ສະຖານທູດຝຣັ່ງ ປະຈຳ ສປປ ລາວ ປະກາດທຶນງົບປະມານ550.000 ໂດລາ ເພື່ອສະໜັບສະໜູນເຂົ້າໃນຄວາມພະຍາຍາມຂອງລັດຖະບານ ເພື່ອຮັບປະກັນໃຫ້ປະຊາຊົນກວ່າ 10 ພັນຄົນໃນແຂວງສາລະວັນເຂົ້າເຖິງອາຫານພາຍໃຕ້ການຈັດຕັ້ງປະຕິບັດຜ່ານໂຄງການຂອງອົງການອາຫານໂລກ ປະຈຳ ສປປ ລາວ(WFP).
ຂໍ້ມູນຈາກໂຄງການອາຫານໂລກປະຈຳ ສປປລາວໃຫ້ຮູ້ວ່າ: ໂຄງການນີ້ແມ່ນການສານຕໍ່ກິດຈະກຳດ້ານໂພຊະນາການທີ່ໄດ້ຈັດຕັ້ງປະຕິບັດກ່ອນໜ້ານີ້ແລ້ວ ໂດຍການຮ່ວມມືກັບປະເທດຝຣັ່ງ ແລະ ອົງການອາຫານໂລກ ທາງພາກໃຕ້ຂອງລາວ. ປະຊາຊົນຈໍານວນ 1.818 ຄອບຄົວ ໃນແຂວງສາລະວັນ ຈະໄດ້ຮັບເງິນຊ່ວຍເຫຼືອຈຳນວນໜຶ່ງ ເພື່ອຕອບສະໜອງຄວາມຕ້ອງການດ້ານສະບຽງອາຫານໃນທັນທີ ແລະ ສາມາດນຳໄປລົງທຶນເຂົ້າໃນວຽກງານສົ່ງເສີມຊີວິດການເປັນຢູ່ ເຊັ່ນ: ການເຮັດສວນຄົວ ແລະ ການລ້ຽງສັດນ້ອຍເພື່ອເປັນອາຫານ. ຫ້ອງການກະສິກຳ ແລະ ປ່າໄມ້ເມືອງ ແມ່ນຈະສືບຕໍ່ໃຫ້ຄຳແນະນຳທາງດ້ານເຕັກນິກການປູກຝັງ ແລະ ການລ້ຽງສັດໃຫ້ແກ່ຄອບຄົວເຫຼົ່ານີ້. ນອກຈາກນີ້, ຜູ້ເຂົ້າຮ່ວມຍັງຈະໄດ້ຮຽນຮູ້ກ່ຽວກັບການປະຕິບັດດ້ານໂພຊະນາການ ແລະວິທີການກະກຽມ ແລະ ປັບຕົວໃຫ້ເຂົ້າກັບເຫດການທີ່ກ່ຽວຂ້ອງກັບການປ່ຽນແປງຂອງສະພາບດິນຟ້າອາກາດ ແລະ ເຫດການແບບກະທັນຫັນອື່ນໆ. ໂຄງການນີ້ແມ່ນຈະເນັ້ນໃສ່ການສະໜອງການຊ່ວຍເຫຼືອແກ່ແມ່ຍິງ ແລະ ເດັກນ້ອຍທີ່ມີຄວາມສ່ຽງແລະເດັກນ້ອຍທີ່ມີອາຍຸຕໍ່າກວ່າ 5 ປີ ເປັນຕົ້ນຕໍ, ການຄັດເລືອກຊຸມຊົນ ແມ່ນອີງໃສ່ລະດັບຄວາມທຸກຍາກສູງ, ຄະແນນການບໍລິໂພກອາຫານຕໍ່າ, ອັດຕາການຮູ້ໜັງສືຕໍ່າ ແລະຈໍານວນໄພພິບັດທີ່ເກີດຂຶ້ນ, ລວມເຖິງບັນດາປັດໃຈອື່ນໆນຳອີກ.
ຂໍ້ມູນຈາກອົງການອາຫານໂລກຍັງລະບຸວ່າ: ປະມານ43% ຂອງເດັກນ້ອຍທີ່ມີອາຍຸຕໍ່າກວ່າ 5 ປີ ຢູ່ໃນແຂວງສາລະວັນ ມີພາວະຂາດສານອາຫານ. ນີ້ໝາຍຄວາມວ່າເດັກນ້ອຍບໍ່ສາມາດບັນລຸ ສັກກະຍະພາບດ້ານຮ່າງກາຍແລະ ການຮຽນຮູ້ໄດ້ຢ່າງເຕັມທີ່ ຊຶ່ງມັນມີຜົນຕະຫຼອດຊີວິດຕໍ່ປະສິດທິພາບການເຮັດວຽກແລະສຸຂະພາບຂອງເຂົາເຈົ້າ. ອັດຕານ້ຳໜັກຕ່ຳເມື່ອທຽບກັບລວງສູງຂອງເດັກໃນກຸ່ມອາຍຸດຽວກັນຍັງສູງກວ່າຄ່າສະເລ່ຍແຫ່ງຊາດທີ່ 12.5%. ສິ່ງດັ່ງກ່າວນີ້ລ້ວນແລ້ວແຕ່ແມ່ນໄພພິບັດທີ່ກ່ຽວຂ້ອງກັບການປ່ຽນແປງຂອງດິນຟ້າດິນຟ້າອາກາດເຊັ່ນ: ໄພນ້ຳຖ້ວມຕາມລະດູການ ແລະ ໄພແຫ້ງແລ້ງ ຊຶ່ງໄດ້ສົ່ງຜົນກະທົບຕໍ່ປະຊາຊົນທີ່ອາໄສໃນພື້ນທີ່ທີ່ມີຄວາມສ່ຽງທີ່ສຸດໃນແຂວງ. ນອກນີ້, ໃນປັດຈຸບັນປະຊາຊົນໃນເຂດທຸກຍາກທີ່ສຸດຂອງແຂວງສາລາວັນ ກຳລັງປະສົບກັບຄວາມຫຍຸ້ງຍາກໃນການດຳລົງຊີວິດ, ຍ້ອນຄວາມຫຍຸ້ງຍາກດ້ານເສດຖະກິດມະຫາພາກ.
ທ່ານ ຊີບແລງ ຊັວເອກອັກຄະລັດຖະທູດຝຣັ່ງ ປະຈຳ ສປປ ລາວ ກ່າວວ່າ “ນັບແຕ່ປີ 2019 ເປັນຕົ້ນມາ, ປະເທດຝຣັ່ງໄດ້ດຳເນີນໂຄງການຊ່ວຍເຫຼືອດ້ານສະບຽງອາຫານເພື່ອຕອບສະໜອງຄວາມຕ້ອງການຂອງ ສປປ ລາວ. ໂຄງການໃໝ່ຂອງພວກເຮົາໃນປີ 2023ນີ້ແມ່ນມີເປົ້າໝາຍເນັ້ນໃສ່ ເຂດຊົນນະບົດເຂດຫ່າງໄກສອກຫຼີກໃນເຂດພາກໃຕ້ຂອງ ສປປ ລາວ”.
ທ່ານ ມາກ ອານເດຣ ໂປຣສ ຜູ້ຕາງໜ້າອົງການອາຫານໂລກ ປະຈຳ ສປປ ລາວກ່າວວ່າ: “ວິກິດການທາງດ້ານເສດຖະກິດໃນປັດຈຸບັນ ເປັນໄພຂົ່ມຂູ່ໃນການທີ່ຈະທຳລາຍເປົ້າໝາຍຕ່າງໆ ທີ່ ສປປ ລາວ ເຮັດໄດ້ໃນສອງທົດສະວັດທີ່ຜ່ານມາ ໂດຍສະເພາະແມ່ນ ກ່ຽວກັບຄວາມໝັ້ນຄົງທາງດ້ານສະບຽງອາຫານ ແລະ ການປັບປຸງໂພຊະນາການ”.
ຂ່າວ: ອົງການອາຫານໂລກ
ຂໍ້ມູນຈາກໂຄງການອາຫານໂລກປະຈຳ ສປປລາວໃຫ້ຮູ້ວ່າ: ໂຄງການນີ້ແມ່ນການສານຕໍ່ກິດຈະກຳດ້ານໂພຊະນາການທີ່ໄດ້ຈັດຕັ້ງປະຕິບັດກ່ອນໜ້ານີ້ແລ້ວ ໂດຍການຮ່ວມມືກັບປະເທດຝຣັ່ງ ແລະ ອົງການອາຫານໂລກ ທາງພາກໃຕ້ຂອງລາວ. ປະຊາຊົນຈໍານວນ 1.818 ຄອບຄົວ ໃນແຂວງສາລະວັນ ຈະໄດ້ຮັບເງິນຊ່ວຍເຫຼືອຈຳນວນໜຶ່ງ ເພື່ອຕອບສະໜອງຄວາມຕ້ອງການດ້ານສະບຽງອາຫານໃນທັນທີ ແລະ ສາມາດນຳໄປລົງທຶນເຂົ້າໃນວຽກງານສົ່ງເສີມຊີວິດການເປັນຢູ່ ເຊັ່ນ: ການເຮັດສວນຄົວ ແລະ ການລ້ຽງສັດນ້ອຍເພື່ອເປັນອາຫານ. ຫ້ອງການກະສິກຳ ແລະ ປ່າໄມ້ເມືອງ ແມ່ນຈະສືບຕໍ່ໃຫ້ຄຳແນະນຳທາງດ້ານເຕັກນິກການປູກຝັງ ແລະ ການລ້ຽງສັດໃຫ້ແກ່ຄອບຄົວເຫຼົ່ານີ້. ນອກຈາກນີ້, ຜູ້ເຂົ້າຮ່ວມຍັງຈະໄດ້ຮຽນຮູ້ກ່ຽວກັບການປະຕິບັດດ້ານໂພຊະນາການ ແລະວິທີການກະກຽມ ແລະ ປັບຕົວໃຫ້ເຂົ້າກັບເຫດການທີ່ກ່ຽວຂ້ອງກັບການປ່ຽນແປງຂອງສະພາບດິນຟ້າອາກາດ ແລະ ເຫດການແບບກະທັນຫັນອື່ນໆ. ໂຄງການນີ້ແມ່ນຈະເນັ້ນໃສ່ການສະໜອງການຊ່ວຍເຫຼືອແກ່ແມ່ຍິງ ແລະ ເດັກນ້ອຍທີ່ມີຄວາມສ່ຽງແລະເດັກນ້ອຍທີ່ມີອາຍຸຕໍ່າກວ່າ 5 ປີ ເປັນຕົ້ນຕໍ, ການຄັດເລືອກຊຸມຊົນ ແມ່ນອີງໃສ່ລະດັບຄວາມທຸກຍາກສູງ, ຄະແນນການບໍລິໂພກອາຫານຕໍ່າ, ອັດຕາການຮູ້ໜັງສືຕໍ່າ ແລະຈໍານວນໄພພິບັດທີ່ເກີດຂຶ້ນ, ລວມເຖິງບັນດາປັດໃຈອື່ນໆນຳອີກ.
ຂໍ້ມູນຈາກອົງການອາຫານໂລກຍັງລະບຸວ່າ: ປະມານ43% ຂອງເດັກນ້ອຍທີ່ມີອາຍຸຕໍ່າກວ່າ 5 ປີ ຢູ່ໃນແຂວງສາລະວັນ ມີພາວະຂາດສານອາຫານ. ນີ້ໝາຍຄວາມວ່າເດັກນ້ອຍບໍ່ສາມາດບັນລຸ ສັກກະຍະພາບດ້ານຮ່າງກາຍແລະ ການຮຽນຮູ້ໄດ້ຢ່າງເຕັມທີ່ ຊຶ່ງມັນມີຜົນຕະຫຼອດຊີວິດຕໍ່ປະສິດທິພາບການເຮັດວຽກແລະສຸຂະພາບຂອງເຂົາເຈົ້າ. ອັດຕານ້ຳໜັກຕ່ຳເມື່ອທຽບກັບລວງສູງຂອງເດັກໃນກຸ່ມອາຍຸດຽວກັນຍັງສູງກວ່າຄ່າສະເລ່ຍແຫ່ງຊາດທີ່ 12.5%. ສິ່ງດັ່ງກ່າວນີ້ລ້ວນແລ້ວແຕ່ແມ່ນໄພພິບັດທີ່ກ່ຽວຂ້ອງກັບການປ່ຽນແປງຂອງດິນຟ້າດິນຟ້າອາກາດເຊັ່ນ: ໄພນ້ຳຖ້ວມຕາມລະດູການ ແລະ ໄພແຫ້ງແລ້ງ ຊຶ່ງໄດ້ສົ່ງຜົນກະທົບຕໍ່ປະຊາຊົນທີ່ອາໄສໃນພື້ນທີ່ທີ່ມີຄວາມສ່ຽງທີ່ສຸດໃນແຂວງ. ນອກນີ້, ໃນປັດຈຸບັນປະຊາຊົນໃນເຂດທຸກຍາກທີ່ສຸດຂອງແຂວງສາລາວັນ ກຳລັງປະສົບກັບຄວາມຫຍຸ້ງຍາກໃນການດຳລົງຊີວິດ, ຍ້ອນຄວາມຫຍຸ້ງຍາກດ້ານເສດຖະກິດມະຫາພາກ.
ທ່ານ ຊີບແລງ ຊັວເອກອັກຄະລັດຖະທູດຝຣັ່ງ ປະຈຳ ສປປ ລາວ ກ່າວວ່າ “ນັບແຕ່ປີ 2019 ເປັນຕົ້ນມາ, ປະເທດຝຣັ່ງໄດ້ດຳເນີນໂຄງການຊ່ວຍເຫຼືອດ້ານສະບຽງອາຫານເພື່ອຕອບສະໜອງຄວາມຕ້ອງການຂອງ ສປປ ລາວ. ໂຄງການໃໝ່ຂອງພວກເຮົາໃນປີ 2023ນີ້ແມ່ນມີເປົ້າໝາຍເນັ້ນໃສ່ ເຂດຊົນນະບົດເຂດຫ່າງໄກສອກຫຼີກໃນເຂດພາກໃຕ້ຂອງ ສປປ ລາວ”.
ທ່ານ ມາກ ອານເດຣ ໂປຣສ ຜູ້ຕາງໜ້າອົງການອາຫານໂລກ ປະຈຳ ສປປ ລາວກ່າວວ່າ: “ວິກິດການທາງດ້ານເສດຖະກິດໃນປັດຈຸບັນ ເປັນໄພຂົ່ມຂູ່ໃນການທີ່ຈະທຳລາຍເປົ້າໝາຍຕ່າງໆ ທີ່ ສປປ ລາວ ເຮັດໄດ້ໃນສອງທົດສະວັດທີ່ຜ່ານມາ ໂດຍສະເພາະແມ່ນ ກ່ຽວກັບຄວາມໝັ້ນຄົງທາງດ້ານສະບຽງອາຫານ ແລະ ການປັບປຸງໂພຊະນາການ”.
ຂ່າວ: ອົງການອາຫານໂລກ
