ກອງປະຊຸມສໍາມະນາການຮ່ວມມືດ້ານກະສິກໍາ ແລະ ການແກ້ໄຂຄວາມທຸກຍາກຢ່າງຖືກເປົ້າໝາຍລາວ-ຈີນ ໄດ້ມີຂຶ້ນໃນວັນທີ 7 ທັນວາ ຜ່ານມາ ທີ່ ໂຮງແຮມແລນມາກໃນໂອກາດກອງປະຊຸມສົນທະນາການຮ່ວມມືລາວ-ຈີນ ພາຍໃຕ້ຫົວຂໍ້ ໜຶ່ງແລວ ໜຶ່ງເສັ້ນທາງ ຄັ້ງທີ II, ໂດຍການເປັນປະທານຂອງທ່ານ ຈິນ ເວີນ ເສິງ ຫົວໜ້າສູນຄົ້ນຄວ້າເສດຖະກິດຊົນນະບົດ, ກະຊວງກະສິກໍາ ແລະ ຊົນນະບົດ ສປ ຈີນ ແລະ ມີຂະແໜງການກ່ຽວຂ້ອງຂອງສອງຝ່າຍເຂົ້າຮ່ວມ.
ກອງປະຊຸມຄັ້ງນີ້, ໄດ້ລາຍງານກ່ຽວກັບການຄົ້ນຄວ້າກະສິກໍາ ແລະ ເປົ້າໝາຍຫຼຸດຜ່ອນຄວາມທຸກຍາກຂອງ ສປປ ລາວ ຈາກສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດຂອງ ສປປ ລາວ, ລາຍງານການພັດທະນາດ້ານກະສິກໍາຈີນທີ່ຢູ່ຕ່າງປະເທດ, ລາຍງານການສົ່ງເສີມການພັດທະນາຄຸນນະພາບກະສິກໍາຂອງລາວ ຈາກບໍລິສັດ ອາຊີ-ໂປຕັດ ອິນເຕີເນຊັນນໍ ອິນເວສເມັນ, ລາຍງານບົດຮຽນການພັດທະນາຢູ່ ສປປ ລາວ ຂອງກຸ່ມບໍລິສັດ ໂລໂວນ ຄອນສະຕຣັດຊັນ ມາຊີນເນຣີ ກຣຸບ ແລະ ການສະເໜີບົດຮຽນການຈັດຕັ້ງປະຕິບັດການຫຼຸດຜ່ອນຄວາມທຸກຍາກຂອງຂະແໜງການຈໍານວນໜຶ່ງລາວ ແລະ ຈີນ.
ທ່ານ ສົມນຶກ ສຸວັດ ຮອງຫົວໜ້າສູນຄົ້ນຄວ້າເຂົ້າ ແລະ ພືດເສດຖະກິດ ສະຖາບັນຄົ້ນຄວ້າກະສິກຳ,ປ່າໄມ້ ແລະ ພັດທະນາຊົນນະບົດ (ສກປພ) ກ່າວວ່າ: ຂະແໜງການຕົນ ມີຍຸດທະສາດການຄົ້ນຄວ້າກະສິກໍາ ແລະ ປ່າໄມ້ ຮອດ 2025 ແລະ ວິໄສທັດ ເຖິງ 2030 ໂດຍປະຕິບັດການຄົ້ນຄວ້າແບບປະສົມປະສານເພື່ອການພັດທະນາ. ຄຽງຄູ່ກັນນີ້, ສກປພ ໄດ້ຮ່ວມມືຢ່າງຕັ້ງໜ້າກັບບັນດາສະຖາບັນພາຍໃນ ແລະ ຕ່າງປະເທດ ລວມທັງມະຫາວິທະຍາໄລຕ່າງໆ ໃນການຄົ້ນຄວ້າ ແລະ ພັດທະນາວຽກງານກະສິກໍາ-ປ່າໄມ້ ໃຫ້ມີການພັດທະນາຢ່າງຕໍ່ເນື່ອງ ໂດຍສະເພາະໄດ້ມີການຮວ່ມມື ແລະ ເຊັນບົດບັນທຶກ ຄວາມເຂົ້າໃຈ ກັບບັນດາສະຖາບັນ, ມະຫາວິທະຍາໄລຕ່າງໆ, ໃນນີ້ມີ ມະຫາວິທະຍາໄລ ແລະ ສະຖາບັນຄົ້ນຄວ້າວິທະຍາສາດກະສິກຳ-ປ່າໄມ້ ຂອງ ສປ ຈີນ ຫຼາຍແຫ່ງເຊັ່ນ: Yunnan Academy of Agricultural Sciences (YAAS), Guangxi Academy of Agricultural Sciences (GXAAS), Guangxi Institute of Standards and Technology (GXIST), Yuanye Company , Kunming institute of Botany (KIB) , ວິທະຍາໄລ ວິຊາຊີບເຕັກນິກກະສິກໍາ ແຂວງກວາງຊີ ທີ່ກຳລັງຈັດຕັ້ງປະຕິບັດ ໂຄງການສູນທົດລອງແນວພັນພືດທີ່ດີຮ່ວມມື ລາວ-ຈີນ, ສູນຄົ້ນຄວ້າວິໄຈຢາງພາລາ ແລະ ພືດກະສິກຳ ແລະ ໂຄງການອື່ນໆອີກ. ອີງຕາມແຜນຍຸດທະສາດການຄົ້ນຄວ້າ ແລະ ການຮ່ວມມືດັ່ງກ່າວຂ້າງເທິງນັ້ນ ສກປພ ໄດ້ສາມາດຄົ້ນຄວ້າພັດທະນາແນວພັນພືດ, ພັນສັດໃໝ່ຫຼາຍແນວພັນເຊັ່ນ: ແນວພັນເຂົ້າ, ມັນຕົ້ນ ແລະ ສາລີ ທີ່ມີຄວາມທົນທານຕໍ່ການປ່ຽນແປງດິນຟ້າອາກາດ, ນໍ້າຖວ້ມ, ແຫ້ງແລ້ງ ແລະ ພະຍາດ-ສັດຕູພືດ. ພ້ອມນີ້ກໍໄດ້ຄົ້ນຄວ້າບັນດາເຕັກນິກຕ່າງໆ ເພື່ອສະໜອງໃຫ້ຊາວກະສິກອນເຂດຊົນນະບົດໃນເຂດຫ່າງໄກສາມາດປູກ ແລະ ບໍລິໂພກ ເປັນການປະກອບສ່ວນແກ້ໄຂຄວາມທຸກຍາກ.
(ຂ່າວ-ພາບ: ວັນເພັງ)
ກອງປະຊຸມຄັ້ງນີ້, ໄດ້ລາຍງານກ່ຽວກັບການຄົ້ນຄວ້າກະສິກໍາ ແລະ ເປົ້າໝາຍຫຼຸດຜ່ອນຄວາມທຸກຍາກຂອງ ສປປ ລາວ ຈາກສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດຂອງ ສປປ ລາວ, ລາຍງານການພັດທະນາດ້ານກະສິກໍາຈີນທີ່ຢູ່ຕ່າງປະເທດ, ລາຍງານການສົ່ງເສີມການພັດທະນາຄຸນນະພາບກະສິກໍາຂອງລາວ ຈາກບໍລິສັດ ອາຊີ-ໂປຕັດ ອິນເຕີເນຊັນນໍ ອິນເວສເມັນ, ລາຍງານບົດຮຽນການພັດທະນາຢູ່ ສປປ ລາວ ຂອງກຸ່ມບໍລິສັດ ໂລໂວນ ຄອນສະຕຣັດຊັນ ມາຊີນເນຣີ ກຣຸບ ແລະ ການສະເໜີບົດຮຽນການຈັດຕັ້ງປະຕິບັດການຫຼຸດຜ່ອນຄວາມທຸກຍາກຂອງຂະແໜງການຈໍານວນໜຶ່ງລາວ ແລະ ຈີນ.
ທ່ານ ສົມນຶກ ສຸວັດ ຮອງຫົວໜ້າສູນຄົ້ນຄວ້າເຂົ້າ ແລະ ພືດເສດຖະກິດ ສະຖາບັນຄົ້ນຄວ້າກະສິກຳ,ປ່າໄມ້ ແລະ ພັດທະນາຊົນນະບົດ (ສກປພ) ກ່າວວ່າ: ຂະແໜງການຕົນ ມີຍຸດທະສາດການຄົ້ນຄວ້າກະສິກໍາ ແລະ ປ່າໄມ້ ຮອດ 2025 ແລະ ວິໄສທັດ ເຖິງ 2030 ໂດຍປະຕິບັດການຄົ້ນຄວ້າແບບປະສົມປະສານເພື່ອການພັດທະນາ. ຄຽງຄູ່ກັນນີ້, ສກປພ ໄດ້ຮ່ວມມືຢ່າງຕັ້ງໜ້າກັບບັນດາສະຖາບັນພາຍໃນ ແລະ ຕ່າງປະເທດ ລວມທັງມະຫາວິທະຍາໄລຕ່າງໆ ໃນການຄົ້ນຄວ້າ ແລະ ພັດທະນາວຽກງານກະສິກໍາ-ປ່າໄມ້ ໃຫ້ມີການພັດທະນາຢ່າງຕໍ່ເນື່ອງ ໂດຍສະເພາະໄດ້ມີການຮວ່ມມື ແລະ ເຊັນບົດບັນທຶກ ຄວາມເຂົ້າໃຈ ກັບບັນດາສະຖາບັນ, ມະຫາວິທະຍາໄລຕ່າງໆ, ໃນນີ້ມີ ມະຫາວິທະຍາໄລ ແລະ ສະຖາບັນຄົ້ນຄວ້າວິທະຍາສາດກະສິກຳ-ປ່າໄມ້ ຂອງ ສປ ຈີນ ຫຼາຍແຫ່ງເຊັ່ນ: Yunnan Academy of Agricultural Sciences (YAAS), Guangxi Academy of Agricultural Sciences (GXAAS), Guangxi Institute of Standards and Technology (GXIST), Yuanye Company , Kunming institute of Botany (KIB) , ວິທະຍາໄລ ວິຊາຊີບເຕັກນິກກະສິກໍາ ແຂວງກວາງຊີ ທີ່ກຳລັງຈັດຕັ້ງປະຕິບັດ ໂຄງການສູນທົດລອງແນວພັນພືດທີ່ດີຮ່ວມມື ລາວ-ຈີນ, ສູນຄົ້ນຄວ້າວິໄຈຢາງພາລາ ແລະ ພືດກະສິກຳ ແລະ ໂຄງການອື່ນໆອີກ. ອີງຕາມແຜນຍຸດທະສາດການຄົ້ນຄວ້າ ແລະ ການຮ່ວມມືດັ່ງກ່າວຂ້າງເທິງນັ້ນ ສກປພ ໄດ້ສາມາດຄົ້ນຄວ້າພັດທະນາແນວພັນພືດ, ພັນສັດໃໝ່ຫຼາຍແນວພັນເຊັ່ນ: ແນວພັນເຂົ້າ, ມັນຕົ້ນ ແລະ ສາລີ ທີ່ມີຄວາມທົນທານຕໍ່ການປ່ຽນແປງດິນຟ້າອາກາດ, ນໍ້າຖວ້ມ, ແຫ້ງແລ້ງ ແລະ ພະຍາດ-ສັດຕູພືດ. ພ້ອມນີ້ກໍໄດ້ຄົ້ນຄວ້າບັນດາເຕັກນິກຕ່າງໆ ເພື່ອສະໜອງໃຫ້ຊາວກະສິກອນເຂດຊົນນະບົດໃນເຂດຫ່າງໄກສາມາດປູກ ແລະ ບໍລິໂພກ ເປັນການປະກອບສ່ວນແກ້ໄຂຄວາມທຸກຍາກ.
(ຂ່າວ-ພາບ: ວັນເພັງ)
