ທ່ານທອງສະຫວັນ ພົມວິຫານຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານໂພຣ ແຄລີເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງອົສຕຣາລີປະຈຳສປປລາວ ໃນໂອກາດສຳເລັດການປະຕິບັດໜ້າທີ່ການທູດຢູ່ສປປລາວໃນວັນທີ13 ທັນວານີ້ ທີ່ສຳນັກງານຄະນະພົວພັນຕ່າງປະເທດສູນກາງພັກ (ຄຕພ).
ໃນໂອກາດດັ່ງກ່າວ, ທ່ານ ທອງສະຫວັນ ພົມວິຫານ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດໃນການປະຕິບັດໜ້າທີ່ການທູດຢູ່ສປປລາວຂອງທ່ານເອກອັກຄະລັດຖະທູດ ຊຶ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງລາວ-ອົສຕຣາລີ,ນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ. ຈາກນັ້ນ, ທ່ານທອງສະຫວັນ ພົມວິຫານ ໄດ້ຕີລາຄາສູງຕໍ່ສາຍພົວພັນການຮ່ວມມື ລາວ-ອົສຕຣາລີ ໃນຕະຫຼອດໄລຍະຜ່ານມາ, ໂດຍສະເພາະໃນໄລຍະທີ່ທ່ານທູດມາປະຕິບັດໜ້າທີ່ ຢູ່ ສປປ ລາວ, ອັນໄດ້ເຮັດໃຫ້ການພົວພັນສອງຝ່າຍໄດ້ຮັບການຂະຫຍາຍຕົວຢ່າງຕໍ່ເນື່ອງ, ໂດຍສະເພາະການພົວພັນການທູດສອງຝ່າຍ ກໍຢູ່ໃນໄລຍະກະກຽມຍົກລະດັບເປັນຄູ່ຮ່ວມມືແບບກວມລວມ ໃນປີ 2024 ແລະ ໃນການພົວພັນການທູດປະຊາຊົນສອງຝ່າຍກໍໄດ້ຕົກລົງສ້າງຕັ້ງສະມາຄົມມິດຕະພາບ ລາວ-ອົສຕຣາລີ ແລະ ອົສຕຣາລີ-ລາວ ແລ້ວ ປັດຈຸບັນທັງສອງຝ່າຍກໍາລັງແຕ່ງຕັ້ງຄະນະບໍລິຫານງານສະມາຄົມຕາມຂັ້ນຕອນພາຍໃນຂອງແຕ່ລະຝ່າຍ. ພ້ອມນັ້ນ, ທັງສອງຝ່າຍກໍຍັງສືບຕໍ່ໃຫ້ການສະໜັບສະໜູນຊ່ວຍເຫຼືອຊຶ່ງກັນ ແລະ ກັນທັງໃນຂອບສອງຝ່າຍ, ຫຼາຍຝ່າຍ ໃນພາກພື້ນ ແລະ ສາກົນ.
ທ່ານທອງສະຫວັນ ພົມວິຫານຍັງໄດ້ຕີລາຄາສູງຕໍ່ບົດບາດ ແລະ ການປະກອບສ່ວນຂອງເອກອັກຄະລັດຖະທູດໃນການເປັນຂົວເຊື່ອມມິດຕະພາບອັນດີ ລະຫວ່າງ 2 ປະເທດ, ກໍຄື ການຊຸກຍູ້ການໄປມາຫາສູ່ກັນຂອງປະຊາຊົນ 2 ຊາດ, ລວມທັງຊຸກຍູ້ລັດຖະບານອົສຕຣາລີ ຊ່ວຍເຫຼືອໃນດ້ານຕ່າງໆໃຫ້ແກ່ ສປປ ລາວ ໃນຜ່ານມາ, ເປັນຕົ້ນການຊ່ວຍເຫຼືອດ້ານການສຶກສາ, ສາທາລະນະສຸກ, ກະສິກໍາ, ສິ່ງແວດລ້ອມ, ການຊ່ວຍເຫຼືອດ້ານມະນຸດສະທໍາ ແລະ ອື່ນໆ ຊຶ່ງເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະການພັດທະນາຊັບພະຍາກອນມະນຸດຂອງ ສປປ ລາວ.
ທ່ານໂພຣ ແຄລີໄດ້ສະແດງຄວາມຂອບໃຈຢ່າງຈິງໃຈມາຍັງ ທ່ານ ທອງສະຫວັນ ພົມວິຫານ ທີ່ໄດ້ໃຫ້ການຕ້ອນຮັບອັນອົບອຸ່ນ, ພ້ອມທັງສະແດງຄວາມຂອບໃຈຕໍ່ ລັດຖະບານສປປລາວ ກໍຄື ຄະນະພົວພັນຕ່າງປະເທດສູນກາງພັກທີ່ໄດ້ໃຫ້ການຮ່ວມມືສະໜັບສະໜູນຊ່ວຍເຫຼືອແລະອຳນວຍຄວາມສະດວກໃນການປະຕິບັດໜ້າທີ່ການທູດຂອງຕົນຢູ່ ສປປ ລາວ ໃນໄລຍະຜ່ານມາ.ພ້ອມທັງຢືນຢັນວ່າພາຍຫຼັງກັບຄືນມາປະເທດ ຍັງຈະສືບຕໍ່ປະກອບສ່ວນເຫື່ອແຮງເຂົ້າໃນການເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນ ລາວ-ອົສຕຣາລີ ໃຫ້ສືບຕໍ່ໄດ້ຮັບການຂະຫຍາຍຕົວໃນຕໍ່ໜ້າ.
ໃນໂອກາດນີ້,ທ່ານຫົວໜ້າຄະນະພົວພັນຕ່າງປະເທດສູນກາງພັກໄດ້ອວຍພອນສາຍພົວພັນການຮ່ວມມື ລາວ-ອົສຕຣາລີ ຈົ່ງສືບຕໍ່ໄດ້ຮັບການເພີ່ມພູນຄູນສ້າງ ແລະ ງອກງາມຍິ່ງຂຶ້ນ, ອວຍພອນໃຫ້ທ່ານທູດອົສຕຣາລີ ຈົ່ງມີພະລານາໄມສົມບູນ ແລະ ເດີນທາງກັບຄືນປະເທດດ້ວຍຄວມສະຫວັດດີພາບທຸກປະການ.
(ຂ່າວ-ພາບ: ແສງຈັນ)
ໃນໂອກາດດັ່ງກ່າວ, ທ່ານ ທອງສະຫວັນ ພົມວິຫານ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດໃນການປະຕິບັດໜ້າທີ່ການທູດຢູ່ສປປລາວຂອງທ່ານເອກອັກຄະລັດຖະທູດ ຊຶ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງລາວ-ອົສຕຣາລີ,ນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ. ຈາກນັ້ນ, ທ່ານທອງສະຫວັນ ພົມວິຫານ ໄດ້ຕີລາຄາສູງຕໍ່ສາຍພົວພັນການຮ່ວມມື ລາວ-ອົສຕຣາລີ ໃນຕະຫຼອດໄລຍະຜ່ານມາ, ໂດຍສະເພາະໃນໄລຍະທີ່ທ່ານທູດມາປະຕິບັດໜ້າທີ່ ຢູ່ ສປປ ລາວ, ອັນໄດ້ເຮັດໃຫ້ການພົວພັນສອງຝ່າຍໄດ້ຮັບການຂະຫຍາຍຕົວຢ່າງຕໍ່ເນື່ອງ, ໂດຍສະເພາະການພົວພັນການທູດສອງຝ່າຍ ກໍຢູ່ໃນໄລຍະກະກຽມຍົກລະດັບເປັນຄູ່ຮ່ວມມືແບບກວມລວມ ໃນປີ 2024 ແລະ ໃນການພົວພັນການທູດປະຊາຊົນສອງຝ່າຍກໍໄດ້ຕົກລົງສ້າງຕັ້ງສະມາຄົມມິດຕະພາບ ລາວ-ອົສຕຣາລີ ແລະ ອົສຕຣາລີ-ລາວ ແລ້ວ ປັດຈຸບັນທັງສອງຝ່າຍກໍາລັງແຕ່ງຕັ້ງຄະນະບໍລິຫານງານສະມາຄົມຕາມຂັ້ນຕອນພາຍໃນຂອງແຕ່ລະຝ່າຍ. ພ້ອມນັ້ນ, ທັງສອງຝ່າຍກໍຍັງສືບຕໍ່ໃຫ້ການສະໜັບສະໜູນຊ່ວຍເຫຼືອຊຶ່ງກັນ ແລະ ກັນທັງໃນຂອບສອງຝ່າຍ, ຫຼາຍຝ່າຍ ໃນພາກພື້ນ ແລະ ສາກົນ.
ທ່ານທອງສະຫວັນ ພົມວິຫານຍັງໄດ້ຕີລາຄາສູງຕໍ່ບົດບາດ ແລະ ການປະກອບສ່ວນຂອງເອກອັກຄະລັດຖະທູດໃນການເປັນຂົວເຊື່ອມມິດຕະພາບອັນດີ ລະຫວ່າງ 2 ປະເທດ, ກໍຄື ການຊຸກຍູ້ການໄປມາຫາສູ່ກັນຂອງປະຊາຊົນ 2 ຊາດ, ລວມທັງຊຸກຍູ້ລັດຖະບານອົສຕຣາລີ ຊ່ວຍເຫຼືອໃນດ້ານຕ່າງໆໃຫ້ແກ່ ສປປ ລາວ ໃນຜ່ານມາ, ເປັນຕົ້ນການຊ່ວຍເຫຼືອດ້ານການສຶກສາ, ສາທາລະນະສຸກ, ກະສິກໍາ, ສິ່ງແວດລ້ອມ, ການຊ່ວຍເຫຼືອດ້ານມະນຸດສະທໍາ ແລະ ອື່ນໆ ຊຶ່ງເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະການພັດທະນາຊັບພະຍາກອນມະນຸດຂອງ ສປປ ລາວ.
ທ່ານໂພຣ ແຄລີໄດ້ສະແດງຄວາມຂອບໃຈຢ່າງຈິງໃຈມາຍັງ ທ່ານ ທອງສະຫວັນ ພົມວິຫານ ທີ່ໄດ້ໃຫ້ການຕ້ອນຮັບອັນອົບອຸ່ນ, ພ້ອມທັງສະແດງຄວາມຂອບໃຈຕໍ່ ລັດຖະບານສປປລາວ ກໍຄື ຄະນະພົວພັນຕ່າງປະເທດສູນກາງພັກທີ່ໄດ້ໃຫ້ການຮ່ວມມືສະໜັບສະໜູນຊ່ວຍເຫຼືອແລະອຳນວຍຄວາມສະດວກໃນການປະຕິບັດໜ້າທີ່ການທູດຂອງຕົນຢູ່ ສປປ ລາວ ໃນໄລຍະຜ່ານມາ.ພ້ອມທັງຢືນຢັນວ່າພາຍຫຼັງກັບຄືນມາປະເທດ ຍັງຈະສືບຕໍ່ປະກອບສ່ວນເຫື່ອແຮງເຂົ້າໃນການເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນ ລາວ-ອົສຕຣາລີ ໃຫ້ສືບຕໍ່ໄດ້ຮັບການຂະຫຍາຍຕົວໃນຕໍ່ໜ້າ.
ໃນໂອກາດນີ້,ທ່ານຫົວໜ້າຄະນະພົວພັນຕ່າງປະເທດສູນກາງພັກໄດ້ອວຍພອນສາຍພົວພັນການຮ່ວມມື ລາວ-ອົສຕຣາລີ ຈົ່ງສືບຕໍ່ໄດ້ຮັບການເພີ່ມພູນຄູນສ້າງ ແລະ ງອກງາມຍິ່ງຂຶ້ນ, ອວຍພອນໃຫ້ທ່ານທູດອົສຕຣາລີ ຈົ່ງມີພະລານາໄມສົມບູນ ແລະ ເດີນທາງກັບຄືນປະເທດດ້ວຍຄວມສະຫວັດດີພາບທຸກປະການ.
(ຂ່າວ-ພາບ: ແສງຈັນ)
