ໃນວັນທີ 8 ທັນວານີ້,ອົງການກວດກາແຫ່ງລັດ ໄດ້ຈັດພິທີສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນ ຄົບຮອບ 20 ປີ(9/12/2003-9/12/2023) ຂຶ້ນ ທີ່ສະໂມສອນຄະນະກວດກາສູນກາງພັກ ພາຍໃຕ້ການເປັນປະທານຂອງທ່ານວິໄລວັນບຸດດາຄໍາ ກຳມະການສຳຮອງສູນກາງພັກຮອງປະທານອົງການກວດກາແຫ່ງລັດຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີບັນດາຜູ້ຕາງໜ້າຈາກອົງການ UNODC, ສະຖານທູດສະຫະລັດອາເມຣິກາປະຈຳ ສປປ ລາວ, ສະຖາບັນ ILSTA, ພ້ອມດ້ວຍພະນັກງານ-ລັດຖະກອນພາຍໃນຄະນະກວດກາສູນກາງພັກ, ອົງການກວດກາແຫ່ງລັດ ແລະ ແຂກຮັບເຊີນເຂົ້າຮ່ວມ.
ໃນພິທີ, ທ່ານ ວິໄລວັນ ບຸດດາຄຳ ໄດ້ຫວນຄືນ ຄວາມເປັນມາຂອງວັນຕ້ານການສໍ້ລາດບັງຫຼວງສາກົນ,ໂດຍຍົກໃຫ້ເຫັນຜົນຮ້າຍແລະຄວາມອັນຕະລາຍຂອງການສໍ້ລາດບັງຫຼວງຊຶ່ງແມ່ນອາຊະຍາກຳໜຶ່ງທີ່ເກີດຂຶ້ນໃນກົງຈັກການຈັດຕັ້ງຂອງພັກ-ລັດ, ເປັນໄພອັນຕະລາຍອັນໃຫຍ່ຫຼວງທີ່ສົ່ງຜົນກະທົບແລະກົດໜ່ວງຖ່ວງດຶງການພັດທະນາເສດຖະກິດ-ສັງຄົມຂອງແຕ່ລະປະເທດໃນໂລກບໍ່ວ່າຈະແມ່ນປະເທດນ້ອຍຫຼືໃຫຍ່, ທຸກຍາກຫຼືຮັ່ງມີກໍລ້ວນແຕ່ມີຜົນກະທົບເຊັ່ນດຽວກັນ; ການສໍ້ລາດບັງຫຼວງພວມເປັນໄພຂົ່ມຂູ່ຕໍ່ຄວາມມີສະຖຽນລະພາບຂອງການຈັດຕັ້ງລັດແລະເອກະຊົນ, ກໍ່ໃຫ້ເກີດມີຄວາມບໍ່ສະຫງົບ, ຄວາມບໍ່ຍຸຕິທໍາໃນສັງຄົມ, ເປັນການບັ່ນທອນກໍາລັງແຮງກໍຄືຄວາມເຊື່ອໝັ້ນແລະຄ່ານິຍົມຂອງສັງຄົມຕໍ່ບັນດາສະຖາບັນການປົກຄອງແລະການຈັດຕັ້ງຕ່າງໆ, ຍ້ອນເຫັນໄດ້ຜົນຮ້າຍແລະໄພອັນຕະລາຍຂອງການສໍ້ລາດບັງຫຼວງຄືດັ່ງກ່າວຈຶ່ງໄດ້ມີການຄົ້ນຄວ້າສ້າງກົດໝາຍສາກົນເພື່ອເປັນບ່ອນອີງໃຫ້ແກ່ການພົວພັນຮ່ວມມືລະຫວ່າງປະເທດນັບທັງຢູ່ໃນຂົງເຂດພາກພື້ນແລະສາກົນເພື່ອພ້ອມກັນສະກັດກັ້ນແລະຕໍ່ສູ້ຢ່າງມີປະສິດທິຜົນຕໍ່ການກະທໍາຫຼືພຶດຕິກໍາທີ່ເປັນການສໍ້ລາດບັງຫຼວງ. ດັ່ງນັ້ນ, ກອງປະຊຸມໃຫຍ່ອົງການສະຫະປະຊາຊາດປີ 2000 ຈຶ່ງໄດ້ມີມະຕິເລກທີ55/61, ລົງວັນທີ4ທັນວາ2000ກໍານົດຄວາມຈໍາເປັນໃນການສ້າງກົດບັດສາກົນໃນການສະກັດກັ້ນແລະຕ້ານການສໍ້ລາດບັງຫຼວງ.
ຈາກນັ້ນສົນທິສັນຍາສະຫະປະຊາຊາດວ່າດ້ວຍການຕ້ານການສໍ້ລາດບັງຫຼວງໄດ້ຖືກຮັບຮອງເອົາຢ່າງເປັນເອກະສັນໃນວັນທີ18ທັນວາ2002ທີ່ນິວຢອກປະເທດສະຫະລັດອາເມຣິກາແລະໄດ້ເປີດໃຫ້ປະເທດຕ່າງໆລົງນາມເຂົ້າເປັນສະມາຊິກໃນວັນທີ9-11 ທັນວາ2003ທີ່ເມືອງເມລິດາປະເທດແມັກຊີໂກ, ມາຮອດປັດຈຸບັນມີ 189 ລັດພາຄີ.
ສໍາລັບສປປລາວໄດ້ລົງນາມໃນວັນທີ10ທັນວາ2003ແລະໃຫ້ສັດຕະຍາບັນໃນວັນທີ25ກັນຍາ2009; ກອງປະຊຸມອົງການສະຫະປະຊາຊາດປີ2003ໄດ້ອອກຍັດຕິ58/4 ໂດຍກໍານົດເອົາວັນທີ9ທັນວາຂອງທຸກໆປີເປັນວັນຕ້ານການສໍ້ລາດບັງຫຼວງສາກົນ. ນັບແຕ່ນັ້ນມາ, ວັນທີ9 ທັນວາໄດ້ກາຍເປັນວັນທີ່ມີຄວາມໝາຍສໍາຄັນແຫ່ງຄວາມສາມັກຄີໃນການຕໍ່ສູ້ຕ້ານການສໍ້ລາດບັງຫຼວງຂອງບັນດາປະຊາຊາດໃນໂລກ; ສຳລັບຄຳຂວັນໃນປີນີ້ໄດ້ອອກຄໍາຂວັນວ່າ“ສາມັກຄີຮ່ວມກັບປະຊາຄົມໂລກຕ້ານການສໍ້ລາດບັງຫຼວງ”. ໂດຍເຫັນໄດ້ຜົນສະທ້ອນອັນໃຫຍ່ຫຼວງ ແລະ ເປັນໄພອັນຕະລາຍທີ່ຮ້າຍແຮງຄືດັ່ງກ່າວ: ສູນກາງພັກ, ສະພາແຫ່ງຊາດ ແລະ ລັດຖະບານແຫ່ງສປປລາວຈຶ່ງຖືສໍາຄັນແລະເອົາໃຈໃສ່ຕໍ່ການສະກັດກັ້ນແລະຕ້ານການສໍ້ລາດບັງຫຼວງ, ຖືເອົາວຽກງານນີ້ເປັນໜ້າທີ່ແລະຄວາມຮັບຜິດຊອບຂອງພັກ-ລັດແລະ ການຈັດຕັ້ງທຸກຂັ້ນ ໄດ້ສຸມໃສ່ເຄື່ອນໄຫວວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ. ໃນນັ້ນ,ໄດ້ວາງນະໂຍບາຍ, ມະຕິ, ຄໍາສັ່ງແລະນິຕິກຳຕ່າງໆ ຫຼາຍສະບັບ ກ່ຽວກັບການສະກັດກັ້ນ ແລະ ຕ້ານການສໍ້ລາດບັງຫຼວງ; ໄດ້ເອົາໃຈໃສ່ສຶກສາອົບຮົມປູກຈິດສຳນຶກໃຫ້ແກ່ພະນັກງານ-ລັດຖະກອນ, ທະຫານ,ຕໍາຫຼວດ,ນັກຮຽນ-ນັກສຶກສາ, ປັນຍາຊົນ ແລະ ປະຊາຊົນ ທຸກຊັ້ນຄົນ ດ້ວຍຫຼາຍຮູບການ ເພື່ອໃຫ້ຮັບຮູ້-ເຂົ້າໃຈຢ່າງເລິກເຊິ່ງຕໍ່ຜົນຮ້າຍ ແລະໄພອັນຕະລາຍຮ້າຍແຮງຂອງການສໍ້ລາດບັງຫຼວງ; ມີສະຕິເຄົາລົບລະບຽບກົດໝາຍ, ເປັນເຈົ້າການເຂົ້າຮ່ວມການສະກັດກັ້ນ ແລະຕ້ານການສໍ້ລາດບັງຫຼວງ. ນອກນີ້, ຍັງໄດ້ພົວພັນປະສານງານກັບອົງການຈັດຕັ້ງສາກົນຕ່າງໆ.
ຂ່າວ: ກວດກາ-ພາບ: ສຳນານ
ໃນພິທີ, ທ່ານ ວິໄລວັນ ບຸດດາຄຳ ໄດ້ຫວນຄືນ ຄວາມເປັນມາຂອງວັນຕ້ານການສໍ້ລາດບັງຫຼວງສາກົນ,ໂດຍຍົກໃຫ້ເຫັນຜົນຮ້າຍແລະຄວາມອັນຕະລາຍຂອງການສໍ້ລາດບັງຫຼວງຊຶ່ງແມ່ນອາຊະຍາກຳໜຶ່ງທີ່ເກີດຂຶ້ນໃນກົງຈັກການຈັດຕັ້ງຂອງພັກ-ລັດ, ເປັນໄພອັນຕະລາຍອັນໃຫຍ່ຫຼວງທີ່ສົ່ງຜົນກະທົບແລະກົດໜ່ວງຖ່ວງດຶງການພັດທະນາເສດຖະກິດ-ສັງຄົມຂອງແຕ່ລະປະເທດໃນໂລກບໍ່ວ່າຈະແມ່ນປະເທດນ້ອຍຫຼືໃຫຍ່, ທຸກຍາກຫຼືຮັ່ງມີກໍລ້ວນແຕ່ມີຜົນກະທົບເຊັ່ນດຽວກັນ; ການສໍ້ລາດບັງຫຼວງພວມເປັນໄພຂົ່ມຂູ່ຕໍ່ຄວາມມີສະຖຽນລະພາບຂອງການຈັດຕັ້ງລັດແລະເອກະຊົນ, ກໍ່ໃຫ້ເກີດມີຄວາມບໍ່ສະຫງົບ, ຄວາມບໍ່ຍຸຕິທໍາໃນສັງຄົມ, ເປັນການບັ່ນທອນກໍາລັງແຮງກໍຄືຄວາມເຊື່ອໝັ້ນແລະຄ່ານິຍົມຂອງສັງຄົມຕໍ່ບັນດາສະຖາບັນການປົກຄອງແລະການຈັດຕັ້ງຕ່າງໆ, ຍ້ອນເຫັນໄດ້ຜົນຮ້າຍແລະໄພອັນຕະລາຍຂອງການສໍ້ລາດບັງຫຼວງຄືດັ່ງກ່າວຈຶ່ງໄດ້ມີການຄົ້ນຄວ້າສ້າງກົດໝາຍສາກົນເພື່ອເປັນບ່ອນອີງໃຫ້ແກ່ການພົວພັນຮ່ວມມືລະຫວ່າງປະເທດນັບທັງຢູ່ໃນຂົງເຂດພາກພື້ນແລະສາກົນເພື່ອພ້ອມກັນສະກັດກັ້ນແລະຕໍ່ສູ້ຢ່າງມີປະສິດທິຜົນຕໍ່ການກະທໍາຫຼືພຶດຕິກໍາທີ່ເປັນການສໍ້ລາດບັງຫຼວງ. ດັ່ງນັ້ນ, ກອງປະຊຸມໃຫຍ່ອົງການສະຫະປະຊາຊາດປີ 2000 ຈຶ່ງໄດ້ມີມະຕິເລກທີ55/61, ລົງວັນທີ4ທັນວາ2000ກໍານົດຄວາມຈໍາເປັນໃນການສ້າງກົດບັດສາກົນໃນການສະກັດກັ້ນແລະຕ້ານການສໍ້ລາດບັງຫຼວງ.
ຈາກນັ້ນສົນທິສັນຍາສະຫະປະຊາຊາດວ່າດ້ວຍການຕ້ານການສໍ້ລາດບັງຫຼວງໄດ້ຖືກຮັບຮອງເອົາຢ່າງເປັນເອກະສັນໃນວັນທີ18ທັນວາ2002ທີ່ນິວຢອກປະເທດສະຫະລັດອາເມຣິກາແລະໄດ້ເປີດໃຫ້ປະເທດຕ່າງໆລົງນາມເຂົ້າເປັນສະມາຊິກໃນວັນທີ9-11 ທັນວາ2003ທີ່ເມືອງເມລິດາປະເທດແມັກຊີໂກ, ມາຮອດປັດຈຸບັນມີ 189 ລັດພາຄີ.
ສໍາລັບສປປລາວໄດ້ລົງນາມໃນວັນທີ10ທັນວາ2003ແລະໃຫ້ສັດຕະຍາບັນໃນວັນທີ25ກັນຍາ2009; ກອງປະຊຸມອົງການສະຫະປະຊາຊາດປີ2003ໄດ້ອອກຍັດຕິ58/4 ໂດຍກໍານົດເອົາວັນທີ9ທັນວາຂອງທຸກໆປີເປັນວັນຕ້ານການສໍ້ລາດບັງຫຼວງສາກົນ. ນັບແຕ່ນັ້ນມາ, ວັນທີ9 ທັນວາໄດ້ກາຍເປັນວັນທີ່ມີຄວາມໝາຍສໍາຄັນແຫ່ງຄວາມສາມັກຄີໃນການຕໍ່ສູ້ຕ້ານການສໍ້ລາດບັງຫຼວງຂອງບັນດາປະຊາຊາດໃນໂລກ; ສຳລັບຄຳຂວັນໃນປີນີ້ໄດ້ອອກຄໍາຂວັນວ່າ“ສາມັກຄີຮ່ວມກັບປະຊາຄົມໂລກຕ້ານການສໍ້ລາດບັງຫຼວງ”. ໂດຍເຫັນໄດ້ຜົນສະທ້ອນອັນໃຫຍ່ຫຼວງ ແລະ ເປັນໄພອັນຕະລາຍທີ່ຮ້າຍແຮງຄືດັ່ງກ່າວ: ສູນກາງພັກ, ສະພາແຫ່ງຊາດ ແລະ ລັດຖະບານແຫ່ງສປປລາວຈຶ່ງຖືສໍາຄັນແລະເອົາໃຈໃສ່ຕໍ່ການສະກັດກັ້ນແລະຕ້ານການສໍ້ລາດບັງຫຼວງ, ຖືເອົາວຽກງານນີ້ເປັນໜ້າທີ່ແລະຄວາມຮັບຜິດຊອບຂອງພັກ-ລັດແລະ ການຈັດຕັ້ງທຸກຂັ້ນ ໄດ້ສຸມໃສ່ເຄື່ອນໄຫວວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ. ໃນນັ້ນ,ໄດ້ວາງນະໂຍບາຍ, ມະຕິ, ຄໍາສັ່ງແລະນິຕິກຳຕ່າງໆ ຫຼາຍສະບັບ ກ່ຽວກັບການສະກັດກັ້ນ ແລະ ຕ້ານການສໍ້ລາດບັງຫຼວງ; ໄດ້ເອົາໃຈໃສ່ສຶກສາອົບຮົມປູກຈິດສຳນຶກໃຫ້ແກ່ພະນັກງານ-ລັດຖະກອນ, ທະຫານ,ຕໍາຫຼວດ,ນັກຮຽນ-ນັກສຶກສາ, ປັນຍາຊົນ ແລະ ປະຊາຊົນ ທຸກຊັ້ນຄົນ ດ້ວຍຫຼາຍຮູບການ ເພື່ອໃຫ້ຮັບຮູ້-ເຂົ້າໃຈຢ່າງເລິກເຊິ່ງຕໍ່ຜົນຮ້າຍ ແລະໄພອັນຕະລາຍຮ້າຍແຮງຂອງການສໍ້ລາດບັງຫຼວງ; ມີສະຕິເຄົາລົບລະບຽບກົດໝາຍ, ເປັນເຈົ້າການເຂົ້າຮ່ວມການສະກັດກັ້ນ ແລະຕ້ານການສໍ້ລາດບັງຫຼວງ. ນອກນີ້, ຍັງໄດ້ພົວພັນປະສານງານກັບອົງການຈັດຕັ້ງສາກົນຕ່າງໆ.
ຂ່າວ: ກວດກາ-ພາບ: ສຳນານ
