ເພື່ອແລກປ່ຽນຂໍ້ມູນຂ່າວສານ, ການໂຄສະນາການທ່ອງທ່ຽວຂອງສອງປະເທດລາວ-ຈີນໃຫ້ນັບມື້ນັບຂະຫຍາຍຕົວກະຊວງຖະແຫຼງຂ່າວ, ວັດທະນະທຳແລະ ທ່ອງທ່ຽວ (ຖວທ), ສໍານັກຂ່າວຊິນຮົວ ສປຈີນ ແລະ ສະພາການຄ້າຊາວຈີນຕາງດ້າວ ປະຈຳ ລາວໄດ້ຈັດກອງປະຊຸມສົ່ງເສີມການທ່ອງທ່ຽວລາວ-ຈີນ ຂຶ້ນໃນວັນທີ 7 ທັນວາຜ່ານມາ ທີ່ ໂຮງແຮມແລນມາກ ນະຄອນຫຼວງວຽງຈັນ ຊຶ່ງເປັນກິດຈະກຳໜຶ່ງໃນແຜນຫອງປະຊຸມເວທີສົນທະນາການຮ່ວມມືລາວ-ຈີນ ພາຍໃຕ້ຫົວຂໍ້ໜຶ່ງແລວ ໜຶ່ງເສັ້ນທາງຝ່າຍລາວນຳໂດຍ ທ່ານ ຄົມ ດວງຈັນທາ ຫົວໜ້າກົມໂຄສະນາການທ່ອງທ່ຽວ ກະຊວງ ຖວທແລະ ຝ່າຍຈີນນຳໂດຍ ທ່ານ ລຸຈຸນ ອຳນວຍການສູນຂໍ້ມູນຂ່າວສານການທ່ອງທ່ຽວ ປະຈຳນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.
ທ່ານ ຄົມ ດວງຈັນທາ ກ່າວວ່າ: ໃນແຕ່ລະປີນັກທ່ອງທ່ຽວຈີນໄດ້ເດີນທາງເຂົ້າມາທ່ຽວລາວ ນັບມື້ເພີ່ມນັບຂຶ້ນ, ເປັນນັກທ່ອງທ່ຽວທີ່ມີຄຸນນະພາບ, ມີການໃຊ້ຈ່າຍສູງ. ໃນປີ 2019 ລັດຖະບານລາວ ໄດ້ຈັດຕັ້ງປະຕິບັດປີທ່ອງທ່ຽວລາວ-ຈີນ ຊຶ່ງເປັນເຫດການທີ່ສຳຄັນຂອງຂະແໜງການທ່ອງທ່ຽວ, ມີຫຼາຍກິດຈະກໍາດ້ານທ່ອງທ່ຽວທັງສອງກະຊວງໄດ້ຮ່ວມກັນຈັດຕັ້ງປະຕິບັດ ເປັນການເພີ່ມທະວີການຮ່ວມມື ເເລະ ອຳນວຍຄວາມສະດວກໃຫ້ແກ່ນັກທ່ອງທ່ຽວຈີນມາທ່ຽວ ສປປ ລາວ, ຫຼາຍກວ່າ 1 ລ້ານເທື່ອຄົນ, ເພີ່ມຂຶ້ນ 26% ຖ້າທຽບໃສ່ປີ 2018, ນັກທ່ອງທ່ຽວຈີນ ໄດ້ກາຍເປັນຕະຫຼາດສໍາຄັນ ແລະ ຈັດຢູ່ໃນທີ2 ຂອງນັກທ່ອງທ່ຽວ ທີ່ເດີນທາງມາທ່ຽວປະເທດລາວ.
ການເປີດເສັ້ນທາງລົດໄຟລາວ-ຈີນ ໄດ້ເອື້ອອໍານວຍຄວາມສະດວກໃຫ້ນັກທ່ອງທ່ຽວຈີນ ມາທ່ຽວລາວ, ນັກທ່ອງທ່ຽວລາວ ໄປທ່ຽວຈີນ ແລະ ນັກທ່ອງທ່ຽວປະເທດທີ 3 ມາທ່ຽວສອງປະເທດ. ສໍາລັບການເດີນທາງອາກາດ ປັດຈຸບັນນັກທ່ອງທ່ຽວສາມາດເດີນທາງສາຍການບິນລາວ ແລະ ສາຍການບິນ ChinaEastern Airlines ວຽງຈັນ-ກວ່າງໂຈ, ວຽງຈັນ-ຄຸນໝິງ. ນອກນີ້, ຍັງມີການຈັດຖ້ຽວບິນເໝົາລໍາຈາກ ສປ ຈີນ ມາລາວ ເພື່ອເປັນການຮອງຮັບນັກທ່ອງທ່ຽວຈີນມາທ່ຽວລາວ ລັດຖະບານລາວໄດ້ເອົາໃຈໃສ່ຊຸກຍູ້ ໃຫ້ພາກສ່ວນກ່ຽວຂ້ອງປັບປຸງສະຖານທີ່ພັກແຮມ, ແຫຼ່ງທ່ອງທ່ຽວ, ຜະລິດຕະພັນການທ່ອງທ່ຽວ, ການຂົນສົ່ງ, ທຸລະກິດປິ່ນອ້ອມ ໃຫ້ນັບມື້ນັບມີຄຸນນະພາບ, ມີຄວາມປອດໄພ ແລະ ຄວາມປະທັບໃຈ.
ໃນປີ 2024 ລັດຖະບານລາວ ໄດ້ປະກາດເປັນປີທ່ອງທ່ຽວລາວ “Visit Laos Year 2024ຊຶ່ງເປັນບັ້ນໂຄສະນາການທ່ອງທ່ຽວລາວ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວລາວຫຼາຍຂຶ້ນ, ເປັນການສົ່ງເສີມການທ່ອງທ່ຽວ, ການອະນຸລັກວັດທະນະທຳ, ຮີດຄອງປະເພນີອັນດີງາມ, ການເຜີຍແຜ່ປະຫວັດສາດອັນຍາວນານ, ການປົກປັກຮັກສາທຳມະຊາດໃຫ້ມີຄວາມຍືນຍົງຂອງ ສປປ ລາວ. ດັ່ງນັ້ນ ກະຊວງ ຖວທ, ພະແນກ ຖວທ ແຂວງ/ນະຄອນຫຼວງວຽງຈັນໄດ້ກະກຽມຫຼາກຫຼາຍກິດຈະກຳ ເເລະ ຜະລິດຕະພັນການທ່ອງທ່ຽວທີ່ໜ້າສົນໃຈ ໄວ້ຕ້ອນຮັບນັກທ່ອງທ່ຽວຈາກພາກພື້ນ ແລະ ສາກົນ ລວມທັງນັກທ່ອງທ່ຽວຈີນ; ໄດ້ກຳນົດປະຕິທິນທ່ອງທ່ຽວ ທັງໝົດ 79 ລາຍການ ແລະ ໄດ້ແບ່ງອອກ 14 ລາຍການລະດັບຊາດ 65 ລາຍການລະດັບທ້ອງຖິ່ນ. ນັກທ່ອງທ່ຽວສາມາດເຂົ້າເຖິງຂໍ້ມູນຂ່າວສານດັ່ງກ່າວ ແລະ ຈັດສັນເວລາທີ່ເໝາະສົມຂອງຕົນ ເພື່ອເດີນທາງມາທ່ຽວລາວ; ການຈັດປີທ່ອງທ່ຽວລາວ 2024 ນີ້ ຍັງເປັນການຊຸກຍູ້ເສດຖະກິດທາງກົງ ແລະ ທາງອ້ອມ, ການມີສ່ວນຮ່ວມຂອງທຸກພາກສ່ວນ ໂດຍສະເພາະແມ່ນບັນດາຫົວໜ່ວຍທຸລະກິດ ທີ່ປິ່ນອ້ອມໃນຂະແໜງການທ່ອງທ່ຽວ; ຄາດຄະເນນັກທ່ອງທ່ຽວສາກົນຈະເດີນທາງມາທ່ຽວ ສປປ ລາວ ປະມານ 2,7 ລ້ານເທື່ອຄົນ, ສ້າງລາຍຮັບຈາກການທ່ອງທ່ຽວ ໄດ້ປະມານ 401 ລ້ານ ໂດລາແລະ ໃນປີ 2025 ນັກທ່ອງທ່ຽວສາກົນຈະບັນລຸເຖິງ 2,9 ລ້ານເທື່ອຄົນ ແລະ ສ້າງລາຍຮັບຈາກການທ່ອງທ່ຽວໄດ້ 434ລ້ານໂດລາ.
ທ່ານ ຄົມ ດວງຈັນທາ ຍັງສະເໜີໃຫ້ ສປ ຈີນ ຊ່ວຍໂຄສະນາ, ການຂຽນຂ່າວ-ອອກຂ່າວ ກ່ຽວກັບປີທ່ອງທ່ຽວລາວ 2024 ຈະເຮັດແນວໃດ ເພື່ອໃຫ້ນັກທ່ອງທ່ຽວຈີນໄດ້ຮັບຮູ້ ແລະ ເຂົ້າເຖິງຂໍ້ມູນຂ່າວສານການ ທ່ອງທ່ຽວລາວຢ່າງກວ້າງຂວາງ ແລະ ສະເໜີມາຍັງຜູ້ປະກອບການທຸລະກິດທ່ອງທ່ຽວຈີນ ນຳສະເໜີລາຍການທ່ອງທ່ຽວລາວ ເພື່ອເຮັດໃຫ້ນັກທ່ອງທ່ຽວຈີນ ມີການວາງແຜນການເດີນທາງມາທ່ອງທ່ຽວລາວ ປະກອບສ່ວນເຮັດໃຫ້ປີທ່ອງທ່ຽວລາວ 2024 ບັນລຸຜົນສຳເລັດຕາມແຜນການທີ່ວາງໄວ້.
(ຂ່າວ-ພາບ: ວັນເພັງ)
ທ່ານ ຄົມ ດວງຈັນທາ ກ່າວວ່າ: ໃນແຕ່ລະປີນັກທ່ອງທ່ຽວຈີນໄດ້ເດີນທາງເຂົ້າມາທ່ຽວລາວ ນັບມື້ເພີ່ມນັບຂຶ້ນ, ເປັນນັກທ່ອງທ່ຽວທີ່ມີຄຸນນະພາບ, ມີການໃຊ້ຈ່າຍສູງ. ໃນປີ 2019 ລັດຖະບານລາວ ໄດ້ຈັດຕັ້ງປະຕິບັດປີທ່ອງທ່ຽວລາວ-ຈີນ ຊຶ່ງເປັນເຫດການທີ່ສຳຄັນຂອງຂະແໜງການທ່ອງທ່ຽວ, ມີຫຼາຍກິດຈະກໍາດ້ານທ່ອງທ່ຽວທັງສອງກະຊວງໄດ້ຮ່ວມກັນຈັດຕັ້ງປະຕິບັດ ເປັນການເພີ່ມທະວີການຮ່ວມມື ເເລະ ອຳນວຍຄວາມສະດວກໃຫ້ແກ່ນັກທ່ອງທ່ຽວຈີນມາທ່ຽວ ສປປ ລາວ, ຫຼາຍກວ່າ 1 ລ້ານເທື່ອຄົນ, ເພີ່ມຂຶ້ນ 26% ຖ້າທຽບໃສ່ປີ 2018, ນັກທ່ອງທ່ຽວຈີນ ໄດ້ກາຍເປັນຕະຫຼາດສໍາຄັນ ແລະ ຈັດຢູ່ໃນທີ2 ຂອງນັກທ່ອງທ່ຽວ ທີ່ເດີນທາງມາທ່ຽວປະເທດລາວ.
ການເປີດເສັ້ນທາງລົດໄຟລາວ-ຈີນ ໄດ້ເອື້ອອໍານວຍຄວາມສະດວກໃຫ້ນັກທ່ອງທ່ຽວຈີນ ມາທ່ຽວລາວ, ນັກທ່ອງທ່ຽວລາວ ໄປທ່ຽວຈີນ ແລະ ນັກທ່ອງທ່ຽວປະເທດທີ 3 ມາທ່ຽວສອງປະເທດ. ສໍາລັບການເດີນທາງອາກາດ ປັດຈຸບັນນັກທ່ອງທ່ຽວສາມາດເດີນທາງສາຍການບິນລາວ ແລະ ສາຍການບິນ ChinaEastern Airlines ວຽງຈັນ-ກວ່າງໂຈ, ວຽງຈັນ-ຄຸນໝິງ. ນອກນີ້, ຍັງມີການຈັດຖ້ຽວບິນເໝົາລໍາຈາກ ສປ ຈີນ ມາລາວ ເພື່ອເປັນການຮອງຮັບນັກທ່ອງທ່ຽວຈີນມາທ່ຽວລາວ ລັດຖະບານລາວໄດ້ເອົາໃຈໃສ່ຊຸກຍູ້ ໃຫ້ພາກສ່ວນກ່ຽວຂ້ອງປັບປຸງສະຖານທີ່ພັກແຮມ, ແຫຼ່ງທ່ອງທ່ຽວ, ຜະລິດຕະພັນການທ່ອງທ່ຽວ, ການຂົນສົ່ງ, ທຸລະກິດປິ່ນອ້ອມ ໃຫ້ນັບມື້ນັບມີຄຸນນະພາບ, ມີຄວາມປອດໄພ ແລະ ຄວາມປະທັບໃຈ.
ໃນປີ 2024 ລັດຖະບານລາວ ໄດ້ປະກາດເປັນປີທ່ອງທ່ຽວລາວ “Visit Laos Year 2024ຊຶ່ງເປັນບັ້ນໂຄສະນາການທ່ອງທ່ຽວລາວ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວລາວຫຼາຍຂຶ້ນ, ເປັນການສົ່ງເສີມການທ່ອງທ່ຽວ, ການອະນຸລັກວັດທະນະທຳ, ຮີດຄອງປະເພນີອັນດີງາມ, ການເຜີຍແຜ່ປະຫວັດສາດອັນຍາວນານ, ການປົກປັກຮັກສາທຳມະຊາດໃຫ້ມີຄວາມຍືນຍົງຂອງ ສປປ ລາວ. ດັ່ງນັ້ນ ກະຊວງ ຖວທ, ພະແນກ ຖວທ ແຂວງ/ນະຄອນຫຼວງວຽງຈັນໄດ້ກະກຽມຫຼາກຫຼາຍກິດຈະກຳ ເເລະ ຜະລິດຕະພັນການທ່ອງທ່ຽວທີ່ໜ້າສົນໃຈ ໄວ້ຕ້ອນຮັບນັກທ່ອງທ່ຽວຈາກພາກພື້ນ ແລະ ສາກົນ ລວມທັງນັກທ່ອງທ່ຽວຈີນ; ໄດ້ກຳນົດປະຕິທິນທ່ອງທ່ຽວ ທັງໝົດ 79 ລາຍການ ແລະ ໄດ້ແບ່ງອອກ 14 ລາຍການລະດັບຊາດ 65 ລາຍການລະດັບທ້ອງຖິ່ນ. ນັກທ່ອງທ່ຽວສາມາດເຂົ້າເຖິງຂໍ້ມູນຂ່າວສານດັ່ງກ່າວ ແລະ ຈັດສັນເວລາທີ່ເໝາະສົມຂອງຕົນ ເພື່ອເດີນທາງມາທ່ຽວລາວ; ການຈັດປີທ່ອງທ່ຽວລາວ 2024 ນີ້ ຍັງເປັນການຊຸກຍູ້ເສດຖະກິດທາງກົງ ແລະ ທາງອ້ອມ, ການມີສ່ວນຮ່ວມຂອງທຸກພາກສ່ວນ ໂດຍສະເພາະແມ່ນບັນດາຫົວໜ່ວຍທຸລະກິດ ທີ່ປິ່ນອ້ອມໃນຂະແໜງການທ່ອງທ່ຽວ; ຄາດຄະເນນັກທ່ອງທ່ຽວສາກົນຈະເດີນທາງມາທ່ຽວ ສປປ ລາວ ປະມານ 2,7 ລ້ານເທື່ອຄົນ, ສ້າງລາຍຮັບຈາກການທ່ອງທ່ຽວ ໄດ້ປະມານ 401 ລ້ານ ໂດລາແລະ ໃນປີ 2025 ນັກທ່ອງທ່ຽວສາກົນຈະບັນລຸເຖິງ 2,9 ລ້ານເທື່ອຄົນ ແລະ ສ້າງລາຍຮັບຈາກການທ່ອງທ່ຽວໄດ້ 434ລ້ານໂດລາ.
ທ່ານ ຄົມ ດວງຈັນທາ ຍັງສະເໜີໃຫ້ ສປ ຈີນ ຊ່ວຍໂຄສະນາ, ການຂຽນຂ່າວ-ອອກຂ່າວ ກ່ຽວກັບປີທ່ອງທ່ຽວລາວ 2024 ຈະເຮັດແນວໃດ ເພື່ອໃຫ້ນັກທ່ອງທ່ຽວຈີນໄດ້ຮັບຮູ້ ແລະ ເຂົ້າເຖິງຂໍ້ມູນຂ່າວສານການ ທ່ອງທ່ຽວລາວຢ່າງກວ້າງຂວາງ ແລະ ສະເໜີມາຍັງຜູ້ປະກອບການທຸລະກິດທ່ອງທ່ຽວຈີນ ນຳສະເໜີລາຍການທ່ອງທ່ຽວລາວ ເພື່ອເຮັດໃຫ້ນັກທ່ອງທ່ຽວຈີນ ມີການວາງແຜນການເດີນທາງມາທ່ອງທ່ຽວລາວ ປະກອບສ່ວນເຮັດໃຫ້ປີທ່ອງທ່ຽວລາວ 2024 ບັນລຸຜົນສຳເລັດຕາມແຜນການທີ່ວາງໄວ້.
(ຂ່າວ-ພາບ: ວັນເພັງ)
