ພາຍຫຼັງເປີດກອງປະຊຸມສຸດຍອດລັດຖະສະພາ ກຳປູເຈຍ-ລາວ-ຫວຽດນາມ (CLV) ຄັ້ງທີ 1 ຢ່າງເປັນທາງການ, ກອງປະຊຸມກໍໄດ້ເລີ່ມດຳເນີນຂຶ້ນ ຊຶ່ງແມ່ນວາລະຂອງກອງປະຊຸມຄົບຄະນະວາລະທີ 1ໃນຫົວຂໍ້ຫຼັກ “ເພີ່ມທະວີບົດບາດຂອງລັດຖະສະພາໃນການສົ່ງເສີມການຮ່ວມມືຮອບດ້ານລະຫວ່າງກຳປູເຈຍ-ລາວ-ຫວຽດນາມ”ໂດຍໃນນີ້ກອງປະຊຸມໄດ້ຮັບຟັງລາຍງານກ່ຽວກັບວຽກງານເຂດສາມຫຼ່ຽມພັດທະນາ ແລະ ລາຍງານກ່ຽວກັບຜົນການຕິດຕາມກວດກາຮ່ວມລະຫວ່າງຄະນະຜູ້ແທນ ສະພາແຫ່ງຊາດ ກຳປູເຈຍ-ລາວ-ຫວຽດນາມ ຢູ່ເຂດສາມຫຼ່ຽມພັດທະນາ. ຂະນະທີ່ ປະທານສະພາແຫ່ງຊາດລາວ ເຫັນວ່າ: ການຮ່ວມມືໃນເຂດສາມຫຼ່ຽມພັດທະນາ ຍັງມີຫຼາຍບັນຫາທີ່ຈະຕ້ອງໄດ້ຊຸກຍູ້ຢ່າງແຂງແຮງ.
ກອງປະຊຸມຄົບຄະນະວາລະທີ 1 ນີ້, ມີ ສົມເດັດ ມະຫາ ຣັດສະເພຍທິກາ ທິພະໄດ ຄູນ ສຸດາຣີປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ, ທ່ານ ເວືອງ ດິງ ເຫວ້ປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງຂອງລັດຖະສະພາ 3 ເທດ ແລະ ບັນດາທ່ານລັດຖະມົນຕີ ກ່ຽວຂ້ອງເຂົ້າຮ່ວມ.
ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄດ້ກ່າວວ່າ: ກອງປະຊຸມຄັ້ງນີ້ເປັນຂີດໝາຍໄລຍະທາງ 24 ປີ ແຫ່ງການກໍາເນີດ ແລະ ພັດທະນາ ຂອງເຂດສາມຫຼ່ຽມພັດທະນາ CLV (1999-2023) ແລະ ເປັນກອງປະຊຸມສຸດຍອດລັດຖະສະພາ CLV ຄັ້ງທີ 1 ສໍາລັບສາມອົງການນິຕິບັນຍັດ, ເປັນກອງປະຊຸມທີ່ມີຄວາມໝາຍສໍາຄັນ ເນື່ອງຈາກໄດ້ຍົກລະດັບກົນໄກການປະຊຸມຈາກຂັ້ນກຳມາທິການ ເປັນຂັ້ນປະທານສະພາແຫ່ງຊາດ. ນີ້ເປັນໂອກາດອັນດີ ເພື່ອໃຫ້ພວກເຮົາໄດ້ຮ່ວມກັນທົບທວນຄືນ ແລະ ຕີລາຄາຢ່າງຮອບດ້ານ, ມີປະສິດທິພາບ ໃນການຈັດຕັ້ງປະຕິບັດບັນດາສັນຍາຮ່ວມມື ລະຫວ່າງ ສາມລັດຖະບານ ກຳປູເຈຍ-ລາວ-ຫວຽດນາມ, ພ້ອມນັ້ນ, ກໍເປັນໂອກາດໃຫ້ແຕ່ລະຝ່າຍໄດ້ແລກປ່ຽນ, ຄົ້ນຄວ້າ ແລະ ປຶກສາຫາລື ໃນການວາງທິດທາງຕ່າງໆ ເພື່ອແນໃສ່ຍົກສູງພາລະບົດບາດຂອງສາມສະພາແຫ່ງຊາດ ໃນການຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດບັນດາຂໍ້ຕົກລົງວ່າດ້ວຍການຮ່ວມມືລະຫວ່າງລັດຖະບານຂອງທັງສາມປະເທດ ເພື່ອແນໃສ່ພັດທະນາເຂດສາມຫຼ່ຽມນີ້ໃຫ້ມີຄວາມໝັ້ນຄົງ, ສີຂຽວ ແລະ ຍືນຍົງ, ນຳເອົາຜົນປະໂຫຍດຕົວຈິງມາສູ່ປະຊາຊົນ 3 ຊາດຂອງພວກເຮົາໃຫ້ນັບມື້ນັບເພີ່ມຂຶ້ນ.
ບັນດາໝາກຜົນທີ່ຍາດມາໄດ້ ຂອງທັງສາມປະເທດໃນເຂດສາມຫຼ່ຽມພັດທະນາ ໃນໄລຍະ 24 ປີຜ່ານມາ ໄດ້ປະກອບສ່ວນຢ່າງຕັ້ງໜ້າ ແລະ ເປັນຮູບປະທໍາ ເຂົ້າໃນການປັບປຸງ ແລະ ຍົກລະດັບພື້ນຖານໂຄງລ່າງ ແລະ ສ້າງສິ່ງອຳນວຍຄວາມສະດວກດ້ານຕ່າງໆ, ປັບປຸງ ແລະ ຍົກລະດັບດ່ານຊາຍແດນ, ພັດທະນາແຫຼ່ງທ່ອງທ່ຽວ, ສົ່ງເສີມການສຶກສາ, ສາທາລະນະສຸກ, ວັດທະນະທຳ, ປົກປັກຮັກສາສິ່ງແວດລ້ອມ ແລະ ຊຸກຍູ້ການຄ້າ, ການລົງທຶນ ເຂົ້າໃນເຂດສາມຫຼ່ຽມພັດທະນານັບມື້ນັບເປັນຂະບວນຟົດຟື້ນ, ລວມໄປເຖິງການສົ່ງເສີມການຮ່ວມມື, ຄວາມສາມັກຄີ ແລະ ມິດຕະພາບ ຂອງປະຊາຊົນສາມປະເທດ ໃຫ້ມີຄວາມແໜ້ນແຟ້ນ ແລະ ເຂັ້ມແຂງ ຍິ່ງໆຂຶ້ນ.
ຜົນສຳເລັດດັ່ງກ່າວນີ້, ກໍຍ້ອນລັດຖະບານຂອງສາມປະເທດ ໄດ້ຮ່ວມມືກັນຢ່າງໃກ້ຊິດ ໃນການຈັດຕັ້ງປະຕິບັດບັນດາຂໍ້ຕົກລົງ, ແຜນປະຕິບັດງານ, ໂຄງການຮ່ວມມືຕ່າງໆ ທີ່ໄດ້ລົງນາມຮ່ວມກັນຢ່າງຕັ້ງໜ້າ. ພ້ອມດຽວກັນນັ້ນ, ສະພາແຫ່ງຊາດຂອງສາມປະເທດ ກໍໄດ້ເປັນເຈົ້າການຊຸກຍູ້, ສົ່ງເສີມ ແລະ ຕິດຕາມກວດກາການຈັດຕັ້ງປະຕິບັດບັນດາຂໍ້ຕົກລົງ, ແຜນງານ ແລະ ໂຄງການຮ່ວມມືທີ່ລັດຖະບານສາມປະເທດ ໄດ້ລົງນາມຮ່ວມກັນ ກໍຄື ສັນຍາໃນກອບຫຼາຍຝ່າຍ ທີ່ສາມປະເທດເປັນພາຄີ; ຊຸກຍູ້ສົ່ງເສີມການແລກປ່ຽນຂໍ້ມູນຂ່າວສານ, ປະສົບການ ແລະ ບົດຮຽນທີ່ດີ ໃນການປະຕິບັດໜ້າທີ່ ແລະ ພາລະບົດບາດຂອງສາມສະພາແຫ່ງຊາດ.
ທ່ານປະທານສະພາແຫ່ງຊາດລາວ ຍັງໄດ້ຢ້ຳວ່າ: ຄຽງຄູ່ກັບໝາກຜົນສຳເລັດທີ່ຍາດມາໄດ້ນັ້ນ, ການຮ່ວມມືໃນເຂດສາມຫຼ່ຽມພັດທະນາ ຍັງມີຫຼາຍບັນຫາທີ່ຈະຕ້ອງໄດ້ຊຸກຍູ້ຢ່າງແຂງແຮງ ການຈັດຕັ້ງປະຕິບັດບັນດາຂໍ້ຕົກລົງ, ສັນຍາຕ່າງໆ ທີ່ລັດຖະບານສາມປະເທດໄດ້ຕົກລົງຮ່ວມກັນ ເປັນຕົ້ນ: ແຜນທົບທວນຄືນການຈັດຕັ້ງປະຕິບັດແຜນແມ່ບົດວ່າດ້ວຍການພັດທະນາເສດຖະກິດ-ສັງຄົມ ໃນເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຮອດປີ 2020 ແລະ ສະບັບປັບປຸງຮອດປີ 2030; ແຜນປະຕິບັດງານການເຊື່ອມຈອດເສດຖະກິດ ກຳປູເຈຍ-ລາວ-ຫວຽດນາມ ຮອດປີ 2030 ແລະ ແຜນພັດທະນາການທ່ອງທ່ຽວ ເຂດສາມຫຼ່ຽມພັດທະນາ CLV ສຳລັບປີ 2020-2025 ແລະ ວິໄສທັດຮອດປີ 2030ຊຶ່ງລັດຖະບານຈະຕ້ອງໄດ້ເອົາໃສ່ໃນການສ້າງນິຕິກໍາທີ່ສອດຄ່ອງ ແລະ ກົມກຽວ, ພ້ອມທັງມີຄໍາແນະນຳຢ່າງລະອຽດໃນການຈັດຕັ້ງປະຕິບັດ ໃຫ້ມີຄວາມເປັນເອກະພາບກັນທັງສາມປະເທດ. ຂ້າພະເຈົ້າຫວັງຢ່າງຍິ່ງວ່າ ບັນດາສະມາຊິກສະພາແຫ່ງຊາດ ຂອງສາມສະພາແຫ່ງຊາດພວກເຮົາ ຈະສືບຕໍ່ເປັນເຈົ້າການໃນການຊຸກຍູ້ການຈັດຕັ້ງປະຕິບັດແຜນດັ່ງກ່າວ, ຮ່ວມກັນປຸກລະດົມ ຂົນຂວາຍແຫຼ່ງທຶນ ຈາກນັກລົງທຶນທັງພາຍໃນ ແລະ ຕ່າງປະເທດ ເພື່ອມາພັດທະນາເສດຖະກິດ-ສັງຄົມ, ສ້າງວຽກເຮັດງານທຳ ແລະ ຍົກລະດັບຊີວິດການເປັນຢູ່ຂອງປະຊາຊົນໃນເຂດສາມຫຼ່ຽມພັດທະນາກໍຄື ປະຊາຊົນສາມຊາດ ກຳປູເຈຍ-ລາວ-ຫວຽດນາມ ໃຫ້ດີຂຶ້ນເທື່ອລະກ້າວ.
(ຂ່າວ: ສຸກສະຫວັນ, ພາບ: ເກດສະໜາ)
ກອງປະຊຸມຄົບຄະນະວາລະທີ 1 ນີ້, ມີ ສົມເດັດ ມະຫາ ຣັດສະເພຍທິກາ ທິພະໄດ ຄູນ ສຸດາຣີປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ, ທ່ານ ເວືອງ ດິງ ເຫວ້ປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງຂອງລັດຖະສະພາ 3 ເທດ ແລະ ບັນດາທ່ານລັດຖະມົນຕີ ກ່ຽວຂ້ອງເຂົ້າຮ່ວມ.
ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄດ້ກ່າວວ່າ: ກອງປະຊຸມຄັ້ງນີ້ເປັນຂີດໝາຍໄລຍະທາງ 24 ປີ ແຫ່ງການກໍາເນີດ ແລະ ພັດທະນາ ຂອງເຂດສາມຫຼ່ຽມພັດທະນາ CLV (1999-2023) ແລະ ເປັນກອງປະຊຸມສຸດຍອດລັດຖະສະພາ CLV ຄັ້ງທີ 1 ສໍາລັບສາມອົງການນິຕິບັນຍັດ, ເປັນກອງປະຊຸມທີ່ມີຄວາມໝາຍສໍາຄັນ ເນື່ອງຈາກໄດ້ຍົກລະດັບກົນໄກການປະຊຸມຈາກຂັ້ນກຳມາທິການ ເປັນຂັ້ນປະທານສະພາແຫ່ງຊາດ. ນີ້ເປັນໂອກາດອັນດີ ເພື່ອໃຫ້ພວກເຮົາໄດ້ຮ່ວມກັນທົບທວນຄືນ ແລະ ຕີລາຄາຢ່າງຮອບດ້ານ, ມີປະສິດທິພາບ ໃນການຈັດຕັ້ງປະຕິບັດບັນດາສັນຍາຮ່ວມມື ລະຫວ່າງ ສາມລັດຖະບານ ກຳປູເຈຍ-ລາວ-ຫວຽດນາມ, ພ້ອມນັ້ນ, ກໍເປັນໂອກາດໃຫ້ແຕ່ລະຝ່າຍໄດ້ແລກປ່ຽນ, ຄົ້ນຄວ້າ ແລະ ປຶກສາຫາລື ໃນການວາງທິດທາງຕ່າງໆ ເພື່ອແນໃສ່ຍົກສູງພາລະບົດບາດຂອງສາມສະພາແຫ່ງຊາດ ໃນການຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດບັນດາຂໍ້ຕົກລົງວ່າດ້ວຍການຮ່ວມມືລະຫວ່າງລັດຖະບານຂອງທັງສາມປະເທດ ເພື່ອແນໃສ່ພັດທະນາເຂດສາມຫຼ່ຽມນີ້ໃຫ້ມີຄວາມໝັ້ນຄົງ, ສີຂຽວ ແລະ ຍືນຍົງ, ນຳເອົາຜົນປະໂຫຍດຕົວຈິງມາສູ່ປະຊາຊົນ 3 ຊາດຂອງພວກເຮົາໃຫ້ນັບມື້ນັບເພີ່ມຂຶ້ນ.
ບັນດາໝາກຜົນທີ່ຍາດມາໄດ້ ຂອງທັງສາມປະເທດໃນເຂດສາມຫຼ່ຽມພັດທະນາ ໃນໄລຍະ 24 ປີຜ່ານມາ ໄດ້ປະກອບສ່ວນຢ່າງຕັ້ງໜ້າ ແລະ ເປັນຮູບປະທໍາ ເຂົ້າໃນການປັບປຸງ ແລະ ຍົກລະດັບພື້ນຖານໂຄງລ່າງ ແລະ ສ້າງສິ່ງອຳນວຍຄວາມສະດວກດ້ານຕ່າງໆ, ປັບປຸງ ແລະ ຍົກລະດັບດ່ານຊາຍແດນ, ພັດທະນາແຫຼ່ງທ່ອງທ່ຽວ, ສົ່ງເສີມການສຶກສາ, ສາທາລະນະສຸກ, ວັດທະນະທຳ, ປົກປັກຮັກສາສິ່ງແວດລ້ອມ ແລະ ຊຸກຍູ້ການຄ້າ, ການລົງທຶນ ເຂົ້າໃນເຂດສາມຫຼ່ຽມພັດທະນານັບມື້ນັບເປັນຂະບວນຟົດຟື້ນ, ລວມໄປເຖິງການສົ່ງເສີມການຮ່ວມມື, ຄວາມສາມັກຄີ ແລະ ມິດຕະພາບ ຂອງປະຊາຊົນສາມປະເທດ ໃຫ້ມີຄວາມແໜ້ນແຟ້ນ ແລະ ເຂັ້ມແຂງ ຍິ່ງໆຂຶ້ນ.
ຜົນສຳເລັດດັ່ງກ່າວນີ້, ກໍຍ້ອນລັດຖະບານຂອງສາມປະເທດ ໄດ້ຮ່ວມມືກັນຢ່າງໃກ້ຊິດ ໃນການຈັດຕັ້ງປະຕິບັດບັນດາຂໍ້ຕົກລົງ, ແຜນປະຕິບັດງານ, ໂຄງການຮ່ວມມືຕ່າງໆ ທີ່ໄດ້ລົງນາມຮ່ວມກັນຢ່າງຕັ້ງໜ້າ. ພ້ອມດຽວກັນນັ້ນ, ສະພາແຫ່ງຊາດຂອງສາມປະເທດ ກໍໄດ້ເປັນເຈົ້າການຊຸກຍູ້, ສົ່ງເສີມ ແລະ ຕິດຕາມກວດກາການຈັດຕັ້ງປະຕິບັດບັນດາຂໍ້ຕົກລົງ, ແຜນງານ ແລະ ໂຄງການຮ່ວມມືທີ່ລັດຖະບານສາມປະເທດ ໄດ້ລົງນາມຮ່ວມກັນ ກໍຄື ສັນຍາໃນກອບຫຼາຍຝ່າຍ ທີ່ສາມປະເທດເປັນພາຄີ; ຊຸກຍູ້ສົ່ງເສີມການແລກປ່ຽນຂໍ້ມູນຂ່າວສານ, ປະສົບການ ແລະ ບົດຮຽນທີ່ດີ ໃນການປະຕິບັດໜ້າທີ່ ແລະ ພາລະບົດບາດຂອງສາມສະພາແຫ່ງຊາດ.
ທ່ານປະທານສະພາແຫ່ງຊາດລາວ ຍັງໄດ້ຢ້ຳວ່າ: ຄຽງຄູ່ກັບໝາກຜົນສຳເລັດທີ່ຍາດມາໄດ້ນັ້ນ, ການຮ່ວມມືໃນເຂດສາມຫຼ່ຽມພັດທະນາ ຍັງມີຫຼາຍບັນຫາທີ່ຈະຕ້ອງໄດ້ຊຸກຍູ້ຢ່າງແຂງແຮງ ການຈັດຕັ້ງປະຕິບັດບັນດາຂໍ້ຕົກລົງ, ສັນຍາຕ່າງໆ ທີ່ລັດຖະບານສາມປະເທດໄດ້ຕົກລົງຮ່ວມກັນ ເປັນຕົ້ນ: ແຜນທົບທວນຄືນການຈັດຕັ້ງປະຕິບັດແຜນແມ່ບົດວ່າດ້ວຍການພັດທະນາເສດຖະກິດ-ສັງຄົມ ໃນເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຮອດປີ 2020 ແລະ ສະບັບປັບປຸງຮອດປີ 2030; ແຜນປະຕິບັດງານການເຊື່ອມຈອດເສດຖະກິດ ກຳປູເຈຍ-ລາວ-ຫວຽດນາມ ຮອດປີ 2030 ແລະ ແຜນພັດທະນາການທ່ອງທ່ຽວ ເຂດສາມຫຼ່ຽມພັດທະນາ CLV ສຳລັບປີ 2020-2025 ແລະ ວິໄສທັດຮອດປີ 2030ຊຶ່ງລັດຖະບານຈະຕ້ອງໄດ້ເອົາໃສ່ໃນການສ້າງນິຕິກໍາທີ່ສອດຄ່ອງ ແລະ ກົມກຽວ, ພ້ອມທັງມີຄໍາແນະນຳຢ່າງລະອຽດໃນການຈັດຕັ້ງປະຕິບັດ ໃຫ້ມີຄວາມເປັນເອກະພາບກັນທັງສາມປະເທດ. ຂ້າພະເຈົ້າຫວັງຢ່າງຍິ່ງວ່າ ບັນດາສະມາຊິກສະພາແຫ່ງຊາດ ຂອງສາມສະພາແຫ່ງຊາດພວກເຮົາ ຈະສືບຕໍ່ເປັນເຈົ້າການໃນການຊຸກຍູ້ການຈັດຕັ້ງປະຕິບັດແຜນດັ່ງກ່າວ, ຮ່ວມກັນປຸກລະດົມ ຂົນຂວາຍແຫຼ່ງທຶນ ຈາກນັກລົງທຶນທັງພາຍໃນ ແລະ ຕ່າງປະເທດ ເພື່ອມາພັດທະນາເສດຖະກິດ-ສັງຄົມ, ສ້າງວຽກເຮັດງານທຳ ແລະ ຍົກລະດັບຊີວິດການເປັນຢູ່ຂອງປະຊາຊົນໃນເຂດສາມຫຼ່ຽມພັດທະນາກໍຄື ປະຊາຊົນສາມຊາດ ກຳປູເຈຍ-ລາວ-ຫວຽດນາມ ໃຫ້ດີຂຶ້ນເທື່ອລະກ້າວ.
(ຂ່າວ: ສຸກສະຫວັນ, ພາບ: ເກດສະໜາ)
