ໃນລະຫວ່າງວັນທີ 27-29 ພະຈິກ ນີ້ ທີ່ ເມືອງຊຽງຕຸງສາທາລະນະລັດ ສະຫະພາບມຽນມາ ໄດ້ຈັດກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ມຽນມາຄັ້ງທີ IV ໂດຍການເຂົ້າຮ່ວມເປັນປະທານຂອງ ທ່ານ ພົນຈັດຕະວາ ສີພັນ ພຸດທະວົງຫົວໜ້າກົມທະຫານຊາຍແດນກົມໃຫຍ່ເສນາທິການກອງທັບປະຊາຊົນລາວ ປະທານຄະນະກໍາມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ມຽນມາ. ມີ ທ່ານ ພົນຕີ ອອງ ປາຍ ອູຫົວໜ້າກອງບັນຊາການກຳລັງທະຫານຮັກສາດິນແດນ ແລະ ກຳລັງທະຫານທ້ອງຖິ່ນກອງທັບ ແຫ່ງ ສາທາລະນະລັດ ສະຫະພາບມຽນມາປະທານຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນມຽນມາ-ລາວ ພ້ອມດ້ວຍຄະນະທັງສອງຝ່າຍ ເຂົ້າຮ່ວມ.
ກອງປະຊຸມຄັ້ງນີ້, ທັງສອງຝ່າຍໄດ້ປຶກສາຫາລື ແລະ ເຫັນດີເປັນເອກະພາບ ສືບຕໍ່ຈັດຕັ້ງຜັນຂະຫຍາຍຕາມບົດບັນທຶກກອງປະຊຸມຄະນະກໍາມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ມຽນມາ ຄັ້ງທີIV. ສອງຝ່າຍສະແດງຄວາມຊົມເຊີຍຕໍ່ຜົນສໍາເລັດກອງປະຊຸມ ຂອງຄະນະກໍາມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາຍແດນລາວ-ມຽນມາ ຂັ້ນແຂວງ-ເຂດ ຄັ້ງທີ 11ຈັດຂຶ້ນ ໃນລະຫວ່າງວັນທີ 23-26 ຕຸລາ 2023 ທີ່ແຂວງຫຼວງນໍ້າທາ ສປປ ລາວ. ພ້ອມນີ້ ເຫັນດີໃຫ້ມີການຮ່ວມມື ແລະ ແລກປ່ຽນຂໍ້ມູນຂ່າວສານຊຶ່ງກັນ ແລະ ກັນເພື່ອສະກັດກັ້ນປາບປາມຢາເສບຕິດ ແລະ ບັນຫາອາຊະຍາກຳຂ້າມຊາດ, ການຄ້າຂາຍຢາເສບຕິດ, ການຄ້າມະນຸດ, ການເຂົ້າ-ອອກເມືອງຢ່າງຜິດກົດໝາຍ, ການທຳລາຍຊັບພະຍາກອນທຳມະຊາດ, ການຄ້າຂາຍເຖື່ອນລວມທັງວັດຖຸບູຮານທີ່ມີຄ່າ, ການຄ້າອາວຸດ ແລະ ການເຄື່ອນໄຫວຕ່າງໆທີ່ລະເມີດຕໍ່ກົດໝາຍຂອງທັງສອງຝ່າຍ. ຮ່ວມກັນສະກັດກັ້ນ ແລະ ປາບປາມກຸ່ມຄົນບໍ່ຫວັງດີຕໍ່ສາຍພົວພັນການຮ່ວມມືລາວ-ມຽນມາ ທີ່ຈະໃຊ້ດີນແດນຂອງຕົນເພື່ອເປັນບ່ອນລີ້ຊ້ອນ ແລະ ເຄື່ອນໄຫວຕໍ່ຕ້ານ ຫຼື ກໍ່ຄວາມບໍ່ສະຫງົບໃຫ້ທັງສອງຝ່າຍ ແລະ ພ້ອມກັນຮ່ວມມືແກ້ໄຂຢ່າງຮີບດ່ວນ, ປະກອບສ່ວນຢ່າງຕັ້ງໜ້າຂອງເຈົ້າໜ້າທີ່ທະຫານ, ຕຳຫຼວດທັງສອງຝ່າຍ ເພື່ອຮັບປະກັນຄວາມສະຫງົບ-ປອດໄພ, ຄວາມເປັນລະບຽບຮຽບຮ້ອຍໃນການທຳມາຫາກິນ, ການຄ້າຂາຍ ແລະ ການເດີນເຮືອຂອງປະຊາຊົນ, ທັງນີ້ກໍເພື່ອແນໃສ່ເຮັດໃຫ້ຊີວິດການເປັນຢູ່ຂອງປະຊາຊົນຢູ່ບໍລິເວນຊາຍແດນລາວ-ມຽນມາ ໃຫ້ກາຍເປັນຊາຍແດນແຫ່ງສັນຕິພາບ-ມິດຕະພາບ ແລະ ການຮ່ວມມືຢ່າງແທ້ຈິງ.
ພາຍຫຼັງສຳເລັດກອງປະຊຸມ ປະທານທັງສອງຝ່າຍກໍໄດ້ລົງນາມເຊັນບົດບັນທຶກການຮ່ວມມືດ້ານວຽກງານຮັກສາຄວາມສະຫງົບຮຽບຮ້ອຍຕາມຊາຍແດນລາວ-ມຽນມາ, ມຽນມາ-ລາວ. ເພື່ອພ້ອມກັນນໍາໄປຈັດຕັ້ງປະຕິບັດໃຫ້ປະກົດຜົນເປັນຈິງ. ຝ່າຍລາວໂດຍ ທ່ານ ພົນຈັດຕະວາ ສີພັນ ພຸດທະວົງ ແລະຝ່າຍມຽນມາໂດຍ ທ່ານ ພົນຕີ ອອງ ປາຍ ອູ, ຈາກນັ້ນປະທານທັງສອງຝ່າຍລາວ-ມຽນມາ ກໍໄດ້ມີການແລກປ່ຽນຂອງທີ່ລະນຶກຊຶ່ງກັນ ແລະ ກັນຕື່ມອີກ.
ຂ່າວ-ພາບ:ຮອ.ທອງມາ ໄຊຍະເພັງສາ.
ກອງປະຊຸມຄັ້ງນີ້, ທັງສອງຝ່າຍໄດ້ປຶກສາຫາລື ແລະ ເຫັນດີເປັນເອກະພາບ ສືບຕໍ່ຈັດຕັ້ງຜັນຂະຫຍາຍຕາມບົດບັນທຶກກອງປະຊຸມຄະນະກໍາມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ມຽນມາ ຄັ້ງທີIV. ສອງຝ່າຍສະແດງຄວາມຊົມເຊີຍຕໍ່ຜົນສໍາເລັດກອງປະຊຸມ ຂອງຄະນະກໍາມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາຍແດນລາວ-ມຽນມາ ຂັ້ນແຂວງ-ເຂດ ຄັ້ງທີ 11ຈັດຂຶ້ນ ໃນລະຫວ່າງວັນທີ 23-26 ຕຸລາ 2023 ທີ່ແຂວງຫຼວງນໍ້າທາ ສປປ ລາວ. ພ້ອມນີ້ ເຫັນດີໃຫ້ມີການຮ່ວມມື ແລະ ແລກປ່ຽນຂໍ້ມູນຂ່າວສານຊຶ່ງກັນ ແລະ ກັນເພື່ອສະກັດກັ້ນປາບປາມຢາເສບຕິດ ແລະ ບັນຫາອາຊະຍາກຳຂ້າມຊາດ, ການຄ້າຂາຍຢາເສບຕິດ, ການຄ້າມະນຸດ, ການເຂົ້າ-ອອກເມືອງຢ່າງຜິດກົດໝາຍ, ການທຳລາຍຊັບພະຍາກອນທຳມະຊາດ, ການຄ້າຂາຍເຖື່ອນລວມທັງວັດຖຸບູຮານທີ່ມີຄ່າ, ການຄ້າອາວຸດ ແລະ ການເຄື່ອນໄຫວຕ່າງໆທີ່ລະເມີດຕໍ່ກົດໝາຍຂອງທັງສອງຝ່າຍ. ຮ່ວມກັນສະກັດກັ້ນ ແລະ ປາບປາມກຸ່ມຄົນບໍ່ຫວັງດີຕໍ່ສາຍພົວພັນການຮ່ວມມືລາວ-ມຽນມາ ທີ່ຈະໃຊ້ດີນແດນຂອງຕົນເພື່ອເປັນບ່ອນລີ້ຊ້ອນ ແລະ ເຄື່ອນໄຫວຕໍ່ຕ້ານ ຫຼື ກໍ່ຄວາມບໍ່ສະຫງົບໃຫ້ທັງສອງຝ່າຍ ແລະ ພ້ອມກັນຮ່ວມມືແກ້ໄຂຢ່າງຮີບດ່ວນ, ປະກອບສ່ວນຢ່າງຕັ້ງໜ້າຂອງເຈົ້າໜ້າທີ່ທະຫານ, ຕຳຫຼວດທັງສອງຝ່າຍ ເພື່ອຮັບປະກັນຄວາມສະຫງົບ-ປອດໄພ, ຄວາມເປັນລະບຽບຮຽບຮ້ອຍໃນການທຳມາຫາກິນ, ການຄ້າຂາຍ ແລະ ການເດີນເຮືອຂອງປະຊາຊົນ, ທັງນີ້ກໍເພື່ອແນໃສ່ເຮັດໃຫ້ຊີວິດການເປັນຢູ່ຂອງປະຊາຊົນຢູ່ບໍລິເວນຊາຍແດນລາວ-ມຽນມາ ໃຫ້ກາຍເປັນຊາຍແດນແຫ່ງສັນຕິພາບ-ມິດຕະພາບ ແລະ ການຮ່ວມມືຢ່າງແທ້ຈິງ.
ພາຍຫຼັງສຳເລັດກອງປະຊຸມ ປະທານທັງສອງຝ່າຍກໍໄດ້ລົງນາມເຊັນບົດບັນທຶກການຮ່ວມມືດ້ານວຽກງານຮັກສາຄວາມສະຫງົບຮຽບຮ້ອຍຕາມຊາຍແດນລາວ-ມຽນມາ, ມຽນມາ-ລາວ. ເພື່ອພ້ອມກັນນໍາໄປຈັດຕັ້ງປະຕິບັດໃຫ້ປະກົດຜົນເປັນຈິງ. ຝ່າຍລາວໂດຍ ທ່ານ ພົນຈັດຕະວາ ສີພັນ ພຸດທະວົງ ແລະຝ່າຍມຽນມາໂດຍ ທ່ານ ພົນຕີ ອອງ ປາຍ ອູ, ຈາກນັ້ນປະທານທັງສອງຝ່າຍລາວ-ມຽນມາ ກໍໄດ້ມີການແລກປ່ຽນຂອງທີ່ລະນຶກຊຶ່ງກັນ ແລະ ກັນຕື່ມອີກ.
ຂ່າວ-ພາບ:ຮອ.ທອງມາ ໄຊຍະເພັງສາ.
