ວັນທີ 6 ທັນວາ ຜ່ານມາ ທີ່ສູນວາງສະແດງແຜນຜັງຂອງເສດຖະກິດພິເສດບໍ່ເຕ່ນແດນງາມ ແຂວງຫຼວງນໍ້າທາຄະນະກໍາມະການຮ່ວມມືລາວ-ຈີນແລະອົງການຮ່ວມມືສາກົນເພື່ອການພັດທະນາແຫ່ງຊາດຈີນ ໄດ້ຮ່ວມກັນຈັດກອງປະຊຸມ ກົນໄກຮ່ວມມືສອງຝ່າຍປະຈຳປີ 2023 ຂຶ້ນຢ່າງເປັນທາງການ. ໂດຍການເປັນປະທານຮ່ວມຂອງ ທ່ານ ຄຳເຈນ ວົງໂພສີ ລັດຖະມົນຕີກະຊວງແຜນການ ແລະ ການລົງທຶນ ທັງເປັນປະທານ ຄະນະກຳມະການຮ່ວມມື ລາວ-ຈີນ, ມີທ່ານ ຫຼົວ ຈ້າວຮຸຍ ຫົວໜ້າອົງການຮ່ວມມືສາກົນເພື່ອການພັດທະນາ ແຫ່ງຊາດຈີນ, ມີຫົວໜ້າ-ຮອງຫົວໜ້າຈາກບັນດາຂະແໜງການທີ່ກ່ຽວຂ້ອງຂອງສອງຝ່າຍເຂົ້າຮ່ວມ.
ໃນກອງປະຊຸມທັງສອງຝ່າຍໄດ້ປຶກສາຫາລື ດ້ວຍໄມຕີຈິດມິດຕະພາບ ລະຫວ່າງ ຄະນະກໍາມະການຮ່ວມມືລາວ-ຈີນ ແຫ່ງ ສປປ ລາວ ແລະ ອົງການຮ່ວມມືສາກົນເພື່ອການພັດທະນາແຫ່ງຊາດຈີນ ທັງສອງຝ່າຍໄດ້ເປັນເອກະພາບກັນໃນການຊຸກຍູ້ກໍ່ສ້າງດ່ານຊາຍແດນລາວ-ຈີນ ມີຜົນດີຕໍ່ການຊຸກຍູ້ ສປປ ລາວ “ຫັນຈາກປະເທດບໍ່ມີຊາຍແດນຕິດກັບທະເລ ເປັນປະເທດເຊື່ອມໂຍງເຊື່ອມຈອດ”, ມີຄວາມໝາຍຄວາມສໍາຄັນຕໍ່ການສົ່ງເສີມການພັດທະນາເສດຖະກິດ- ສັງຄົມຂອງສອງປະເທດລາວ-ຈີນ, ການເປີດປະຕູສູ່ພາຍນອກໃນລະດັບສູງ ກໍຄືການຮ່ວມມືກັນສ້າງ “ໜຶ່ງແລວ ໜຶ່ງເສັ້ນທາງ” ແລະ ການສ້າງຄູ່ຮ່ວມຊາຕາກໍາລາວ-ຈີນ, ໃນໂອກາດນີ້ ທັງສອງຝ່າຍກໍໄດ້ລາຍງານການຮ່ວມມື ແລະ ສະພາບການຈັດຕັ້ງປະຕິບັດວຽກງານໃນໄລຍະຜ່ານມາຂອງໂຄງການໂດຍຫຍໍ້ໃຫ້ກັນ ແລະ ກັນຊາບເປັນຕົ້ນທາງດ້ານເສດຖະກິດການຄ້າ, ການຄຸ້ມຄອງຄົນເຂົ້າອອກປະເທດ, ໃນໄລຍະຜ່ານມາທັງຝ່າຍຈີນໄດ້ສົ່ງຄະນະຊ່ຽວຊານມາສຶກສາຄົ້ນຄວ້າເພື່ອກະກຽມດ້ານເຕັກນິກໃຫ້ແກ່ໂຄງການກໍ່ສ້າງຮົ້ວອ້ອມເຂດຮ່ວມມືເສດຖະກິດບໍ່ເຕ່ນ (ລາວ)-ບໍ່ຫານ (ຈີນ)ຢູ່ເບື້ອງຝ່າຍລາວ, ໂຄງການປັບປຸງຍົກລະດັບທາງຫຼວງແຫ່ງຊາດເລກທີ 13 ໄລຍະບໍ່ເຕ່ນ, ໂຄງການປັບປຸງຍົກລະດັບທາງລົດໂອໂຕຢູ່ດ່ານຊາຍແດນລາວ-ຈີນ ແລະ ໂຄງການກໍ່ສ້າງຕຶກອາຄານກວດກາຮ່ວມກັນຢູ່ດ່ານກວດກາຊາຍແດນຂອງສະຖານີລົດໄຟບໍ່ເຕ່ນ.
ຈາກນັ້ນ, ທັງສອງຝ່າຍໄດ້ເຫັນດີສືບຕໍ່ປຶກສາຫາລືຄວາມເປັນໄປໄດ້ຂອງບັນດາໂຄງການດັ່ງກ່າວ,ແຜນການໃນຕໍ່ໜ້າທັງສອງຝ່າຍຈະໄດ້ສືບຕໍ່ຍົກລະດັບການຜ່ານດ່ານໃຫ້ມີປະສິດທິພາບສູງ, ທັງຊຸກຍູ້ການພັດທະນາທາງລົດໄຟລາວ-ຈີນໃຫ້ດີຂຶ້ນໂດຍການສ້າງດ່ານ“ກວດກາຈຸດດຽວປ່ອງດຽວ”ຢູ່ດ່ານສະຖານີລົດໄຟບໍ່ເຕ່ນ, ໃຫ້ການຊ່ວຍເຫຼືອກໍ່ສ້າງຕຶກອາຄານກວດກາ ລາວ-ຈີນ ຮ່ວມກັນ ແລະ ຈະໄດ້ສືບຕໍ່ປະສານສົມທົບກັນໃນການຮ່ວມມືວຽກງານພື້ນຖານໂຄງລ່າງດ່ານຊາຍແດນອື່ນໆຕື່ມອີກ. ການດຳເນີນກອງປະຊຸມທັງສອງຝ່າຍກໍໄດ້ຕີລາຄາສູງຕໍ່ໝາກຜົນການຮ່ວມມືຂອງສອງຝ່າຍໃນໄລຍະຜ່ານມາ ແລະ ໃນການຊຸກຍູ້ການຮ່ວມມືທີ່ເປັນຮູບປະທໍາຂອງສອງຝ່າຍໃນຕໍ່ໜ້າ ເປັນການປະກອບສ່ວນອັນສຳຄັນເຂົ້າໃນການຜັນຂະຫຍາຍການຕົກລົງເປັນເອກະພາບຂອງການນຳຂັ້ນສູງຂອງສອງປະເທດກໍຄືການຈັດຕັ້ງປະຕິບັດບັນດາເອກະສານຮ່ວມມືຕ່າງໆຂອງສອງຝ່າຍລາວ-ຈີນ.
ໂອກາດນີ້, ທ່ານ ໄຊຊະນະ ສິດທິພອນ ຮອງປະທານຄະນະກໍາມະການຮ່ວມມືລາວ-ຈີນ ແລະ ທ່ານ ຫຼີວ ຈຸນເຟີງ ຮອງຫົວໜ້າອົງການຮ່ວມມືສາກົນເພື່ອການພັດທະນາແຫ່ງຊາດຈີນກໍໄດ້ລົງນາມເຊັນບົດບັນທຶກການຮ່ວມມືຊ່ວຍເຫຼືອພັດທະນາດ່ານຊາຍແດນລາວ-ຈີນ ລະຫວ່າງ ຄະນະກໍາມະການຮ່ວມມື ລາວ-ຈີນ ແຫ່ງ ສປປ ລາວ ແລະ ອົງການຮ່ວມມືສາກົນເພື່ອການພັດທະນາແຫ່ງຊາດຈີນຮ່ວມກັນຕື່ມອີກ.
(ຂ່າວ-ພາບ ສົມພອນ ຂຸນດາວົງ)
ໃນກອງປະຊຸມທັງສອງຝ່າຍໄດ້ປຶກສາຫາລື ດ້ວຍໄມຕີຈິດມິດຕະພາບ ລະຫວ່າງ ຄະນະກໍາມະການຮ່ວມມືລາວ-ຈີນ ແຫ່ງ ສປປ ລາວ ແລະ ອົງການຮ່ວມມືສາກົນເພື່ອການພັດທະນາແຫ່ງຊາດຈີນ ທັງສອງຝ່າຍໄດ້ເປັນເອກະພາບກັນໃນການຊຸກຍູ້ກໍ່ສ້າງດ່ານຊາຍແດນລາວ-ຈີນ ມີຜົນດີຕໍ່ການຊຸກຍູ້ ສປປ ລາວ “ຫັນຈາກປະເທດບໍ່ມີຊາຍແດນຕິດກັບທະເລ ເປັນປະເທດເຊື່ອມໂຍງເຊື່ອມຈອດ”, ມີຄວາມໝາຍຄວາມສໍາຄັນຕໍ່ການສົ່ງເສີມການພັດທະນາເສດຖະກິດ- ສັງຄົມຂອງສອງປະເທດລາວ-ຈີນ, ການເປີດປະຕູສູ່ພາຍນອກໃນລະດັບສູງ ກໍຄືການຮ່ວມມືກັນສ້າງ “ໜຶ່ງແລວ ໜຶ່ງເສັ້ນທາງ” ແລະ ການສ້າງຄູ່ຮ່ວມຊາຕາກໍາລາວ-ຈີນ, ໃນໂອກາດນີ້ ທັງສອງຝ່າຍກໍໄດ້ລາຍງານການຮ່ວມມື ແລະ ສະພາບການຈັດຕັ້ງປະຕິບັດວຽກງານໃນໄລຍະຜ່ານມາຂອງໂຄງການໂດຍຫຍໍ້ໃຫ້ກັນ ແລະ ກັນຊາບເປັນຕົ້ນທາງດ້ານເສດຖະກິດການຄ້າ, ການຄຸ້ມຄອງຄົນເຂົ້າອອກປະເທດ, ໃນໄລຍະຜ່ານມາທັງຝ່າຍຈີນໄດ້ສົ່ງຄະນະຊ່ຽວຊານມາສຶກສາຄົ້ນຄວ້າເພື່ອກະກຽມດ້ານເຕັກນິກໃຫ້ແກ່ໂຄງການກໍ່ສ້າງຮົ້ວອ້ອມເຂດຮ່ວມມືເສດຖະກິດບໍ່ເຕ່ນ (ລາວ)-ບໍ່ຫານ (ຈີນ)ຢູ່ເບື້ອງຝ່າຍລາວ, ໂຄງການປັບປຸງຍົກລະດັບທາງຫຼວງແຫ່ງຊາດເລກທີ 13 ໄລຍະບໍ່ເຕ່ນ, ໂຄງການປັບປຸງຍົກລະດັບທາງລົດໂອໂຕຢູ່ດ່ານຊາຍແດນລາວ-ຈີນ ແລະ ໂຄງການກໍ່ສ້າງຕຶກອາຄານກວດກາຮ່ວມກັນຢູ່ດ່ານກວດກາຊາຍແດນຂອງສະຖານີລົດໄຟບໍ່ເຕ່ນ.
ຈາກນັ້ນ, ທັງສອງຝ່າຍໄດ້ເຫັນດີສືບຕໍ່ປຶກສາຫາລືຄວາມເປັນໄປໄດ້ຂອງບັນດາໂຄງການດັ່ງກ່າວ,ແຜນການໃນຕໍ່ໜ້າທັງສອງຝ່າຍຈະໄດ້ສືບຕໍ່ຍົກລະດັບການຜ່ານດ່ານໃຫ້ມີປະສິດທິພາບສູງ, ທັງຊຸກຍູ້ການພັດທະນາທາງລົດໄຟລາວ-ຈີນໃຫ້ດີຂຶ້ນໂດຍການສ້າງດ່ານ“ກວດກາຈຸດດຽວປ່ອງດຽວ”ຢູ່ດ່ານສະຖານີລົດໄຟບໍ່ເຕ່ນ, ໃຫ້ການຊ່ວຍເຫຼືອກໍ່ສ້າງຕຶກອາຄານກວດກາ ລາວ-ຈີນ ຮ່ວມກັນ ແລະ ຈະໄດ້ສືບຕໍ່ປະສານສົມທົບກັນໃນການຮ່ວມມືວຽກງານພື້ນຖານໂຄງລ່າງດ່ານຊາຍແດນອື່ນໆຕື່ມອີກ. ການດຳເນີນກອງປະຊຸມທັງສອງຝ່າຍກໍໄດ້ຕີລາຄາສູງຕໍ່ໝາກຜົນການຮ່ວມມືຂອງສອງຝ່າຍໃນໄລຍະຜ່ານມາ ແລະ ໃນການຊຸກຍູ້ການຮ່ວມມືທີ່ເປັນຮູບປະທໍາຂອງສອງຝ່າຍໃນຕໍ່ໜ້າ ເປັນການປະກອບສ່ວນອັນສຳຄັນເຂົ້າໃນການຜັນຂະຫຍາຍການຕົກລົງເປັນເອກະພາບຂອງການນຳຂັ້ນສູງຂອງສອງປະເທດກໍຄືການຈັດຕັ້ງປະຕິບັດບັນດາເອກະສານຮ່ວມມືຕ່າງໆຂອງສອງຝ່າຍລາວ-ຈີນ.
ໂອກາດນີ້, ທ່ານ ໄຊຊະນະ ສິດທິພອນ ຮອງປະທານຄະນະກໍາມະການຮ່ວມມືລາວ-ຈີນ ແລະ ທ່ານ ຫຼີວ ຈຸນເຟີງ ຮອງຫົວໜ້າອົງການຮ່ວມມືສາກົນເພື່ອການພັດທະນາແຫ່ງຊາດຈີນກໍໄດ້ລົງນາມເຊັນບົດບັນທຶກການຮ່ວມມືຊ່ວຍເຫຼືອພັດທະນາດ່ານຊາຍແດນລາວ-ຈີນ ລະຫວ່າງ ຄະນະກໍາມະການຮ່ວມມື ລາວ-ຈີນ ແຫ່ງ ສປປ ລາວ ແລະ ອົງການຮ່ວມມືສາກົນເພື່ອການພັດທະນາແຫ່ງຊາດຈີນຮ່ວມກັນຕື່ມອີກ.
(ຂ່າວ-ພາບ ສົມພອນ ຂຸນດາວົງ)
