທລະພາບສູນກາງຈີນ ຈະເປັນສື່ໃນການໂຄສະນາ ໃຫ້ປະຊາຊົນທັງສອງຊາດ ລາວ-ຈີນ ລວມທັງ ປະເທດສາກົນ ໄດ້ຮັບຮູ້ເຂົ້າໃຈເຖິງວັດທະນະທຳ, ຮີດຄອງປະເພນີອັນດີງາມ ຂອງ ລາວ-ຈີນ ໃຫ້ກວ້າງຂວາງ ຫຼາຍຂຶ້ນກວ່າເກົ່າ.
ລາຍການແສງສີຈາກຈີນ ຜະລິດໂດຍວິທະຍຸໂທລະພາບສູນກາງຈີນ ເປັນລາຍການທີ່ແນະນຳວັດທະນະທຳຂອງຈີນແຕ່ສະໄໝບູຮານຈົນຮອດປັດຈຸບັນ ກໍຄືການພັດທະນາສັງຄົມຈີນເພື່ອໃຫ້ຜູ້ຟັງລາວຈະໄດ້ຮູ້ກັບຈີນທີ່ແທ້ຈິງ, ມີຊີວິດຊີວາ ແລະ ຮອບດ້ານ ຊຶ່ງລາຍການນີ້ຈະອອກອາກາດຜ່ານທາງວິທະຍຸຫຼວງພະບາງແຕ່ວັນຈັນຫາວັນອາທິດ.
ທ່ານ ຈ່າງເຊີ້ຜິງ ອຸປະທູດຈີນປະຈຳຫຼວງພະບາງ, ທ່ານນາງ ສຸດາພອນ ຄົມທະວົງ ຫົວໜ້າກົມຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ພ້ອມກັບ ຜູ້ຮັບຜິດຊອບຂອງວິທະຍຸໂທລະພາບສູນກາງຈີນປະຈຳອາຊີປາຊີຟິກ, ສູນອາຊີອາຟຣິກາວິທະຍຸໂທລະພາບສູນກາງຈີນ, ກົມພົວພັນຕ່າງປະເທດ, ສູນລາຍການພາສາຈີນຂອງວິທະຍຸໂທລະພາບສູນກາງຈີນ ກໍຄື ວິທະຍຸໂທລະພາບສູນກາງຈີນປະຈຳກວາງຊີຈີນໄດ້ເຂົ້າຮ່ວມກອງປະຊຸມສົນທະນາດັ່ງກ່າວ.
ຂ່າວ: ຊີອາໄອ
ໃນເວລາປະກອບຄຳເຫັນ, ທ່ານ ຫູຈິ້ງຈຸ່ນ ກ່າວວ່າ: ໃນກອງປະຊຸມສຸດຍອດເວທີ ປຶກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 3 ທີ່ຈັດຂຶ້ນໃນຫວ່າງບໍ່ດົນມານີ້, ໄດ້ວາງແຜນແມ່ບົດອັນຍິ່ງໃຫຍ່ທີ່ອະລິຍະທຳຕ່າງໆຢູ່ຮ່ວມກັນຢ່າງກົມກຽວ ແລະ ແລກປ່ຽນຊຶ່ງກັນ ແລະ ກັນ. ແຕ່ໃດໆມາ, CMG ຖືເອົາການບັນທຶກຄວາມກ້າວໜ້າ ຂອງອະລິຍະທຳ, ຊຸກຍູ້ການແລກປ່ຽນລະຫວ່າງອະລິຍະທຳຕ່າງໆເປັນໜ້າທີ່ຂອງຕົນ, ໃຊ້ວິທີການເຜີຍແຜ່ທີ່ເຊື່ອມໂຍງ ແນວຄິດ ສິລະປະກັບເຕັກໂນໂລຊີ, ສ້າງຂົວມິດຕະພາບເພື່ອຊຸກຍູ້ປະຊາຊົນບັນດາປະເທດໃນໂລກສະໜິດສະໜົມກັນ ຮ່ວມກັນກ້າວໄປສູ່ຄວາມທັນສະໄໝ, ເຮັດໃຫ້ປະຊາຊົນໃນໂລກນັບມື້ນັບຫຼາຍກາຍເປັນຜູ້ເດີນທາງຮ່ວມກັນ. ທ່ານ ຫູຈິ້ນຈຸ່ນ ກ່າວວ່າ: ຫວັງວ່າຜ່ານລາຍການແສງສີຈາກຈີນທີ່ເລີ່ມອອກອາກາດໃນມື້ນີ້ ເຕັມໄປດ້ວຍບັນຍາກາດວັດທະນະທຳ ຂອງສະໄໝບູຮານ ກໍຄືຍຸກປັດຈຸບັນ, ຈະເປີດອີກຊ່ອງທາງໜຶ່ງໃຫ້ແກ່ ເພື່ອນມິດປະຊາຊົນລາວໃນການຮັບຮູ້ປະເທດຈີນ.
ທ່ານ ບຸນເລື່ອມ ມະນີວົງ ປະກອບຄຳເຫັນວ່າ: ລາຍການ ສື່ປະສົມ “ແສງສີຈາກຈີນ” ທີ່ຈະເລີ່ມອອກອາກາດໃນມື້ນີ້, ແມ່ນການເລົ່າເລື່ອງວັດທະນະທຳຈີນ ທີ່ສື່ສານດ້ວຍພາສາລາວ ຊຶ່ງສະແດງໃຫ້ເຫັນວ່າ ວິທະຍຸໂທລະພາບສູນກາງຈີນ ໄດ້ເຕົ້າໂຮມບັນດາຜູ້ທີ່ມີຄວາມຮູ້ ຄວາມສາມາດ ຮູ້ພາສາລາວ-ພາສາຈີນ ທີ່ດີເດັ່ນ ຈາກປະເທດຈີນ ເພື່ອມາສ້າງສັນລາຍການທີ່ດີ ແລະ ມີປະໂຫຍດ ໃຫ້ປະຊາຊົນຊາວຫຼວງພະບາງ ບັນດາເຜົ່າ ໄດ້ຮັບຟັງຮັບຊົມ ຢ່າງເບີກບານມ່ວນຊື່ນ. ຂ້າພະເຈົ້າ ຫວັງຢ່າງຍິ່ງວ່າ ເວທີອັນກວ້າງໃຫຍ່ ຂອງວິທະຍຸໂທລະພາບສູນກາງຈີນ ຈະເປັນສື່ໃນການໂຄສະນາ ໃຫ້ປະຊາຊົນທັງສອງຊາດ ລາວ-ຈີນ ລວມທັງ ປະເທດສາກົນ ໄດ້ຮັບຮູ້ເຂົ້າໃຈເຖິງວັດທະນະທຳ, ຮີດຄອງປະເພນີອັນດີງາມ ຂອງ ລາວ-ຈີນ ໃຫ້ກວ້າງຂວາງ ຫຼາຍຂຶ້ນກວ່າເກົ່າ.
ລາຍການແສງສີຈາກຈີນ ຜະລິດໂດຍວິທະຍຸໂທລະພາບສູນກາງຈີນ ເປັນລາຍການທີ່ແນະນຳວັດທະນະທຳຂອງຈີນແຕ່ສະໄໝບູຮານຈົນຮອດປັດຈຸບັນ ກໍຄືການພັດທະນາສັງຄົມຈີນເພື່ອໃຫ້ຜູ້ຟັງລາວຈະໄດ້ຮູ້ກັບຈີນທີ່ແທ້ຈິງ, ມີຊີວິດຊີວາ ແລະ ຮອບດ້ານ ຊຶ່ງລາຍການນີ້ຈະອອກອາກາດຜ່ານທາງວິທະຍຸຫຼວງພະບາງແຕ່ວັນຈັນຫາວັນອາທິດ.
ທ່ານ ຈ່າງເຊີ້ຜິງ ອຸປະທູດຈີນປະຈຳຫຼວງພະບາງ, ທ່ານນາງ ສຸດາພອນ ຄົມທະວົງ ຫົວໜ້າກົມຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ພ້ອມກັບ ຜູ້ຮັບຜິດຊອບຂອງວິທະຍຸໂທລະພາບສູນກາງຈີນປະຈຳອາຊີປາຊີຟິກ, ສູນອາຊີອາຟຣິກາວິທະຍຸໂທລະພາບສູນກາງຈີນ, ກົມພົວພັນຕ່າງປະເທດ, ສູນລາຍການພາສາຈີນຂອງວິທະຍຸໂທລະພາບສູນກາງຈີນ ກໍຄື ວິທະຍຸໂທລະພາບສູນກາງຈີນປະຈຳກວາງຊີຈີນໄດ້ເຂົ້າຮ່ວມກອງປະຊຸມສົນທະນາດັ່ງກ່າວ.
ຂ່າວ: ຊີອາໄອ
