ກອງປະຊຸມວຽກງານການຕ່າງປະເທດ ໃນກອງປະຊຸມສຸດຍອດລັດຖະສະພາ ກໍາປູເຈຍ-ລາວ-ຫວຽດນາມ (CLV) ຄັ້ງທີ 1 ໄດ້ຈັດຂຶ້ນໃນວັນທີ 5 ພະຈິກ ນີ້ ທີ່ນະຄອນຫຼວງວຽງຈັນ ພາຍໃຕ້ຫົວຂໍ້ “ເພີ່ມທະວີບົດບາດຂອງລັດຖະສະພາ ກຳປູເຈຍ-ລາວ-ຫວຽດນາມ ໃນການຊຸກຍູ້ການຮ່ວມມື, ການເປັນຄູ່ຮ່ວມ, ຄວາມສາມັກຄີ ແລະ ຄວາມຈະເລີນຮຸ່ງເຮືອງ”ຊຶ່ງຈະປະກອບສ່ວນເຂົ້າໃນການເພີ່ມທະວີບົດບາດ ຂອງລັດຖະສະພາຂອງສາມປະເທດສອດຄ່ອງກັບ ຄໍາຂວັນເພື່ອພ້ອມກັນກ້າວໄປ ໂດຍບໍ່ປະຖິ້ມໃຜໄວ້ຂ້າງຫຼັງ.
ກອງປະຊຸມໄດ້ດຳເນີນໂດຍການເປັນປະທານຮ່ວມຂອງ ທ່ານ ສຸ ຍາຣາ ປະທານກຳມາທິການຕ່າງປະເທດ, ການຮ່ວມມືສາກົນ ແລະ ຂໍ້ມູນຂ່າວສານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ, ທ່ານ ຫວູ ຫາຍ ຮາປະທານກໍາມາທິການການຕ່າງປະເທດສະພາແຫ່ງຊາດ ສສ ຫວຽດນາມ ແລະ ທ່ານ ສັນຍາ ປຣະເສີດປະທານກໍາມາທິການການຕ່າງປະເທດ (ກຕທ)ສະພາແຫ່ງຊາດ ແຫ່ງ ສປປ ລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ວັນດີ ບຸດທະສະວົງຮອງປະທານ ກຕທ ໄດ້ຕາງໜ້າ ກຕທ ສະພາແຫ່ງຊາດ ແຫ່ງ ສປປ ລາວ ມີຄໍາເຫັນວ່າ: ນີ້ຈະເປັນການປະກອບສ່ວນອັນສໍາຄັນໃນການເພີ່ມທະວີ ແລະ ເສີມຂະຫຍາຍມູນເຊື້ອແຫ່ງສາຍພົວພັນມິດຕະພາບ, ຄວາມສາມັກຄີທີ່ແໜ້ນແຟ້ນ ແລະ ການຮ່ວມມືຮອບດ້ານ ຂອງສາມລັດຖະບານ ກໍຄື ສາມອົງການນິຕິບັດຍັດ ຂອງພວກເຮົາ ທີ່ມີມາແຕ່ດົນນານນັ້ນ ໃຫ້ມີໃບໜ້າອັນໃໝ່ ແລະ ມີການເຕີບໃຫຍ່ຂະຫຍາຍຕົວຍິ່ງຂຶ້ນກວ່າເກົ່າ ເພື່ອນໍາເອົາຜົນປະໂຫຍດຕົວຈິງ ມາສູ່ປະຊາຊົນສາມຊາດເວົ້າລວມ, ເວົ້າສະເພາະແມ່ນໃນເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ.ການຮ່ວມມື ແລະ ການສະໜັບສະໜູນຊຶ່ງກັນ ແລະ ກັນ ຂອງສາມສະພາແຫ່ງ ຊາດພວກເຮົາ ໃນໄລຍະຜ່ານມາ ໂດຍສະເພາະແມ່ນໃນເວທີລັດຖະສະພາພາກພື້ນ ແລະ ສາກົນ ເຊັ່ນ: ສະມັດຊາ ລັດຖະສະພາລະຫວ່າງຊາດອາຊຽນ (AIPA), ສະຫະພັນລັດຖະສະພາສາກົນ (IPU), ສະມັດຊາລັດຖະສະພາທີ່ ໃຊ້ພາສາຝຣັ່ງ (APF) ແລະ ເວທີອື່ນໆ.
ເພື່ອຮັບປະກັນຄວາມຄືບໜ້າ ແລະ ມີຜົນສໍາເລັດຕາມເປົ້າໝາຍຂອງການພັດທະນາ ໃນເຂດສາມຫຼ່ຽມພັດທະນາ CLV ນັ້ນ, ພວກເຮົາຕ້ອງເລັ່ງໃສ່ການປະຕິບັດພາລະບົດບາດຕິດຕາມກວດກາ ການຈັດຕັ້ງປະຕິບັດ ບັນດາຂໍ້ຕົກລົງ ແລະ ເອກະສານຕ່າງໆ ທີ່ລັດຖະບານສາມປະເທດໄດ້ລົງນາມຮ່ວມກັນ ເປັນຕົ້ນແມ່ນແຜນແມ່ບົດວ່າດ້ວຍການພັດທະນາເສດຖະກິດ-ສັງຄົມ (ສະບັບປັບປຸງປີ 2020) ແລະ ແຜນພັດທະນາການທ່ອງທ່ຽວ ເຂດສາມຫຼ່ຽມພັດທະນາ CLV ສໍາລັບປີ 2020-2025 ແລະ ວິໄສທັດຮອດປີ 2030, ໂດຍຊຸກຍູ້ໃຫ້ລັດຖະບານ ເອົາໃສ່ສ້າງນິຕິກໍາທີ່ສອດຄ່ອງ, ກົມກຽວ ແລະ ມີຄໍາແນະນໍາຢ່າງລະອຽດໃນການຈັດຕັ້ງປະຕິບັດ ໃຫ້ມີຄວາມເປັນເອກະພາບກັນທັງສາມປະເທດ.
ນອກນຈາກນີ້, ຝ່າຍລາວ ຍັງໄດ້ສະແດງຄວາມຫວັງວ່າບັນດາສະມາຊິກສະພາແຫ່ງຊາດ ຂອງສາມສະພາແຫ່ງຊາດພວກເຮົາ ຈະສືບຕໍ່ປະສານສົມທົບ ແລະ ໃຫ້ການສະໜັບສະໜູນຊຶ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນ ເພື່ອປຶກສາຫາລື, ແລກປ່ຽນທັດສະນະ ແລະ ຄໍາຄິດຄໍາເຫັນ ໃນການແກ້ໄຂບັນຫາທ້າທາຍຕ່າງໆ ໂດຍສັນຕິວິທີ,ພ້ອມກັນປຸກລະດົມ ຂົນຂວາຍແຫຼ່ງທຶນ ຈາກນັກລົງທຶນພາຍໃນປະເທດ CLV ແລະ ຈາກຄູ່ຮ່ວມພັດທະນາອື່ນໆ ຕາມທ່າແຮງ ແລະ ຄວາມຈໍາເປັນຂອງປະເທດພວກເຮົາ ຄື: ການພັດທະນາພື້ນຖານໂຄງລ່າງ ເພື່ອການເຊື່ອມໂຍງ-ເຊື່ອມຈອດ, ການຜະລິດກະສິກໍາສົ່ງອອກ ເພື່ອພັດທະນາເສດຖະກິດ-ສັງຄົມ, ສ້າງວຽກເຮັດງານທໍາ ແລະ ຍົກລະດັບຊີວິດການເປັນຢູ່ຂອງປະຊາຊົນໃນເຂດສາມຫຼ່ຽມພັດທະນາ ກໍຄື ປະຊາຊົນສາມຊາດ ກໍາປູເຈຍ-ລາວ-ຫວຽດນາມ ໃຫ້ດີຂຶ້ນເທື່ອລະກ້າວ.
(ຂ່າວ: ສຸກສະຫວັນ, ພາບ: ເກດສະໜາ)
ກອງປະຊຸມໄດ້ດຳເນີນໂດຍການເປັນປະທານຮ່ວມຂອງ ທ່ານ ສຸ ຍາຣາ ປະທານກຳມາທິການຕ່າງປະເທດ, ການຮ່ວມມືສາກົນ ແລະ ຂໍ້ມູນຂ່າວສານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ, ທ່ານ ຫວູ ຫາຍ ຮາປະທານກໍາມາທິການການຕ່າງປະເທດສະພາແຫ່ງຊາດ ສສ ຫວຽດນາມ ແລະ ທ່ານ ສັນຍາ ປຣະເສີດປະທານກໍາມາທິການການຕ່າງປະເທດ (ກຕທ)ສະພາແຫ່ງຊາດ ແຫ່ງ ສປປ ລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ວັນດີ ບຸດທະສະວົງຮອງປະທານ ກຕທ ໄດ້ຕາງໜ້າ ກຕທ ສະພາແຫ່ງຊາດ ແຫ່ງ ສປປ ລາວ ມີຄໍາເຫັນວ່າ: ນີ້ຈະເປັນການປະກອບສ່ວນອັນສໍາຄັນໃນການເພີ່ມທະວີ ແລະ ເສີມຂະຫຍາຍມູນເຊື້ອແຫ່ງສາຍພົວພັນມິດຕະພາບ, ຄວາມສາມັກຄີທີ່ແໜ້ນແຟ້ນ ແລະ ການຮ່ວມມືຮອບດ້ານ ຂອງສາມລັດຖະບານ ກໍຄື ສາມອົງການນິຕິບັດຍັດ ຂອງພວກເຮົາ ທີ່ມີມາແຕ່ດົນນານນັ້ນ ໃຫ້ມີໃບໜ້າອັນໃໝ່ ແລະ ມີການເຕີບໃຫຍ່ຂະຫຍາຍຕົວຍິ່ງຂຶ້ນກວ່າເກົ່າ ເພື່ອນໍາເອົາຜົນປະໂຫຍດຕົວຈິງ ມາສູ່ປະຊາຊົນສາມຊາດເວົ້າລວມ, ເວົ້າສະເພາະແມ່ນໃນເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ.ການຮ່ວມມື ແລະ ການສະໜັບສະໜູນຊຶ່ງກັນ ແລະ ກັນ ຂອງສາມສະພາແຫ່ງ ຊາດພວກເຮົາ ໃນໄລຍະຜ່ານມາ ໂດຍສະເພາະແມ່ນໃນເວທີລັດຖະສະພາພາກພື້ນ ແລະ ສາກົນ ເຊັ່ນ: ສະມັດຊາ ລັດຖະສະພາລະຫວ່າງຊາດອາຊຽນ (AIPA), ສະຫະພັນລັດຖະສະພາສາກົນ (IPU), ສະມັດຊາລັດຖະສະພາທີ່ ໃຊ້ພາສາຝຣັ່ງ (APF) ແລະ ເວທີອື່ນໆ.
ເພື່ອຮັບປະກັນຄວາມຄືບໜ້າ ແລະ ມີຜົນສໍາເລັດຕາມເປົ້າໝາຍຂອງການພັດທະນາ ໃນເຂດສາມຫຼ່ຽມພັດທະນາ CLV ນັ້ນ, ພວກເຮົາຕ້ອງເລັ່ງໃສ່ການປະຕິບັດພາລະບົດບາດຕິດຕາມກວດກາ ການຈັດຕັ້ງປະຕິບັດ ບັນດາຂໍ້ຕົກລົງ ແລະ ເອກະສານຕ່າງໆ ທີ່ລັດຖະບານສາມປະເທດໄດ້ລົງນາມຮ່ວມກັນ ເປັນຕົ້ນແມ່ນແຜນແມ່ບົດວ່າດ້ວຍການພັດທະນາເສດຖະກິດ-ສັງຄົມ (ສະບັບປັບປຸງປີ 2020) ແລະ ແຜນພັດທະນາການທ່ອງທ່ຽວ ເຂດສາມຫຼ່ຽມພັດທະນາ CLV ສໍາລັບປີ 2020-2025 ແລະ ວິໄສທັດຮອດປີ 2030, ໂດຍຊຸກຍູ້ໃຫ້ລັດຖະບານ ເອົາໃສ່ສ້າງນິຕິກໍາທີ່ສອດຄ່ອງ, ກົມກຽວ ແລະ ມີຄໍາແນະນໍາຢ່າງລະອຽດໃນການຈັດຕັ້ງປະຕິບັດ ໃຫ້ມີຄວາມເປັນເອກະພາບກັນທັງສາມປະເທດ.
ນອກນຈາກນີ້, ຝ່າຍລາວ ຍັງໄດ້ສະແດງຄວາມຫວັງວ່າບັນດາສະມາຊິກສະພາແຫ່ງຊາດ ຂອງສາມສະພາແຫ່ງຊາດພວກເຮົາ ຈະສືບຕໍ່ປະສານສົມທົບ ແລະ ໃຫ້ການສະໜັບສະໜູນຊຶ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນ ເພື່ອປຶກສາຫາລື, ແລກປ່ຽນທັດສະນະ ແລະ ຄໍາຄິດຄໍາເຫັນ ໃນການແກ້ໄຂບັນຫາທ້າທາຍຕ່າງໆ ໂດຍສັນຕິວິທີ,ພ້ອມກັນປຸກລະດົມ ຂົນຂວາຍແຫຼ່ງທຶນ ຈາກນັກລົງທຶນພາຍໃນປະເທດ CLV ແລະ ຈາກຄູ່ຮ່ວມພັດທະນາອື່ນໆ ຕາມທ່າແຮງ ແລະ ຄວາມຈໍາເປັນຂອງປະເທດພວກເຮົາ ຄື: ການພັດທະນາພື້ນຖານໂຄງລ່າງ ເພື່ອການເຊື່ອມໂຍງ-ເຊື່ອມຈອດ, ການຜະລິດກະສິກໍາສົ່ງອອກ ເພື່ອພັດທະນາເສດຖະກິດ-ສັງຄົມ, ສ້າງວຽກເຮັດງານທໍາ ແລະ ຍົກລະດັບຊີວິດການເປັນຢູ່ຂອງປະຊາຊົນໃນເຂດສາມຫຼ່ຽມພັດທະນາ ກໍຄື ປະຊາຊົນສາມຊາດ ກໍາປູເຈຍ-ລາວ-ຫວຽດນາມ ໃຫ້ດີຂຶ້ນເທື່ອລະກ້າວ.
(ຂ່າວ: ສຸກສະຫວັນ, ພາບ: ເກດສະໜາ)
