ສາຍການບິນລາວ ແລະ ສາຍການບິນ ຫວຽດເຈັດ(Vietjet) ໄດ້ຈັດພິທີມອບໃບເຊັນສັນຍາການຮ່ວມມືຮອບດ້ານ ພ້ອມທັງເປີດເສັ້ນທາງການບິນກົງ ນະຄອນຫຼວງວຽງຈັນ (ນວ)-ນະຄອນໂຮຈິມິນ ໃນວັນທີ 4 ທັນວາ ນີ້ ໂດຍໄດ້ຮັບກຽດເຂົ້າຮ່ວມຈາກ ສະຫາຍເວືອງ ດິງ ເຫວ້ ກໍາມະການກົມການເມືອງສູນກາງພັກກອມມູນິດຫວຽດນາມປະທານສະພາແຫ່ງຊາດ ແຫ່ງ ສສ ຫວຽດນາມ ໂອກາດທີ່ເດີນທາງມາເຄື່ອນໄຫວວຽກງານຢູ່ ສປປ ລາວ; ພ້ອມນີ້, ກໍມີການເຂົ້າຮ່ວມຂອງ ສະຫາຍ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ແຫ່ງ ສປປ ລາວ ພ້ອມດ້ວຍພາກສ່ວນກ່ຽວຂ້ອງ.
ສະຫາຍ ຄໍາຫຼ້າ ພົມມະວັນ ອຳນວຍການໃຫຍ່ ສາຍການບິນລາວ ໄດ້ກ່າວວ່າ: ນີ້ເປັນຂີດໝາຍອັນຍິ່ງໃຫຍ່, ເປັນການຮ່ວມມືລະຫວ່າງສອງຊາດ ແລະ ສອງສາຍການບິນ ໂດຍສະເພາະໃນຂົງເຂດວຽກງານສ້ອມບຳລຸງເຮືອບິນ ດ້ານເຕັກນິກ ແລະ ສັນຍາຮ່ວມມືທາງດ້ານການປະຕິບັດຖ້ຽວບິນ, ຮ່ວມມືທາງດ້ານການຂາຍ ແລະ ແລກປ່ຽນບ່ອນນັ່ງ (Interline and Code-share), ລວມທັງການຍົກລະດັບພະນັກງານ ການຝຶກອົບຮົມ ຊຶ່ງຖືວ່າເປັນບາດກ້າວທີ່ສໍາຄັນ ໃນການຮ່ວມມືຕໍ່ຂະແໜງການຂົນສົ່ງທາງອາກາດ.
ລັດວິສາຫະກິດການບິນລາວ ແລະ ສາຍການບິນຫວຽດເຈັດ ໄດ້ມີການພົບປະແລກປ່ຽນ-ຄົ້ນຄວ້າຄວາມເປັນໄດ້ໃນການຮ່ວມມືໃນຂົງເຂດຕ່າງໆ ແລະ ໄດ້ເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານເຕັກນິກ ໃນວັນທີ 31 ພຶດສະພາ 2023, ຈາກນັ້ນໄດ້ເຊັນສັນຍາຮ່ວມມືການສ້ອມບຳລຸງເຮືອບິນແທນ ໃນວັນທີ 8 ກໍລະກົດ 2023 ຊຶ່ງນັບຕັ້ງແຕ່ມື້ລົງນາມ, ສາຍການບິນຫວຽດເຈັດໄດ້ນຳເຮືອບິນເຂົ້າມາສ້ອມບຳລຸງຢູ່ອູ່ຂອງ ກບລ ຈຳນວນ 17 ຄັ້ງ, ໃນນັ້ນ ມີເຮືອບິນ A320/321 ຈຳນວນ 10 ລຳ, A330 ຈຳນວນ 7 ລໍາ ແລະ ໃນເດືອນ ທັນວາ ມີແຜນ 4 ລຳ.
ຈາກຜົນສຳເລັດດັ່ງກ່າວ, ລັດວິສາຫະກິດການບິນລາວ ແລະ ສາຍການບິນຫວຽດເຈັດ ໄດ້ສືບຕໍ່ຜັນຂະຫຍາຍການຮ່ວມມືລະຫວ່າງ ສອງສາຍການບິນໃຫ້ກ້າວສູ່ລວງເລິກ, ມີປະສິດທິຜົນ ແລະ ຕ່າງຝ່າຍຕ່າງມີຜົນປະໂຫຍດຫຼາຍກວ່າເກົ່າ ໂດຍສະເພາະໃນຂົງເຂດວຽກງານສ້ອມບໍາລຸງເຮືອບິນ, ຂະຫຍາຍຕະໜ່າງເຄືອຂ່າຍການຂາຍ ແລະ ການຝຶກອົບຮົມເປັນຕົ້ນ. ການຮ່ວມມືດັ່ງກ່າວນີ້, ຈະເປັນບາດກ້າວທີ່ສຳຄັນໃນການຊຸກຍູ້ ແລະ ສົ່ງເສີມ ການໄປມາຫາສູ່, ການຄ້າ, ການລົງທຶນ ແລະ ການທ່ອງທ່ຽວລະຫວ່າງ ສອງຊາດ ກໍຄືໃນອະນຸພາກພື້ນໃຫ້ໄດ້ຮັບການຍົກລະດັບໃຫ້ດີກວ່າເກົ່າ. ນອກນີ້ຍັງເປັນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຮອບດ້ານ ແບບພິເສດລະຫວ່າງ ສອງຊາດ ລາວ-ຫວຽດນາມ ໃຫ້ໝັ້ນຄົງຂະໜົງແກ່ນຍິ່ງຂຶ້ນ.
ໃນພິທີ, ຍັງໄດ້ໃຫ້ຮູ້ວ່າ ເສັ້ນທາງການບິນດັ່ງກ່າວ ໄດ້ມີການຄາດຄະເນວ່າວ່າຈະເລີ່ມມີຖ້ຽວບິນໃນເດືອນ 2 ປີ 2024 ຊຶ່ງລາຍລະອຽດຕ່າງໆ ທັງສອງຝ່າຍກຳລັງສົມທົບກັນວາງແຜນລະອຽດ ແລ້ວຈະມີການເປີດເຜີຍໃນໄວໆນີ້.
(ຂ່າວ-ພາບ: ສຸກສະຫວັນ)
ສະຫາຍ ຄໍາຫຼ້າ ພົມມະວັນ ອຳນວຍການໃຫຍ່ ສາຍການບິນລາວ ໄດ້ກ່າວວ່າ: ນີ້ເປັນຂີດໝາຍອັນຍິ່ງໃຫຍ່, ເປັນການຮ່ວມມືລະຫວ່າງສອງຊາດ ແລະ ສອງສາຍການບິນ ໂດຍສະເພາະໃນຂົງເຂດວຽກງານສ້ອມບຳລຸງເຮືອບິນ ດ້ານເຕັກນິກ ແລະ ສັນຍາຮ່ວມມືທາງດ້ານການປະຕິບັດຖ້ຽວບິນ, ຮ່ວມມືທາງດ້ານການຂາຍ ແລະ ແລກປ່ຽນບ່ອນນັ່ງ (Interline and Code-share), ລວມທັງການຍົກລະດັບພະນັກງານ ການຝຶກອົບຮົມ ຊຶ່ງຖືວ່າເປັນບາດກ້າວທີ່ສໍາຄັນ ໃນການຮ່ວມມືຕໍ່ຂະແໜງການຂົນສົ່ງທາງອາກາດ.
ລັດວິສາຫະກິດການບິນລາວ ແລະ ສາຍການບິນຫວຽດເຈັດ ໄດ້ມີການພົບປະແລກປ່ຽນ-ຄົ້ນຄວ້າຄວາມເປັນໄດ້ໃນການຮ່ວມມືໃນຂົງເຂດຕ່າງໆ ແລະ ໄດ້ເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານເຕັກນິກ ໃນວັນທີ 31 ພຶດສະພາ 2023, ຈາກນັ້ນໄດ້ເຊັນສັນຍາຮ່ວມມືການສ້ອມບຳລຸງເຮືອບິນແທນ ໃນວັນທີ 8 ກໍລະກົດ 2023 ຊຶ່ງນັບຕັ້ງແຕ່ມື້ລົງນາມ, ສາຍການບິນຫວຽດເຈັດໄດ້ນຳເຮືອບິນເຂົ້າມາສ້ອມບຳລຸງຢູ່ອູ່ຂອງ ກບລ ຈຳນວນ 17 ຄັ້ງ, ໃນນັ້ນ ມີເຮືອບິນ A320/321 ຈຳນວນ 10 ລຳ, A330 ຈຳນວນ 7 ລໍາ ແລະ ໃນເດືອນ ທັນວາ ມີແຜນ 4 ລຳ.
ຈາກຜົນສຳເລັດດັ່ງກ່າວ, ລັດວິສາຫະກິດການບິນລາວ ແລະ ສາຍການບິນຫວຽດເຈັດ ໄດ້ສືບຕໍ່ຜັນຂະຫຍາຍການຮ່ວມມືລະຫວ່າງ ສອງສາຍການບິນໃຫ້ກ້າວສູ່ລວງເລິກ, ມີປະສິດທິຜົນ ແລະ ຕ່າງຝ່າຍຕ່າງມີຜົນປະໂຫຍດຫຼາຍກວ່າເກົ່າ ໂດຍສະເພາະໃນຂົງເຂດວຽກງານສ້ອມບໍາລຸງເຮືອບິນ, ຂະຫຍາຍຕະໜ່າງເຄືອຂ່າຍການຂາຍ ແລະ ການຝຶກອົບຮົມເປັນຕົ້ນ. ການຮ່ວມມືດັ່ງກ່າວນີ້, ຈະເປັນບາດກ້າວທີ່ສຳຄັນໃນການຊຸກຍູ້ ແລະ ສົ່ງເສີມ ການໄປມາຫາສູ່, ການຄ້າ, ການລົງທຶນ ແລະ ການທ່ອງທ່ຽວລະຫວ່າງ ສອງຊາດ ກໍຄືໃນອະນຸພາກພື້ນໃຫ້ໄດ້ຮັບການຍົກລະດັບໃຫ້ດີກວ່າເກົ່າ. ນອກນີ້ຍັງເປັນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຮອບດ້ານ ແບບພິເສດລະຫວ່າງ ສອງຊາດ ລາວ-ຫວຽດນາມ ໃຫ້ໝັ້ນຄົງຂະໜົງແກ່ນຍິ່ງຂຶ້ນ.
ໃນພິທີ, ຍັງໄດ້ໃຫ້ຮູ້ວ່າ ເສັ້ນທາງການບິນດັ່ງກ່າວ ໄດ້ມີການຄາດຄະເນວ່າວ່າຈະເລີ່ມມີຖ້ຽວບິນໃນເດືອນ 2 ປີ 2024 ຊຶ່ງລາຍລະອຽດຕ່າງໆ ທັງສອງຝ່າຍກຳລັງສົມທົບກັນວາງແຜນລະອຽດ ແລ້ວຈະມີການເປີດເຜີຍໃນໄວໆນີ້.
(ຂ່າວ-ພາບ: ສຸກສະຫວັນ)
