ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮ່ວມກັບສຳນັກຂ່າວສານຊິນຮົວ ສປຈີນ ແລະ ສະພາການຄ້າຊາວຈີນຕ່າງດ້າວປະຈຳລາວ ໄດ້ຈັດກອງປະຊຸມເວທີປຶກສາຫາລືສົນທະນາການຮ່ວມມືລາວ-ຈີນ ໜຶ່ງແລວ ໜຶ່ງເສັ້ນທາງ ຄັ້ງທີ II ພາຍໃຕ້ຫົວຂໍ້: ຄູ່ຮ່ວມຊາຕາກໍາລາວ-ຈີນອະນາຄົດໃໝ່, ໂອກາດໃໝ່, ການສາທິດໃໝ່ຂຶ້ນໃນວັນທີ 7 ທັນວານີ້ ທີ່ໂຮງແຮມແລນມາກ ນະຄອນຫຼວງວຽງຈັນ ເປັນກຽດເຂົ້າຮ່ວມຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີແຫ່ງ ສປປ ລາວ, ມີທ່ານນາງສວນສະຫວັນ ວິຍະເກດ ລັດຖະມົນຕີກະຊວງ ຖວທ, ທ່ານ ຫວາງຊາງ ອຸປະທູດສປຈີນປະຈຳລາວ, ທ່ານຟູຫົວ ປະທານສໍານັກຂ່າວສານຊິນຮົວ ປະຈຳລາວ, ມີການນໍາຂັ້ນສູງລາວ-ຈີນ ພ້ອມດ້ວຍແຂກຖືກເຊີນກ່ຽວຂ້ອງເຂົ້າຮ່ວມ.
ທ່ານ ກິແກ້ວ ໄຂຄຳພິທູນ ກ່າວວ່າ:ກອງປະຊຸມໃນຄັ້ງນີ້ເປັນເວທີໜຶ່ງທີ່ມີຄວາມໝາຍສໍາຄັນ ເພື່ອທົບທວນຄືນໝາກຜົນຂອງການຈັດຕັ້ງປະຕິບັດກິດຈະກຳ, ແຜນງານ, ໂຄງການຂອງແຕ່ລະຂະແໜງການ ທັງເປັນເວທີປຶກສາຫາລື ແລະ ເປີດກວ້າງການຮ່ວມມື, ການແລກປ່ຽນທາງດ້ານເສດຖະກິດ-ການຄ້າ, ການລົງທຶນຂອງພາກລັດ ແລະ ບັນດາຫົວໜ່ວຍທຸລະກິດລະຫວ່າງສອງຊາດລາວ-ຈີນ, ຈີນ-ລາວ. ສອງປະເທດໃນຖານະທີ່ເປັນບ້ານໃກ້ເຮືອນຄຽງ ຍາມໃດກໍໃຫ້ຄວາມສໍາຄັນ ແລະ ສະໜັບສະໜູນຊຶ່ງກັນ ແລະ ກັນຢ່າງຕັ້ງໜ້າປະກອບສ່ວນເຂົ້າໃນການເພີ່ມທະວີ ແລະ ສົ່ງເສີມການຮ່ວມມືທັງດ້ານເສດຖະກິດການຄ້າ, ການລົງທຶນ, ການແລກປ່ຽນຂໍ້ມູນຂ່າວສານ, ວັດທະນະທໍາ, ເຕັກໂນໂລຊີ ກໍຄືການໄປ-ມາຫາສູ່ກັນລະຫວ່າງປະຊາຊົນໂດຍຜ່ານການທ່ອງທ່ຽວ.
ສປປ ລາວ ແລະ ສປ ຈີນ ມີສາຍພູສາຍນໍ້າຫາງສຽງຕິດຈອດກັນ, ມີສາຍພົວພັນມິດຕະພາບອັນເປັນມູນເຊື້ອ ແລະ ການພົວພັນຄູ່ຮ່ວມຍຸດທະສາດຮອບດ້ານ, ໝັ້ນຄົງຍາວນານຕາມທິດ 4 ດີບົນພື້ນຖານການເປັນຄູ່ຮ່ວມຊາຕາກໍາລາວ-ຈີນ, ຈີນ-ລາວ. ສປປ ລາວ ສະໜັບສະໜູນບັນດາຂໍ້ລິເລີ່ມຂອງທ່ານປະທານ ສີ ຈິ້ນຜິງ ເປັນຕົ້ນ ຂໍ້ລິເລີ່ມການພັດທະນາໂລກ, ຂໍ້ລິເລີ່ມດ້ານຄວາມໝັ້ນຄົງໂລກ ແລະ ຂໍ້ລິເລີ່ມອັດສະລິຍະໂລກ, ສອງພັກ, ສອງລັດໄດ້ຕັ້ງໜ້າຈັດຕັ້ງປະຕິບັດຂອບການຮ່ວມມື “ໜຶ່ງແລວ ໜຶ່ງເສັ້ນທາງ” ໃນຫຼາຍຂົງເຂດວຽກງານເປັນຕົ້ນການຮ່ວມມືກັນສ້າງເສັ້ນທາງລົດໄຟລາວ-ຈີນ ຊຶ່ງໄດ້ເປີດນໍາໃຊ້ຢ່າງເປັນທາງການໃນວັນທີ 3 ທັນວາ 2021 ແລະ ເປີດຂະບວນລົດໄຟໂດຍສານສາຍສາກົນວຽງຈັນ-ຄຸນມິງ, ຄຸນມິງ-ວຽງຈັນໃນວັນທີ 13 ເມສາ 2023 ຜ່ານມາ ຊຶ່ງຜົນສຳເລັດດັ່ງກ່າວໄດ້ນຳເອົາຜົນປະໂຫຍດອັນໃຫຍ່ຫຼວງມາສູ່ປະຊາຊົນສອງຊາດລາວ-ຈີນ ກໍຄືບັນດາປະເທດໃນພາກພື້ນ ຊຶ່ງເປັນການປະກອບສ່ວນທີ່ສຳຄັນເຂົ້າໃນການຮ່ວມມືພັດທະນາເສດຖະກິດ, ການຄ້າ, ການລົງທຶນ ແລະ ການໄປມາຫາສູ່ລະຫວ່າງປະຊາຊົນສອງປະເທດ ກໍຄືພາກພື້ນສາກົນນັບມື້ນັບເພີ່ມຂຶ້ນ. ສປປ ລາວ ຈະສືບຕໍ່ຮ່ວມມືກັບ ສປ ຈີນ ເພື່ອນໍາໃຊ້ເສັ້ນທາງລົດໄຟດັ່ງກ່າວໃຫ້ເປັນເສັ້ນທາງແຫ່ງ ມິດຕະພາບ, ການຮ່ວມມື ແລະ ການພັດທະນາ, ເສັ້ນທາງແຫ່ງຄວາມອີ່ມໜຳສຳລານ ແລະ ສ້າງຄວາມຜາສຸກໃຫ້ແກ່ປະຊາຊົນສອງຊາດລາວ-ຈີນ ກໍຄືປະຊາຊົນໃນພາກພື້ນ.
ໂອກາດນີ້, ທ່ານນາງສວນສະຫວັນ ວິຍະເກດ ໄດ້ຂຶ້ນກ່າວສານຊົມເຊີຍຂອງທ່ານ ທອງລຸນ ສີສຸລິດເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງສປປ ລາວບາງຕອນສຳຄັນທ່ານກ່າວວ່າ:ພາຍຫຼັງການລະບາດຂອງພະຍາດໂຄວິດ-19 ເພື່ອຟື້ນຟູເສດຖະກິດຂອງຕົນບັນດາປະເທດໃນໂລກໄດ້ກໍານົດນະໂຍບາຍຕ່າງໆເພື່ອຍາດແຍ່ງ ແລະ ດຶງດູດນັກທ່ອງທ່ຽວໂດຍສະເພາະນັກທ່ອງທ່ຽວຈາກ ສປ ຈີນ ທີ່ມີກໍາລັງຊື້ໃນອັນດັບຕົ້ນໆຂອງໂລກໃຫ້ເຂົ້າໄປທ່ອງທ່ຽວໃນປະເທດຂອງຕົນ. ສໍາລັບ ສປປ ລາວ ກ່ອນການແຜ່ລະບາດຂອງພະຍາດໂຄວິດ-19 ຄື: ປີ 2019 ສາມາດຕ້ອນຮັບນັກທ່ອງທ່ຽວຈາກ ຈີນ ມີເຖິງ 1 ລ້ານເທື່ອຄົນ ກວມເອົາ 21% ຂອງຈໍານວນນັກທ່ອງທ່ຽວທັງໝົດທີ່ເຂົ້າມາທ່ອງທ່ຽວໃນ ສປປ ລາວ. ໃນ 9 ເດືອນຂອງປີ 2023ສາມາດຕ້ອນຮັບນັກທ່ອງທ່ຽວຈີນເກືອບ 5 ແສນກວ່າເທື່ອຄົນ ຖືເປັນອັນດັບ 3 ຂອງນັກທ່ອງທ່ຽວສາກົນທີ່ມາທ່ອງທ່ຽວ ສປປ ລາວ. ໃນນັ້ນການລົງທຶນພັດທະນາການທ່ອງທ່ຽວ ໂດຍນັກລົງທຶນຈາກ ສປ ຈີນ ກໍນັບມື້ນັບເພີ່ມຂຶ້ນໂດຍສະເພາະໂຄງການພັດທະນາສິ່ງອຳນວຍຄວາມສະດວກດ້ານການທ່ອງທ່ຽວຂອງບັນດາແຂວງຕາມແລວທາງລົດໄຟລາວ-ຈີນ ມີຈຳນວນເພີ່ມຂຶ້ນ ຊຶ່ງໄດ້ປະກອບສ່ວນຕາມຈຸດມຸ່ງໝາຍການພັດທະນາເສັ້ນທາງລົດໄຟລາວ-ຈີນ ໃຫ້ກາຍເປັນແລວທາງເສດຖະກິດທີ່ສ້າງລາຍໄດ້ມະຫາສານໃຫ້ປະເທດຊາດ, ຊ່ວຍການແກ້ໄຂສະພາບເສດຖະກິດຂອງປະເທດ, ສາມາດດຶງດູດນັກທ່ອງທ່ຽວໃນພາກພື້ນ ແລະ ສາກົນໃຫ້ນັບມື້ນັບຫຼາຍຂຶ້ນ, ທັງເປັນການໂຄສະນາ ສປປ ລາວ ໃຫ້ກ້ວາງຂວາງໃນເວທີສາກົນເປັນຕົ້ນການເຊື່ອມໂຍງດ້ານບໍລິການຂົນສົ່ງໂດຍສານ ເພື່ອສົ່ງເສີມການທ່ອງທ່ຽວຂອງ ສປປ ລາວ ຕໍ່ບັນດາປະເທດໃນພາກພື້ນ ແລະ ໃນໂລກ ເຮັດໃຫ້ ສປປ ລາວ ກາຍເປັນຈຸດໃຈກາງການເຊື່ອມໂຍງຂອງບັນດາປະເທດອາຊຽນກັບ ສປ ຈີນ ເວົ້າສະເພາະກໍຄືການເຊື່ອມໂຍງລະຫ່ວາງ ສປປ ລາວ ກັບສາກົນ.
ໃນພິທີໄດ້ມີການເຊັນສັນຍາການຮ່ວມມືຈາກຫຼາຍພາກສ່ວນ. ຈາກນັ້ນ, ຄະນະປະທານໄດ້ໃຫ້ກຽດຕັດແຖບຜ້າ, ລັ່ນຄ້ອງ 9 ບາດເພື່ອເປັນສິລິມຸງຄຸນ; ໃນວັນດຽວກັນໄດ້ມີພິທີເປີດງານວາງສະແດງຮູບພາບຜົນສຳເລັດໃນການສ້າງຄູ່ຮ່ວມສະຕາກຳລາວ-ຈີນຕື່ມອີກ.
(ຂ່າວ-ພາບ: ວັນເພັງ)
ທ່ານ ກິແກ້ວ ໄຂຄຳພິທູນ ກ່າວວ່າ:ກອງປະຊຸມໃນຄັ້ງນີ້ເປັນເວທີໜຶ່ງທີ່ມີຄວາມໝາຍສໍາຄັນ ເພື່ອທົບທວນຄືນໝາກຜົນຂອງການຈັດຕັ້ງປະຕິບັດກິດຈະກຳ, ແຜນງານ, ໂຄງການຂອງແຕ່ລະຂະແໜງການ ທັງເປັນເວທີປຶກສາຫາລື ແລະ ເປີດກວ້າງການຮ່ວມມື, ການແລກປ່ຽນທາງດ້ານເສດຖະກິດ-ການຄ້າ, ການລົງທຶນຂອງພາກລັດ ແລະ ບັນດາຫົວໜ່ວຍທຸລະກິດລະຫວ່າງສອງຊາດລາວ-ຈີນ, ຈີນ-ລາວ. ສອງປະເທດໃນຖານະທີ່ເປັນບ້ານໃກ້ເຮືອນຄຽງ ຍາມໃດກໍໃຫ້ຄວາມສໍາຄັນ ແລະ ສະໜັບສະໜູນຊຶ່ງກັນ ແລະ ກັນຢ່າງຕັ້ງໜ້າປະກອບສ່ວນເຂົ້າໃນການເພີ່ມທະວີ ແລະ ສົ່ງເສີມການຮ່ວມມືທັງດ້ານເສດຖະກິດການຄ້າ, ການລົງທຶນ, ການແລກປ່ຽນຂໍ້ມູນຂ່າວສານ, ວັດທະນະທໍາ, ເຕັກໂນໂລຊີ ກໍຄືການໄປ-ມາຫາສູ່ກັນລະຫວ່າງປະຊາຊົນໂດຍຜ່ານການທ່ອງທ່ຽວ.
ສປປ ລາວ ແລະ ສປ ຈີນ ມີສາຍພູສາຍນໍ້າຫາງສຽງຕິດຈອດກັນ, ມີສາຍພົວພັນມິດຕະພາບອັນເປັນມູນເຊື້ອ ແລະ ການພົວພັນຄູ່ຮ່ວມຍຸດທະສາດຮອບດ້ານ, ໝັ້ນຄົງຍາວນານຕາມທິດ 4 ດີບົນພື້ນຖານການເປັນຄູ່ຮ່ວມຊາຕາກໍາລາວ-ຈີນ, ຈີນ-ລາວ. ສປປ ລາວ ສະໜັບສະໜູນບັນດາຂໍ້ລິເລີ່ມຂອງທ່ານປະທານ ສີ ຈິ້ນຜິງ ເປັນຕົ້ນ ຂໍ້ລິເລີ່ມການພັດທະນາໂລກ, ຂໍ້ລິເລີ່ມດ້ານຄວາມໝັ້ນຄົງໂລກ ແລະ ຂໍ້ລິເລີ່ມອັດສະລິຍະໂລກ, ສອງພັກ, ສອງລັດໄດ້ຕັ້ງໜ້າຈັດຕັ້ງປະຕິບັດຂອບການຮ່ວມມື “ໜຶ່ງແລວ ໜຶ່ງເສັ້ນທາງ” ໃນຫຼາຍຂົງເຂດວຽກງານເປັນຕົ້ນການຮ່ວມມືກັນສ້າງເສັ້ນທາງລົດໄຟລາວ-ຈີນ ຊຶ່ງໄດ້ເປີດນໍາໃຊ້ຢ່າງເປັນທາງການໃນວັນທີ 3 ທັນວາ 2021 ແລະ ເປີດຂະບວນລົດໄຟໂດຍສານສາຍສາກົນວຽງຈັນ-ຄຸນມິງ, ຄຸນມິງ-ວຽງຈັນໃນວັນທີ 13 ເມສາ 2023 ຜ່ານມາ ຊຶ່ງຜົນສຳເລັດດັ່ງກ່າວໄດ້ນຳເອົາຜົນປະໂຫຍດອັນໃຫຍ່ຫຼວງມາສູ່ປະຊາຊົນສອງຊາດລາວ-ຈີນ ກໍຄືບັນດາປະເທດໃນພາກພື້ນ ຊຶ່ງເປັນການປະກອບສ່ວນທີ່ສຳຄັນເຂົ້າໃນການຮ່ວມມືພັດທະນາເສດຖະກິດ, ການຄ້າ, ການລົງທຶນ ແລະ ການໄປມາຫາສູ່ລະຫວ່າງປະຊາຊົນສອງປະເທດ ກໍຄືພາກພື້ນສາກົນນັບມື້ນັບເພີ່ມຂຶ້ນ. ສປປ ລາວ ຈະສືບຕໍ່ຮ່ວມມືກັບ ສປ ຈີນ ເພື່ອນໍາໃຊ້ເສັ້ນທາງລົດໄຟດັ່ງກ່າວໃຫ້ເປັນເສັ້ນທາງແຫ່ງ ມິດຕະພາບ, ການຮ່ວມມື ແລະ ການພັດທະນາ, ເສັ້ນທາງແຫ່ງຄວາມອີ່ມໜຳສຳລານ ແລະ ສ້າງຄວາມຜາສຸກໃຫ້ແກ່ປະຊາຊົນສອງຊາດລາວ-ຈີນ ກໍຄືປະຊາຊົນໃນພາກພື້ນ.
ໂອກາດນີ້, ທ່ານນາງສວນສະຫວັນ ວິຍະເກດ ໄດ້ຂຶ້ນກ່າວສານຊົມເຊີຍຂອງທ່ານ ທອງລຸນ ສີສຸລິດເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງສປປ ລາວບາງຕອນສຳຄັນທ່ານກ່າວວ່າ:ພາຍຫຼັງການລະບາດຂອງພະຍາດໂຄວິດ-19 ເພື່ອຟື້ນຟູເສດຖະກິດຂອງຕົນບັນດາປະເທດໃນໂລກໄດ້ກໍານົດນະໂຍບາຍຕ່າງໆເພື່ອຍາດແຍ່ງ ແລະ ດຶງດູດນັກທ່ອງທ່ຽວໂດຍສະເພາະນັກທ່ອງທ່ຽວຈາກ ສປ ຈີນ ທີ່ມີກໍາລັງຊື້ໃນອັນດັບຕົ້ນໆຂອງໂລກໃຫ້ເຂົ້າໄປທ່ອງທ່ຽວໃນປະເທດຂອງຕົນ. ສໍາລັບ ສປປ ລາວ ກ່ອນການແຜ່ລະບາດຂອງພະຍາດໂຄວິດ-19 ຄື: ປີ 2019 ສາມາດຕ້ອນຮັບນັກທ່ອງທ່ຽວຈາກ ຈີນ ມີເຖິງ 1 ລ້ານເທື່ອຄົນ ກວມເອົາ 21% ຂອງຈໍານວນນັກທ່ອງທ່ຽວທັງໝົດທີ່ເຂົ້າມາທ່ອງທ່ຽວໃນ ສປປ ລາວ. ໃນ 9 ເດືອນຂອງປີ 2023ສາມາດຕ້ອນຮັບນັກທ່ອງທ່ຽວຈີນເກືອບ 5 ແສນກວ່າເທື່ອຄົນ ຖືເປັນອັນດັບ 3 ຂອງນັກທ່ອງທ່ຽວສາກົນທີ່ມາທ່ອງທ່ຽວ ສປປ ລາວ. ໃນນັ້ນການລົງທຶນພັດທະນາການທ່ອງທ່ຽວ ໂດຍນັກລົງທຶນຈາກ ສປ ຈີນ ກໍນັບມື້ນັບເພີ່ມຂຶ້ນໂດຍສະເພາະໂຄງການພັດທະນາສິ່ງອຳນວຍຄວາມສະດວກດ້ານການທ່ອງທ່ຽວຂອງບັນດາແຂວງຕາມແລວທາງລົດໄຟລາວ-ຈີນ ມີຈຳນວນເພີ່ມຂຶ້ນ ຊຶ່ງໄດ້ປະກອບສ່ວນຕາມຈຸດມຸ່ງໝາຍການພັດທະນາເສັ້ນທາງລົດໄຟລາວ-ຈີນ ໃຫ້ກາຍເປັນແລວທາງເສດຖະກິດທີ່ສ້າງລາຍໄດ້ມະຫາສານໃຫ້ປະເທດຊາດ, ຊ່ວຍການແກ້ໄຂສະພາບເສດຖະກິດຂອງປະເທດ, ສາມາດດຶງດູດນັກທ່ອງທ່ຽວໃນພາກພື້ນ ແລະ ສາກົນໃຫ້ນັບມື້ນັບຫຼາຍຂຶ້ນ, ທັງເປັນການໂຄສະນາ ສປປ ລາວ ໃຫ້ກ້ວາງຂວາງໃນເວທີສາກົນເປັນຕົ້ນການເຊື່ອມໂຍງດ້ານບໍລິການຂົນສົ່ງໂດຍສານ ເພື່ອສົ່ງເສີມການທ່ອງທ່ຽວຂອງ ສປປ ລາວ ຕໍ່ບັນດາປະເທດໃນພາກພື້ນ ແລະ ໃນໂລກ ເຮັດໃຫ້ ສປປ ລາວ ກາຍເປັນຈຸດໃຈກາງການເຊື່ອມໂຍງຂອງບັນດາປະເທດອາຊຽນກັບ ສປ ຈີນ ເວົ້າສະເພາະກໍຄືການເຊື່ອມໂຍງລະຫ່ວາງ ສປປ ລາວ ກັບສາກົນ.
ໃນພິທີໄດ້ມີການເຊັນສັນຍາການຮ່ວມມືຈາກຫຼາຍພາກສ່ວນ. ຈາກນັ້ນ, ຄະນະປະທານໄດ້ໃຫ້ກຽດຕັດແຖບຜ້າ, ລັ່ນຄ້ອງ 9 ບາດເພື່ອເປັນສິລິມຸງຄຸນ; ໃນວັນດຽວກັນໄດ້ມີພິທີເປີດງານວາງສະແດງຮູບພາບຜົນສຳເລັດໃນການສ້າງຄູ່ຮ່ວມສະຕາກຳລາວ-ຈີນຕື່ມອີກ.
(ຂ່າວ-ພາບ: ວັນເພັງ)
