ຫ້ອງການຜູ້ປະສານງານ ອົງການສປຊ ປະຈຳ ສປປ ລາວ ໄດ້ຈັດກອງປະຊຸມວິຊາການຂອງຄະນະກຳມະການຊີ້ນໍາຮ່ວມ ໃນຂອບວຽກການຮ່ວມມື ເພື່ອການພັດທະນາແບບຍືນຍົງ ລະຫວ່າງ ລັດຖະບານແຫ່ງ ສປປ ລາວ ແລະ ອົງການ ສປຊ ສົກປີ 2022-2026 (Technical Meeting of the Joint Streering Committee for the Lao PDR-UN Sustainable Development Cooperation Framework 2022-2026), ໃນວັນທີ 15 ທັນວານີ້ທີ່ ໂຮງແຮມແລນມາກ ນະຄອນຫຼວງວຽງຈັນພາຍໃຕ້ການເປັນປະທານຮ່ວມ ຂອງທ່ານ ດາວວີ ວົງໄຊຫົວໜ້າກົມອົງການຈັດຕັ້ງສາກົນກະຊວງການຕ່າງປະເທດ ແລະ ທ່ານ Marc-André Prost ຜູ້ຕາງໜ້າອົງການອາຫານໂລກWFP ປະຈຳ ສປປ ລາວຮັກສາການຜູ້ຕາງໜ້າຫ້ອງການຜູ້ປະສານງານອົງການ ສປຊ ປະຈຳ ສປປ ລາວ, ມີພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງກອງປະຊຸມ ເພື່ອປຶກສາຫາລື ກ່ຽວກັບການປ່ຽນແປງສະພາບການພັດທະນາຂອງ ສປປ ລາວ ໃນປີ 2023 ພ້ອມທັງແຈ້ງແຜນການ ແລະ ບຸລິມະສິດປີ 2024, ການຕອບສະໜອງຕາມຄວາມຮຽກຮ້ອງທີ່ຖືກຍົກຂຶ້ນມາໃນເດືອນກໍລະກົດ 2023 ຂອງກອງປະຊຸມ JSC ສໍາລັບການນໍາສະເໜີລວມ ກ່ຽວກັບບົດບາດທີ່ແຕກຕ່າງກັນຂອງບັນດາອົງການເຄື່ອຂ່າຍ ສປຊ ເພື່ອການສະໜັບສະໜູນການຕອບໂຕ້ໄພພິບັດແລະ ປຶກສາຫາລື ກຽວກັບ ບຸລິມະສິດ ແລະ ການພິຈາລະນາທີ່ຈະມາເຖິງໃນປີ 2024 ທີ່ສາມາດເປັນປັດໄຈໃນການວາງແຜນວຽກຮ່ວມ ກັນໄດ້.
ທ່ານ ດາວວີ ວົງໄຊໄດ້ເນັ້ນເຖິງຄວາມໝາຍຄວາມສຳຄັນຂອງກົນໄກຂອບການຮ່ວມມືດັ່ງກ່າວຊຶ່ງນອກຈາກເປັນເວທີການປຶກສາຫາລືໃຫ້ແກ່ບັນດາຈຸດປະສານງານຄະນະກຳມະທິການ (Joint Steering Committee/JSC) ກ່ຽວກັບ ແຜນງານກິດຈະກຳບຸລິມະສິດ ແລະ ບັນດາສິ່ງທ້າທາຍຕ່າງໆພາຍໃຕ້ ຄາດໝາຍຫຼັກຂອງຂອບການຮ່ວມມື 4UNSDCF 2022-2026ຄື: 1.ຊີວິດການເປັນຢູ່ທີ່ດີ, 2. ຄວາມຈະເລີນຮຸ່ງເຮືອງທີ່ກວມລວມ, 3. ການຄຸ້ມຄອງບໍລິຫານລັດ ແລະ ການປົກຄອງດ້ວຍກົດໝາຍ, 4.ສິ່ງແວດລ້ອມ, ການປ່ຽນແປງດິນຟ້າອາກາດ ແລະ ການສ້າງຄວາມທົນທານ.
ນອກຈາກນີ້, ກອງປະຊຸມ ຍັງເປັນກົນໄກທີ່ສຳຄັນໃນການຕິດຕາມກວດກາ ການຈັດຕັ້ງປະຕິບັດແຜນງານ ການຮ່ວມມືຍ່ອຍຕ່າງໆ ລະຫວ່າງພາກລັດ ແລະ ອົງການເຄືອຂ່າຍ ສປຊຊຶ່ງສະໜັບສະໜູນໂດຍກົງຕໍ່ການຈັດຕັ້ງ ປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ລວມທັງເປັນການກຳນົດທິດທາງການເຄື່ອນໄຫວໃນຕໍ່ໜ້າໃຫ້ຖືກຕ້ອງສອດຄ່ອງກັບສະພາບການພັດທະນາຕົວຈິງຂອງ ສປປ ລາວ ໃນປັດຈຸບັນ.
ຄະນະກຳມະການຊີ້ນໍາຮ່ວມລະຫວ່າງລັດຖະບານ ແຫ່ງ ສປປ ລາວ ແລະ ອົງການສະຫະປະຊາຊາດ 2022- 2026 ເປັນກົນໄກສຳຄັນ ເພື່ອທົບທວນການຈັດຕັ້ງປະຕິບັດຂອບການຮ່ວມມື UNSDCF 2022-2026 ໃນການສະໜອງການຊ່ວຍເຫຼືອ ໃຫ້ແກ່ ສປປ ລາວ ດ້ານເຕັກນິກວິຊາການ, ການຂົນຂວາຍທຶນຮອນເຂົ້າໃນວຽກງານການຍົກລະດັບຊີວິດທີ່ດີຂອງປະຊາຊົນ, ເສີມສ້າງຄວາມຮຸ່ງເຮືອງສີວິໄລ, ການປົກຄອງທີ່ດີ ແລະ ລັດແຫ່ງກົດໝາຍ, ການປົກປັກຮັກສາສິ່ງແວດລ້ອມ, ການຮັບມືກັບການປ່ຽນແປງດິນຟ້າອາກາດ ແລະ ໄພທຳມະຊາດ ແລະ ອື່ນໆຊຶ່ງມີຄວາມສອດຄ່ອງກັບບຸລິມະສິດ ແລະ ຍຸດທະສາດການສ້າງສາ ແລະ ພັດທະນາປະເທດຊາດຂອງ ສປປ ລາວ,ກໍຄືແຜນພັດທະນາເສດຖະກິດ-ສັງຄົມແຫ່ງຊາດ 2021-2025, ວາລະ 2030 ເພື່ອການພັດທະນາແບບຍືນຍົງ ແລະ ເປົ້າໝາຍການພັດທະນາແບບຍືນຍົງ ຂອງອົງການ ສປຊ ແລະ ການກ້າວອອກຈາກສະຖານະພາບປະເທດດ້ອຍພັດທະນາຂອງ ສປປ ລາວ ໃນປີ 2026.
(ຂ່າວ-ພາບ: ແສງຈັນ)
ຈຸດປະສົງກອງປະຊຸມ ເພື່ອປຶກສາຫາລື ກ່ຽວກັບການປ່ຽນແປງສະພາບການພັດທະນາຂອງ ສປປ ລາວ ໃນປີ 2023 ພ້ອມທັງແຈ້ງແຜນການ ແລະ ບຸລິມະສິດປີ 2024, ການຕອບສະໜອງຕາມຄວາມຮຽກຮ້ອງທີ່ຖືກຍົກຂຶ້ນມາໃນເດືອນກໍລະກົດ 2023 ຂອງກອງປະຊຸມ JSC ສໍາລັບການນໍາສະເໜີລວມ ກ່ຽວກັບບົດບາດທີ່ແຕກຕ່າງກັນຂອງບັນດາອົງການເຄື່ອຂ່າຍ ສປຊ ເພື່ອການສະໜັບສະໜູນການຕອບໂຕ້ໄພພິບັດແລະ ປຶກສາຫາລື ກຽວກັບ ບຸລິມະສິດ ແລະ ການພິຈາລະນາທີ່ຈະມາເຖິງໃນປີ 2024 ທີ່ສາມາດເປັນປັດໄຈໃນການວາງແຜນວຽກຮ່ວມ ກັນໄດ້.
ທ່ານ ດາວວີ ວົງໄຊໄດ້ເນັ້ນເຖິງຄວາມໝາຍຄວາມສຳຄັນຂອງກົນໄກຂອບການຮ່ວມມືດັ່ງກ່າວຊຶ່ງນອກຈາກເປັນເວທີການປຶກສາຫາລືໃຫ້ແກ່ບັນດາຈຸດປະສານງານຄະນະກຳມະທິການ (Joint Steering Committee/JSC) ກ່ຽວກັບ ແຜນງານກິດຈະກຳບຸລິມະສິດ ແລະ ບັນດາສິ່ງທ້າທາຍຕ່າງໆພາຍໃຕ້ ຄາດໝາຍຫຼັກຂອງຂອບການຮ່ວມມື 4UNSDCF 2022-2026ຄື: 1.ຊີວິດການເປັນຢູ່ທີ່ດີ, 2. ຄວາມຈະເລີນຮຸ່ງເຮືອງທີ່ກວມລວມ, 3. ການຄຸ້ມຄອງບໍລິຫານລັດ ແລະ ການປົກຄອງດ້ວຍກົດໝາຍ, 4.ສິ່ງແວດລ້ອມ, ການປ່ຽນແປງດິນຟ້າອາກາດ ແລະ ການສ້າງຄວາມທົນທານ.
ນອກຈາກນີ້, ກອງປະຊຸມ ຍັງເປັນກົນໄກທີ່ສຳຄັນໃນການຕິດຕາມກວດກາ ການຈັດຕັ້ງປະຕິບັດແຜນງານ ການຮ່ວມມືຍ່ອຍຕ່າງໆ ລະຫວ່າງພາກລັດ ແລະ ອົງການເຄືອຂ່າຍ ສປຊຊຶ່ງສະໜັບສະໜູນໂດຍກົງຕໍ່ການຈັດຕັ້ງ ປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ລວມທັງເປັນການກຳນົດທິດທາງການເຄື່ອນໄຫວໃນຕໍ່ໜ້າໃຫ້ຖືກຕ້ອງສອດຄ່ອງກັບສະພາບການພັດທະນາຕົວຈິງຂອງ ສປປ ລາວ ໃນປັດຈຸບັນ.
ຄະນະກຳມະການຊີ້ນໍາຮ່ວມລະຫວ່າງລັດຖະບານ ແຫ່ງ ສປປ ລາວ ແລະ ອົງການສະຫະປະຊາຊາດ 2022- 2026 ເປັນກົນໄກສຳຄັນ ເພື່ອທົບທວນການຈັດຕັ້ງປະຕິບັດຂອບການຮ່ວມມື UNSDCF 2022-2026 ໃນການສະໜອງການຊ່ວຍເຫຼືອ ໃຫ້ແກ່ ສປປ ລາວ ດ້ານເຕັກນິກວິຊາການ, ການຂົນຂວາຍທຶນຮອນເຂົ້າໃນວຽກງານການຍົກລະດັບຊີວິດທີ່ດີຂອງປະຊາຊົນ, ເສີມສ້າງຄວາມຮຸ່ງເຮືອງສີວິໄລ, ການປົກຄອງທີ່ດີ ແລະ ລັດແຫ່ງກົດໝາຍ, ການປົກປັກຮັກສາສິ່ງແວດລ້ອມ, ການຮັບມືກັບການປ່ຽນແປງດິນຟ້າອາກາດ ແລະ ໄພທຳມະຊາດ ແລະ ອື່ນໆຊຶ່ງມີຄວາມສອດຄ່ອງກັບບຸລິມະສິດ ແລະ ຍຸດທະສາດການສ້າງສາ ແລະ ພັດທະນາປະເທດຊາດຂອງ ສປປ ລາວ,ກໍຄືແຜນພັດທະນາເສດຖະກິດ-ສັງຄົມແຫ່ງຊາດ 2021-2025, ວາລະ 2030 ເພື່ອການພັດທະນາແບບຍືນຍົງ ແລະ ເປົ້າໝາຍການພັດທະນາແບບຍືນຍົງ ຂອງອົງການ ສປຊ ແລະ ການກ້າວອອກຈາກສະຖານະພາບປະເທດດ້ອຍພັດທະນາຂອງ ສປປ ລາວ ໃນປີ 2026.
(ຂ່າວ-ພາບ: ແສງຈັນ)
